കോളജ് ഓഫ് എൻജിനിയറിങ് തിരുവനന്തപുരത്തെ സർക്കാരിതര ഫണ്ടിൽ നിന്നും വേതനം നൽകുന്ന ബസ് ഡ്രൈവർ കം ക്ലീനർ താത്കാലിക തസ്തികയിൽ 178 ദിവസത്തേക്ക് ദിവസവേതനം 810 രൂപ നിരക്കിൽ ജോലി നോക്കുന്നതിന് താത്പര്യമുള്ള വ്യക്തികളിൽ നിന്ന് അപേക്ഷ ക്ഷണിച്ചു. ഏഴാം ക്ലാസ് പാസ് ആണ് യോഗ്യത. ഹെവി ഡ്യൂട്ടി വെഹിക്കിൾ ലൈസൻസ് വിത്ത് ബാഡ്ജ്, 10 വർഷത്തിൽ കുറയാത്ത പ്രവൃത്തി പരിചയം, മോട്ടോർ വാഹന നിയമം അനുശാസിക്കുന്ന പ്രകാരമുള്ള കാഴ്ച, കേൾവി എന്നിവ ഉണ്ടായിരിക്കണം.

2026-28 വർഷത്തെ ദ്വിവത്സര നഴ്സറി ടീച്ചർ എഡ്യൂക്കേഷൻ കോഴ്സിന് അപേക്ഷ ക്ഷണിച്ചു. പൊതുവിദ്യാഭ്യാസ ഡയറക്ടർ പുറപ്പെടുവിച്ചിട്ടുള്ള 08/06/2026 ലെ എൻ.എസ്.(4)/9884/2026 വിജ്ഞാപന പ്രകാരം അപേക്ഷകൾ ജൂലൈ 1 വൈകിട്ട് 5 വരെ സ്വീകരിക്കും.

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് ഇന്ന് (ജൂൺ 11 ) രാത്രി 08.30 മുതൽ ജൂൺ 12 രാത്രി 11.30 വരെ 0.8 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം  അറിയിച്ചു.

കാലവര്‍ഷ മുന്നൊരുക്കത്തിന്റെ ഭാഗമായി തിരുവല്ലയിലെ പ്രളയ സാധ്യത പ്രദേശങ്ങള്‍ എന്‍ഡിആര്‍എഫ് സംഘം സന്ദര്‍ശിച്ചു. പെരിങ്ങര വില്ലേജിലെ  മണിമലയാറിന്റെയും നിരണം വില്ലേജിലെ പമ്പയാറിന്റെയും തീരപ്രദേശങ്ങള്‍ സന്ദര്‍ശിച്ച് സ്ഥിതിഗതി വിലയിരുത്തി. ദുരിതാശ്വാസ ക്യാമ്പുകളായി പ്രവര്‍ത്തിക്കേണ്ട മേപ്രാല്‍ സെന്റ് ജോണ്‍സ് എല്‍പിഎസ്,  നിരണം വെസ്റ്റ് എം ഡി എല്‍ പി എസ്, കടപ്ര സെന്റ് മേരീസ്  യുപിഎസ് തുടങ്ങിയ സ്‌കൂളുകള്‍ സന്ദര്‍ശിച്ചു. വിവിധ സ്ഥലങ്ങളിലെ പ്രളയ സാധ്യത, സുരക്ഷാക്രമീകരണങ്ങള്‍,  മുന്‍ വര്‍ഷങ്ങളിലെ ദുരിതാശ്വാസ ക്യാമ്പുകളുടെ വിശദാംശങ്ങള്‍ തുടങ്ങിയവ  വിലയിരുത്തി.      

പത്തനംതിട്ട മിനി സിവില്‍ സ്‌റ്റേഷനില്‍ പ്രവര്‍ത്തിച്ചിരുന്ന ജില്ല  നഗരാസൂത്രകന്റെ (ടൗണ്‍ പ്ലാനിംഗ്) കാര്യാലയം പത്തനംതിട്ട കലക്ടറേറ്റ് പരിസരത്തുളള ജില്ല പ്ലാനിംഗ് സെക്രട്ടറിയേറ്റിന്റെ രണ്ടാം നിലയിലേക്ക്  മാറ്റി.

സംസ്ഥാന വനിത വികസന കോര്‍പറേഷന്‍ പത്തനംതിട്ട ജില്ല എംപ്ലോയ്‌മെന്റ് ഓഫീസിന് സമീപം  വനിത മിത്ര കേന്ദ്രത്തില്‍  ആറുമാസം മുതലുളള കുട്ടികള്‍ക്ക് ഡേ കെയര്‍ സെന്റര്‍ പ്രവര്‍ത്തിക്കുന്നു. പ്രവര്‍ത്തന സമയം രാവിലെ എട്ടു മുതല്‍ വൈകിട്ട് ആറ് വരെ.  ഫോണ്‍ : 8281552350, 9562919882.

ജില്ല ദുരന്തനിവാരണ അതോറിറ്റിയുടെ നേതൃത്വത്തില്‍ ഇന്‍സിഡന്റ്സ് റെസ്പോണ്‍സ് സിസ്റ്റം ( ഐ ആര്‍ എസ് ) അംഗങ്ങളുടെ പരിശീലനം കലക്ടേറ്റ് കോണ്‍ഫറന്‍സ് ഹാളില്‍ സംഘടിപ്പിച്ചു.  ജില്ല കലക്ടര്‍ എ നിസാമുദ്ദീന്‍ ഉദ്ഘാടനം ചെയ്തു. ദുരന്ത നിവാരണ പ്രവര്‍ത്തനം ഫലപ്രദമായി ഏകോപിപ്പിക്കുന്നതിന് വകുപ്പുകളുടെ സഹകരണം ആവശ്യമാണെന്ന് അദ്ദേഹം പറഞ്ഞു. ഉദ്യോഗസ്ഥര്‍ക്ക് ഐആര്‍എസിന്റെ പ്രവര്‍ത്തനവും അവരുടെ ചുമതലയും മനസ്സിലാക്കുന്നതിന്  പരിശീലനത്തിലൂടെ സാധിക്കും.
 കേരള സ്റ്റേറ്റ് ക്ലൈമറ്റ് ചേഞ്ച് അഡാപ്റ്റേഷന്‍ മിഷന്‍ അഡ്മിനിസ്ട്രേറ്റീവ് മാനേജരും ഐആര്‍എസ് നോഡല്‍ ഓഫീസറുമായ സിജി എം തങ്കച്ചന്‍ ക്ലാസ് നയിച്ചു.

സ്‌കൂള്‍ പ്രവേശനോത്സവത്തിന്റെ ജില്ലാതല ഉദ്ഘാടനം ആറന്മുള സര്‍ക്കാര്‍ വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ അബിന്‍ വര്‍ക്കി കോടിയാട്ട് എംഎല്‍എ നിര്‍വഹിച്ചു. ഭാവിയിലേക്കുള്ള വാതില്‍ തുറന്നാണ് കുരുന്നുകള്‍ സ്‌കൂളിലെത്തുന്നതെന്നും വായനയിലൂടെ പുതിയ ലോകം കുട്ടികള്‍ക്ക് ലഭിക്കട്ടെയെന്നും അദ്ദേഹം ആശംസിച്ചു.

 
കാലവര്‍ഷത്തിന് മുന്നോടിയായി ജില്ലയിലെ ദുരിതാശ്വാസ ക്യാമ്പുകളില്‍ അടിസ്ഥാന സൗകര്യം ഉറപ്പാക്കുമെന്ന്  സാംസ്‌കാരിക ടൂറിസം വകുപ്പ് മന്ത്രി പി സി വിഷ്ണുനാഥ്.

 * ലോക രക്തദാതാ ദിനാചരണത്തിന്റെ സംസ്ഥാനതല ഉദ്ഘാടനം മന്ത്രി നിർവഹിച്ചു