ഇടവിട്ട് വേനൽ മഴ പെയ്യുന്നതിനാല്‍ ഡെങ്കിപ്പനിയ്ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. ഡെങ്കിപ്പനിക്ക് കാരണമാകുന്ന ഈഡിസ് കൊതുകുകള്‍ മുട്ടയിട്ട് പെരുകാനുള്ള സാധ്യത കൂടുതലായതിനാൽ ഉറവിട നശീകരണ പ്രവർത്തനങ്ങൾ ഊർജ്ജിതമാക്കണം.

ഞായറാഴ്ച്ച വീടുകളിലും പൊതുസ്ഥലങ്ങളിലും ശനിയാഴ്ച്ച സ്ഥാപനങ്ങളിലും നിർമ്മാണ മേഖലകളിലും വെള്ളിയാഴ്ച്ച വിദ്യാഭ്യാസ സ്ഥാപനങ്ങളിലും ഡ്രൈ ഡേ ആചരിക്കേണ്ടതാണ്. ഡെങ്കിപ്പനി കേസുകള്‍ ജില്ലയിൽ പലയിടത്തും റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ പൊതുജനങ്ങള്‍ പരമാവധി ജാ​ഗ്രത പാലിക്കണം.

നിയമസഭ തിരഞ്ഞെടുപ്പുമായി ബന്ധപ്പെട്ട് ഫ്‌ളയിങ് സ്‌ക്വാഡ് നടത്തിയ വാഹന പരിശോധനയില്‍ മതിയായ രേഖകളില്ലാതെ കൊണ്ടുപോവുകയായിരുന്ന 3,99,500 രൂപ പിടികൂടി. കുറ്റ്യാടി മണ്ഡലത്തില്‍നിന്ന് 2,79,500 രൂപയും നാദാപുരം മണ്ഡലത്തില്‍നിന്ന് 1,20,000 രൂപയുമാണ് പിടിച്ചെടുത്തത്. ഇതുവരെ 80,27,160 രൂപ ഇത്തരത്തില്‍ പിടിച്ചെടുത്തിട്ടുണ്ട്. 

 എന്റെ ഒരു വോട്ട് കൊണ്ട് എന്തു സംഭവിക്കാൻ എന്ന ജെൻ സീ ചോദ്യങ്ങൾക്ക്  ആ ഒരു വോട്ട് മതി നാടിന്റെ വിധി മാറ്റിയെഴുതാൻ എന്ന തകർപ്പൻ സന്ദേശവുമായി വൈറലായിരിക്കുകയാണ് തിരുവനന്തപുരം ജില്ലാ കളക്ടർ അനു കുമാരിയും മുഖ്യ തിരഞ്ഞെടുപ്പ്  ഓഫീസർ ഡോ രത്തൻ  യു കേൽക്കറും സംഘവും തയ്യാറാക്കിയ വീഡിയോ. അടിപൊളി മ്യൂസിക്കും കുറിക്കു കൊള്ളുന്ന സന്ദേശവുമാണ് വീഡിയോയുടെ പ്രത്യേകത.

ജില്ലയിൽ ഫോം ഡി പ്രകാരം അവശ്യ സർവീസ് വിഭാഗത്തിൽ ഉൾപ്പെട്ട് തപാൽ വോട്ടിന് അപേക്ഷിച്ച പോലീസുകാരിൽ 97.38 ശതമാനം പേർ വോട്ട് ചെയ്തു. പോലീസിന്റെ ഈ വിഭാഗത്തിൽ അംഗീകരിച്ച 2745 തപാൽ വോട്ട് അപേക്ഷകളിൽ 2673 പേരാണ് വോട്ട് ചെയ്തത്. 

കണ്ണൂർ സിറ്റി പോലിസ് പരിധിയിൽ ഫോം 12 ഡി പ്രകാരം തപാൽ വോട്ടിന് അപേക്ഷിച്ച മുഴുവൻ പേരും വോട്ട് ചെയ്തു. 1769 പേരാണ് ഈ വിഭാഗത്തിൽ വോട്ട് രേഖപ്പെടുത്തിയത്. 

കണ്ണൂർ റൂറൽ പോലീസ് പരിധിയിൽ 976 പേരാണ് ഫോം 12 ഡി പ്രകാരം തപാൽ വോട്ടിന് അപേക്ഷിച്ചത്. ഇതിൽ 904 പേരും വോട്ട് ചെയ്തു. 

റാങ്ക് പട്ടിക റദ്ദാക്കി

ജില്ലയില്‍ മൃഗസംരക്ഷണ വകുപ്പില്‍ ലൈവ്സ്റ്റോക്ക് ഇന്‍സ്പെക്ടര്‍ ഗ്രേഡ് രണ്ട്/പൗള്‍ട്രി അസിസ്റ്റന്റ്/സ്റ്റോര്‍ കീപ്പര്‍/എന്യൂമറേറ്റര്‍ (കാറ്റഗറി നമ്പര്‍: 536/2019) തസ്തികകളുടെ മുഖ്യപട്ടികയില്‍ ഉള്‍പ്പെട്ട മുഴുവന്‍ ഉദ്യോഗാര്‍ഥികള്‍ക്കും നിയമന ശിപാര്‍ശ നല്‍കിയതിനാല്‍ റാങ്ക് പട്ടിക റദ്ദാക്കിയതായി പി.എസ്.സി ജില്ലാ ഓഫീസര്‍ അറിയിച്ചു.

നടപടികള്‍ റദ്ദാക്കി

സൗഹൃദത്തിന്റെ ക്രീസിൽ കുത്തി തിരിഞ്ഞെത്തിയ പന്തിനെ ക്‌ളീൻ സ്വീപ് ചെയ്ത് ജില്ലാ തിരഞ്ഞെടുപ്പ് ഉദ്യോഗസ്ഥനും ജില്ലാ കളക്ടറുമായ അരുൺ കെ.വിജയൻ. 

നിയമസഭ തിരഞ്ഞെടുപ്പിനോടനുബന്ധിച്ച് ജില്ലാ ഭരണകൂടവും ജില്ലാ തിരഞ്ഞെടുപ്പ് വിഭാഗവും നടപ്പിലാക്കുന്ന സ്വീപ് ക്യാമ്പയിനായ ‘ഇങ്ക് ഇറ്റ് കണ്ണൂരി’ന്റെ ഭാഗമായി കണ്ണൂർ പോലീസ് ടർഫിൽ നടന്ന സൗഹൃദ ക്രിക്കറ്റ് മത്സരത്തിലാണ് ജില്ലാ കളക്ടറും ടീമും റൺ അടിച്ചു കൂട്ടിയത്. 

തലശ്ശേരി നിയമസഭ മണ്ഡലം പൊതു നിരീക്ഷകൻ ഡോ.എസ്. ഉമാശങ്കറുമായി  പൊതുജനങ്ങൾക്ക് ആശയവിനിമയം നടത്താം. തലശ്ശേരി റസ്റ്റ് ഹൗസിൽ ഉച്ച രണ്ടു മണി മുതൽ മൂന്നു മണി വരെ നേരിട്ടും 9188942621എന്ന നമ്പറിലും ബന്ധപ്പെടാം.

ജില്ലയില്‍ പോളിങ്ഡ്യൂട്ടിക്ക് നിയോഗിക്കപ്പെട്ട ജീവനക്കാരില്‍ രണ്ടാംഘട്ട പരിശീലനത്തില്‍ പങ്കെടുക്കാന്‍ കഴിയാത്തവര്‍ക്കുള്ള പരിശീലനം ഏപ്രില്‍ ആറിന് നടക്കുമെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ കലക്ടര്‍ സ്‌നേഹില്‍ കുമാര്‍ സിങ് അറിയിച്ചു. രാവിലെ 9.30 മുതല്‍ നിലവിലെ പരിശീലന കേന്ദ്രങ്ങളില്‍ തന്നെയാണ് പരിശീലനം. രണ്ടാംഘട്ട പരിശീലനത്തില്‍ പങ്കെടുക്കാന്‍ കഴിയാത്ത എല്ലാ പോളിങ് ഉദ്യോഗസ്ഥരും ഇതില്‍ നിര്‍ബന്ധമായും പങ്കെടുക്കണമെന്ന് കലക്ടര്‍ അറിയിച്ചു.

വഖഫ് ബോർഡ് സിറ്റിങ് മാറ്റി 

ഏപ്രിൽ എട്ടിന് പയ്യാമ്പലം പി.ഡബ്ലിയുഡി റസ്റ്റ് ഹൗസിൽ നടക്കാനിരുന്ന വഖഫ് ബോർഡിന്റെ ജുഡീഷ്യൽ കമ്മീഷൻ സിറ്റിങ് മാറ്റിവച്ചതായി ഡിവിഷണൽ വഖഫ് ഓഫീസർ അറിയിച്ചു.

വൈദ്യുതി മുടങ്ങും 

നിയമസഭ തെരഞ്ഞെടുപ്പിലെ ഹോം വോട്ടിംഗ് ജില്ലയിൽ പൂർത്തിയായപ്പോൾ 97 ശതമാനം പേർ വീട്ടിൽ വോട്ടിട്ടു. 

ആകെ അംഗീകരിച്ച 19276 അപേക്ഷകളിൽ 18756 പേരാണ് വോട്ട് ചെയ്തത്. 

ഇതിൽ 13681 പേർ 85 ന് മുകളിൽ പ്രായമുള്ളവരുടെ വിഭാഗത്തിലും 5075 പേർ ഭിന്നശേഷി വിഭാഗത്തിലും ഉൾപ്പെടുന്നവരാണ്. 

വീട്ടിൽ വോട്ട് ചെയ്യാനുള്ള അപേക്ഷ സ്വീകരിക്കപ്പെട്ട വോട്ടറുടെ വീട്ടിൽ എത്തിയ ഉദ്യോഗസ്ഥ സംഘംവോട്ടർ സ്ഥലത്തില്ലാത്ത അവസരത്തിൽ 
രണ്ടാമതും എത്തിയാണ് വോട്ടിംഗ് പ്രക്രിയ പൂർത്തീകരിച്ചത്.