*രണ്ടാംഘട്ട അവലോകനയോഗം ചേർന്നു

ആലപ്പുഴ ജില്ലാ പഞ്ചായത്തിന് കീഴിലുള്ള സ്കൂളുകളിൽ നിലവിൽ നടന്നുകൊണ്ടിരിക്കുന്ന എല്ലാ നിർമ്മാണ പ്രവൃത്തികളും ഈ മാസം 30 ഓടെ പൂർത്തിയാക്കണമെന്ന് ജില്ലാ പഞ്ചായത്ത് പ്രസിഡന്റ് എ മഹേന്ദ്രൻ പറഞ്ഞു. പുതിയ അധ്യായന വര്‍ഷം ആരംഭിക്കുന്നതിന് മുന്നോടിയായി ആലപ്പുഴ ജില്ലാ പഞ്ചായത്തിന്റെ കീഴിലുള്ള 42 ഹൈസ്‌കൂള്‍, ഹയര്‍ സെക്കൻഡറി സ്‌കൂളുകൾ എന്നിവയുടെ ഒരുക്കങ്ങള്‍ പരിശോധിക്കുന്നതിന് ജില്ലാ പഞ്ചായത്ത് കോൺഫറൻസ് ഹാളിൽ ചേർന്ന രണ്ടാംഘട്ട അവലോകനയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

ആലപ്പുഴ ക്രൈംബ്രാഞ്ച് അന്വേഷിച്ചുവന്ന കള്ളനോട്ട് കേസിൽ ഒളിവിലായിരുന്ന  മൂന്നാം പ്രതിയെ 28 വർഷത്തിന് ശേഷം ആലപ്പുഴ ക്രൈം ബ്രാഞ്ച് അറസ്റ്റ് ചെയ്തു. ക്രൈം 155/1998 (ചെങ്ങന്നൂർ പോലീസ് സ്റ്റേഷൻ ക്രൈം 318/1998) (എൽപി നം 22/2006) നമ്പർ കേസിലെ മൂന്നാം പ്രതിയായ രാജേഷ് രാമചന്ദ്രൻ (52) നെയാണ്   പോലീസ് അറസ്റ്റ് ചെയ്തത്. പൊലീസ് സുപ്രണ്ടിന്റെ  നിർദ്ദേശാനുസരണം ലുക്ക് ഔട്ട് നോട്ടീസ് ഇറക്കിയതിന്റെ അടിസ്ഥാനത്തിൽ വിദേശത്ത് നിന്നും മേയ് 14ന് തിരുവനന്തപുരം വിമാനത്താവളത്തിൽ എത്തിയപ്പോൾ വിമാനത്താവള അതോറിറ്റി വിവരം അറിയിച്ചു.

ഭാരതത്തിന്റെ അതിർത്തി ഗ്രാമങ്ങൾ സന്ദർശിക്കാനും അവിടുത്തെ ജനങ്ങളുടെ ജീവിതം അടുത്തറിയാനും യുവാക്കൾക്ക് അവസരം. 2026 ജൂണിൽ ലേ-ലഡാക്ക്, ഹിമാചൽ പ്രദേശ്, ഉത്തരാഖണ്ഡ് എന്നിവിടങ്ങളിലെ തിരഞ്ഞെടുത്ത അതിർത്തി ഗ്രാമങ്ങളിൽ നടക്കാനിരിക്കുന്ന ഒരാഴ്ച നീണ്ടുനിൽക്കുന്ന 'വികസിത് വൈബ്രന്റ് വില്ലേജസ് പ്രോഗ്രാമിലേക്ക് ഓൺലൈൻ ക്വിസ് മത്സരം വഴി യോഗ്യത നേടുന്ന യുവാക്കൾക്ക് പങ്കെടുക്കാം.

എസ്.ബി.ഐ.യുടെ ഗ്രാമീണ സ്വയംതൊഴിൽ പരിശീലന കേന്ദ്രത്തിന്റെ നേതൃത്വത്തിൽ  ആര്യാട് ബ്ലോക്ക് പഞ്ചായത്ത് കോംപ്ലക്‌സിൽ വനിതകൾക്ക് 31 ദിവസത്തെ സൗജന്യ തയ്യൽ പരിശീലനം നൽകുന്നു (ചുരിദാർ, നൈറ്റി, ഫ്രോക്ക്, ബ്ലൗസ്, ഷർട്ട്, ട്രൗസർ, പെറ്റിക്കോട്ട് മുതലായവ). 18-നും 50-നും ഇടയിൽ പ്രായമുള്ളവർക്ക് പങ്കെടുക്കാം. സംരംഭങ്ങൾ തുടങ്ങുന്നതിനെക്കുറിച്ചും വിവിധ ലോൺ സ്കീമുകളെക്കുറിച്ചും ക്ലാസുകൾ ഉണ്ടായിരിക്കുന്നതാണ്.

ആലപ്പുഴ ജില്ലയിൽ 2026-ലെ ട്രോളിങ് നിരോധന കാലയളവിൽ കടൽ പട്രോളിംഗിനും രക്ഷാപ്രവർത്തനങ്ങൾക്കുമായി ഉപയോഗിക്കുന്നതിന്, ജൂൺ ഒൻപത് അർദ്ധരാത്രി മുതൽ ജൂലൈ 31 അർദ്ധരാത്രി വരെയുള്ള കാലയളവിലേക്ക് വള്ളം വാടകയ്ക്ക് നൽകാൻ താൽപ്പര്യമുള്ള ഉടമകളിൽ നിന്നും  ക്വട്ടേഷനുകൾ ക്ഷണിച്ചു.  മെയ് 21-ന് ഉച്ചയ്ക്ക് മൂന്ന്  മണിക്ക് മുൻപായി ഫിഷറീസ് അസിസ്റ്റന്റ് ഡയറക്ടർ, ഫിഷറീസ് സ്റ്റേഷൻ, തോട്ടപ്പള്ളി ഹാർബർ, ആലപ്പുഴ - 688013 എന്ന വിലാസത്തിൽ ക്വട്ടേഷനുകൾ സമർപ്പിക്കേണ്ടതാണ്. കൂടുതൽ വിവരങ്ങൾക്ക് 9447967155, 0477-2297707 എന്നീ ഫോൺ നമ്പറുകളിൽ ബന്ധപ്പെടുക.

കേരള സംസ്ഥാന വനിതാ വികസന കോര്‍പ്പറേഷന്‍ ലളിതമായ നടപടിക്രമത്തിലൂടെ അതിവേഗ വ്യക്തിഗത/ഗ്രൂപ്പ്/വിദ്യാഭ്യാസ വായ്പകള്‍ നല്‍കുന്നു. നിശ്ചിത വരുമാന പരിധിയിലുള്ള 18-നും 55-നും മദ്ധ്യേ പ്രായമുള്ള തൊഴില്‍രഹിതരായ വനിതകള്‍ക്ക് മൂന്ന് മുതല്‍ അഞ്ച് വര്‍ഷം വരെ തിരിച്ചടവ് കാലാവധിയില്‍ 4-8% പലിശനിരക്കില്‍ ഉദ്യോഗസ്ഥ/വസ്തു ജാമ്യത്തിന്റെ അടിസ്ഥാനത്തിലാണ് വ്യക്തിഗത വായ്പ നല്‍കുന്നത്.

​പുതിയ അധ്യായന വർഷത്തിലേക്ക് ചുവടുവെക്കുന്ന കാക്കനാട് ചിൽഡ്രൻസ് ഹോമിലെ കുട്ടികൾക്ക് പഠനോപകരണങ്ങളും സ്പോർട്സ് കിറ്റുകളും സമ്മാനങ്ങളും വിതരണം ചെയ്തു.

 എറണാകുളം ചൈൽഡ് വെൽഫെയർ കമ്മിറ്റിയുടെ  നേതൃത്വത്തിൽ റിലയൻസ് ജിയോ കൊച്ചി യൂണിറ്റുമായി സഹകരിച്ചാണ് പദ്ധതി നടപ്പിലാക്കിയത്.

​കമ്പനി ജീവനക്കാർ  സമാഹരിച്ച തുക ഉപയോഗിച്ചാണ് കുട്ടികൾക്ക് ആവശ്യമായ പഠനോപകരണങ്ങളും കായിക പരിശീലനത്തിനുള്ള സ്പോർട്സ് കിറ്റുകളും മറ്റു സമ്മാനങ്ങളും നൽകിയത്. പരിപാടിയുടെ ഉദ്ഘാടനം എറണാകുളം സി.ഡബ്ല്യു.സി ചെയർപേഴ്സൺ അഡ്വ. ഉല്ലാസ് മധു നിർവഹിച്ചു.

 2026-27 അധ്യയന വർഷത്തിന് മുന്നോടിയായി മോട്ടോർ വാഹന വകുപ്പിന്റെ നേതൃത്വത്തിൽ സ്കൂൾ ബസുകളുടെ സുരക്ഷാ പരിശോധന മെയ് 20, 23 തീയതികളിൽ കളമശ്ശേരി സി.എഫ് ഗ്രൗണ്ടിൽ രാവിലെ എട്ട് മുതൽ നടക്കും. 

 കുട്ടികളുടെ സുരക്ഷ മുൻനിർത്തി ട്രാൻസ്പോർട്ട് കമ്മീഷണർ നൽകിയിട്ടുള്ള എല്ലാ നിർദ്ദേശങ്ങളും കൃത്യമായി പാലിക്കപ്പെടുന്നുണ്ടെന്ന് ഉറപ്പുവരുത്തിയതിന് ശേഷം മാത്രമേ വാഹനങ്ങൾക്ക് അനുമതി നൽകുകയുള്ളൂ എന്ന് ജില്ലാ റീജണൽ ട്രാൻസ്പോർട്ട് ഓഫീസർ കെ ആർ സുരേഷ് അറിയിച്ചു. 

ഇത്തവണത്തെ എസ്.എസ്.എൽ.സി പരീക്ഷയിൽ മിന്നും വിജയം നേടി എറണാകുളം ജില്ല. ജില്ലയിൽ  99.61 ശതമാനം വിദ്യാർത്ഥികളാണ് ഉപരിപഠനത്തിന് അർഹത നേടിയത്. പരീക്ഷ എഴുതിയ 30,578 വിദ്യാർത്ഥികളിൽ 30,458 പേരും  വിജയം കൈവരിച്ചു.  പെൺകുട്ടികളാണ് മുന്നിൽ. 
പരീക്ഷ എഴുതിയ 15,715 ആൺകുട്ടികളിൽ 15,649 പേരും, 14,863 പെൺകുട്ടികളിൽ 14,809 പേരും വിജയിച്ചു.

​ജില്ലയിലാകെ 2203 വിദ്യാർത്ഥികൾ എല്ലാ വിഷയങ്ങളിലും എ പ്ലസ്നേടി. ഇതിൽ 1553 പെൺകുട്ടികളും 650 ആൺകുട്ടികളുമാണ് ഉള്ളത്. 

എറണാകുളം സർക്കാർ മെഡിക്കൽ കോളേജിൽ ജനറൽ മെഡിസിൻ, നെഫ്രോളജി, ജനറൽ സർജറി ആൻഡ് കാർഡിയോളജി എന്നീ വിഭാഗങ്ങളിലേക്കായി ജൂനിയർ റെസിഡന്റുമാരെ നാൽപ്പത്തി അയ്യായിരം രൂപ വേതനത്തിൽ കരാർ അടിസ്ഥാനത്തിൽ 90 ദിവസത്തേക്ക് നിയമിക്കുന്നു. ഉദ്യോഗാർത്ഥികൾ മെയ് 19ന് രാവിലെ 11 ന് മുൻപായി യോഗ്യത, വയസ്, ജോലി പരിചയം ടി.സി.എം.സി രജിസ്ട്രേഷൻ എന്നിവ തെളിയിക്കുന്ന അസൽ രേഖകൾ സഹിതം അഡ്മിനിസ്ട്രേറ്റീവ് ബ്ലോക്കിൽ ഹാജരാകേണ്ടതാണ്. പ്രവർത്തിപരിചയം അഭികാമ്യം. ഫോൺ 0484 2754000