തൃത്താല ആര്‍ട്സ് ആന്‍ഡ് സയന്‍സ് കോളജില്‍ 2024-25 അധ്യയന വര്‍ഷത്തില്‍ പഠനം പൂര്‍ത്തിയാക്കിയ ബിരുദ / ബിരുദാനന്തര വിദ്യാര്‍ഥികളില്‍ കോഷന്‍ ഡെപ്പോസിറ്റ് കൈപ്പറ്റാത്തവര്‍ ജൂലൈ 15 നുള്ളില്‍ ഓഫീസില്‍ ബന്ധപ്പെടണം. ഫോണ്‍: 04662270335.

ജില്ലയില്‍ ഡെങ്കിപ്പനി റിപ്പോര്‍ട്ട് ചെയ്ത സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്നും രോഗപപ്പകര്‍ച്ച തടയാനുള്ള പ്രതിരോധ നടപടികള്‍ സ്വീകരിക്കണമെന്നും ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

മണ്ണാര്‍ക്കാട് താലൂക്കാശുപത്രിയില്‍ നഴ്‌സിങ് ഓഫീസറെ കരാര്‍ അടിസ്ഥാനത്തില്‍ നിയമിക്കുന്നതിന് ജൂണ്‍ 17ന് രാവിലെ 10ന് കൂടിക്കാഴ്ച നടത്തും. യോഗ്യത- ബി.എസ്.സി നഴ്‌സിങ്/ ജി.എന്‍.എം, കേരള നഴ്‌സസ് ആന്‍ഡ് മിഡ് വൈഫറി കൗണ്‍സില്‍ രജിസ്‌ട്രേഷന്‍, രണ്ടുവര്‍ഷത്തെ പ്രവൃത്തിപരിചയം. യോഗ്യത തെളിയിക്കുന്ന രേഖകളുടെ പകര്‍പ്പും സഹിതം ഹാജരാകണം. ഫോണ്‍: 04924 224549.

മീന്‍വല്ലം ഹൈഡ്രോ ഇലക്ട്രിക് പദ്ധതിയിലെ ഇലക്ട്രിക്കല്‍,  മെക്കാനിക്കല്‍, ഹൈഡ്രോ മെക്കാനിക്കല്‍ ഉപകരണങ്ങള്‍ കരാര്‍ അടിസ്ഥാനത്തില്‍ നവീകരിക്കുന്നതിന് ഇ ടെന്‍ഡര്‍ ക്ഷണിച്ചു. നിരതദ്രവ്യം 14500 രൂപ. ജൂണ്‍ 17 വൈകിട്ട് നാലുവരെ സമര്‍പ്പിക്കാം. വിവരങ്ങള്‍ www.etenders.kerala.gov.in ല്‍ ലഭിക്കും. ഫോണ്‍: 0491 2505504.

ജില്ലാ സാമൂഹികനീതി ഓഫീസിലേക്ക് കരാര്‍ അടിസ്ഥാനത്തില്‍ ഒമ്പത് മാസത്തേക്ക് ഡ്രൈവര്‍ സഹിതം വാഹനം വാടകയ്ക്ക് ലഭ്യമാക്കുന്നതിന് വ്യക്തികള്‍/ സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. നിരതദ്രവ്യം 3150 രൂപ. ജൂണ്‍ 23 വൈകിട്ട് മൂന്നുവരെ സമര്‍പ്പിക്കാം. ഫോണ്‍: 0491 2505791.

വെണ്ണക്കര ഗവ. ഹൈസ്‌കൂളില്‍ എച്ച്.എസ്.ടി അറബിക് (മുഴുവന്‍സമയം) അധ്യാപക തസ്തികയില്‍ ഒഴിവ്. ദിവസവേതനാടിസ്ഥാനത്തിലാണ് നിയമനം. കൂടിക്കാഴ്ച ജൂണ്‍ 15ന് രാവിലെ 10ന് നടക്കും. ഫോണ്‍: 0491 2515872.