ആലപ്പുഴ: ആലപ്പുഴ വനിത-ശിശു ആശുപത്രിയിലെ വിവിധ വാർഡുകളിലേക്ക് ആവശ്യമായ പ്രിന്റിങ് ഫോമുകളും രജിസ്റ്ററുകളും വാങ്ങുന്നതിന് ദർഘാസ് ക്ഷണിച്ചു. ദർഘാസുകൾ ഡിസംബർ 26 ഉച്ചയ്ക്ക് 12 വരെ സ്വീകരിക്കും. അന്നേ ദിവസം 12.30ന് തുറക്കും. ദർഘാസ് സൂപ്രണ്ട,് വനിത ശിശു ആശുപത്രി, ആലപ്പുഴ എന്ന വിലാസത്തിൽ നൽകണം. വിശദവിവരത്തിന് ഫോൺ: 0477 2251151.  

 (പി.എൻ.എ.3027/17)

ആലപ്പുഴ: പുളിങ്കുന്ന് താലൂക്ക് ഹെഡ്ക്വാർട്ടേഴ്‌സ് ആശുപത്രിയുടെ പഴയ ഒ.പി. കെട്ടിടം പൊളിച്ചുമാറ്റി സ്ഥലം വൃത്തിയാക്കുന്നതിന് സ്ഥാപനങ്ങൾ/വ്യക്തികൾ എന്നിവരിൽ നിന്ന് ക്വട്ടേഷൻ  ക്ഷണിച്ചു. ക്വട്ടേഷൻ ഡിസംബർ 16ന് ഉച്ചകഴിഞ്ഞ് 12.30വരെ സമർപ്പിക്കാം. 

(പി.എൻ.എ.3026/17)

ആലപ്പുഴ: പാരമ്പര്യേതര ഊർജ്ജസ്രോതസുകളുടെ ഉപയോഗം പ്രോത്സാഹിപ്പിക്കുന്നതിന് കൂടുതൽ ബോധവത്കരണ പ്രവർത്തനങ്ങൾ വേണമെന്ന് ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ പറഞ്ഞു. എനർജി മാനേജമെന്റ് സെന്ററിന്റെ ആഭിമുഖ്യത്തിൽ ആലപ്പുഴ എസ്.ഡി. കോളജിൽ സംഘടിപ്പിച്ച ദേശീയ ഊർജ്ജ സംരക്ഷണ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. 

    പട്ടികജാതി  വികസന വകുപ്പ് എസ്.സി.എ. ടു എസ്.സി.എസ്.പി പദ്ധതികളിലുള്‍പ്പെടുത്തി ജില്ലയിലെ പട്ടികജാതി വിഭാഗക്കാരായ യുവതി-യുവാക്കള്‍ക്ക് സാരി ഓര്‍ണമെന്‍റേഷനില്‍  സൗജന്യപരിശീലനം നല്‍കും. പട്ടാമ്പി വനിതാ പൊളിടെക്നിക്കില്‍ നടത്തുന്ന പരിശീലനത്തില്‍ പങ്കെടുക്കാന്‍ താത്പര്യമുളളവര്‍ പ്രായം, യോഗ്യത, ജാതി, വരുമാനം, ആധാര്‍കാര്‍ഡ്-റേഷന്‍കാര്‍ഡ് എന്നിവയുടെ പകര്‍പ്പുകള്‍,  വെളള കടലാസില്‍ തയ്യാറാക്കിയ അപേക്ഷ എന്നിവ സഹിതം ഡിസംബര്‍ 21 നകം ജില്ലാ പട്ടികജാതി വികസന ഓഫീസില്‍  നല്‍കണം.

    ജില്ലാ കലക്റ്റര്‍ ഡോ. പി. സുരേഷ്ബാബു ഡിസംബര്‍ 23-ന് രാവിലെ 10 മുതല്‍ നഗരസഭാ ടൗണ്‍ഹാള്‍ അനക്സില്‍ പരാതി പരിഹാര അദാലത്ത് നടത്തും. മുഖ്യമന്ത്രിയുടെ ദുരിതാശ്വാസനിധിയില്‍ നിന്നുളള ചികില്‍സാ ധനസഹായം, ലാന്‍റ് റെക്കാര്‍ഡ് മെയിന്‍റനന്‍സ് കേസ്സുകള്‍, സ്റ്റാറ്റ്യൂട്ടറിയായി ലഭിക്കേണ്ട പരിഹാരം, റേഷന്‍കാര്‍ഡ് സംബന്ധിച്ച പരാതികള്‍ എന്നിവയൊഴികെയുളള പരാതികള്‍ പരിഗണിക്കും. ജില്ലാ കലക്റ്ററേറ്റ്, താലൂക്ക് ഓഫീസ്, വില്ലേജ് ഓഫിസ് എന്നിവിടങ്ങളില്‍ നേരിട്ടും ഓണ്‍ലൈന്‍ ആയും പരാതി നല്‍കാം. അദാലത്ത് ദിവസം നേരിട്ടെത്തിയും പരാതി നല്‍കാം

    സീനിയര്‍ സെക്കന്‍ഡറി പരീക്ഷയില്‍ കൂടുതല്‍ മാര്‍ക്ക് നേടിയ വിദ്യാര്‍ഥികള്‍ക്കുള്ള ഡോ: അംബേദ്കര്‍ നാഷനല്‍ മെറിറ്റ് അവാര്‍ഡിന് അര്‍ഹരായ എ. ചൈത്ര (എം.എ. മെമ്മോറിയല്‍ എച്ച്.എച്ച്.എസ്. കാട്ടുകുളം) , അനഘ ശങ്കര്‍ (എം.ഇ.എസ്. എച്ച്.എസ്.എസ്. മണ്ണാര്‍ക്കാട്), കെ.മേഘ (മൊയന്‍സ് എച്ച്.എസ്.എസ്. പാലക്കാട്) എന്നിവര്‍ക്കുള്ള അവാര്‍ഡ് വിതരണം ഇന്ന് (ഡിസംബര്‍ 15) രാവിലെ 10 ന് ജില്ലാ കലക്റ്ററുടെ ചേംബറില്‍ ജില്ലാ കലക്റ്റര്‍ ഡോ: പി.സുരേഷ് ബാബു വിതരണം ചെയ്യും. 

ആലപ്പുഴ: ജില്ലാ കളക്ടറുടെ പൊതുജനപരാതി പരിഹാരപരിപാടിയായ കുട്ടനാട് താലൂക്ക് സേവനസ്പർശം നാളെ (ഡിസംബർ 16) മങ്കൊമ്പ് നെല്ല് ഗവേഷണ കേന്ദ്രത്തിൽ നടക്കും. രാവിലെ ഒമ്പതു മുതൽ ഉച്ചയ്ക്ക് ഒന്നു വരെ നടക്കുന്ന അദാലത്തിൽ ഭൂനികുതി, ഭൂമിയുടെ തരംമാറ്റം/പരിവർത്തനം, റേഷൻ കാർഡ് മാറ്റം എന്നിവയൊഴികെയുള്ള പരാതി സ്വീകരിച്ച് തീർപ്പാക്കും. പൊതുജനങ്ങളുടെ പരാതികളും അപേക്ഷകളും അതിവേഗത്തിലും ജനസൗഹാർദ്ദപരമായും തീർപ്പാക്കുന്നതിന് സംഘടിപ്പിക്കുന്ന അദാലത്തിൽ കളക്ടർ നേരിട്ടും പരാതികൾ സ്വീകരിക്കും. 

(പി.എൻ.എ.3024/17)

ആലപ്പുഴ: കേരള ലൈവ് സ്റ്റോക്ക് ഡെവലപ്‌മെന്റ് ബോർഡ് നടപ്പാക്കുന്ന രണ്ട് പ്രധാന പദ്ധതികളുടെ സംസ്ഥാനതല ഉദ്ഘാടനവും അവാർഡ് വിതരണവും ഇന്ന് (ഡിസംബർ 15) വൈകിട്ട് മൂന്നിന് കായംകുളം ടൗൺഹാളിൽ നടക്കും.