'ലഘു വ്യവസായ യോജന'ക്കു കീഴില്‍ വായ്പ അനുവദിക്കുന്നതിന് പട്ടികജാതിയില്‍പ്പെട്ട തൊഴില്‍രഹിതരില്‍ നിന്ന് അപേക്ഷ ക്ഷണിച്ചു. ദേശീയ പട്ടികജാതി ധനകാര്യ വികസന കോര്‍പ്പറേഷന്റെ സഹായത്തോടെ, സംസ്ഥാന പട്ടികജാതി - പട്ടികവര്‍ഗ വികസന കോര്‍പ്പറേഷനാണ് പദ്ധതി നടപ്പിലാക്കുന്നത്. മൂന്ന് ലക്ഷം രൂപയാണ് പദ്ധതി തുക. അപേക്ഷകരുടെ പ്രായം 18നും 50നും ഇടയില്‍ ആയിരിക്കണം. വാര്‍ഷിക വരുമാനം ഗ്രാമ പ്രദേശങ്ങളില്‍ 98000 രൂപയും നഗര പ്രദേശങ്ങളില്‍ 1,20,000 രൂപയും കവിയാന്‍ പാടില്ല. വായ്പാ തുക ആറ് ശതമാനം വാര്‍ഷിക പലിശ നിരക്കില്‍ അഞ്ച് വര്‍ഷം കൊണ്ട് തിരിച്ചടക്കണം. അപേക്ഷാ ഫോറത്തിനും വിവരങ്ങള്‍ക്കും കോര്‍പ്പറേഷന്റെ ജില്ലാ ഓഫീസുമായി ബന്ധപ്പെടാം. ഫോണ്‍ 0483 2731496, 04931 246644.

കൊച്ചി:  2018-19 വര്‍ഷത്തെ സമഗ്ര ആരോഗ്യ ഇന്‍ഷ്വറന്‍സ് രജിസ്‌ട്രേഷന്‍ നവംബര്‍ 15-ന് അവസാനിക്കുന്നു. നിലവില്‍ കാര്‍ഡ് ഇല്ലാത്ത കുടുംബങ്ങള്‍ക്ക് ഇപ്പോള്‍ അക്ഷയ ഉന്നതി കേന്ദ്രങ്ങള്‍ വഴി രജിസ്‌ട്രേഷന്‍ ചെയ്യാം. കഴിഞ്ഞ വര്‍ഷം എടുത്തിരിക്കുന്ന സ്മാര്‍ട്ട് കാര്‍ഡില്‍ കുടുംബനാഥന്റെ പേരിന് പകരം ഫാമിലി ഹെഡ് എന്ന് മുന്‍വശത്ത് എഴുതിയിരിക്കുന്ന മുഴുവന്‍ ഗുണഭോക്താക്കളും കാര്‍ഡ് വീണ്ടും രജിസ്റ്റര്‍ ചെയ്യണം. കൂടാതെ സ്റ്റേറ്റ് പ്രയോരിറ്റി ലിസ്റ്റില്‍ ഉള്‍പ്പെട്ടിരിക്കുന്ന ഗുരുതര രോഗങ്ങള്‍ കൊണ്ട് ബുദ്ധിമുട്ടുന്ന രോഗികള്‍ക്കും രജിസ്റ്റര്‍ ചെയ്യാം.

കൊച്ചി: കുട്ടികളുടെ അവകാശ സംരക്ഷണം ഉറപ്പാക്കുന്നതിന്റെ ഭാഗമായി എറണാകുളം ജില്ലാ ശിശു സംരക്ഷണ യൂണിറ്റിന്റെ നേത്യത്വത്തില്‍ സംസ്ഥാന ബാലാവകാശ സംരക്ഷണ കമ്മീഷന്‍, എറണാകുളം ജില്ലാ ഭരണകൂടം, കുടുംബശ്രീ മിഷന്‍, വിവിധ സോഷ്യല്‍വര്‍ക്ക് കോളേജുകള്‍ എന്നിവരുടെ സഹകരണത്തോടെ ഇന്നു മുതല്‍ (നവംബര്‍ 14) മുതല്‍ നവംബര്‍ 20 വരെ ജില്ലയില്‍ വിപുലമായ പ്രചാരണ പരിപാടികള്‍ സംഘടിപ്പിക്കുന്നു.

കൊച്ചി: കൊച്ചി കാന്‍സര്‍ റിസര്‍ച്ച് സെന്ററിന്റെ ഒന്നാം വാര്‍ഷികത്തോടനുബന്ധിച്ച് തുടര്‍ വിദ്യാഭ്യാസ പരിപാടി സംഘടിപ്പിച്ചു. ഫോര്‍ട്ടുകൊച്ചി സബ് കളക്ടര്‍ ഇമ്പശേഖര്‍ ഉദ്ഘാടനം നിര്‍വഹിച്ചു. ഡോ. പി. ഗംഗാധരന്‍, ഡോ. സുശീല.ജെ.ഇന്ന, ഡോ. വാണി കേസരി ഡോ. പി. രമ, ഡോ. ജയകൃഷ്ണന്‍ എന്നിവര്‍ വിവിധ വിഷയങ്ങളില്‍ ക്ലാസ് നയിച്ചു. കാന്‍സര്‍ കേന്ദ്രം സൂപ്രണ്ട് ഡോ. പി.ജി. ബാലഗോപാല്‍, ഡോ. ഉഷാശ്രീ വാര്യര്‍ എന്നിവര്‍ പ്രസംഗിച്ചു.

ഭൂരേഖകളുടെ ഡിജിറ്റല്‍വൽക്കണം പൂർത്തിയാക്കി നൂറ് ശതമാനംഓൺലൈൻ പോക്കുവരവിന് സജ്ജമായി എറണാകുളം

മുസരീസ് ബിനാലെ മാതൃകയില്‍ പാലക്കാട് സംഗീത ബിനാലെ സംഘടിപ്പിക്കുന്നത്  സാംസ്കാരിക വകുപ്പിന്റെ  പരിഗണനയിലാണെന്ന് പട്ടികജാതി-വര്ഗ്-പിന്നാക്കക്ഷേമ-നിയമ-സാംസ്കാരിക വകുപ്പ് മന്ത്രി എ. കെ. ബാലന്‍
പറഞ്ഞു. കല്പ്പാ്ത്തി സംഗീതോത്സവത്തിന്റെ  സമാപന സമ്മേളനം ഉദ്ഘാടനം ചെയ്ത്  സംസാരിക്കുകയായിരുന്നു മന്ത്രി. 

ജന്തുലോകത്തിന്റെ വൈപുല്യവും വൈവിദ്ധ്യവും കാഴ്ചയ്ക്ക് വിരുന്നായി മാറിയ ദേശീയ പക്ഷിമൃഗമേള മൂന്നര ലക്ഷം പേരുടെ സാന്നിദ്ധ്യം കൊണ്ട് ചരിത്രം തിരുത്തി. കാണാക്കാഴ്ചകളുടെ അറിവു തേടിയെത്തിയ ഒന്നര ലക്ഷത്തോളം വിദ്യാര്‍ത്ഥികളും ജനസഞ്ചയത്തിന്റെ ഭാഗമായി. സംഘാടനമികവിന്റെ സാക്ഷ്യമായി മാറിയ മേളയുടെ സമാപന സമ്മേളനം മൃഗസംരക്ഷണ മന്ത്രി കെ. രാജു ഉദ്ഘാടനം ചെയ്തു.
പാലുത്പാദനത്തില്‍ 20 ശതമാനം വര്‍ധന നേടി ആശാവഹമായി പുരോഗമിക്കുന്ന ക്ഷീരമേഖലയാണ് സംസ്ഥാനത്ത് ഇന്നുള്ളതെന്ന് മന്ത്രി പറഞ്ഞു. പാല്‍ സ്വയംപര്യാപ്തതയിലേക്ക് കുതിക്കുമ്പോള്‍ ഇതേമാറ്റം മുട്ട, ഇറച്ചി മേഖലകളിലും കൈവരിക്കാനാകുമെന്ന് അദ്ദേഹം പറഞ്ഞു. 

കൊച്ചി: സംസ്ഥാനത്തെ ഏറ്റവും തിരക്കേറിയ റോഡ് ജംഗ്ഷനായ വൈറ്റിലയില്‍ മേല്‍പ്പാലത്തിന്റെ നിര്‍മാണം ഈ മാസം 25ന് ആരംഭിക്കും. നിര്‍മാണത്തിന് ടെന്‍ഡര്‍ നേടിയ തിരുവനന്തപുരത്തെ ശ്രീധന്യ കണ്‍സ്ട്രക്ഷന്‍സുമായി പൊതുമരാമത്ത് വകുപ്പ് 18ന് കരാര്‍ ഒപ്പുവയ്ക്കുമെന്ന് ജില്ലാ കളക്ടര്‍ മുഹമ്മദ് വൈ സഫിറുള്ള അറിയിച്ചു. ഒന്നര വര്‍ഷം കൊണ്ട് പാലം നിര്‍മാണം പൂര്‍ത്തിയാകും. കുണ്ടന്നൂര്‍ മേല്‍പ്പാലത്തിന്റെ നിര്‍മാണം ഡിസംബര്‍ അവസാനത്തോടെയും ആരംഭിക്കും.

സംസ്ഥാന പട്ടികജാതി പട്ടിക ഗോത്ര വര്‍ഗ കമ്മീഷന്‍ നിലവിലുള്ള പരാതികള്‍ തീര്‍പ്പാക്കാന്‍ തിരുവനന്തപുരം ജില്ലയില്‍ പരാതി പരിഹാര അദാലത്തുകള്‍ നടത്തും.  നവംബര്‍ 23, 24, 25 തീയതികളില്‍ തൈക്കാട് പി.ഡബ്യൂ.ഡി റെസ്റ്റ് ഹൗസ് കോണ്‍ഫറന്‍സ് ഹാളിലാണ് അദാലത്തുകള്‍. കമ്മീഷന്‍ ചെയര്‍മാന്‍ ജസ്റ്റിസ് (റിട്ട.) ഡോ. പി. എന്‍ വിജയകുമാര്‍, മെമ്പര്‍മാരായ എഴുകോണ്‍ നാരായണന്‍ , അഡ്വ. കെ.കെ മനോജ്, രജിസ്ട്രാര്‍ എം.മോഹനന്‍, അസിസ്റ്റന്റ് രജിസ്ട്രാര്‍ ഷീജ.