ലോക ക്ഷീര ദിനാചരണത്തിന്റെ ജില്ലാ തല ഉദ്ഘാടനം ഇന്ന് (ജൂണ്‍ 3) നടക്കും. കുടുംബശ്രീ ജില്ലാ മിഷന്റെ നേതൃത്വത്തില്‍ പാലക്കാട് ടോപ് ഇന്‍ ടൗണ്‍ ഓഡിറ്റോറിയത്തില്‍ രാവിലെ 10നാണ് പരിപാടി. ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ. ബിനുമോള്‍ നിര്‍വഹിക്കും. എക്സ്പോ, സെമിനാര്‍, ചര്‍ച്ച എന്നിവ ദിനാചരണത്തിന്റെ ഭാഗമായി നടക്കും.

ഐ.എച്ച്.ആര്‍.ഡി വടക്കഞ്ചേരി കോളേജില്‍ ഒന്നാം സെമസ്റ്റര്‍ ബിരുദപ്രവേശനത്തിനുള്ള ആപ്ലിക്കേഷന്‍ ഫോം കോളേജ് ഓഫീസില്‍ ലഭിക്കുമെന്ന് പ്രിന്‍സിപ്പല്‍ അറിയിച്ചു. ഫോണ്‍: 04922 255061

വടക്കന്തറ പൊലീസ് ക്വാര്‍ട്ടേഴ്സ് വളപ്പിലെ പഴക്കം ചെന്ന് ജീര്‍ണാവസ്ഥയിലായ 65 മുതല്‍ 80 വരെയും 97 മുതല്‍ 112 വരെയുള്ള ക്വാര്‍ട്ടേഴ്സുകള്‍ പൊളിച്ചു നീക്കുന്നതിന് ലേലം നടത്തും. ജൂണ്‍ 12 പകല്‍ 11ന് ടൗണ്‍ സൗത്ത് പൊലീസ് സ്റ്റേഷന്‍ പരിസരത്ത് ലേലം നടക്കുമെന്ന് ജില്ലാ പൊലീസ് മേധാവി അറിയിച്ചു. നിരതദ്രവ്യമായ 60,000 രൂപ കെട്ടിവെക്കണം. ഫോണ്‍: 0491 2536700

സംരംഭകര്‍ക്കായി വ്യവസായ വാണിജ്യവകുപ്പിന്റെ സംരംഭകത്വ വികസന സ്ഥാപനമായ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവല്‌പെന്റ്  വര്‍ക്കിങ് കാപ്പിറ്റല്‍ മാനേജ്‌മെന്റ് എന്ന വിഷയത്തില്‍ ജൂണ്‍ അഞ്ചിന് ഒരു ദിവസത്തെ വര്‍ക്ക്‌ഷോപ്പ് നടത്തും.  താല്‍പര്യമുള്ളവര്‍ http://://kied.info/training-calender/ ല്‍ ജൂണ്‍ മൂന്നിന് മുമ്പായി അപേക്ഷിക്കണം. ഫോണ്‍: 0484 2532890, 2550322, 7994903058.

ജില്ലാ ഭരണകൂടവും ജില്ലയിലെ വിവിധ ബ്ലോക്ക് പഞ്ചായത്തുകളും കേരള സോഷ്യല്‍ സെക്യൂരിറ്റി മിഷനും സാമൂഹ്യനീതിവകുപ്പും സംയുക്തമായി 'സ്പര്‍ശം-2025' എന്ന പേരില്‍ ജില്ലയിലെ വിവിധ ബ്ലോക്കുകളില്‍ പ്രത്യേക സേവന ക്യാമ്പുകള്‍ ജൂണ്‍ 3 മുതല്‍ 20 വരെ സംഘടിപ്പിക്കുന്നു. ഭിന്നശേഷിക്കാര്‍ക്കും വയോജനങ്ങള്‍ക്കും ആവശ്യാനുസൃതമായി കൃത്രിമ അവയവങ്ങളും സഹായോപകരണങ്ങളും നല്‍കുകയാണ് ക്യാമ്പിന്റെ പ്രധാന ലക്ഷ്യം. UDID/UHID രജിസ്‌ട്രേഷന്‍, ആധാര്‍ സേവനങ്ങള്‍, മോട്ടോറൈസ്ഡ് ട്രൈസൈക്കിള്‍ ലേണിംഗ് ലൈസന്‍സ്, വിവിധ സര്‍ക്കാര്‍ ക്ഷേമ പദ്ധതികളിലേക്കുള്ള രജിസ്‌ട്രേഷന്‍ എന്നീ സേവനങ്ങളും ക്യാമ്പില്‍ ലഭ്യമാകും.

 ലോക പുകയില വിരുദ്ധ ദിനാചരണത്തിന്റെയും ആരോഗ്യം ആനന്ദം അകറ്റാം അര്‍ബുദം കാന്‍സര്‍ പ്രതിരോധ ജനകീയ ക്യാമ്പയിന്റെ രണ്ടാം ഘട്ടത്തിന്റെയും ജില്ലാതല ഉദ്ഘാടനം കെ .ഡി പ്രസേനന്‍ എം എല്‍ എ നിര്‍വഹിച്ചു. പാലക്കാട് ജില്ലാ പഞ്ചായത്ത് പ്രസിഡന്റ് ബിനുമോള്‍ കെ  അധ്യക്ഷത വഹിച്ചു.