പത്തനംതിട്ട ജനറല്‍ ആശുപത്രി ഹോസ്പിറ്റല്‍ മാനേജ്‌മെന്റ് കമ്മിറ്റി യോഗം വീണാജോര്‍ജ് എംഎല്‍എയുടെ അധ്യക്ഷതയില്‍ ചേര്‍ന്നു. ആശുപത്രി വികസന കാര്യങ്ങള്‍ യോഗത്തില്‍ ചര്‍ച്ച ചെയ്തു. ആശുപത്രിയില്‍ നടപ്പാക്കേണ്ട അടിയന്തര കാര്യങ്ങള്‍ ചര്‍ച്ച ചെയ്യുന്നതിനായി ബുധനാഴ്ച ഉപസമിതി ചേരും.

    കോന്നി ബ്ലോക്ക് പഞ്ചായത്തിന്റെ പരിധിയില്‍ മലയാലപ്പുഴ ഗ്രാമപഞ്ചായത്തില്‍ ഉള്‍പ്പെട്ട മൂന്ന് ക്ഷീരസംഘങ്ങളിലായി ഗ്രാമ-ബ്ലോക്ക്-ജില്ലാ പഞ്ചായത്തുകളുടെ സംയുക്ത പദ്ധതിയായി 2017-18 വര്‍ഷത്തില്‍ 750000 രൂപ പാലിന് സബ്‌സിഡി ഇനത്തില്‍ കോന്നി ക്ഷീരവികസന ഓഫീസ് മുഖേന വിതരണം ചെയ്തു. 
                                              

കൊച്ചി: സാമ്പത്തിക വര്‍ഷാവസാനമായതിനാല്‍ മാര്‍ച്ചിലെ ജില്ലാ വികസന സമിതി യോഗം ഉണ്ടായിക്കുന്നതല്ലെന്ന് ജില്ലാ കളക്ടര്‍ അറിയിച്ചു.

കൊച്ചി: പറവൂര്‍ ബ്ലോക്ക് പഞ്ചായത്തിന്റെ 2017-18 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തി നടപ്പിലാക്കി വരുന്ന സെക്കന്‍ഡറി പാലിയേറ്റീവ് കെയര്‍ പദ്ധതിയുടെ ഭാഗമായി അരക്കെട്ടിനു താഴേക്ക് ചലനശേഷി  ഇല്ലാത്ത രോഗികള്‍ക്കു വേണ്ടിയുളള പ്രത്യേക കുടുംബ സംഗമം ഏഴിക്കര സാമൂഹികാരോഗ്യ കേന്ദ്രത്തില്‍ നടത്തി.

കൊച്ചി: സംസ്ഥാന ആര്‍ക്കൈവ്‌സ് വകുപ്പ് പഴമയുടെ പുതുമ എന്റെ പെരുമ എന്ന പേരില്‍ സംഘടിപ്പിക്കുന്ന ചരിത്രബോധന യാത്ര നാളെ (മാര്‍ച്ച് 19) ജില്ലയില്‍ പര്യടനം നടത്തും. പൊതുജനങ്ങളിലും വിദ്യാര്‍ത്ഥികളിലും രാജ്യത്തിന്റെ ചരിത്രവും പൈതൃകവും സംബന്ധിച്ച അവബോധം സൃഷ്ടിക്കുന്നതിന് വേണ്ടി സംഘടിപ്പിച്ച യാത്ര തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകള്‍ പിന്നിട്ടാണ് എറണാകുളത്തെത്തുന്നത്. നാളെ ഉച്ചയ്ക്ക് 12 മണിക്ക് മഹാരാജാസ് കോളേജിലും വൈകിട്ട് 5.30ന് ഫോര്‍ട്ടുകൊച്ചിയിലും ചരിത്രബോധനയാത്രയ്ക്ക് സ്വീകരണം നല്‍കും.

കൃഷി വ്യാപനത്തിനും സമഗ്ര വികസനത്തിനും ഊന്നല്‍ നല്‍കുന്ന ജില്ലാ പഞ്ചായത്ത് 2018-19 വര്‍ഷത്തേക്കുളള ബജറ്റ്   വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂര്‍ അവതരിപ്പിച്ചു. ജില്ലാപഞ്ചായത്ത് പ്രസിഡന്റ് അന്നപൂര്‍ണാദേവി അധ്യക്ഷത വഹിച്ചു. 291,22,56,206 രൂപയുടെ വരവും 289,55,54,000 രൂപയുടെ ചെലവും 1,67,02,206 രൂപയുടെ മിച്ചവും പ്രതീക്ഷിക്കുന്ന ബജറ്റാണ് അവതരിപ്പിച്ചത്.  

    ജില്ലയില്‍ വിദ്യാഭ്യാസ വകുപ്പില്‍ യുപിസ്‌കൂള്‍ അസിസ്റ്റന്റ് മലയാളം മീഡിയം (കാറ്റഗറി നമ്പര്‍ 386/14) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദേ്യാഗാര്‍ഥികള്‍ക്കുള്ള ഒറ്റത്തവണ പ്രമാണ പരിശോധന ഈ മാസം 19,20,24,26,27,28 തീയതികളില്‍ രാവിലെ 10 മുതല്‍ ജില്ലാ പി.എസ്.സി ഓഫീസില്‍ നടക്കും. ഉദേ്യാഗാര്‍ഥികള്‍ സര്‍ട്ടിഫിക്കറ്റുകളുമായി നേരിട്ട് ഹാജരാകണം. ഫോണ്‍: 0468 2222665.                      

    തിരുവനന്തപുരം കോളേജ് ഓഫ് എഞ്ചിനീയറിംഗില്‍ (സി.ഇ.ടി) സ്‌പോണ്‍സേര്‍ഡ് റിസര്‍ച്ച്  പ്രോജക്ടിലേക്ക് ഒരു റിസര്‍ച്ച് ഫെലോയെ ആവശ്യമുണ്ട്.  പ്രതിമാസം 18,000 രൂപ വേതനാടിസ്ഥാനത്തില്‍ രണ്ടു വര്‍ഷത്തേക്കാണ് നിയമനം.  യോഗ്യത : എം.ടെക് (തെര്‍മല്‍/പ്രൊപ്പല്‍ഷന്‍) താല്‍പര്യമുള്ളവര്‍ വിശദമായ ബയോഡേറ്റയും ഒറിജിനല്‍ സര്‍ട്ടിഫിക്കറ്റുകളും സഹിതം മാര്‍ച്ച് 26 രാവിലെ 10 ന് എച്ച്.ഒ.ഡി., മെക്കാനിക്കല്‍ എഞ്ചിനീയറിംഗ് ഡിപ്പാര്‍ട്ട്‌മെന്റ്, ട്രിവാന്‍ഡ്രം എഞ്ചിനീയറിംഗ് കോളേജ്, ശ്രീകാര്യം, തിരുവനന്തപുരം എന്ന വിലാസത്തില്‍ അഭിമുഖത്തിന് എത്തണം.