കായികരംഗത്ത് മികച്ച നേട്ടങ്ങള്‍ കൈവരിച്ച താരങ്ങള്‍ക്കുള്ള 2018 ലെ അര്‍ജുന, രാജീവ്ഗാന്ധി ഖേല്‍രത്‌ന, ധ്യാന്‍ചന്ദ്, ദ്രോണാചാര്യ അവാര്‍ഡുകള്‍ക്കുള്ള അപേക്ഷകള്‍ ക്ഷണിച്ചു. അപേക്ഷകള്‍ മാര്‍ച്ച് 31 ന് മുന്‍പ് ഡയറക്ടര്‍, കായികയുവജനകാര്യാലയം, വെള്ളയമ്പലം, തിരുവനന്തപുരം -  33 എന്ന വിലാസത്തില്‍ ലഭിക്കണം. അപേക്ഷകള്‍ സമര്‍പ്പിക്കേണ്ട നിശ്ചിതഫോറത്തിന്റെ മാതൃകയും നിബന്ധനകള്‍ സംബന്ധിച്ച വിവരങ്ങളും www.sportskerala.org ല്‍ ലഭ്യമാണ്. ഫോണ്‍ : 0471-2326644.
പി.എന്‍.എക്‌സ്.1011/18

    കേരള വനിതാ കമ്മീഷനില്‍ നിലവില്‍ ഒഴിവുള്ള ഒരു ഓഫീസ് അറ്റന്‍ഡന്റ് തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ സേവനമനുഷ്ഠിക്കുന്ന നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. നിശ്ചിത ഫോറത്തിലുള്ള അപേക്ഷ നിരാക്ഷേപപത്രം സഹിതം മേലധികാരി മുഖേന സെക്രട്ടറി, കേരള വനിതാ കമ്മീഷന്‍, ലൂര്‍ദ് പള്ളിക്കു സമീപം, പി.എം.ജി, പട്ടം പി.ഒ., തിരുവനന്തപുരം - 695004 എന്ന വിലാസത്തില്‍ ഏപ്രില്‍ 10 നകം ലഭിക്കണം.
പി.എന്‍.എക്‌സ്.1010/18
 

വിൽപന നികുതി കുടിശ്ശിക ഈടാക്കുന്നതിനായി ജപ്തി ചെയ്ത കണ്ണൂർതാലൂക്ക് കണ്ണോത്തുംചാൽ ദേശത്ത് വാർഡ് നമ്പർ 1 ൽ ബ്ലോക്ക് നം 13, റി സർവ്വെ നം.737/13 ൽപെട്ട 0.0012 ഹെക്ടർ സ്ഥലവും എക്‌സ് എൽ 6-1312(എസ് ബി-7-126) നം കെട്ടിടവും 24 ന് രാവിലെ 11 മണിക്ക് താലൂക്ക് ഓഫീസിൽ ലേലം ചെയ്യും.  കൂടുതൽ വിവരങ്ങൾ കണ്ണൂർ താലൂക്ക് ഓഫീസിൽ ലഭിക്കും.

പി എൻ സി/500/2018 

നെഹ്‌റു യുവകേന്ദ്ര വിവിധ ക്ലബ്ബുകളുമായി സഹകരിച്ച് പെരുമാച്ചേരി എ യു പി സ്‌കൂളിൽ 25 ന് രാവിലെ 9.30 മുതൽ അയൽപക്ക യൂത്ത് പാർലമെന്റ് നടത്തുന്നു.  പങ്കെടുക്കാൻ താൽപര്യമുള്ള നെഹ്‌റു യുവകേന്ദ്രയിൽ അഫിലിയേറ്റ് ചെയ്ത ഇരിക്കൂർ ബ്ലോക്കിന് കീഴിലുള്ള ക്ലബ്ബുകൾക്ക് പങ്കെടുക്കാം.  ഫോൺ: 9745469556, 9895816090.

പി എൻ സി/500/2018 

സായുധസേന പതാകനിധിയിലേക്ക് ടോക്കൺ ഫ്‌ളാഗിന്റെയും കാർ ഫ്‌ളാഗിന്റെയും 2017 ലെയും മുൻവർഷങ്ങളിലെയും തുക കുടിശ്ശിക സഹിതം അടക്കാത്തവരുടെ ലിസ്റ്റ് സർക്കാരിലേക്ക് സമർപ്പിക്കേണ്ടതിനാൽ സായുധസേന പതാകനിധിയുടെ ടോക്കൺ ഫ്‌ളാഗും കാർ ഫ്‌ളാഗും ലഭിച്ച് തുക അടക്കാത്ത എല്ലാ സ്ഥാപനങ്ങളും 27 ന് മുമ്പ് കുടിശ്ശിക സഹിതം അടച്ച് റസീറ്റ് കൈപ്പറ്റണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.  

പി എൻ സി/500/2018 

കേന്ദ്രീയ സൈനിക ബോർഡിൽ നിന്നും പെന്വറി ഗ്രാന്റ് വാങ്ങിക്കൊണ്ടിരിക്കുന്ന ലൈഫ് സർട്ടിഫിക്കറ്റ്  സമർപ്പിക്കാത്ത വിമുക്ത ഭടൻമാരും  മരണപ്പെട്ട വിമുക്ത ഭടൻമാരുടെ ഭാര്യമാരും 31 ന് മുമ്പ് െസെനിക ക്ഷേമ ഓഫീസിൽ ഒപ്പിട്ട ലൈഫ് സർട്ടിഫിക്കറ്റ് ഓൺലൈനായി സമർപ്പിക്കണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.  

പി എൻ സി/500/2018 

സാക്ഷരതാ മിഷൻ പ്രേരക്മാരുടെ ജനുവരി, ഫിബ്രവരി മാസങ്ങളിലെ ഓണറേറിയം ജില്ലാ സാക്ഷരതാ മിഷൻ ഓഫീസിൽ നിന്നും കൈപ്പറ്റണമെന്ന് ജില്ലാ കോ-ഓർഡിനേറ്റർ അറിയിച്ചു. തദ്ദേശ സ്വയംഭരണ സ്ഥാപന സെക്രട്ടറി സാക്ഷ്യപ്പെടുത്തിയ റിപ്പോർട്ടുകളുമായി ജില്ലാ ഓഫീസിൽ ഹാജരാകണമെന്ന് അധികൃതർ അറിയിച്ചു. 

പി എൻ സി/500/2018 

സംസ്ഥാന സാക്ഷരതാ മിഷൻ നടത്തുന്ന പത്താംതരം ഹയർ സെക്കണ്ടറി തുല്യതാ കോഴ്‌സിന് ജില്ലയിലെ വിവിധ ബാച്ചുകളിലേക്ക് അദ്ധ്യാപനം നടത്തുന്നതിനുള്ള അദ്ധ്യാപക ബാങ്കിലേക്ക് അപേക്ഷ ക്ഷണിച്ചു. 

പത്താംതരം തുല്യതയിൽ കണക്ക്, ഇംഗ്ലീഷ് വിഷയങ്ങളിലും ഹയർ സെക്കണ്ടറിയിൽ സോഷ്യോളജി, പൊളിറ്റിക്കൽ സയൻസ് എന്നീ വിഷയങ്ങളിലുമാണ് അപേക്ഷ സ്വീകരിക്കുന്നത്. പത്താംതരം തുല്യതയിൽ ബന്ധപ്പെട്ട വിഷയത്തിൽ ബിരുദവും ബി.എഡുമാണ് അടിസ്ഥാന യോഗ്യത

മുഴപ്പിലങ്ങാട് കൃഷിഭവനിൽ നിന്നും കർഷക പെൻഷൻ കൈപറ്റുന്ന കർഷകർക്ക് സെപ്തംബർ 2017 മുതലുള്ള പെൻഷൻ ലഭിക്കാൻ മാർച്ച് 20 നുള്ളിൽ വരുമാന സർട്ടിഫിക്കറ്റ് ഹാജരാക്കേണ്ടതാണെന്ന് കൃഷി ഓഫീസർ അറിയിച്ചു.

പി എൻ സി/500/2018