ജില്ലയില്‍ സ്ഥിരതാമസക്കാരായ പട്ടികജാതി, പട്ടികവര്‍ഗ്ഗ, പിന്നാക്ക, ന്യൂനപക്ഷ (ക്രിസ്ത്യന്‍/മുസ്ലീം), പൊതുവിഭാഗങ്ങളില്‍പ്പെട്ട വനിതകള്‍ക്ക് കേരള സംസ്ഥാന വനിതാ വികസന കോര്‍പ്പറേഷന്‍ സ്വയംതൊഴില്‍ വായ്പ നല്‍കുന്നു. 18 നും 55 നും ഇടയില്‍ പ്രായമുള്ള തൊഴില്‍രഹിതരായ വനിതകള്‍ക്ക് അപേക്ഷിക്കാം. നാല് മുതല്‍ എട്ട് ശതമാനം വരെ പലിശനിരക്കില്‍  വസ്തു/ഉദ്യോഗസ്ഥ ജാമ്യവ്യവസ്ഥയിലാണ് വായ്പ.  mithrasoft.kswdc.org മുഖേനയാണ് അപേക്ഷ സമര്‍പ്പിക്കേണ്ടത്.

ചെങ്ങന്നൂര്‍ സര്‍ക്കാര്‍ വനിത ഐ.ടി.ഐ യിലെ  ഇലക്ട്രോണിക്സ് മെക്കാനിക്ക്, കംപ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, ഡ്രാഫ്റ്റ്സ്മാന്‍ സിവില്‍, സര്‍വെയര്‍, കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ് വര്‍ക്ക് മെയിന്റനന്‍സ്, സ്റ്റെനോഗ്രാഫര്‍ ആന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്), ഡ്രെസ്സ് മേക്കിംഗ് എന്നീ ട്രേഡുകളിലേക്ക് പ്രവേശനത്തിന് അപേക്ഷിക്കാം.    https://itiadmissions.kerala.gov.in മുഖേന ജൂണ്‍ 30 നകം അപേക്ഷ സമര്‍പ്പിക്കണം. ശേഷം തൊട്ടടുത്തുള്ള സര്‍ക്കാര്‍ ഐടിഐയില്‍ എത്തി വെരിഫിക്കേഷന്‍ നടപടികള്‍ പൂര്‍ത്തീകരികണം. ഫോണ്‍ : 0479 2457496, 9747454553.
 

സെന്‍സസ്-2027ന്റെ ഭാഗമായി വീടുവീടാന്തരവിവരശേഖരണത്തിന് എത്തുന്ന ഉദ്യോഗസ്ഥര്‍ക്ക് (എന്യൂമറേറ്റര്‍സ്) തെറ്റായവിവരംനല്‍കുന്നത് പ്രവര്‍ത്തനംതടസപ്പെടുത്തുന്നതിന് തുല്യാമാണെന്നും ശിക്ഷാര്‍ഹമാണെന്നും ജില്ലാ പ്രിന്‍സിപ്പല്‍ സെന്‍സസ് ഓഫീസറായ ജില്ലാ കലക്ടര്‍ ആനി ജൂല തോമസ്. തെറ്റായ മറുപടി നല്‍കുക, ഉദ്യോഗസ്ഥര്‍ ഭവനങ്ങളില്‍ കയറുന്നത് വിലക്കുക, സെന്‍സസ് ആവശ്യത്തിന് വീടുകളില്‍ പതിപ്പിക്കുന്ന അടയാളങ്ങള്‍ നീക്കംചെയുക, ഔദ്യോഗിക സെന്‍സസ് ഷെഡ്യൂള്‍ ഫോം പൂരിപ്പിക്കാതിരിക്കുക എന്നിവ കുറ്റങ്ങളാണ്.

ജില്ലാ ഇന്‍ഫര്‍മേഷന്‍ ഓഫീസില്‍ കരാര്‍ ഫൊട്ടോഗ്രഫര്‍മാരാകാന്‍ അവസരം.  ഡിജിറ്റല്‍ എസ്.എല്‍.ആര്‍/ മിറര്‍ലെസ് ക്യാമറകള്‍ ഉള്ളവര്‍ക്ക് അപേക്ഷിക്കാം. വൈഫൈ ക്യാമറ കൈവശമുള്ളവര്‍, ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിലോ പത്രങ്ങളിലോ ഫൊട്ടോഗ്രഫറായി ജോലിചെയ്തവര്‍ക്കും മുന്‍ഗണന ലഭിക്കും. ജില്ലയില്‍ സ്ഥിരതാമസമുള്ളവര്‍ക്കാണ് അപേക്ഷിക്കാവുന്നത്.  ക്രിമിനല്‍ കേസുകളില്‍പ്പെടുകയോ ശിക്ഷിക്കപ്പെട്ടിട്ടുള്ളവരോ ആരോപണവിധേയരോ അച്ചടക്ക നടപടി നേരിട്ടവരോ ആകരുത്.

 പ്രജനന സമയങ്ങളില്‍ വയലുകളിലും ചെറുതോടുകളിലും എത്തുന്ന മത്സ്യങ്ങളുടെ സഞ്ചാരപാതയില്‍ തടസം വരുത്തിയും അനധികൃത ഉപകരണങ്ങള്‍ ഉപയോഗിച്ചും മത്സ്യം പിടിക്കുന്നത് നിരോധിച്ചിട്ടുണ്ട്. അത്തരം പ്രവര്‍ത്തികളില്‍ ഏര്‍പ്പെടുന്നവര്‍ക്ക് 15000 രൂപ വരെ പിഴയും ആറ് മാസം തടവും  ലഭിക്കുന്നതാണെന്ന് പത്തനംതിട്ട ഫിഷറീസ് അസിസ്റ്റന്റ് ഡയറക്ടര്‍ അറിയിച്ചു.

കേരള സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡിന്റെ ഇലക്ട്രിക്കല്‍ വയര്‍മാന്‍ എഴുത്ത്  പരീക്ഷ ജൂണ്‍ 13 ന് പത്തനംതിട്ട സര്‍ക്കാര്‍ എച്ച് എസ് എസ് ആന്റ് വി എച്ച് എസില്‍ നടക്കും. ജൂണ്‍ ആറുമുതല്‍ ഹാള്‍ടിക്കറ്റ് https://samraksha.ccikerala.gov.in  സൈറ്റില്‍ നിന്ന് ഡൗണ്‍ലോഡ് ചെയ്യാം.  ഫോണ്‍ : 0468 2223123.

സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്ആര്‍സി കമ്യൂണിറ്റി കോളജില്‍ ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് പ്രോഗ്രാമിലേക്ക് പ്ലസ്ടു / തത്തുല്യ യോഗ്യതയുള്ളവര്‍ക്ക് അപേക്ഷിക്കാം.  അവസാന തീയതി ജൂലൈ 20. അപേക്ഷ ഫോം തിരുവനന്തപുരം എസ്ആര്‍സി ഓഫീസില്‍ ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി ഒ, തിരുവനന്തപുരം 33. ഫോണ്‍: 0471 2570471, 9846033001. വെബ്സൈറ്റ്: wwws.rc.kerala.gov.in

 ജില്ല സാമൂഹ്യനീതി ഓഫീസിലെ ഔദ്യോഗിക ആവശ്യത്തിന് ടാക്‌സി പെര്‍മിറ്റുള്ള വാഹന ഉടമകളില്‍ നിന്നും  കരാര്‍ അടിസ്ഥാനത്തില്‍   വാഹനം (കാര്‍) ഡ്രൈവര്‍ സഹിതം  വിട്ടു നല്‍കുന്നതിന് ടെന്‍ഡര്‍ ക്ഷണിച്ചു. അവസാന തീയതി ജൂണ്‍  16 ഉച്ചയ്ക്ക്  രണ്ട് വരെ. ഫോണ്‍ : 0468 2325168. 8281999004

കോളജ് ഓഫ് എൻജിനിയറിങ് തിരുവനന്തപുരത്തെ സർക്കാരിതര ഫണ്ടിൽ നിന്നും വേതനം നൽകുന്ന ബസ് ഡ്രൈവർ കം ക്ലീനർ താത്കാലിക തസ്തികയിൽ 178 ദിവസത്തേക്ക് ദിവസവേതനം 810 രൂപ നിരക്കിൽ ജോലി നോക്കുന്നതിന് താത്പര്യമുള്ള വ്യക്തികളിൽ നിന്ന് അപേക്ഷ ക്ഷണിച്ചു. ഏഴാം ക്ലാസ് പാസ് ആണ് യോഗ്യത. ഹെവി ഡ്യൂട്ടി വെഹിക്കിൾ ലൈസൻസ് വിത്ത് ബാഡ്ജ്, 10 വർഷത്തിൽ കുറയാത്ത പ്രവൃത്തി പരിചയം, മോട്ടോർ വാഹന നിയമം അനുശാസിക്കുന്ന പ്രകാരമുള്ള കാഴ്ച, കേൾവി എന്നിവ ഉണ്ടായിരിക്കണം.