വിമുക്തഭടന്‍മാരുടെ മക്കളില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയവര്‍ക്കുള്ള
കാഷ് അവാര്‍ഡിന് അപേക്ഷ ക്ഷണിച്ചു. സ്റ്റേറ്റ് സിലബസില്‍ എല്ലാ വിഷയങ്ങള്‍ക്കും എ പ്ലസ് നേടിയവര്‍ക്കും സി.ബി.എസ്.ഇ/ ഐ.സി.എസ്.ഇ സിലബസില്‍ അഗ്രിഗേറ്റ് 90 ശതമാനത്തിനു മുകളില്‍ മാര്‍ക്ക് നേടിയവര്‍ക്കും അപേക്ഷിക്കാം.  serviceonline.gov.in/kerala എന്ന വെബ്സൈറ്റ് വഴി ഓഗസ്റ്റ് 10നകം അപേക്ഷി സമര്‍പ്പിക്കണം. ഫോണ്‍: 0481-2371187.

വെച്ചൂച്ചിറ സര്‍ക്കാര്‍ പോളിടെക്നിക് കോളജില്‍ ഒഴിവുളള തസ്തികകളില്‍ ദിവസവേതന അടിസ്ഥാനത്തില്‍ ഗസ്റ്റ് അധ്യാപകരെ നിയമിക്കുന്നു. ലക്ചറര്‍ ഇന്‍ ബയോമെഡിക്കല്‍ എഞ്ചിനീയറിംഗ് (യോഗ്യത - ബന്ധപ്പെട്ട വിഷയത്തില്‍ ബി.ടെക് ഫസ്റ്റ് ക്ലാസ്), ട്രേഡ്‌സ്മാന്‍ ഇന്‍ ബയോമെഡിക്കല്‍ എഞ്ചിനീയറിംഗ് (യോഗ്യത - ബന്ധപ്പെട്ട വിഷയത്തില്‍ ഐ.റ്റി.ഐ/ഡിപ്ലോമ) തസ്തികകളിലാണ് നിയമനം. ഉദ്യോഗാര്‍ഥികള്‍ ബയോഡേറ്റാ, മാര്‍ക്ക് ലിസ്റ്റ്, പത്താം തരം/തത്തുല്യം, യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി ജൂണ്‍ 17 രാവിലെ 10 ന്   കോളജ് കാര്യാലയത്തില്‍ നടത്തുന്ന അഭിമുഖത്തിന് ഹാജരാകണം. ഫോണ്‍ : 04735 266671.

ദേശീയ സെന്‍സസുമായി ബന്ധപ്പെട്ട് സംസ്ഥാനെമമ്പാടും സംഘടിപ്പിക്കുന്ന വിവിധ ബോധവല്‍ക്കരണ പ്രവര്‍ത്തനങ്ങളുടെ ഭാഗമായി ജില്ലയില്‍ കോളജ് വിദ്യാര്‍ഥികള്‍ക്ക് പ്രശ്‌നോത്തരി സംഘടിപ്പിച്ചു. സെന്‍സസ് ഡയറക്ടറേറ്റിന്റെ നേതൃത്വത്തില്‍ ബി എ എം തുരുത്തിക്കാട് കോളജില്‍ സംഘടിപ്പിച്ച പ്രശ്‌നോത്തരി പ്രിന്‍സിപ്പല്‍ ഡോ. ജി.എസ് അനീഷ് കുമാര്‍  ഉദ്ഘാടനം ചെയ്തു. സെന്‍സസ് ഡയറക്ടറേറ്റ് മാസ്റ്റര്‍ ട്രെയിനര്‍ സി.കെ കാര്‍ത്തിക നേതൃത്വം നല്‍കി. സെല്‍ഫ് എന്യൂമറേഷന്‍ സംബന്ധിച്ച് ഫീല്‍ഡ് ട്രെയിനര്‍ അസിസ്റ്റന്റ് പ്രൊഫസര്‍ കവിത ജേക്കബ് ക്ലാസെടുത്തു.
 

പൊതുവിദ്യാഭ്യാസ വകുപ്പിനു കീഴിലെ സ്‌കോള്‍-കേരള മുഖാന്തിരം തെരഞ്ഞെടുക്കപ്പെട്ട സര്‍ക്കാര്‍/ എയ്ഡഡ് ഹയര്‍സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി സ്‌കൂളുകളില്‍ സംഘടിപ്പിക്കുന്ന ഡി.സി.എ കോഴ്സില്‍ പ്രവേശനത്തിന് അപേക്ഷ ക്ഷണിച്ചു. എസ്.എസ്.എല്‍.സി / തത്തുല്യ യോഗ്യതയുള്ളവര്‍ക്ക് പ്രായപരിധിയില്ലാതെ അപേക്ഷിക്കാം. www.scolekerala.org വെബ്സൈറ്റ് മുഖേന രജിസ്റ്റര്‍ ചെയ്യാം. വിശദവിവരങ്ങള്‍ സ്‌കോള്‍-കേരള വെബ്സൈറ്റില്‍ ലഭിക്കും. ഫോണ്‍: 0481-2300443, 9496094157.

എച്ച്1 എന്‍1 ഇന്‍ഫ്ളൂവന്‍സ, വൈറല്‍ പനി റിപ്പോര്‍ട്ട് ചെയ്യുന്ന സാഹചര്യത്തില്‍ സ്‌കൂള്‍ വിദ്യാര്‍ഥികള്‍ക്കിടയില്‍ പനി, ചുമ, തൊണ്ടവേദന, ശരീരവേദന, തലവേദന തുടങ്ങിയ രോഗലക്ഷണങ്ങള്‍ കണ്ടാല്‍ ആവശ്യമായ ചികത്സ തേടണമെന്ന് ജില്ല മെഡിക്കല്‍ ഓഫീസര്‍ (ആരോഗ്യം) എല്‍ അനിതകുമാരി അറിയിച്ചു.

കെല്‍ട്രോണ്‍ ജൂലൈയില്‍ ആരംഭിക്കുന്ന മാധ്യമപഠന കോഴ്സുകളിലേക്ക് അപേക്ഷ ക്ഷണിച്ചു. ടെലിവിഷന്‍ ജേര്‍ണലിസം, ഡിജിറ്റല്‍ മീഡിയ - സോഷ്യല്‍ മീഡിയ ജേര്‍ണലിസം, വാര്‍ത്താ അവതരണം, ആങ്കറിംഗ്, പബ്ലിക് റിലേഷന്‍സ്, അഡ്വര്‍ടൈസിംഗ്, ആര്‍ട്ടിഫിഷ്യല്‍ ഇന്റലിജന്‍സ് അധിഷ്ഠിത കണ്ടന്റ് നിര്‍മാണം, പ്രിന്റ് മീഡിയ, വീഡിയോഗ്രാഫി, വീഡിയോ എഡിറ്റിംഗ് തുടങ്ങിയ മേഖലകളില്‍ സമഗ്രമായ പരിശീലനമാണ് നല്‍കുന്നത്.  ബിരുദം, പ്ലസ് ടു യോഗ്യതകളുള്ളവര്‍ക്ക് അപേക്ഷിക്കം. അവസാന തീയതി ജൂണ്‍ 20.  തിരുവനന്തപുരം, കോഴിക്കോട്, പാലക്കാട് ജില്ലകളിലെ കെല്‍ട്രോണ്‍ പരിശീലന കേന്ദ്രങ്ങളിലേക്കാണ് അപേക്ഷകള്‍ നല്‍കേണ്ടത്. ഫോണ്‍: 9544958182.

വൈക്കം താലൂക്ക്  ആശുപത്രിയില്‍ മെഡിക്കല്‍ ഓഫീസര്‍, ഡെന്റല്‍ സര്‍ജന്‍, ഡയാലിസിസ് ടെക്നീഷ്യന്‍ തസ്തികകളില്‍ താല്‍ക്കാലികമായി ജീവനക്കാരെ നിയമിക്കുന്നതിനുള്ള  വാക്ക്-ഇന്‍-ഇന്റര്‍വ്യൂ ജൂണ്‍ 16ന്(ചൊവ്വ) നടക്കും. ഉദ്യോഗാര്‍ഥികള്‍ വിദ്യാഭ്യാസ യോഗ്യത, രജിസ്ട്രേഷന്‍, പ്രവര്‍ത്തിപരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം ജൂണ്‍ രാവിലെ 10.30 ന് ആശുപത്രി കോണ്‍ഫറന്‍സ് ഹാളില്‍ എത്തണം. ഫോണ്‍: 04829-216361.

ജില്ലാ ലേബര്‍ ഓഫീസിന്റെ ഔദ്യോഗിക ആവശ്യങ്ങള്‍ക്ക്  ഏഴില്‍ കുറയാത്ത ആളുകള്‍ക്ക് യാത്രചെയ്യാന്‍ സാധിക്കുന്ന 2015 ന് ശേഷം രജിസ്റ്റര്‍ ചെയ്ത വാഹനം ഒരു വര്‍ഷത്തേയ്ക്ക് വാടകയ്ക്ക് ആവശ്യമുണ്ട്. ക്വട്ടേഷനുകള്‍ ജൂണ്‍ 20ന് വൈകുന്നേരം അഞ്ചിന് മുന്‍പ് ജില്ലാ ലേബര്‍ ഓഫീസില്‍ ലഭിക്കണം. ഫോണ്‍:0481-2564365.

സ്റ്റേറ്റ് റിസോഴ്‌സ് സെന്ററിനു കീഴില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളജ് ജൂലൈയില്‍ ആരംഭിക്കുന്ന ഗവണ്‍മെന്റ് അംഗീകൃത കംപ്യൂട്ടര്‍ ആപ്ലിക്കേഷന്‍ ഡിപ്ലോമ കോഴ്‌സിനും വേഡ് പ്രോസ്സസിംഗ്,  ഡേറ്റാ എന്‍ട്രി ഓപ്പറേഷന്‍, ഡെസ്‌ക് ടോപ്പ് പബ്ലിഷിംഗ്,  ഫിനാന്‍ഷ്യല്‍ അക്കൗണ്ടിംഗ് എന്നീ സര്‍ട്ടിഫിക്കറ്റ് കോഴ്‌സുകള്‍ക്കും ഓണ്‍ലൈനില്‍ അപേക്ഷിക്കാം. 18നു മുകളില്‍ മേല്‍ പ്രായമുള്ളവരെയാണ് പരിഗണിക്കുന്നത്. ഉയര്‍ന്ന പ്രായപരിധി ഇല്ല. https://app.srccc.in/register എന്ന ലിങ്കില്‍ ജൂണ്‍ 30 വരെ അപേക്ഷ സ്വീകരിക്കും.വിശദവിവരങ്ങള്‍ വെബ്സൈറ്റില്‍ ലഭിക്കും.

പെരുവ, തിരുവാര്‍പ്പ് ഗവണ്‍മെന്റ് ഐ.ടി.ഐകളിലും ചെങ്ങന്നൂര്‍ ഗവണ്‍മെന്റ് വനിതാ ഐ.ടി.ഐയിലും വിവിധ ട്രേഡുകളില്‍ പ്രവേശനത്തിന് ജൂണ്‍ 30 വരെ അപേക്ഷിക്കാം.  പെരുവയില്‍ ഡ്രാഫ്റ്റ്സ്മാന്‍ സിവില്‍, കമ്പ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിംഗ് അസിസ്റ്റന്റ് ട്രേഡുകളിലും തിരുവാര്‍പ്പില്‍ പ്ലംബര്‍, ഇലക്ട്രീഷ്യന്‍ ട്രേഡുകളിലുമാണ് പ്രവേശനം.   ചെങ്ങന്നൂര്‍ വനിതാ ഐ.ടി.ഐയില്‍ ഇലക്ട്രോണിക്സ് മെക്കാനിക്ക്, കംപ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിംഗ് അസിസ്റ്റന്റ്, ഡ്രാഫ്റ്റ്സ്മാന്‍ സിവില്‍, സര്‍വേയര്‍, കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ്, സ്റ്റെനോഗ്രാഫര്‍ ആന്‍ഡ് സെക്രട്ടേറിയ