കുടുംബശ്രീയുടെ നേതൃത്വത്തില്‍ ഭിശേഷിക്കാരായ കു'ികളുടെ കലാമത്സരങ്ങളും പ്രവൃത്തിപരിചയമേളയും മൂാറില്‍ നടത്തി. കുമളി ബഡ്‌സ് സ്‌കൂളില്‍ നിും ഉടുമ്പന്‍ചോല ബഡ്‌സ്‌റീഹാബിലിറ്റേഷന്‍ സെന്ററില്‍ നിുമുള്ള 30ഓളം കു'ികളുടെ വിവിധ കലാമത്സരങ്ങളും പരിചയ ഇനങ്ങളും വേദിയില്‍ നടു.

    കൊത്തടി ഗ്രാമപഞ്ചായത്ത് മുനിയറ സൗത്ത് വാര്‍ഡിലെ ഉപതിരഞ്ഞെടുപ്പിനുള്ള നാമനിര്‍ദ്ദേശ പത്രിക സമര്‍പ്പിക്കുതിനുള്ള അവസാന തീയതി ഡിസംബര്‍ 23 ആണ്.  പത്രികകളുടെ സൂക്ഷ്മ പരിശോധന ഡിസംബര്‍ 26നും സ്ഥാനാര്‍ത്ഥിത്വം പിന്‍വലിക്കുതിനുള്ള അവസാന തീയതി ഡിസംബര്‍ 28നുമാണ്.  വോ'െടുപ്പ് ജനുവരി 11 ന് നടക്കും.  ഇതുസംബന്ധിച്ച് ഇലക്ഷന്‍ ഡെപ്യൂ'ികലക്ടര്‍ ടി.ജി. സജീവ് കുമാറിന്റെ അധ്യക്ഷതയില്‍ കലക്‌ട്രേറ്റില്‍ ചേര്‍ യോഗത്തില്‍ റി'േണിംഗ് ഓഫീസര്‍ എം. കലാവതി, അസി. റി'േണിംഗ് ഓഫീസര്‍ കെ.സന്തോഷ്, സിബി ജോസഫ് എിവര്‍ പങ്കെടുത്തു.

    ജില്ലാ ഹോമിയോ ആശുപത്രി തൈറോയ്ഡ് സ്‌പെഷ്യല്‍ ക്ലിനിക്കിന്റെ ആഭിമുഖ്യത്തില്‍ തൈറോയ്ഡ് ബോധവല്‍ക്കരണ ക്ലാസും മെഡിക്കല്‍ ക്യാമ്പും നടത്തി.

കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് പട്ടികവര്‍ഗ്ഗ വിഭാഗത്തിലെ കുട്ടികള്‍ക്കായി നാടക ക്യാമ്പ് സംഘടിപ്പിക്കുന്നു. ഡിസംബര്‍ 28 മുതല്‍ 30 വരെ മൂന്നു ദിവസം തിരുവനന്തപുരത്തെ ഇടിഞ്ഞാറിലായിരിക്കും ക്യാമ്പ്. പട്ടികവര്‍ഗ്ഗ വിഭാഗത്തില്‍പ്പെടുന്ന പതിനാറു വയസ്സില്‍ താഴെയുള്ള കുട്ടികള്‍ക്കാണ് പ്രവേശനം. നാടകകലയുടെ വിവിധ വശങ്ങളെപ്പറ്റി വിദഗ്ദ്ധര്‍ ക്ലാസ്സുകള്‍ നയിക്കും.

കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്റെ നേതൃത്വത്തില്‍ തൊഴില്‍ സംരംഭങ്ങള്‍ തുടങ്ങുന്നതിന് രണ്ടു ദിവസത്തെ പരിശീലന പരിപാടി സംഘടിപ്പിക്കുന്നു. പട്ടികജാതിയില്‍ നിന്നും ക്രിസ്തുമതത്തിലേക്ക് പരിവര്‍ത്തനം ചെയ്തവര്‍, പട്ടികജാതിയിലേക്ക് ശുപാര്‍ശ ചെയ്തിട്ടുള്ള വിഭാഗത്തില്‍പ്പെട്ടവര്‍ - ഒ.ഇ.സി.മാത്രം (മുന്നാക്ക/പിന്നാക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല), 18 നും 45 നും ഇടയില്‍ പ്രായമുള്ള എസ്.എസ്.എല്‍.സി. അടിസ്ഥാന യോഗ്യതയുള്ള യുവസംരംഭകര്‍ക്ക് അപേക്ഷിക്കാം.

ന്യൂനപക്ഷ സംരക്ഷണവും ദലിത് സംരക്ഷണവും സ്വാതന്ത്ര്യത്തിന്റെയും ഭരണഘടനയുടെയും സംരക്ഷണത്തിന്റെ ഭാഗമാണെന്ന് പിന്നാക്കക്ഷേമ വകുപ്പു മന്ത്രി എ.കെ. ബാലന്‍ പറഞ്ഞു. രാജ്യത്തിന് അപകടം വരുത്തുന്ന ഭീകരവാദ പ്രസ്ഥാനങ്ങളെ ഒറ്റപ്പെടുത്തണമെന്നും ഏതുതരത്തിലുള്ള വര്‍ഗീയതയും അതിനെത്തുടര്‍ന്നുള്ള ഭീകരവാദവും എതിര്‍ക്കപ്പെടേണ്ടതാണെന്നും അദ്ദേഹം പറഞ്ഞു.  സംസ്ഥാന ന്യൂനപക്ഷ കമ്മീഷന്‍ സംഘടിപ്പിച്ച ന്യൂനപക്ഷദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

സാധാരണക്കാരുടെ പ്രശ്‌നങ്ങള്‍ക്ക് പരിഹാരം ലഭ്യമാക്കുന്നതിനായി ജില്ലാ കലക്ടര്‍ അമിത് മീണയുടെ നേതൃത്വത്തില്‍ നിലമ്പൂരില്‍ ജനസമ്പര്‍ക്ക പരിപാടി സംഘടിപ്പിച്ചു.  958 പരാതികളാണ് ജനസമ്പര്‍ക്ക് പരിപാടിയില്‍ കലക്ടര്‍ക്ക് മുന്നിലെത്തിയത്.  കലക്ടറുടെ അധികാര പരിധിയില്‍ വരുന്ന പരാതികളില്‍ നടപടി സ്വീകരിക്കുന്നതിനായി ബന്ധപ്പെട്ട ഉദ്യോഗസ്ഥര്‍ക്ക് കൈമാറി.

എടരിക്കോട് സെക്ഷന്‍ പരിധിയില്‍ ഓട്ടുപാറപ്പുറം, കഞ്ഞിക്കുഴിങ്ങര, ചെനക്കല്‍പ്പള്ളി  ഭാഗങ്ങളില്‍ ഇന്ന് (ഡിസംബര്‍ 17) രാവിലെ ഒമ്പത് മുതല്‍ വൈകിട്ട് അഞ്ച്‌വരെ വൈദ്യുതി മുടങ്ങുന്നതാണ്.

മുഖ്യമന്ത്രിയുടെ ജനസമ്പര്‍ക്ക പരിപാടി (കരുതല്‍ 2015)യില്‍ വിതരണം ചെയ്യാന്‍ ബാക്കിയുള്ള ധന സഹായം ഏറനാട് താലൂക്ക് ഓഫീസില്‍ നിന്നും ഡിസംബര്‍ 19 മുതല്‍ വിതരണം ചെയ്യും.  കരുതല്‍ 2015ല്‍ ധനസഹായം അനുവദിച്ചിട്ടും കൈപ്പറ്റാത്തവര്‍ അതത് വില്ലേജ് ഓഫീസുമായി ബന്ധപ്പെടണമെന്ന് ഏറനാട് തഹസില്‍ദാര്‍ അറിയിച്ചു.  

ജില്ലയിലെ പൊന്നാനി നഗരസഭയിലെ അഴീക്കല്‍ (ജനറല്‍), പോത്തുകല്ല് ഗ്രാമ പഞ്ചായത്തിലെ ഞെട്ടികുളം (സ്ത്രീ), തിരുവാലി ഗ്രാമ പഞ്ചായത്തിലെ എ.കെ.ജി നഗര്‍ (സ്ത്രീ), എടയൂര്‍ ഗ്രാമ പഞ്ചായത്തിലെ തിണ്ടലം (ജനറല്‍) വാര്‍ഡുകളിലേക്കുള്ള ഉപതെരഞ്ഞെടുപ്പ് ജനുവരി 11ന് നടക്കും.  തെരഞ്ഞെടുപ്പുമായി ബന്ധപ്പെട്ട മാതൃകാ പെരുമാറ്റച്ചട്ടം നിലവില്‍ വന്നു.