പട്ടികജാതി പട്ടികവര്‍ഗ്ഗ വിഭാഗക്കാര്‍ക്ക് അനുവദിച്ച ഭൂമി മറ്റുള്ളവര്‍ കയ്യേറുന്നെന്ന പരാതി ഗൗരവമായി പരിശോധിക്കുമെന്ന് കേരള നിയമസഭാ പട്ടികജാതി പട്ടികവര്‍ഗ്ഗ ക്ഷേമ സമിതി ചെയര്‍പേഴ്‌സണ്‍ കെ ശാന്തകുമാരി എംഎല്‍എ. ജില്ലയിലെ പട്ടികജാതി പട്ടികവര്‍ഗ്ഗ ക്ഷേമം സംബന്ധിച്ച് കേരള നിയമസഭാ പട്ടികജാതി പട്ടികവര്‍ഗ്ഗ ക്ഷേമ സമിതി നടത്തിയ സിറ്റിങ്ങില്‍ സംസാരിക്കുകയായിരുന്നു ചെയര്‍പേഴ്‌സണ്‍.
വിവിധ നഗരസഭകളിലെ എസ് സി, എസ് ടി ഫണ്ട് വിനിയോഗത്തെ സംബന്ധിച്ച് വിശദമായ റിപ്പോര്‍ട്ട് നിയമസഭാ സമിതിക്ക് കൈമാറണമെന്ന് ചെയര്‍പേഴ്‌സണ്‍ അറിയിച്ചു.

പാലക്കാട്- പൊളളാച്ചി പാതയില്‍ കി.മീ 7/820 ല്‍ വലതു വശത്ത് നില്‍ക്കുന്ന മഴമരം മുറിച്ചു മാറ്റുന്നതിന് ക്വട്ടേഷന്‍ ക്ഷണിച്ചു. പൂരിപ്പിച്ച ക്വട്ടേഷനുകള്‍ ജൂണ്‍ 11 ന് വൈകീട്ട് നാലു മണിക്കകം അസിസ്റ്റന്റ് എഞ്ചിനീയര്‍, പൊതുമരാമത്ത് വകുപ്പ് റോഡ്‌സ് സെക്ഷന്‍ (നം. 2) കാര്യാലയം, സിവില്‍ സ്റ്റേഷന്‍, പാലക്കാട് എന്ന വിലാസത്തില്‍ തപാല്‍ മുഖേനയോ നേരിട്ടോ ലഭിക്കണം. ജൂണ്‍ 12 ന് രാവിലെ 11 മണിക്ക് ക്വട്ടേഷനുകള്‍ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 7594971167.  
 

മലമ്പുഴ ആനക്കല്‍ ഗവ. ട്രൈബല്‍ വെല്‍ഫയര്‍ ഹൈസ്‌കൂളില്‍ എച്ച്.എസ്.ടി മാത്തമാറ്റിക്സ്, എച്ച്.എസ്.ടി സോഷ്യല്‍ സയന്‍സ് തസ്തികകളില്‍ ദിവസവേതനടിസ്ഥാനത്തില്‍ നിയമനം നടത്തുന്നു. കൂടിക്കാഴ്ച്ച ജൂണ്‍ അഞ്ചിന് പകല്‍ 11 ന് സ്‌കൂള്‍ ഓഫീസില്‍ വെച്ച് നടക്കും. കൂടുതല്‍ വിവരങ്ങള്‍ക്ക് ഫോണ്‍: 9497123668
 

സാങ്കേതികവിദ്യാഭ്യാസ വകുപ്പിന് കീഴില്‍ പാലക്കാട് മരുതറോഡ് പ്രവര്‍ത്തിക്കുന്ന ഗവ. കൊമേഴ്സ്യല്‍ ഇന്‍സ്റ്റിറ്റ്യൂട്ടില്‍ ഇന്‍സ്ട്രക്ടര്‍, അസിസ്റ്റന്റ് ഇന്‍സ്ട്രക്ടര്‍ തസ്തികകളില്‍ ദിവസവേതനാടിസ്ഥാനത്തില്‍ നിയമനം നടത്തുന്നു. ബികോം(റഗുലര്‍), ഡിപ്ലോമ ഇന്‍ സെക്രട്ടേറിയല്‍ പ്രാക്ടീസ്, ഡിപ്ലോമ ഇന്‍ ഷോര്‍ട്ഹാന്‍ഡ് ആന്‍ഡ് ടൈപ്പ് റൈറ്റിങ്, കമ്പ്യൂട്ടര്‍ വേര്‍ഡ് പ്രൊസസ്സിങ് എന്നിവയാണ് യോഗ്യത. താല്‍പര്യമുള്ളവര്‍ ജൂണ്‍ 11 ന് രാവിലെ 10 മണിക്ക് അസ്സല്‍ സര്‍ട്ടിഫിക്കറ്റുമായി കൂടിക്കാഴ്ച്ചയ്ക്ക് എത്തണമെന്ന് സൂപ്രണ്ട് അറിയിച്ചു. ഫോണ്‍: 0491 2532371, 8111874768

മുഖ്യമന്ത്രിയുടെ നേതൃത്വത്തില്‍ നടന്ന പട്ടാമ്പി മണ്ഡലം നവകേരള സദസില്‍ നിര്‍ദേശിക്കപ്പെട്ട ആറ് പ്രധാന പദ്ധതികള്‍ക്കായി ഏഴ് കോടി രൂപ സര്‍ക്കാര്‍ അനുവദിച്ചു. മണ്ഡലത്തില്‍ അടിയന്തിരമായി നടപ്പിലാക്കേണ്ട പദ്ധതികള്‍ക്കാണ് ഭരണാനുമതി ലഭിച്ചത്.

സ്പെഷ്യല്‍ തഹസില്‍ദാര്‍ എല്‍.എ.ജനറലിന്റെ കാര്യാലയത്തിലെ ദൈനംദിനം ഓഫീസ് ആവശ്യത്തിന് 2000 കി.മീ പരിധി എന്ന വ്യവസ്ഥയില്‍ ഒരു വര്‍ഷത്തേക്ക് നാല് ചക്ര വാഹനം(7/9 സീറ്റ് വിഭാഗത്തില്‍ പെട്ടവ) കോണ്‍ട്രാക്ട് അടിസ്ഥാനത്തില്‍ ലഭ്യമാക്കുന്നതിന് രജിസ്റ്റര്‍ ചെയ്ത വാഹന ഉടമകളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജൂണ്‍ 15 ന് വൈകീട്ട് മൂന്നിന് മുമ്പായി അയക്കണം. ജൂണ്‍ 18 രാവിലെ 11 ന് ക്വട്ടേഷന്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 9446805002, 0491 2505002

സംസ്ഥാന പട്ടികജാതി പട്ടികവര്‍ഗ്ഗ വികസന വകുപ്പ് കമ്മ്യൂണിറ്റി സോഷ്യല്‍ വര്‍ക്കര്‍ ഒഴിവിലേക്ക് നിയമനം നടത്തുന്നു. ജില്ലയിലെ പട്ടികജാതി വിഭാഗത്തില്‍ പെട്ടവര്‍ക്ക് അപേക്ഷിക്കാം. പ്രായപരിധി 21- 35 വയസ്സ്. എം.എസ്.ഡബ്യു ആണ് യോഗ്യത. ഒരു വര്‍ഷത്തേക്കാണ് നിയമനം. താല്‍പര്യമുള്ള ഉദ്യോഗാര്‍ത്ഥികള്‍ നിശ്ചിത മാതൃകയിലുള്ള അപേക്ഷ, ജാതി, വിദ്യാഭ്യാസ യോഗ്യത, പ്രായം തെളിയിക്കുന്ന  സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് സഹിതം ജൂണ്‍ ആറിന് വൈകിട്ട് അഞ്ചിനകം ജില്ലാ പട്ടികജാതി വികസന ഓഫീസ്, പാലക്കാട്, 678001 എന്ന വിലാസത്തില്‍ നല്‍കണം.ഫോണ്‍: 04912505005
 

അട്ടപ്പാടി ഗവ ഐ.ടി.ഐയില്‍ ഡ്രാഫ്റ്റ്സമാന്‍ സിവില്‍, ഇലക്ട്രീഷ്യന്‍, മെക്കാനിക്ക് മോട്ടോര്‍ വെഹിക്കിള്‍, മെക്കാനിക് ഡീസല്‍, വെല്‍ഡര്‍ ട്രേഡുകളിലേക്ക് ജൂണ്‍ 20 വരെ ഓണ്‍ലൈനായി അപേക്ഷിക്കാം. 100 രൂപയാണ് അപേക്ഷാ ഫീസ്.  https://itiadmissions.kerala.gov.in എന്ന പോര്‍ട്ടലിലും https://det.kerala.gov.in ലിങ്ക് വഴിയുമാണ് അപേക്ഷിക്കേണ്ടത്. ഫോണ്‍: 9567517822, 7907717337, 9633021932

കോട്ടായി ആണ്‍കുട്ടികളുടെ ഗവ. പ്രീമെട്രിക് ഹോസ്റ്റലിലേക്ക് മേട്രണ്‍ കം റസിഡന്റ് ട്യൂട്ടറെ കരാര്‍ അടിസ്ഥാനത്തില്‍ നിയമിക്കുന്നു. ബിരുദം, ബി.എഡ്  യോഗ്യതയുള്ള കുഴല്‍മന്ദം ബ്ലോക്ക് പരിധിയില്‍ സ്ഥിരതാമസക്കാരായവര്‍ക്ക് അപേക്ഷിക്കാം. താല്‍പര്യമുള്ളവര്‍ ജൂണ്‍ അഞ്ചിന് രാവിലെ 10 ന് കുഴല്‍മന്ദം ബ്ലോക്ക് പട്ടികജാതി വികസന ഓഫീസില്‍ കൂടിക്കാഴ്ചയ്ക്കായി എത്തണമെന്ന് പട്ടിക ജാതി വികസന ഓഫീസര്‍ അറിയിച്ചു. ഫോണ്‍ :8547630127