തദ്ദേശ സ്വയംഭരണ വകുപ്പ് കൂടുതല്‍ ജനസൗഹാര്‍ദ്ദമാക്കാന്‍ നടപടികള്‍ സ്വീകരിച്ചുവരികയാണെന്ന് മന്ത്രി. കെ.ടി. ജലീല്‍ പറഞ്ഞു.  നവീകരിച്ച പഞ്ചായത്ത് ഡയറക്ടറേറ്റ് ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനങ്ങള്‍ക്ക് മികച്ച സേവനം കൊടുക്കാന്‍ നല്ല സൗകര്യങ്ങളോടുകൂടിയ ഓഫീസുകള്‍ കാലത്തിന്റെ അനിവാര്യതയാണെന്ന് അദ്ദേഹം പറഞ്ഞു. 

കൊച്ചി: സീപോര്‍ട്ട് - എയര്‍പോര്‍ട്ട് റോഡില്‍ വാഹനാപകടങ്ങള്‍ കുറയ്ക്കുന്നതിനുള്ള നിര്‍ദേശങ്ങളുമായി മോട്ടോര്‍ വാഹന വകുപ്പ്. കഴിഞ്ഞ ദിവസം അപകടത്തില്‍ സിഐഎസ്എഫ് ഉദ്യോഗസ്ഥ മരിച്ചതിനെ തുടര്‍ന്ന് പോലീസുമായി ചേര്‍ന്ന് നടത്തിയ പരിശോധനയ്ക്ക് ശേഷമാണ് മോട്ടോര്‍ വാഹന വകുപ്പ് റിപ്പോര്‍ട്ട് തയാറാക്കിയത്. റിപ്പോര്‍ട്ട് അടുത്ത ദിവസം കളക്ടര്‍ക്ക് സമര്‍പ്പിക്കും.

ഗവ.എഞ്ചിനീയറിങ്ങ് കോളേജിലെ സിവില്‍ എഞ്ചിനീയറിങ്ങ് വിഭാഗത്തില്‍ പ്ലംബിങ്ങ്, മേസണ്‍റി എന്നിവയുടെ വര്‍ക്ക്‌ഷോപ്പ് നിര്‍മിക്കാനാവശ്യമായ സാധനങ്ങള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  28 ന് ഉച്ചക്ക് 1 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.
 

കോടതി കുടിശ്ശിക ഈടാക്കുന്നതിനായി ജപ്തി ചെയ്ത ഇരിട്ടി താലൂക്ക് വയത്തൂര്‍ അംശം ദേശത്ത് റി.സ.281 എ2 ല്‍ പെട്ട 0.0243 ഹെക്ടര്‍ സ്ഥലവും അതിലുള്‍പ്പെട്ട സകലതും മാര്‍ച്ച് 21 ന് രാവിലെ 11.30 ന് ലേലം ചെയ്യും.  കൂടുതല്‍ വിവരങ്ങള്‍ ഇരിട്ടി താലൂക്ക് ഓഫീസിലും വയത്തൂര്‍ വില്ലേജ് ഓഫീസിലും ലഭിക്കും.
പി എന്‍ സി/500/2018
 

കൊച്ചി:  ഗാന്ധിജി മഹാരാജാസിലെത്തിയതിന്റെ 90-#ാ#ം വാര്‍ഷികത്തില്‍ ചമ്പാരന്‍ സത്യാഗ്രഹ ശതാബ്ദിയോടനുബന്ധിച്ച് മഹാരാജാസില്‍ നിന്ന് മഹാത്മാവിലേക്ക് എന്ന പേരില്‍ ചമ്പാരന്‍ യാത്ര നടത്തി തിരിച്ചെത്തിയ മഹാരാജാസിലെ ചരിത്രവിഭാഗം വിദ്യാര്‍ത്ഥികള്‍ക്ക് കോളേജില്‍ സ്വീകരണം നല്കി. 

യാത്രയുമായി ബന്ധപ്പെട്ട#ു തയ്യാറാക്കുന്ന ഡോക്യുമെന്ററിയുടെ സ്വിച്ച് ഓണ്‍ കര്‍മം പ്രൊഫ എം കെ സാനു നിര്‍വഹിച്ചു. ഗവേണിങ് കൗണ്‍സില്‍ ചെയര്‍മാന്‍ പ്രൊഫ പി കെ രവീന്ദ്രന്‍ ചടങ്ങില്‍ അദ്ധ്യക്ഷനായിരുന്നു. 

ഭൂട്ടാനില്‍ 2018 ജൂലൈ 1 മുതല്‍ ആരംഭിക്കുന്ന 12-ാം പഞ്ചവത്സര പദ്ധതി കേരള മാതൃകയില്‍ ജനകീയാസൂത്രണ പദ്ധതിയായി നടപ്പിലാക്കാന്‍ ഭൂട്ടാന്‍ ഗവണ്‍മെന്റ് തീരുമാനിച്ചു.  ഇതിനുവേണ്ടി കില മുന്‍ ഡയറക്ടറും ഇപ്പോള്‍ ഭൂട്ടാന്‍ ഗവണ്‍മെന്റിന്റെ ഉപദേഷ്ടാവുമായ ഡോ.പി പി ബാലന്‍ നല്‍കിയ റിപ്പോര്‍ട്ട് ഉപാധികളോടെ അംഗീകരിച്ചു.  ഇതു പ്രകാരം കേന്ദ്രവിഹിതമായി 50 ശതമാനം തുക എല്ലാ തദ്ദേശ ഭരണസ്ഥാപനങ്ങള്‍ക്കും നല്‍കും.  എന്നാല്‍ വനിതാ സംവരണം വേണ്ടെന്ന നിലപാടാണ് കൈക്കൊണ്ടത്.  പൊതുരംഗത്ത് സ്ത്രീകളുടെ സാന്നിധ്യം പ്രകടമാണെന്നാണ് അവരുടെ വാദം.  ഇതുവരെ ക്ഷേമപദ്ധതികളുടെ മേല്‍നോട്ടം രാജാവിനായിരുന്നു.  ഇതിന് മാറ്റമുണ്ടാകും.

മലബാര്‍ ദേവസ്വം ബോര്‍ഡിന് കീഴില്‍ കണ്ണൂര്‍ താലൂക്കിലുള്ള ആനന്ദേശ്വരം ക്ഷേത്രം, പെരിയാട്ട് വിഷ്ണുക്ഷേത്രം എന്നിവിടങ്ങളില്‍ ഒഴിവുള്ള പാരമ്പരേ്യതര ട്രസ്റ്റിമാരുടെ ഒഴിവിലേക്ക് ഹിന്ദുമത വിശ്വാസികളായ ക്ഷേത്ര പരിസരവാസികളില്‍ നിന്ന് അപേക്ഷ ക്ഷണിച്ചു.  പൂരിപ്പിച്ച അപേക്ഷകള്‍ ഏപ്രില്‍ 7 ന് വൈകിട്ട് 5 മണിക്ക് മുമ്പ് തലശ്ശേരി അസി.കമ്മീഷണറുടെ ഓഫീസില്‍ ലഭിക്കണം.  അപേക്ഷാ ഫോറം പ്രസ്തുത ഓഫീസില്‍ നിന്ന് എല്ലാ പ്രവൃത്തി ദിവസങ്ങളിലും സൗജന്യമായി ലഭിക്കും.
പി എന്‍ സി/500/2018
 

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ദേശീയ പട്ടികവര്‍ഗ്ഗ ധനകാര്യ വികസന കോര്‍പ്പറേഷന്റെ സഹായത്തോടെ നടപ്പിലാക്കുന്ന പട്ടികവര്‍ഗ്ഗ സംരംഭകര്‍ക്കുള്ള വായ്പാ പദ്ധതിക്കു  കീഴില്‍ രണ്ട് ലക്ഷം രൂപ സ്വയം തൊഴില്‍ വായ്പ അനുവദിക്കുന്നതിനായി അപേക്ഷ ക്ഷണിച്ചു. 

    ലോകജലദിനത്തോടനുബന്ധിച്ച് ജലസേചന വകുപ്പ് സ്‌കൂള്‍ കുട്ടികള്‍ക്കായി ബോധവല്‍ക്കരണവും ക്വീസ് മത്സരവും സംഘടിപ്പിക്കും. ഈ മാസം 20 ന് രാവിലെ 10 ന് കാസര്‍കോട് മുനിസിപ്പല്‍ ടൗണ്‍ഹാളില്‍ മുനിസിപ്പല്‍ ചെയര്‍പേഴ്‌സണ്‍ ബീഫാത്തിമ ഇബ്രാഹിം ഉദ്ഘാടനം നിര്‍വ്വഹിക്കും.  ജലസംരക്ഷണം, ജലമലിനീകരണം എന്നീ വിഷയങ്ങളില്‍ ബോധവല്‍ക്കരണ ക്ലാസിനുശേഷം 11 മണി മുതല്‍ ഒരു മണി വരെ ഹൈസ്‌കൂള്‍ ക്ലാസുകളിലെ  കുട്ടികള്‍ക്കായി  പ്രശ്‌നോത്തരിയും സംഘടിപ്പിക്കും.  കൂടുതല്‍ വിവരങ്ങള്‍ക്ക്  9495066887.