ഐ.എച്ച്.ആര്‍.ഡി യുടെ നിയന്ത്രണത്തിലുള്ള അയലൂര്‍ കോളേജ് ഓഫ് അപ്ലൈഡ് സയന്‍സില്‍ ബി.എസ്.സി കമ്പ്യൂട്ടര്‍ സയന്‍സ്, ബികോം വിത്ത് കമ്പ്യൂട്ടര്‍ അപ്ലിക്കേഷന്‍ എന്നീ കോഴ്‌സുകളിലേക്കുള്ള അഡ്മിഷന്‍ രജിസ്‌ട്രേഷന്‍ ആരംഭിച്ചു. 50 ശതമാനം സീറ്റില്‍ യൂണിവേഴ്‌സിറ്റി നേരിട്ട് മെറിറ്റ് അടിസ്ഥാനത്തില്‍ http://admission.uoc.ac.in എന്ന പോര്‍ട്ടല്‍ വഴിയും 50 ശതമാനം സീറ്റില്‍  ഐ.എച്ച്.ആര്‍.ഡി ihrdadmissions.org എന്ന പോര്‍ട്ടല്‍ വഴിയും അഡ്മിഷന്‍ നടത്തും. വിശദ വിവരങ്ങള്‍ക്ക് ഫോണ്‍: 8547005029, 9446829201
 

എരുത്തേമ്പതി ശ്രീവിദ്യ വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ വി.എച്ച്.എസ്.ഇ വിഭാഗത്തില്‍ ദിവസ വേതനാടിസ്ഥാനത്തില്‍ അധ്യാപക നിയമനം നടത്തുന്നു. അഗ്രികള്‍ച്ചര്‍ (യോഗ്യത: ബി.എസ്.സി അഗ്രികള്‍ച്ചര്‍), ഇംഗ്ലീഷ് (യോഗ്യത: എം.എ ഇംഗ്ലീഷ്, ബി.എഡ്, സെറ്റ്) വിഷയങ്ങളിലാണ് ഒഴിവുകള്‍. ജൂണ്‍ അഞ്ചിന് രാവിലെ 11 മണിക്ക് ഓഫീസില്‍ വെച്ച് കൂടിക്കാഴ്ച നടക്കും.

ആലത്തൂര്‍ താലൂക്ക് വികസന സമിതി യോഗം ജൂണ്‍ ഒന്‍പതിന്. രാവിലെ 10.30 ന് ആലത്തൂര്‍ മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ ചേരുമെന്ന് തഹസില്‍ദാര്‍ അറിയിച്ചു.

സംസ്ഥാന ഫിഷറീസ് വകുപ്പ് നടപ്പാക്കുന്ന വിദ്യാതീരം പദ്ധതിയിലുള്‍പ്പെടുത്തി മത്സ്യത്തൊഴിലാളികളുടെ മക്കള്‍ക്ക് ഐ.ഐ.ടി/എന്‍.ഐ.ടി എന്‍ട്രന്‍സ്, സിവില്‍ സര്‍വീസ്, മെഡിക്കല്‍ എന്‍ട്രന്‍സ് തുടങ്ങിയ മത്സര പരീക്ഷകള്‍ക്ക്  സൗജന്യ പരിശീലനം നല്‍കുന്നു. ഒരു വര്‍ഷത്തെ പരിശീലനത്തിനാണ് സര്‍ക്കാര്‍ ധനസഹായം നല്‍കുക.

അട്ടപ്പാടി രാജീവ് ഗാന്ധി സ്മാരക ആര്‍ട്‌സ് ആന്‍ഡ് സയന്‍സ് കോളേജില്‍ ഇക്കണോമിക്‌സ്, ഫിസിക്കല്‍ എജ്യൂക്കേഷന്‍ എന്നീ വിഷയങ്ങളിലെ അതിഥി അധ്യാപക ഒഴിവുകളിലേക്ക് ജൂണ്‍ നാലിന് നടത്താനിരുന്ന കൂടിക്കാഴ്ച അഞ്ചിലേക്ക് മാറ്റിവച്ചതായി പ്രിന്‍സിപ്പല്‍ അറിയിച്ചു.  55 ശതമാനം മാര്‍ക്കോടുകൂടി ബിരുദാനന്തരബിരുദം, നെറ്റ് എന്നിവയാണ് യോഗ്യത.  യോഗ്യരായ ഉദ്യോഗാര്‍ഥികള്‍ അസ്സല്‍ രേഖകളും പകര്‍പ്പുകളുമായി അന്നേ ദിവസം രാവിലെ പത്തിന് പ്രിന്‍സിപ്പലുടെ ഓഫീസില്‍ എത്തിച്ചേരണം. ഫോണ്‍: 04924 254142.