ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പ്രിസം പദ്ധതിയിലേക്കുള്ള ഇന്‍ഫര്‍മേഷന്‍ അസിസ്റ്റന്റ്, സബ്-എഡിറ്റര്‍ പാനല്‍ രൂപീകരണത്തിനുള്ള സംസ്ഥാനതല റാങ്ക് ലിസ്റ്റ് പ്രസിദ്ധപ്പെടുത്തി.  www.prd.kerala.gov.in എന്ന വകുപ്പിന്റെ ഔദ്യോഗിക വെബ് സൈറ്റില്‍ 'Results' പേജില്‍ റാങ്ക് ലിസ്റ്റ് ലഭ്യമാണ്.
പി.എന്‍.എക്‌സ്.1001/18

    കേരള ഖാദി തൊഴിലാളി ക്ഷേമനിധി ബോര്‍ഡിലേക്ക് സര്‍ക്കാര്‍ വിഹിതം കുടിശിക അനുവദിച്ചു.  മുന്‍ വര്‍ഷത്തെ കുടിശികയായ 4,18,15,655 രൂപ ഉള്‍പ്പെടെ 4, 91,14,240 രൂപയാണ് സര്‍ക്കാര്‍ അനുവദിച്ചത്.  തൊഴിലാളി ക്ഷേമനിധി ബോര്‍ഡ് നിലവില്‍ വന്ന ശേഷം ആദ്യമായാണ് സര്‍ക്കാര്‍ വിഹിതമായി ഇത്രയും തുക അനുവദിച്ചത്.

* പദ്മനാഭപുരം കൊട്ടാരം നവീകരണ പ്രവര്‍ത്തനങ്ങള്‍ പൂര്‍ത്തിയാക്കി

    കൊല്ലം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (സോഷ്യല്‍ സ്റ്റഡീസ്) മലയാളം മീഡിയം (കാറ്റഗറി നമ്പര്‍ : 660/2012) തസ്തികയിലേയ്ക്കുള്ള ഇന്റര്‍വ്യൂ മാര്‍ച്ച് 23 ഏപ്രില്‍ നാല്, അഞ്ച്, ആറ്, 11, 12, 13, 25, 26 തിയതികളില്‍ കൊല്ലം ജില്ലാ പി.എസ്.സി. ഓഫീസില്‍ നടത്തും.  അറിയിപ്പ് ലഭിച്ചിട്ടില്ലാത്ത ഷോര്‍ട്ട് ലിസ്റ്റില്‍ ഉള്‍പ്പട്ടിട്ടുള്ള ഉദ്യോഗാര്‍ത്ഥികള്‍ കൊല്ലം ജില്ലാ പി.എസ്.സി. ഓഫീസുമായി ബന്ധപ്പെടണം. 
പി.എന്‍.എക്‌സ്.998/18

    ജലസേചന വകുപ്പിലെ മൂന്നാം തരം ഓവര്‍സിയര്‍മാരുടെ (സിവില്‍ 1/19/2009 മുതല്‍ 31/12/2016 വരെയുള്ള മുന്‍ഗണനാ പട്ടിക അന്തിമമായി പ്രസിദ്ധികരിച്ചു.  മുന്‍ഗണനാ പട്ടിക വകുപ്പിന്റെ വെബ്‌സൈറ്റിലും (www.irrigation.kerala.gov.in), കേരള ഗസറ്റിലും ലഭ്യമാണ്.
പി.എന്‍.എക്‌സ്.996/18
 

    തമിഴ്നാട് ജയലളിത മെഡിക്കല്‍ കോളേജില്‍ നിന്നും തിരുവനന്തപുരം വള്ളക്കടവ് സ്വദേശികള്‍ വിലയ്ക്ക് വാങ്ങുകയും പരാതിയെ തുടര്‍ന്ന് ശിശുക്ഷേമ സമിതി ഏറ്റെടുക്കുകയും ചെയ്ത മൂന്ന് മാസം പ്രായമുള്ള പെണ്‍കുഞ്ഞിനെ കാണാന്‍ ആരോഗ്യ സമൂഹ്യനീതി വകുപ്പ് മന്ത്രി കെ.കെ.ശൈലജ ടീച്ചര്‍ തിരുവനന്തപുരം ശിശുക്ഷേമ സമിതി ദത്തെടുക്കല്‍ കേന്ദ്രത്തിലെത്തി.

    കാലാവധി കഴിഞ്ഞ മരുന്നുകള്‍ വില്‍പന നടത്തിയതിന് രാമനാട്ടുകര കെയര്‍വെല്‍ മെഡിക്കല്‍സിനെതിരെ  കോഴിക്കോട് അസിസ്റ്റന്റ് ഡ്രഗ്‌സ് കണ്‍ട്രോളര്‍ ഓഫീസിലെ ഡ്രഗ്‌സ് ഇന്‍സ്‌പെക്ടര്‍ (മേഖല -3) എടുത്ത കേസ് നടപടികളില്‍ കോഴിക്കോട് ജെ.എഫ്‌സി.എം-V, യില്‍  ഫയല്‍ ചെയ്ത കേസില്‍ കുറ്റാരോപിതനെ 30,000 രൂപ പിഴ ഒടുക്കുന്നതിനായി ശിക്ഷിച്ചതായി ഡ്രഗ്‌സ് കണ്‍ട്രോളര്‍ അറിയിച്ചു.
പി.എന്‍.എക്‌സ്.993/18

    കിടപ്പുരോഗികള്‍ ഉള്‍പ്പെടെയുളളവര്‍ക്ക് ആധാര്‍ കാര്‍ഡ് ലഭ്യമാക്കുന്നതിനുളള നടപടി ജില്ലാ സാമൂഹ്യ നീതി ഓഫീസര്‍മാര്‍ സ്വീകരിച്ചുവരികയാണെന്നും ഇനിയും ആധാര്‍ കാര്‍ഡ് ലഭിച്ചിട്ടില്ലാത്തവര്‍ തൊട്ടടുത്തുളള അങ്കണവാടികളുമായി ബന്ധപ്പെട്ട് ആധാര്‍ എന്‍ റോള്‍ ചെയ്യണമെന്നും സാമൂഹ്യനീതി വകുപ്പ് സ്‌പെഷ്യല്‍ സെക്രട്ടറി ബിജുപ്രഭാകര്‍ അറിയിച്ചു.
പി.എന്‍.എക്‌സ്.992/18