ജില്ലാ വികസന സഹകരണ നിരീക്ഷണ സമിതിയുടെ (ദിശ) 2026-27 സാമ്പത്തിക വര്‍ഷത്തിലെ ഒന്നാം പാദയോഗം ജൂണ്‍ 11ന് ഉച്ചയ്ക്ക് രണ്ടിന് ടോപ്പ് ഇന്‍ ടൗണ്‍ ഗാര്‍ഡന്‍ ഹാളില്‍ നടക്കുമെന്ന് ജില്ലാ കലക്ടര്‍ അറിയിച്ചു.

ഭാരത സെന്‍സസിന്റെ ഭാഗമായി പാലക്കാട് നഗരസഭയിലെ സെന്‍സസ് പ്രവര്‍ത്തനങ്ങള്‍ നടത്തുന്നതിനായി നിയോഗിച്ച എന്യൂമറേറ്റര്‍മാര്‍ സൂപ്പര്‍വൈസര്‍മാര്‍ എന്നിവര്‍ക്കായി ജൂണ്‍ 11, 12, 15 തീയതികളില്‍ ഗവ. മോയന്‍സ് മോഡല്‍ ഹൈസ്‌കൂള്‍ ഹാളില്‍ പരിശീലനം നടത്തുമെന്ന് നഗരസഭാ സെക്രട്ടറി അറിയിച്ചു.

ജില്ലാ മത്സ്യവിത്തുല്‍പാദന കേന്ദ്രത്തിലേക്ക് മത്സ്യത്തീറ്റ വാങ്ങുന്നതിന് ടെന്‍ഡര്‍ ക്ഷണിച്ചു. 4 എം എം 9000 കി. ഗ്രാം, 0.5 എം എം 4300 കി.ഗ്രാം (ഫ്‌ളോട്ടിങ് പെല്ലറ്റ് ഫീഡ്) എന്നിവയാണ് വേണ്ടത്. ടെന്‍ഡര്‍ ജൂണ്‍ 15ന് രാവിലെ 11 വരെ സ്വീകരിക്കും. ഫോണ്‍: 0491 2815143.