ഇലന്തൂര്‍ സര്‍ക്കാര്‍ ആര്‍ട്‌സ് ആന്റ് സയന്‍സ് കോളജില്‍ 2026-27 അധ്യയന വര്‍ഷം ഇംഗ്ലീഷ്, സുവോളജി, കെമിസ്ട്രി, ബോട്ടണി,  മലയാളം, സംസ്‌കൃതം, ഹിന്ദി വിഷയങ്ങളില്‍ അതിഥി അധ്യാപകരെ നിയമിക്കുന്നു.
കോളജ് വിദ്യാഭ്യാസ ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തവര്‍ രജിസ്‌ട്രേഷന്‍ നമ്പര്‍, ജനനതീയതി, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസല്‍, സ്വയം സാക്ഷ്യപ്പെടുത്തിയ പകര്‍പ്പ്, അപേക്ഷ ഫോം സഹിതം അഭിമുഖത്തിന് കോളജില്‍ ഹാജരാകണം. ബന്ധപ്പെട്ട വിഷയത്തില്‍ നെറ്റ് /പി  എച്ച് ഡി ആണ് യോഗ്യത.  ഇവരുടെ അഭാവത്തില്‍ 55 ശതമാനം മാര്‍ക്കില്‍ കുറയാത്ത ബിരുദാനന്തര ബിരുദക്കാരെയും പരിഗണിക്കും.  

പത്തനംതിട്ട മലിനീകരണ നിയന്ത്രണ ബോര്‍ഡ് കാര്യാലയത്തില്‍ കൊമേഴ്‌സ്യല്‍ അപ്രന്റിസുമാരെ തിരഞ്ഞെടുക്കുന്നു. പ്രായപരിധി 30. യോഗ്യത  - അംഗീകൃത സര്‍വകലാശാലയില്‍ നിന്ന് ബിരുദവും കമ്പ്യൂട്ടര്‍ പരിജ്ഞാനവും (ഡിസിഎ/ പിജിഡിസിഎ/ വോഡ് പ്രൊസസിംഗ് /ഡേറ്റ എന്‍ട്രി ഓപ്പറേറ്റര്‍ കോഴ്‌സില്‍ ഡിപ്ലോമ). പ്രതിമാസ സ്റ്റൈഫന്റ് ഒന്നാം വര്‍ഷം 10000 , രണ്ടാം വര്‍ഷം 11000, മൂന്നാം വര്‍ഷം 12000 രൂപ.

ചെന്നീര്‍ക്കര കേന്ദ്രീയ വിദ്യാലയത്തില്‍ അഞ്ച്, ഒമ്പത്, 11-ാം ക്ലാസ് (ഹുമാനിറ്റീസ്) ക്ലാസുകളില്‍ ഒഴിവുളള സീറ്റിലേക്ക് അപേക്ഷ ക്ഷണിച്ചു. അപേക്ഷ ഫോം   സ്‌കൂള്‍ ഓഫീസില്‍ നിന്ന് മെയ് 14 മുതല്‍ ലഭിക്കും.
അവസാന തീയതി 11-ാം ക്ലാസിന് (ഹുമാനിറ്റീസ്) മെയ് 15 ഉം അഞ്ച്, ഒമ്പത് ക്ലാസുകള്‍ക്ക് മെയ് 20 ഉം  ആണ്.                                                    

ജനന/ ജാതി  സര്‍ട്ടിഫിക്കറ്റ് , റസിഡന്‍സ് പ്രൂഫ് /ആധാര്‍/ പാസ്‌പോര്‍ട്ട് സൈസ് ഫോട്ടോ എന്നിവ അപേക്ഷയോടൊപ്പം സമര്‍പ്പിക്കണം. ഫോണ്‍ : 0468 2256000

കുളനട ഗ്രാമപഞ്ചായത്തിലെ സ്വകാര്യ വ്യക്തികളുടെ വസ്തുവില്‍ മറ്റുളളവരുടെ ജീവനും സ്വത്തിനും ഭീഷണിയായി നില്‍ക്കുന്ന  വൃക്ഷങ്ങളും ശിഖരങ്ങളും അടിയന്തരമായി ഉടമകള്‍ മുറിച്ചു മാറ്റണമെന്നും കാട് വെട്ടിതെളിച്ച് പാമ്പുകളുടെയും മറ്റ് വന്യ മൃഗങ്ങളുടെയും ശല്യം ഒഴിവാക്കണമെന്നും സെക്രട്ടറി അറിയിച്ചു.
അല്ലെങ്കില്‍ ഉണ്ടാകുന്ന നഷ്ടങ്ങള്‍ക്ക് ഉടമയാകും ഉത്തരവാദി.
 

തോട്ടപ്പുഴശേരി ഗ്രാമപഞ്ചായത്തിലെ സ്വകാര്യ വ്യക്തികളുടെ വസ്തുവില്‍ മറ്റുളളവരുടെ ജീവനും സ്വത്തിനും ഭീഷണിയായി നില്‍ക്കുന്ന  വൃക്ഷങ്ങളും ശിഖരങ്ങളും അടിയന്തരമായി ഉടമകള്‍ മുറിച്ചു മാറ്റണമെന്നും കാട് വെട്ടിതെളിച്ച് പാമ്പുകളുടെയും മറ്റ് വന്യ മൃഗങ്ങളുടെയും ശല്യം ഒഴിവാക്കണമെന്നും സെക്രട്ടറി അറിയിച്ചു.അല്ലെങ്കില്‍ ഉണ്ടാകുന്ന നഷ്ടങ്ങള്‍ക്ക് ഭൂവുടമയാകും ഉത്തരവാദി.
(പിഎന്‍പി 687/2026)

നഴ്സസ് വാരാചരണത്തിന്റെ ഭാഗമായി പത്തനംതിട്ട ജനറല്‍ ആശുപത്രിയില്‍ നിന്നും അബാന്‍ ജംഗ്ഷനിലേക്ക്  ബോധവല്‍ക്കരണ റാലി സംഘടിപ്പിച്ചു. ജില്ല പോലീസ് മേധാവി ആര്‍ ആനന്ദ് റാലി ഫ്ളാഗ് ഓഫ് ചെയ്തു. അബാന്‍ ഓഡിറ്റോറിയത്തില്‍ നടന്ന വാരാചരണ സമാപന സമ്മേളനം ജില്ല പഞ്ചായത്ത് പ്രസിഡന്റ് ദീനാമ്മ റോയി ഉദ്ഘാടനം ചെയ്തു. പത്തനംതിട്ട നഗരസഭ ചെയര്‍പേഴ്സണ്‍ സിന്ധു അനില്‍ അധ്യക്ഷയായി. ജില്ലാ മെഡിക്കല്‍ ഓഫീസര്‍ ഡോ. എല്‍. അനിതകുമാരി മുഖ്യപ്രഭാഷണം നടത്തി.

കേരള വനിതാ കമ്മീഷനില്‍ നിലവില്‍ ഒഴിവുള്ള ഒരു അസിസ്റ്റന്റ് തസ്തികയിലേക്ക്  ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ ജോലി ചെയ്യുന്നവരില്‍ നിന്ന് അപേക്ഷ ക്ഷണിച്ചു. 39,300-83,000  ശമ്പള സ്‌കെയിലില്‍ സേവനമനുഷ്ഠിക്കുന്നവര്‍ക്ക് അപേക്ഷിക്കാം.
നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം , മേലധികാരി മുഖേനെ മെമ്പര്‍ സെക്രട്ടറി, കേരള വനിതാ കമ്മീഷന്‍, പി.എം.ജി, പട്ടം.പി.ഒ, തിരുവനന്തപുരം 695004 വിലാസത്തില്‍  മെയ് 25 നകം  ലഭിക്കണം.

കേരള ഖാദി ഗ്രാമ വ്യവസായ ബോര്‍ഡിന്റെ പത്തനംതിട്ട ജില്ലാ പ്രോജക്ടിന് കീഴില്‍ മാത്തൂര്‍ റെഡിമെയ്ഡ് വസ്ത്ര നിര്‍മാണ യൂണിറ്റിലേക്ക് ജൂക്കി മെഷീന്‍ ഉപയോഗിച്ചുള്ള കട്ടിംഗ്, സ്റ്റിച്ചിംഗ് ജോലികള്‍ക്കായി അപേക്ഷ ക്ഷണിച്ചു.  18 വയസിന് മുകളില്‍ പ്രായമുള്ളവരും ജൂക്കി മെഷിന്‍  സംബന്ധമായ അറ്റകുറ്റപണി പരിഹരിക്കാന്‍ കഴിവുള്ളവരായിരിക്കണം.  മുന്‍പരിചയവും യോഗ്യതയുമുള്ള പ്രദേശവാസികള്‍ക്ക് മുന്‍ഗണന. പ്രോജക്ട് ഓഫീസര്‍, ജില്ലാ ഖാദി ഗ്രാമവ്യവസായ ഓഫീസ്, ഇലന്തൂര്‍ പി.ഒ, പത്തനംതിട്ട, പിന്‍-689643  വിലാസത്തില്‍ മെയ് 20 ന് മുമ്പ് അപേക്ഷ നല്‍കണം.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ബിരുദം), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ് എസ് എല്‍ സി) എന്നീ കോഴ്‌സുകളിലേക്ക് അപേക്ഷ ക്ഷണിച്ചു.  ഫോണ്‍: 7994449314.
 

ഓമല്ലൂര്‍  ഗ്രാമപഞ്ചായത്തിലെ സ്വകാര്യ വ്യക്തികളുടെ വസ്തുവില്‍ മറ്റുളളവരുടെ ജീവനും സ്വത്തിനും ഭീഷണിയായി നില്‍ക്കുന്ന  വൃക്ഷങ്ങളും ശിഖരങ്ങളും അടിയന്തരമായി ഉടമകള്‍ മുറിച്ചു മാറ്റണമെന്നും കാട് വെട്ടിതെളിച്ച് പാമ്പുകളുടെയും മറ്റ് വന്യ മൃഗങ്ങളുടെയും ശല്യം ഒഴിവാക്കണമെന്നും സെക്രട്ടറി അറിയിച്ചു.
അല്ലെങ്കില്‍ ഉണ്ടാകുന്ന നഷ്ടങ്ങള്‍ക്ക് ഉടമയാകും ഉത്തരവാദി.
(പിഎന്‍പി 682/2026)