കോട്ടക്കല്‍ ഗവ: വനിതാ പോളിടെക്‌നിക്ക് കോളേജില്‍ ഗസ്റ്റ് ലക്ചറര്‍ ഇന്‍ കൊമേഴ്‌സ് തസ്തികയിലേക്ക് അപേക്ഷ ക്ഷണിച്ചു. എം.കോം. ഒന്നാം ക്ലാസും അദ്ധ്യാപന പരിചയവുമാണ് യോഗ്യത. താല്‍പര്യമുള്ളവര്‍ ഡിസംബര്‍ നാലിന് രാവിലെ 11  ന് കൂടിക്കാഴ്ചയ്ക്ക് കോളേജില്‍ എത്തണം.

    പൊതുജന പരാതി പരിഹാര അദാലത്തുമായി ബന്ധപ്പെട്ട് ഡിസംബര്‍ നാലിന് രാവിലെ 10ന് നടത്തുന്ന പരിശീലന ക്ലാസിന് നിലമ്പൂര്‍ താലൂക്ക് പരിധിയില്‍ വരുന്ന സബ് ഓഫീസുകളിലെ ജീവനക്കാര്‍ പങ്കെടുക്കണം.  യൂസര്‍ ഐ.ഡിയും പാസ്‌വേഡും ലഭിക്കാത്ത ജില്ലാ ഓഫീസുകളിലെ ജീവനക്കാര്‍ക്കും പങ്കെടുക്കാം.  മറ്റ് താലൂക്കുകളിലെ സബ് ഓഫീസുകളിലെ ജീവനക്കാര്‍ക്കുള്ള പരിശീലനം പിന്നീട് നടക്കും.

    മൂച്ചിക്കല്‍ - മഞ്ഞളാംപടി റോഡില്‍ ഓവുപാലം പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം ഡിസംബര്‍ ആറ് മുതല്‍ പ്രവൃത്തി തീരുന്നതുവരെ നിരോധിച്ചു.  വാഹനങ്ങള്‍ മൂലക്കല്‍ - ഉണ്ണ്യാല്‍ വഴി പോകണം.

    കെ.എസ്.ഡി.സി ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്കില്‍ എടവണ്ണ വില്ലേജില്‍ ബ്ലോക്ക് 73 റീ.സര്‍വെ നമ്പര്‍ 205/22ല്‍ 0.0020 ഹെക്ടറും ബ്ലോക്ക് 73 റീ സര്‍വെ നമ്പര്‍ 205/23 ല്‍ 0.0140 ഹെക്ടര്‍ ഭൂമിയും ഡിസംബര്‍ ഏഴിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.

    ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ സ്വയംതൊഴില്‍ വിഭാഗത്തിന്റെ ആഭിമുഖ്യത്തില്‍ മാറഞ്ചേരി ഐ.ടി.ഐ ഹാളില്‍ സ്വയം തൊഴില്‍ ബോധവല്‍ക്കരണ ശില്‍പ്പശാല സംഘടിപ്പിച്ചു.  മാറഞ്ചേരി ഗ്രാമ പഞ്ചായത്ത് മെമ്പര്‍ ലീന മുഹമ്മലി ഉദ്ഘാടനം ചെയ്തു.  എംപ്ലോയ്‌മെന്റ് ഓഫീസര്‍ കെ.എം. അബ്ദുറസാഖ്, ഐ.ടി.ഐ പ്രിന്‍പ്പാള്‍ ജയ ടി.ജി തുടങ്ങിയവര്‍ പങ്കെടുത്തു.

പൊന്നാനിയില്‍  സംസ്ഥാന പട്ടികവര്‍ഗ-ജാതി വികസന വകുപ്പിന്റെ നേതൃത്വത്തില്‍ നടത്തുന്ന 'ഗദ്ദിക 2017' പരിപാടിയുടെ സംഘാടക സമിതി യോഗം ഇന്ന് (ഡിസംബര്‍ ഒന്ന്) ഉച്ചയ്ക്ക് 3.30ന് ജില്ലാ കലക്ടറുടെ ചേംബറില്‍ ചേരും.

ജാഗ്രതാ നിര്‍ദ്ദേശം പുറപ്പെടുവിച്ചു.

സ്ത്രീകള്‍ക്കും കുട്ടികള്‍ക്കുമെതിരെയുള്ള അതിക്രമങ്ങള്‍ക്കെതിരെ മുഖ്യമന്ത്രിക്ക് പരാതി നല്‍കിയതിന്റെ വിരോധത്തില്‍ സമൂഹ മാധ്യങ്ങളിലൂടെ അപവാദ പ്രചരണം നടത്തുന്നുവെന്ന യുവതിയുടെ പരാതിയില്‍ പോലീസ് അന്വേഷണം തൃപ്തികരമല്ലാത്ത തിനാല്‍ അന്വേഷണത്തിന് മേല്‍നോട്ടം വഹിക്കാന്‍ ജില്ലാ പോലീസ് മേധാവിക്ക് നിര്‍ദ്ദേശം നല്‍കി ന്യൂന പക്ഷകമ്മീഷന്‍ ഉത്തരവായി. അന്വേഷണം എത്രയും വേഗം പൂര്‍ത്തിയാക്കി ബന്ധപ്പെട്ട കോടതിയില്‍ റിപ്പോര്‍ട്ട് നല്‍കാനും കൈകൊണ്‍ നടപടികള്‍ രണ്‍് മാസത്തിനകം ജില്ലാ പോലീസ് മേധാവി കമ്മീഷന്‍ മുമ്പാകെ ബോധിപ്പിക്കണമെന്നും കമ്മീഷന്‍ ഉത്തരവിട്ടു.