സംസ്ഥാനത്തെ സര്‍ക്കാര്‍ ഓഫീസുകളില്‍ വിവിധ ആവശ്യങ്ങള്‍ക്കായെത്തുന്ന ശാരീരികാവശതയുള്ള മുതിര്‍ന്ന പൗരന്മാര്‍ക്ക് പ്രത്യേക പരിഗണന നല്‍കുന്നതിന് വകുപ്പ് മേധാവികളും ഓഫീസ് തലവന്‍മാരും നടപടി സ്വീകരിക്കണമെന്ന് സര്‍ക്കാര്‍ നിര്‍ദേശിച്ചു. വീഴ്ച വരുത്തുന്നവര്‍ക്കെതിരെ കര്‍ശന അച്ചടക്ക നടപടി സ്വീകരിക്കണമെന്നും പൊതുഭരണ വകുപ്പ് പ്രിന്‍സിപ്പല്‍ സെക്രട്ടറിയുടെ സര്‍ക്കുലറില്‍ വ്യക്തമാക്കി.

പി.എന്‍.എക്‌സ്.5412/17

സര്‍ക്കാരിന്റെ പ്രമുഖ പദ്ധതികളുടെ ഏകോപനത്തിനും നിരീക്ഷണത്തിനും വേണ്ടി തയ്യാറാക്കിയ വെബ് അധിഷ്ഠിത വിവര സാങ്കേതിക സംവിധാനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. ഓരോ വകുപ്പിനു കീഴിലും നടപ്പിലാക്കുന്ന പ്രമുഖ പദ്ധതികള്‍, അടങ്കല്‍ തുക പത്തു കോടിയിലധികം വരുന്ന പദ്ധതികള്‍, പ്രധാനപ്പെട്ടതും മുന്‍ഗണനാധിഷ്ഠിതവുമായ അടിസ്ഥാനസൗകര്യ വികസന പദ്ധതികള്‍, കിഫ്ബി വഴി നടപ്പിലാക്കുന്ന പദ്ധതികള്‍, കേന്ദ്രസര്‍ക്കാരിന് സമര്‍പ്പിച്ചിട്ടുള്ളതും സമര്‍പ്പിക്കാനുള്ളതുമായ പദ്ധതികള്‍ എന്നിവയാണ് ഈ സംവിധാനത്തില്‍ ഉള്‍പ്പെടുത്തിയിട്ടുള്ളത്.

സ്വതന്ത്ര സോഫ്റ്റ്വെയര്‍ സേവനം കേരളത്തിലെ ഗ്രാമങ്ങളിലുള്ള ആയിരക്കണക്കിന് സാധാരണക്കാരിലേക്കെത്തിക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. സ്വതന്ത്ര സോഫ്റ്റ്വെയറുമായി ബന്ധപ്പെട്ട് ഐസിഫോസ് മാസ്‌കറ്റ് ഹോട്ടലില്‍ സംഘടിപ്പിച്ച ആറാമത് അന്താരാഷ്ട്ര കോണ്‍ഫറന്‍സും ബിസിനസ് മീറ്റുമായ സ്വതന്ത്ര 17 ഉദ്ഘാടനം ചെയ്യുകയായിരുന്നു അദ്ദേഹം. 

                സംസ്ഥാന സ്‌കൂള്‍ കലോല്‍സവത്തില്‍ പങ്കെടുക്കുന്നതിന് യോഗ്യത നേടിയ  വിദ്യാര്‍ത്ഥികളുടെ നിശ്ചിത ഫോമിലുള്ള തിരിച്ചറിയല്‍ രേഖകളും രണ്ട് പകര്‍പ്പും ജില്ലാതല മത്സരത്തിലെ സര്‍ട്ടിഫിക്കറ്റും സഹിതം വിദ്യാലയത്തിലെ ടീം മാനേജര്‍മാര്‍ ജനുവരി 1ന് ഉച്ചയ്ക്ക് ശേഷം 2ന് കല്‍പ്പറ്റ എസ്.കെ.എം.ജെ. സ്‌കൂളില്‍ നടത്തുന്ന യോഗത്തില്‍ ഹാജരാകണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.

                സുല്‍ത്താന്‍ ബത്തേരി വെസ്റ്റ് ഇലക്ട്രിക്കല്‍ സെക്ഷനില്‍ എല്‍.ഇ.ഡി. ബള്‍ബുകള്‍ വിതരണത്തിനെത്തിയിട്ടുണ്ട്.  രണ്ട് ബള്‍ബുകള്‍ക്ക് 130 രൂപ ഓഫീസിലടച്ച് കൈപ്പറ്റാം.