ഇത്തവണ ജില്ലയില്‍ ജലക്ഷാമം രൂക്ഷമാവാനുള്ള സാധ്യത മുന്നില്‍ക്കണ്ട് മുന്‍കരുതലുകള്‍ നേരത്തേ കൈക്കൊള്ളണമെന്ന് ജില്ലാ ആസൂത്രണ സമിതി യോഗത്തില്‍ ചെയര്‍മാന്‍ കൂടിയായ ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍ദ്ദേശം നല്‍കി. 
    വാട്ടര്‍ കിയോസ്‌ക്കുകള്‍, ടാങ്കര്‍ ലോറിയില്‍ ജലവിതരണം തുടങ്ങി കുടിവെള്ളക്ഷാമം പരിഹരിക്കുന്നതിനാവശ്യമായ കാര്യങ്ങളെ കുറിച്ച് റവന്യൂ അധികൃതര്‍ക്ക് നേരത്തേ തന്നെ വിവരം നല്‍കുകയും അതിനനുസരിച്ചുള്ള സംവിധാനങ്ങള്‍ ഉണ്ടെന്ന് ഉറപ്പുവരുത്തുകയും ചെയ്യണമെന്നും തദ്ദേശ സ്ഥാപന അധ്യക്ഷന്‍മാരെ അദ്ദേഹം അറിയിച്ചു.

 ഈ വര്‍ഷം ജില്ലയിലെ പൊതുവിദ്യാലയങ്ങളില്‍ നടന്ന മികവാര്‍ന്ന അക്കാദമിക പ്രവര്‍ത്തനങ്ങളെ അംഗീകരിക്കുകയും പ്രോത്സാഹിപ്പിക്കുകയും പൊതുസമൂഹവുമായി പങ്കുവയ്ക്കുകയും ചെയ്യുകയെന്ന ഉദ്ദേശ്യത്തോടെ ഡയറ്റ് കണ്ണൂര്‍ 'എക്‌സലന്‍ഷ്യ -2018' എന്ന പേരില്‍ സെമിനാര്‍ നടത്തുന്നു. നാളെ (മാര്‍ച്ച് 17) രാവിലെ 10ന് പാലയാട് ഡയറ്റില്‍ നടക്കുന്ന സെമിനാര്‍ എസ്.സി.ഇ.ആര്‍.ടി. ഡയറക്ടര്‍ ഡോ.ജെ.പ്രസാദ് ഉദ്ഘാടനം ചെയ്യും. ഉദ്ഘാടനത്തോടനുബന്ധിച്ച് 'എക്‌സലന്‍ഷ്യ' പൊതുവിദ്യാലയങ്ങളിലെ മികവു സാക്ഷ്യങ്ങള്‍' എന്ന പുസ്തകം പ്രകാശനം ചെയ്യും.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പ്രിസം പദ്ധതിയിലേക്കുള്ള ഇന്‍ഫര്‍മേഷന്‍ അസിസ്റ്റന്റ്, സബ്-എഡിറ്റര്‍ പാനല്‍ രൂപീകരണത്തിനുള്ള സംസ്ഥാനതല റാങ്ക് ലിസ്റ്റ് പ്രസിദ്ധപ്പെടുത്തി.  www.prd.kerala.gov.in എന്ന വകുപ്പിന്റെ ഔദ്യോഗിക വെബ് സൈറ്റില്‍ 'ഞലൗെഹെേ' പേജില്‍ റാങ്ക് ലിസ്റ്റ് ലഭ്യമാണ്.
പി എന്‍ സി/500/2018 

വ്യവസായ വകുപ്പ് നടപ്പിലാക്കുന്ന ഊര്‍ജിത വ്യവസായവത്കരണത്തിന്റെ ഭാഗമായി ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ സൂക്ഷ്മ ചെറുകിട വ്യവസായ സംരംഭകര്‍ക്കായി നടത്തുന്ന രണ്ടു ദിവസത്തെ ജില്ലാതല നിക്ഷേപക സംഗമത്തിന് കണ്ണൂരില്‍ തുടക്കമായി. ജില്ലാ വ്യവസായ കേന്ദ്രം ജനറല്‍ മാനേജര്‍ കെ.ടി. അബ്ദുല്‍ മജീദ്, മാനേജര്‍ കെ.എന്‍. പീതാംബരന്‍, അസി. ജില്ലാ വ്യവസായ ഓഫീസര്‍ ഇ.ആര്‍. നിധിന്‍ എന്നിവര്‍ സംസാരിച്ചു. 

കോഴിക്കോട് നോര്‍ക്ക റൂട്ട്‌സ് സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍  നടത്തിക്കൊണ്ടിരിക്കുന്ന എച്ച്. ആര്‍. ഡി അറ്റസ്‌റ്റേഷന്‍ പൊതുജന സൗകര്യാര്‍ത്ഥം കണ്ണൂര്‍ ജില്ലാ പഞ്ചായത്ത് മിനി കോണ്‍ഫറന്‍സ്  ഹാളില്‍  ഏപ്രില്‍ അഞ്ചിന്  രാവിലെ ഒമ്പത് മുതല്‍ 12.30 മണി വരെ നടത്തും. അറ്റസ്‌റ്റേഷന് വരുന്നവര്‍ ഓണ്‍ലൈനില്‍ റജിസ്റ്റര്‍ ചെയ്ത് അതില്‍ നിന്നും എടുത്ത പ്രിന്റഡ് അപേക്ഷയുമായി വരണം. അപേക്ഷയില്‍ ഓഫീസ് കണ്ണൂര്‍ എന്നും  തീയതി 05/04/18 എന്നും ആയിരിക്കണം. (സൈറ്റ് അഡ്രസ് :-(202.88.244.2/ിീൃസമ/ അല്ലെങ്കില്‍ ിീൃസമൃീീെേ.ില േ–ല്‍ ഇലൃശേളശരമലേ അേേലേെമശേീി) 

എ.എന്‍. ഷംസീര്‍ എം.എല്‍.എയുടെ പ്രത്യേക വികസന നിധിയില്‍നിന്ന് 4,83,210 രൂപ വിനിയോഗിച്ച് കതിരൂര്‍ ഗ്രാമപഞ്ചായത്തിലെ ഏഴ് സ്‌കൂളുകളില്‍ സ്മാര്‍ട്ട് ക്ലാസ്‌റൂമുകള്‍ സ്ഥാപിക്കുന്നതിനും ആറ് ലക്ഷം രൂപ വിനിയോഗിച്ച് കോടിയേരി നോര്‍ത്ത് തെരുവില്‍ എല്‍.ഇ.ഡി വിളക്കുകള്‍ സ്ഥാപിക്കുന്നതിനും ജില്ലാ കലക്ടര്‍ ഭരണാനുമതി നല്‍കി. സ്മാര്‍ട്ട് ക്ലാസ്‌റൂമിന് പുല്ല്യോട്ട് വെസ്റ്റ് എല്‍.പി സ്‌കൂള്‍, കതിരൂര്‍ ഈസ്റ്റ് എല്‍.പി സ്‌കൂള്‍, പുല്ല്യോട്ട് ഗവ.

 ജില്ലാതല ബാങ്കിംഗ് അവലോകന യോഗം മാര്‍ച്ച് 19ന് രാവിലെ 10.30ന് സിന്‍ഡിക്കേറ്റ് ബാങ്ക് കോണ്‍ഫറന്‍സ് ഹാളില്‍ നടക്കും. 
പി എന്‍ സി/500/2018 
 

ജില്ലാ പഞ്ചായത്ത് 2018-19 വാര്‍ഷിക ബജറ്റ് അവതരണയോഗം നാളെ (മാര്‍ച്ച് 17) രാവിലെ 10.30 ന് ജില്ലാ പഞ്ചായത്ത് ഹാളില്‍ നടക്കും.
പി എന്‍ സി/500/2018 
 

ജില്ലയിലെ അഞ്ച് തദ്ദേശ സ്ഥാപനങ്ങള്‍ സമര്‍പ്പിച്ച 2018-19 വാര്‍ഷിക പദ്ധതികള്‍  ജില്ലാ ആസൂത്രണ സമിതി ചര്‍ച്ച ചെയ്തു. കരിവെള്ളൂര്‍-പെരളം, ചിറ്റാരിപ്പറമ്പ്, മാലൂര്‍, കുറുമാത്തൂര്‍ ഗ്രാമ പഞ്ചായത്തുകളും തലശ്ശേരി ബ്ലോക്ക് പഞ്ചായത്തുമാണ് വാര്‍ഷിക പദ്ധതികള്‍ സമര്‍പ്പിച്ചത്. പദ്ധതികള്‍ വിശദമായി പരിശോധിച്ച ആസൂത്രണ സമിതി, നിര്‍ബന്ധമായും ഏറ്റെടുക്കേണ്ട സംയുക്ത പദ്ധതികള്‍ കൂടി ഉള്‍പ്പെടുത്താന്‍ ് നിര്‍ദ്ദേശം നല്‍കി. കുറുമാത്തൂര്‍ ഗ്രാമ പഞ്ചായത്ത് സംയുക്ത പദ്ധതികള്‍ക്ക് ആവശ്യമായ പ്രാതിനിധ്യം നല്‍കിയിട്ടുള്ളതായി യോഗം വിലയിരുത്തി.

    റവന്യൂ-ഭവന നിര്‍മ്മാണ വകുപ്പു മന്ത്രി ഇ.ചന്ദ്രശേഖരന്‍ ഇന്നും  നാളെയും (17, 18) ജില്ലയില്‍ വിവിധ പരിപാടികളില്‍ പങ്കെടുക്കും. ഇന്ന് (17) രാവിലെ 10 മണിക്ക് കാസര്‍കോട് എല്‍ബിഎസ് എഞ്ചിനീയറിംഗ് കോളേജില്‍ രജതജൂബിലി ആഘോഷം.  11 ന് ചെമ്മനാട് വെസ്റ്റ് ജിയുപിഎസില്‍ പൊതുപരിപാടി.  ഉച്ചയ്ക്ക് രണ്ടിന് പടന്നക്കാട് നെഹ്‌റു ആര്‍ട്‌സ് ആന്റ് സയന്‍സ് കോളേജ് സുവര്‍ണ്ണജൂബിലി ആഘോഷം.  മൂന്നിന് മടിക്കൈ ഐഎച്ച്ആര്‍ഡി മോഡല്‍ കോളേജ് സ്‌നേഹവീട് താക്കോല്‍ദാനം. നാളെ (18) രാവിലെ  10 മണിക്ക്  കാഞ്ഞങ്ങാട് പൊതുപരിപാടി എന്നീ പരിപാടികളില്‍ മന്ത്രി  പങ്കെടുക്കും.