ശബരിമല മണ്ഡല-മകരവിളക്കിനോടനുബന്ധിച്ച് സന്നിധാനം, പമ്പ, നിലയ്ക്കല്‍ എന്നീ സ്ഥലങ്ങളിലെ മില്‍മ ഉത്പന്നങ്ങളുടെ വില നിശ്ചയിച്ച് ജില്ലാ കളക്ടര്‍ ഉത്തരവായി. ഹോമോജിനൈസ്ഡ് ടോണ്‍ഡ് മില്‍ക്ക് 500 മില്ലി പായ്ക്കറ്റ് ഒന്നിന് പമ്പ, നിലയ്ക്കല്‍ എന്നിവിടങ്ങളില്‍ 23 രൂപയും സന്നിധാനത്ത് 24 രൂപയുമാണ്. ഡബിള്‍ ടോണ്‍ഡ് കര്‍ഡിന് യഥാക്രമം 29,30 രൂപയും സംഭാരം 200 മില്ലി പായ്ക്കറ്റിന് 7,8 രൂപയും  സംഭാരം കപ്പിന് 13,15 രൂപയും ലെസ്സി 200 മില്ലി ലിറ്ററിന് 28, 30 രൂപയുമാണ് വില.                                (43/17)

ജനകീയാസൂത്രണ പദ്ധതിയിന്‍ കീഴില്‍ കുരുമുളക്, തെങ്ങ്, ജൈവ പച്ചക്കറി, ഏത്തവാഴ എന്നീ പദ്ധതികളുടെ ഗുണഭോക്താക്കളായി തെരഞ്ഞെടുക്കപ്പെട്ട മല്ലപ്പുഴശ്ശേരി ഗ്രാമപഞ്ചായത്തിലെ കര്‍ഷകര്‍ 2017-18 വര്‍ഷത്തെ കരം അടച്ച രസീത്, ബാങ്ക് പാസ്ബുക്ക്, ഇവയുടെ പകര്‍പ്പും സഹകരണ ബാങ്കുകളുടെ അംഗീകൃത വളം ഡിപ്പോകളില്‍ നിന്നും ജൈവവളം വാങ്ങിയതിന്‍റെ ബില്ലും അടിയന്തരമായി കൃഷി ഓഫീസില്‍ ഹാജരാക്കണം. കൃഷിഭവന്‍റെ പരിധിയിലുള്ള തെങ്ങുകര്‍ഷകര്‍ക്ക് സൗജന്യമായി മഗ്നീഷ്യം സള്‍ഫേറ്റും വിതരണം ചെയ്യുന്നുണ്ട്. (പിഎന്‍പി 3675/17)

   കാസര്‍കോട് മുതല്‍ വിഴിഞ്ഞം വരെയുളള തുറമുഖങ്ങളുടെ വികസനത്തിന് സര്‍ക്കാര്‍ പദ്ധതികളാവിഷ്‌കരിച്ച് നടപ്പിലാക്കിവരികയാണെന്നും തുറമുഖങ്ങളുടെ ഏകോപനത്തിന് പദ്ധതികള്‍ക്ക രൂപം നല്‍കുമെന്നും  തുറമുഖ - മ്യൂസിയം പുരാവസ്തു പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു. കാസര്‍കോട് തുറമുഖ ഓഫീസിന്റേയും ക്വാര്‍ട്ടേഴ്‌സുകളുടേയും ഉദ്ഘാടനം നിര്‍വവഹിച്ച് സംസാരിക്കുകയായിരുന്നു അദ്ദേഹം. കാസര്‍കോട് ജില്ലയില്‍ തുറമുഖ വകുപ്പിന് സ്വന്തമായി  വാര്‍ഫില്ല. അതിനാല്‍ ഷിപ്പിംഗ് പ്രവര്‍ത്തനങ്ങള്‍ നടക്കുന്നില്ല. ഇത് പരിഹരിക്കുന്നതിന് കൂട്ടായപ്രവര്‍ത്തനം ആവശ്യമാണ്.

    കാസര്‍കോട് തുറമുഖ ഓഫീസിന്റേയും ക്വാര്‍ട്ടേഴ്‌സുകളുടേയും ഉദ്ഘാടനം തുറമുഖ - മ്യൂസിയം പുരാവസ്തു പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു.എന്‍.എ നെല്ലിക്കുന്ന് എംഎല്‍എ അധ്യക്ഷത വഹിച്ചു.പി.കരുണാകരന്‍ എംപി മുഖ്യാതിഥിയായിരുന്നു.മുനിസിപ്പല്‍ കൗണ്‍സിലര്‍ റംസീന റിയാസ്, വിവിധ രാഷ്ട്രീയ കക്ഷി പ്രതിനിധികളായ ജി.നാരായണന്‍,  എം.അനന്തന്‍ നമ്പ്യാര്‍, കൈപ്രത്ത് കൃഷണന്‍ നമ്പ്യാര്‍, വി.രാജന്‍, കുര്യാക്കോസ് പ്ലാപ്പറമ്പില്‍,  എ എം കടവത്ത്, ഹാര്‍ബര്‍ എഞ്ചിനിയറിംഗ് എക്‌സിക്യുട്ടിവ് എഞ്ചിനീയര്‍ വിജി കെ തട്ടാമ്പുറം, കോഴിക്കോട് തുറമുഖ ഓഫീസര്‍ ക്യാപ്ടന്‍ അശ്വിനി പ്രതാപ്, പോര്‍ട് കണ്‍സര്‍വേറ്റര

    ജില്ലയിലെ വിവിധ ഗ്രാപഞ്ചായത്തുകളിലും, മുനിസിപ്പാലിറ്റിയിലും (കാറഡുക്ക,തൃക്കരിപ്പൂര്‍, കുമ്പടാജെ, ഈസ്റ്റ് എളേരി, പടന്ന, ചെറുവത്തൂര്‍, മധൂര്‍, കളളാര്‍, കോടോം-ബേളൂര്‍, അജാനൂര്‍ എന്നീ ഗ്രാമപഞ്ചായത്തുകളും, നീലേശ്വരം മുനിസിപ്പാലിറ്റിയും ഒഴികെ)  പട്ടികജാതി പ്രൊമോട്ടര്‍ തസ്തികയില്‍ നിയമനത്തിന് നിശ്ചിതയോഗ്യതയുളള പട്ടികജാതി വിഭാഗത്തിലെ യുവതി-യുവാക്കളില്‍ നിന്ന് അപേക്ഷ ക്ഷണിച്ചു. അപേക്ഷകര്‍ 18-നും 40-നും മദ്ധ്യേ പ്രായമുളളവരും, പ്രീഡിഗ്രി/പ്ലസ്ടു പാസായവരുമായിരിക്കണം.  കൂടുതല്‍ വിദ്യാഭ്യാസ യോഗ്യതയുളളവര്‍ക്ക് മുന്‍ഗണന നല്‍കും.

സാനിറ്ററി ഫിറ്റിംഗ്‌സ്, ഗൃഹോപകരണങ്ങള്‍, എല്‍ഇഡി ലൈറ്റുകള്‍ എന്നിവ വിപണിയിലിറക്കുന്ന ബ്രാന്‍ഡഡ് കമ്പനികള്‍ ജിഎസ്ടിയില്‍ ഉണ്ടായ കുറവ് ഉപയോക്താക്കള്‍ക്ക് നല്‍കാതെ തങ്ങളുടെ ഉല്‍പ്പന്നങ്ങള്‍ക്ക്  എംആര്‍പി കൂട്ടി പുതിയ സ്റ്റിക്കറുകള്‍  പതിച്ച് വിപണിയിലിറക്കുന്നതായി  പരിശോധനയില്‍ കണ്ടെത്തി.  സ്റ്റാര്‍ ഹോട്ടലുകളില്‍ പാക്കേജ്ഡ് ഡ്രിങ്കിംഗ് വാട്ടറിന്  എംആര്‍പി ക്ക് പുറമെ അഞ്ച് ശതമാനം  ജിഎസ്ടി ഈടാക്കുന്നതായും ആയുര്‍വേദ മരുന്നുകള്‍ക്കും ഡിറ്റര്‍ജന്റുകള്‍ക്കും ജിഎസ്ടി യിലെ കുറവ് ഉപഭോക്താക്കള്‍ക്ക് നല്‍കാതെ  വിപണനം നടത്തുന്നതായി കണ്ടെത്തി.

പി.കരുണാകരന്‍ എം.പിയുടെ പ്രാദേശിക വികസന ഫണ്ടില്‍ നിന്ന് ജില്ലയിലെ രണ്ടു പദ്ധതികള്‍ക്കായി 45 ലക്ഷം രൂപ അനുവദിച്ചു. നീലേശ്വരം റെയില്‍വേ സ്‌റ്റേഷന്‍ ഫൂട്ട് ഓവര്‍ ബ്രിഡ്ജ് വിപുലീകരിക്കുന്നതിന് 25 ലക്ഷവും പനത്തടി ഗ്രാമ പഞ്ചായത്തിലെ പ്രാന്തര്‍കാവ്-മൊട്ടേംകൊച്ചി റോഡ് ടാറിംഗിന് 20 ലക്ഷവുമാണ് അനുവദിച്ചത്. പദ്ധതികള്‍ക്ക് ജില്ലാ കളക്ടര്‍ ജീവന്‍ബാബു ഭരണാനുമതി നല്‍കി. 
കളക്ടറുടെ അദാലത്ത്; അപേക്ഷകള്‍ സ്വീകരിച്ചു തുടങ്ങി

    തൃക്കരിപ്പൂര്‍ ഗ്രാമപഞ്ചായത്ത് മൃഗാശുപത്രി കെട്ടിടോദ്ഘാടനം മൃഗസംരക്ഷണവകുപ്പ് മന്ത്രി അഡ്വ.കെ.രാജു നിര്‍വഹിക്കും. ഈ മാസം എട്ടിന് രാവിലെ 9.30ന് തൃക്കരിപ്പൂര്‍ കൊയോങ്കര മൃഗാശുപത്രി പരിസരത്ത് നടക്കുന്ന ചടങ്ങില്‍ എം. രാജഗോപാലന്‍ എംഎല്‍എ അധ്യക്ഷതവഹിക്കും.  പി.കരുണാകരന്‍ എം.പി മുഖ്യാതിഥിയാകും.