ശ്രീനാരായണ വിലാസം സീനിയർ ബേസിക് സ്‌കൂൾ സ്മാർട്ട് ക്ലാസ്‌റൂമിന്റെയും ഓഡിറ്റോറിയത്തിൻെയും സ്‌കൂൾ വാർഷികാഘോഷത്തിന്റെയും ഉദ്ഘാടനം ഇന്ന് 18ന്  രാവിലെ 10 മണിക്ക് തുറമുഖ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. അഡ്വ. എ.എൻ. ഷംസീർ എം.എൽ.എ അധ്യക്ഷത വഹിക്കും. ന്യൂമാഹി ഗ്രാമപഞ്ചായത്ത് പ്രസിഡൻറ് എ.വി. ചന്ദ്രദാസൻ എൻഡോവ്‌മെൻറ് വിതരണം നടത്തും.

കണ്ണൂർ ഡയറ്റിന്റെ ആഭിമുഖ്യത്തിൽ 2017-18 അധ്യയന വർഷത്തിൽ ജില്ലയിൽ മികച്ച പ്രവർത്തനങ്ങൾ കാഴ്ചവെച്ച 44 പ്രൈമറി വിദ്യാലയങ്ങളിൽ നൂതന പ്രവർത്തനങ്ങളുടെ അവതരണമായ എക്‌സലൻഷ്യ 2018 പാലയാട് ഡയറ്റിൽ എസ്.സി.ഇ.ആർ.ടി ഡയറക്ടർ ഡോ. ജെ.പ്രസാദ് ഉദ്ഘാടനം ചെയ്തു. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സംസ്ഥാനത്തെ എല്ലാ സ്‌കൂളുകളിലേയും ഭൗതിക സാഹചര്യം മെച്ചപ്പെടുത്തുമെന്ന് അദ്ദേഹം പറഞ്ഞു. സംസ്ഥാനത്തെ 45000 ക്ലാസ്സ് മുറികൾ വരുന്ന മൂന്നു വർഷത്തിനകം ഹൈടെക് ആക്കുന്നതിന് സർക്കാർ ലക്ഷ്യമിടുന്നു. ചിട്ടയോടെ പ്രവർത്തിക്കുന്നതിനുള്ള അക്കാദമിക മാസ്റ്റർപ്ലാനും ഇതിനകം രൂപീകരിക്കപ്പെട്ടു കഴിഞ്ഞു.

റോഡ് പ്രവൃത്തിയുടെ പൂർത്തീകരണത്തിന് തടസ്സം കരാറുകാരനാണെങ്കിൽ കരാറുകാരനെ മാറ്റാൻ നടപടി സ്വീകരിക്കണമെന്ന് തുറമുഖ വകുപ്പ്, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി. കലക്ടറേറ്റിൽ ചേർന്ന എം.എൽ.എ ഫണ്ട് മുഖേന നടപ്പിലാക്കുന്ന പ്രവൃത്തികളുടെ അവലോകന യോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു മന്ത്രി. തോട്ടട-കിഴുന്നപ്പാറ റോഡ് പ്രവൃത്തി ഇഴയുന്നതുമായി ബന്ധപ്പെട്ടാണ് മന്ത്രി ഉദ്യോഗസ്ഥർക്ക് കർശന നിർദേശം നൽകിയത്. ജില്ലാശുപത്രിയിൽ ഡയാലിസിസ് യൂനിറ്റ് സ്ഥാപിക്കുന്നതിന്റെ പ്രവൃത്തി ഇഴയുന്നതും മന്ത്രിയുടെ രൂക്ഷവിമർശനത്തിനിടയാക്കി.

കാര്‍ഷിക-വിദ്യാഭ്യാസ-പശ്ചാത്തല വികസന മേഖലകളില്‍ വന്‍കുതിപ്പിന് വഴിയൊരുക്കിയും അടിസ്ഥാന വിഭാഗങ്ങള്‍ക്ക് സംരക്ഷണത്തിന്റെ കരുതല്‍ നല്‍കിയും സ്ത്രീശാക്തീകരണ പ്രവര്‍ത്തനങ്ങള്‍ക്ക് മികച്ച പരിഗണന നല്‍കിയും  ജില്ലാ പഞ്ചായത്തിന്റെ 2018-19  വാര്‍ഷിക ബജറ്റ്. ജില്ലയുടെ സമഗ്ര പുരോഗതി മുന്നില്‍ക്കണ്ട് ഗ്രാമ-ബ്ലോക്ക് പഞ്ചായത്തുകളുടെ സഹകരണത്തോടെ നടപ്പിലാക്കുന്ന സംയോജിത പദ്ധതികള്‍ക്ക് ഊന്നല്‍ നല്‍കുന്നുവെന്ന സവിശേഷതയും ഇത്തവണത്തെ ബജറ്റിനുണ്ട്.

നാടിന്റെ വികസന സങ്കല്‍പങ്ങള്‍ നിര്‍വചിക്കുന്നത് കാലമാണെന്നും സമൂഹത്തിന്റെ വികസന കാഴ്ചപ്പാടുകളില്‍ കാലാനുസൃതമായ മാറ്റങ്ങള്‍ ഉള്‍ക്കൊണ്ടുള്ള ബജറ്റാണ് ജില്ലാ പഞ്ചായത്തിന്റേതെന്നും പ്രസിഡന്റ് കെ.വി സുമേഷ്. ജില്ലാ പഞ്ചായത്തിന്റെ ബജറ്റ് അവതരണ യോഗത്തില്‍ ആമുഖ പ്രഭാഷണം നിര്‍വഹിക്കുകയായിരുന്നു അദ്ദേഹം. ഒരു രൂപ പോലും നഷ്ടപരിഹാരം വാങ്ങാതെ ഏക്കര്‍ കണക്കിന് ഭൂമി വികസന പ്രവര്‍ത്തനങ്ങള്‍ക്കായി സംഭാവന നല്‍കിയ ചരിത്രമാണ് നമ്മുടെ നാടിന് പറയാനുള്ളത്. മലയോര ഹൈവേ യാഥാര്‍ഥ്യമാക്കാന്‍ ഒട്ടനവധി കര്‍ഷകര്‍ അവരുടെ ഭൂമി വിട്ടുനല്‍കിയിട്ടുണ്ട്.

പദ്ധതികള്‍ക്കൊപ്പം അനുയോജ്യമായ പേരുകളും നല്‍കിയുള്ള ജില്ലാ പഞ്ചായത്തിന്റെ മൂന്നാമത്തെ ബജറ്റിന് ഭരണ-പ്രതിപക്ഷ വ്യത്യാസമില്ലാതെ അഭിനന്ദനം. വികസന പദ്ധതികള്‍ നടപ്പിലാക്കുന്നതില്‍ നാടിന്റെ നന്‍മ മന്‍നിര്‍ത്തിയുള്ള ഒറ്റക്കെട്ടായ പ്രവര്‍ത്തനങ്ങളാണ് മുന്‍വര്‍ഷങ്ങളിലെ ജില്ലാ പഞ്ചായത്ത് പദ്ധതികള്‍ വിജയിപ്പിക്കുന്നതില്‍ മുഖ്യപങ്കുവഹിച്ചതെന്ന് വൈസ് പ്രസിഡണ്ട് പി പി ദിവ്യ ബജറ്റ് ചര്‍ച്ചയ്ക്ക് മറുപടി പറയവെ അഭിപ്രായപ്പെട്ടു. നിലവിലെ ഐക്യം തടരും.  പദ്ധതികള്‍ വിജയകരമായി നടപ്പിലാക്കുന്നതില്‍ നിര്‍വഹണ ഉദ്യോഗസ്ഥരുടെ സഹകരണം പ്രധാനമാണ്.

കൊച്ചി : തൃപ്പൂണിത്തുറ താലൂക്ക് ആസ്ഥാന ആശുപത്രിയില്‍ ആംബുലന്‍സ് െ്രെഡവറെ ദിവസ വേതനാടിസ്ഥാനത്തില്‍ നിയമിക്കുന്നു. പിഎസ് സി നിഷ്‌കര്‍ഷിക്കുന്ന യോഗ്യതയുള്ളവര്‍ മാര്‍ച്ച് 22 വ്യാഴാഴ്ച രാവിലെ 11 മണിയ്ക്ക് തിരിച്ചറിയല്‍ കാര്‍ഡും യോഗ്യതകള്‍, പ്രവര്‍ത്തിപരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുമായി വാക്ക് ഇന്‍ഇന്റര്‍വ്യൂവിന് ഹാജരാകണം.

കൊച്ചി: ആളുകള്‍ക്കിടയില്‍ സൗഹൃദം ഊട്ടിയുറപ്പിക്കാന്‍ പൊതുഇടങ്ങള്‍ അത്യാവശ്യമാണെന്ന്് തദ്ദേശസ്വയംഭരണവകുപ്പു മന്ത്രി കെ ടി ജലീല്‍. മട്ടാഞ്ചേരിയിലെ നവീകരിച്ച കരിപ്പാലം മൈതാനം ഉദ്ഘാടനം ചെയ്യുകയായിരുന്നു അദ്ദേഹം. മത ജാതി വര്‍ണ വര്‍ഗ വ്യത്യാസമില്ലാതെ പൊതുജനങ്ങള്‍ക്ക് ഒരുമിച്ച് ഇരിക്കാനുള്ള ഇടങ്ങള്‍ സമൂഹത്തില്‍ കുറയുകയാണ്. മൈതാനങ്ങളിലെ ആരവങ്ങളും ആര്‍പ്പുവിളികളും മായുന്നതോടെ കൃത്രിമമായ ഗൗരവം ജീവിതത്തെ സ്പര്‍ശിച്ചു തുടങ്ങി. അനൈക്യം, അസഹിഷ്ണുത തുടങ്ങിയവ വളരുകയും ചെയ്തു. ഇതൊഴിവാക്കാനായി പൊതു ഇടങ്ങള്‍ പ്രോത്സാഹിപ്പിക്കേണ്ടതാണെന്ന് മന്ത്രി പറഞ്ഞു. 

    ചെന്നീര്‍ക്കര ഗ്രാമപഞ്ചായത്തിലെ രണ്ടാം  വാര്‍ഡിലെ ആരോഗ്യ ഇന്‍ഷുറന്‍സ് കാര്‍ഡ് പുതുക്കല്‍ ഈ മാസം 25നും മൂന്നാം വാര്‍ഡിലേത് ഏപ്രില്‍ മൂന്നിനും പ്രക്കാനം ഗവണ്‍മെന്റ് എല്‍പി സ്‌കൂളിലും  അഞ്ചാം വാര്‍ഡിലേത് ഏപ്രില്‍ രണ്ടിന് കളീക്കല്‍ കുടുംബയോഗം ഹാളിലും നടക്കുമെന്ന് സെക്രട്ടറി അറിയിച്ചു.   

    ജില്ലാ സാക്ഷരതാ മിഷന്റെ കീഴില്‍ പ്രവര്‍ത്തിക്കുന്ന തുടര്‍വിദ്യാഭ്യാസ പ്രവര്‍ത്തകരായ പ്രേരക്മാര്‍ക്ക് 2018 ജനുവരി, ഫെബ്രുവരി മാസങ്ങളിലെ ഓണറേറിയം വിതരണം തുടങ്ങി. അതത് തദ്ദേശ ഭരണ സ്ഥാപനങ്ങളിലെ സെക്രട്ടറിമാര്‍ സാക്ഷ്യപ്പെടുത്തിയ റിപ്പോ ര്‍ട്ടുമായി ജില്ലാ ഓഫിസിലെത്തി ഓണറേറിയം കൈപ്പറ്റണമെന്ന് ജില്ലാ കോ-ഓര്‍ഡിനേറ്റര്‍ അറിയിച്ചു.