ജില്ലാ പഞ്ചായത്തിന്റെ  വാര്‍ഷിക പദ്ധതി രൂപീകരണവുമായി ബന്ധപ്പെട്ട വികസന സെമിനാറില്‍ വരള്‍ച്ച നേരിടുന്നതിനും ജലസ്രോതസ്സുകള്‍ സംരക്ഷിക്കുന്നതിനുമുള്ള പദ്ധതികള്‍ക്ക് പ്രഥമ പരിഗണന.  54.84 കോടി രൂപയുടെ അടങ്കല്‍ തുകക്കുളള വാര്‍ഷികപദ്ധതികളാണ് തയ്യാറാക്കിയിട്ടുളളത്. ജില്ല നേരിടുന്ന അതിരൂക്ഷമായ വരള്‍ച്ചയ്ക്കും  കുടിവെളള പ്രശ്‌നത്തിനും  പരിഹാരം കാണുക എന്നതാണ് പ്രധാന ലക്ഷ്യം.  പൊതുവിഭാഗത്തില്‍ 24.83 കോടി രൂപയും പ്രത്യേക ഘടക പദ്ധതിയില്‍ 2.28 കോടി രൂപയും പട്ടിക വര്‍ഗ്ഗ ഉപപദ്ധതിയില്‍ 10.81 കോടി രൂപയും ഉള്‍പ്പെടെ വികസന ഫണ്ടില്‍ 37.53 കോടി രൂപയാണ് പദ്ധതികള്‍ക്കായി മാറ്റിവെച്ചത്. 

ടെക്‌നോപാര്‍ക്കില്‍ എംബസി ടോറസ് വേള്‍ഡ് ടെക്‌നോളജി സെന്റര്‍ ആരംഭിക്കുന്നതിന്റെ ധാരണാപത്രം മുഖ്യമന്ത്രി പിണറായി വിജയന്റെ സാന്നിധ്യത്തില്‍ ഒപ്പിട്ടു. 12.12 ഏക്കര്‍ സ്ഥലം 90 വര്‍ഷത്തേക്കാണ് പാട്ടത്തിന് നല്‍കുന്നതിന്റെ ധാരണാപത്രമാണ് കൈമാറിയത്. ചടങ്ങില്‍ എംബസി ഗ്രൂപ്പ് മാനേജിംഗ് ഡയറക്ടറും ചെയര്‍മാനുമായ ജീതു വിര്‍വാനി, തോറസ് ഇന്‍വെസ്റ്റ്‌മെന്റ് ഹോള്‍ഡിംഗ് ഗ്‌ളോബല്‍ പ്രസിഡന്റ് എറിക് റിജിന്‍ബോട്ട്, സംസ്ഥാന ഐ.ടി സെക്രട്ടറി എം. ശിവശങ്കര്‍, ടെക്‌നോപാര്‍ക്ക് സി.ഇ.ഒ ഹൃഷികേശ് നായര്‍ എന്നിവര്‍ ചടങ്ങില്‍ സംബന്ധിച്ചു.

പി.എന്‍.എക്‌സ്.959/18

സമൂഹത്തില്‍ ലിംഗസമത്വം കൊണ്ടുവരാനുള്ള ശ്രമങ്ങള്‍ കുടുംബങ്ങളില്‍നിന്ന് ആരംഭിക്കണമെന്ന് ഗവര്‍ണര്‍ പി. സദാശിവം അഭിപ്രായപ്പെട്ടു. വനിതാശിശു വികസന വകുപ്പിന്റെ ആഭിമുഖ്യത്തില്‍ 'സധൈര്യം മുന്നോട്ട്' മുദ്രാവാക്യവുമായി നടന്നുവന്ന വനിതാവാരാചരണത്തിന്റെ സമാപനസമ്മേളനം ഗാന്ധിപാര്‍ക്കില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ലിംഗസമത്വത്തില്‍ നാം ഏറെ മുന്നോട്ടുപോകേണ്ടതുണ്ട്. സ്ത്രീകളോട് ശക്തരായി സധൈര്യം മുന്നോട്ടുപോകാന്‍ പ്രോത്‌സാഹനം നല്‍കുകയാണ് ഇതിനായി ചെയ്യേണ്ടത്. 

ഓഖി ദുരന്തബാധിതരുടെ പുനരധിവാസത്തിനും നാശനഷ്ടങ്ങള്‍ സംഭവിച്ച തീരദേശത്തിന്റെ പുനര്‍സൃഷ്ടിക്കുമായി സംസ്ഥാന സര്‍ക്കാര്‍ കേന്ദ്രത്തിന് സമര്‍പ്പിച്ച 7340 കോടി രൂപയുടെ പ്രത്യേക പാക്കേജ് ഫണ്ട് ലഭിക്കാന്‍ കേന്ദ്രത്തില്‍ സമ്മര്‍ദ്ദം ചെലുത്തുമെന്ന് മത്സ്യബന്ധന ഹാര്‍ബര്‍ എന്‍ജിനീയറിംഗ് കശുവണ്ടി വ്യവസായ വകുപ്പ് മന്ത്രി ജെ. മെഴ്‌സിക്കുട്ടി അമ്മ വ്യക്തമാക്കി. നിയമസഭയില്‍ ഇത് സംബന്ധിച്ച ശ്രദ്ധ ക്ഷണിക്കല്‍ നോട്ടീസിനുളള മറുപടി നല്‍കുകയായിരുന്നു മന്ത്രി.

ഡിസൈന്‍ രംഗത്ത് നൂതനാശയങ്ങള്‍ അവതരിപ്പിക്കുന്നവര്‍ക്കായി ആരംഭിച്ചിട്ടുള്ള  സംസ്ഥാന ഇന്‍സ്റ്റീറ്റിയൂട്ട് ഓഫ് ഡിസൈനിലേക്ക് വിവിധ കോഴ്‌സുകള്‍ക്ക് അപേക്ഷകള്‍ ക്ഷണിച്ചു.  

2018 ജനുവരിയില്‍ നടത്തിയ പത്താംതരം തുല്യതാ (സേ) പരീക്ഷാ ഫലം www.keralapareekshabhavan.in  ല്‍ ലഭ്യമാണ്.  ഒക്‌ടോബറില്‍ നടന്ന പത്താം തരം തുല്യതാ പരീക്ഷയുടെ പുനര്‍മൂല്യനിര്‍ണയ ഫലവും ഇതോടൊപ്പം പ്രസിദ്ധീകരിച്ചു.

പി.എന്‍.എക്‌സ്.954/18

അന്താരാഷ്ട്ര ജൈവവൈവിധ്യ ദിനാഘോഷങ്ങളുടെ ഭാഗമായി സംസ്ഥാന ജൈവവൈവിധ്യ ബോര്‍ഡ് ജൈവവൈവിധ്യ സംബന്ധമായ വിഷയങ്ങളില്‍ ഡിജിറ്റല്‍ ഫോട്ടോഗ്രാഫി മത്സരം സംഘഷിപ്പിക്കും.

ഗ്രീന്‍ ഇമേജസ് 2018 എന്ന പേരില്‍ അമച്വര്‍, പ്രൊഫഷണല്‍ എന്നീ വിഭാഗങ്ങളില്‍ നടത്തുന്ന മത്സരങ്ങള്‍ക്ക് മാര്‍ച്ച്  20 മുതല്‍ ഏപ്രില്‍ 30 വരെ ഓണ്‍ലൈനായി അപേക്ഷകള്‍ സമര്‍പ്പിക്കണം.