കാക്കനാട്: മുഴുവന്‍ ഭൂരഹിതര്‍ക്കും ഭൂമി ലഭ്യമാക്കുക എന്ന ലക്ഷ്യം പൂര്‍ത്തീകരിക്കുന്നതിന്റെ ഭാഗമായി ജില്ലയിലെ അര്‍ഹരായ ഗുണഭോക്താക്കള്‍ക്ക് പട്ടയവും ക്രയസര്‍ട്ടിഫിക്കറ്റും വിതരണം ചെയ്യുന്നതിനായി സംഘടിപ്പിക്കുന്ന പട്ടയവിതരണ മേള എറണാകുളം ടൗണ്‍ ഹാളില്‍ ഡിസംബര്‍ 18 ന് ഉച്ചകഴിഞ്ഞ് മൂന്നിന് റവന്യൂ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും. ഹൈബി ഈഡന്‍ എംഎല്‍എ അധ്യക്ഷത വഹിക്കും. 

കൊച്ചി: നിയമസഭയുടെ വിദ്യാഭ്യാസം സംബന്ധിച്ച സബ്ജക്ട് കമ്മിറ്റി ഡിസംബര്‍ 19ന് രാവിലെ 10ന് എറണാകുളം കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. വിദ്യാര്‍ഥികള്‍ക്കിടയിലെ ലഹരിവസ്തുക്കളുടെ ഉപയോഗം എന്ന വിഷയം സംബന്ധിച്ച് ജില്ലയിലെ ബന്ധപ്പെട്ട വകുപ്പ് ഉദ്യോഗസ്ഥരില്‍ നിന്നും വിദ്യാഭ്യാസമേഖലയുമായി ബന്ധപ്പെട്ട വ്യക്തികളില്‍ നിന്നും തെളിവെടുപ്പ് നടത്തും. യോഗത്തില്‍ സമിതി ചെയര്‍മാന്‍ വിദ്യാഭ്യാസമന്ത്രി സി രവീന്ദ്രനാഥും എക്‌സ് ഒഫിഷ്യോ അംഗങ്ങളായ പട്ടികജാതി പട്ടികവര്‍ഗ പിന്നോക്ക സമുദായക്ഷേമമന്ത്രി എ കെ ബാലനും വ്യവസായമന്ത്രി എ സി മൊയ്തീനും മറ്റ് എട്ട് എംഎല്‍എമാരും പങ്കെടുക്കും. 

കൊച്ചി: വരള്‍ച്ചാ പ്രതിരോധ പ്രവര്‍ത്തന മുന്നൊരുക്കങ്ങളുടെ ഭാഗമായി ജില്ലയിലെ കനാലുകളുടെ ശുചീകരണ പ്രവൃത്തികള്‍ പൂര്‍ത്തീകരിച്ച് ജലവിതരണം ആരംഭിക്കും. കളക്ടറേറ്റില്‍ ജില്ലാ കളക്ടര്‍ കെ മുഹമ്മദ് വൈ സഫീറുള്ളയുടെ അദ്ധ്യക്ഷതയില്‍ എംഎല്‍എമാരായ വി പി സജീന്ദ്രന്‍, ആന്റണി ജോണ്‍, എല്‍ദോ എബ്രഹാം, റോജി എം ജോണ്‍, അന്‍വര്‍ സാദത്ത് എന്നിവരും ബന്ധപ്പെട്ട ഉദ്യോഗസ്ഥരും പങ്കെടുത്ത യോഗത്തിലാണ് തീരുമാനം. 

    * മുഖ്യമന്ത്രി വൈകിട്ട് ആറിന് ഉദ്ഘാടനം ചെയ്യും
    * ഒരു ലക്ഷം പേര്‍ക്ക് ശുദ്ധജലം ലഭ്യമാകും

എം.ആര്‍. വാക്‌സിനേഷന്‍ എടുക്കണമെന്ന മലപ്പുറം ജില്ലാ കലക്ടറുടെ ഉത്തരവ് റദ്ദാക്കണമെന്നാവശ്യപ്പെട്ട് ഹൈക്കോടതിയില്‍ നല്‍കിയ ഹരജി
തള്ളിയതായി ജില്ലാ കലക്ടര്‍ അറിയിച്ചു.  എം.ആര്‍ വാക്‌സിനേഷന്‍ 100 ശതമാനം ലക്ഷ്യം കൈവരിക്കുന്നതിനായി ജില്ലയിലെ ഒമ്പത് മാസം പ്രായമുള്ള കുഞ്ഞുങ്ങള്‍ മുതല്‍ 10-ാം ക്ലാസ്സില്‍ പഠിക്കുന്നത് വരെയുള്ള എല്ലാ കുട്ടികള്‍ക്കും കുത്തിവെപ്പ് എടുക്കണമെന്നായിരുന്നു ജില്ലാ കലക്ടറുടെ ഉത്തരവ്.  ഇതിനെതിരെ കോക്കൂര്‍ ഹയര്‍ സെക്കന്‍ഡറി സ്‌കൂളിലെ പി.ടി.എ പ്രസിഡന്റ് മുജീബ് കോക്കൂര്‍ നല്‍കിയ ഹരജിയാണ് ഹൈക്കോടതി തള്ളിയത്.

ചട്ടിപ്പറമ്പ് ഇലക്ട്രിക്ക് സെക്ഷന്‍ പരിധിയില്‍ ഇന്ന് (ഡിസംബര്‍ 16) രാവിലെ 8.30 മുതല്‍ വൈകീട്ട് അഞ്ച് വരെ വട്ടപറമ്പ് കോളനി, മൗലാന, ടെലഫോണ്‍ എക്‌സേഞ്ച്, വട്ടപറമ്പ് 2, മിച്ചഭൂമി, ടിപ്പ്‌ടോപ്പ്, കുഞ്ചന്‍മില്ല്, ചാപ്പനങ്ങാടി, പഞ്ചായത്ത്, വ്യവസായ എസ്റ്റേറ്റ് എന്നീ ട്രാന്‍സ്‌ഫോമറുകളില്‍ നിന്നുള്ള വൈദ്യുതി മുടങ്ങു.

ജന്‍ ശിക്ഷണ്‍ സന്‍സ്ഥാന്‍ -മലപ്പുറവും നിലമ്പൂര്‍ വ്യാപാരി വ്യവസായി ഏകോപന സമിതിയും ചേര്‍ന്ന് നടത്തുന്ന റീട്ടെയില്‍ മാനേജ്‌മെന്റ് കോഴ്‌സിന് അപേക്ഷ ക്ഷണിച്ചു. ഈ സൗജന്യ പരിശീലനം ടെക്‌സ്റ്റെയില്‍സ് ജ്വല്ലറി, മറ്റു വ്യവസായ സ്ഥാപനങ്ങള്‍ എന്നിവയില്‍ ജോലി ചെയ്യുന്നവര്‍ക്ക് പ്രയോജനം ചെയ്യും. റീട്ടെയില്‍ മേഖലയില്‍ ജോലി ചെയ്യാന്‍ താല്‍പര്യമുള്ള 18 നും 35 നും ഇടയില്‍ പ്രായമുള്ള പത്താം ക്ലാസ്സ് യോഗ്യതയുള്ളവര്‍ക്ക് അപേക്ഷിക്കാം. ഡിസംബര്‍ 18ന് മുന്‍പ് നിലമ്പൂര്‍ ജെഎസ്എസ് ഓഫീസില്‍ അപേക്ഷയും ആധാര്‍കാര്‍ഡും സമര്‍പ്പിക്കണം. കൂടുതല്‍ വിവരങ്ങള്‍ക്ക് 04931 221979.