വിദ്യാഭ്യാസ വകുപ്പില്‍ ഫുള്‍ടൈം ജൂനിയര്‍ ലാംഗ്വേജ് ടീച്ചര്‍ (ഹിന്ദി) ഫസ്റ്റ് എന്‍.സി.എ എല്‍.സി/ എ.ഐ (കാറ്റഗറി നമ്പര്‍ 627/22) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്കുള്ള അഭിമുഖം ജൂണ്‍ 21ന് പി.എസ്.സി തൃശൂര്‍ ജില്ലാ ഓഫീസില്‍ നടക്കും. അറിയിപ്പ് എസ്.എം.എസ്, പ്രൊഫൈല്‍ മെസ്സേജ് മുഖേന നല്‍കിയിട്ടുണ്ട്. അഡ്മിഷന്‍ ടിക്കറ്റ് ഡൗണ്‍ലോഡ് ചെയ്ത് നിശ്ചിത സമയത്ത് ഹാജരാകണം.

വിദ്യാഭ്യാസ വകുപ്പില്‍ ഫുള്‍ടൈം ജൂനിയര്‍ ലാംഗ്വേജ് ടീച്ചര്‍ (ഹിന്ദി) (കാറ്റഗറി നമ്പര്‍ 712/22) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്കുള്ള അഭിമുഖം ജൂണ്‍ 19, 20, 21 തീയതികളില്‍ പി.എസ്.സി തൃശൂര്‍ ജില്ലാ ഓഫീസില്‍ നടക്കും. അറിയിപ്പ് എസ്.എം.എസ്, പ്രൊഫൈല്‍ മെസേജ് മുഖേന നല്‍കിയിട്ടുണ്ട്. അഡ്മിഷന്‍ ടിക്കറ്റ് ഡൗണ്‍ലോഡ് ചെയ്ത് നിശ്ചിത സമയത്ത് ഹാജരാകണം.

വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ (സോഷ്യല്‍ സയന്‍സ്) മലയാളം മീഡിയം-ഫസ്റ്റ് ഹിന്ദു നാടാര്‍ (കാറ്റഗറി നമ്പര്‍ 344/22) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്കുള്ള അഭിമുഖം ജൂണ്‍ 19ന്  എറണാകുളം ജില്ലാ പി.എസ്.സി ഓഫീസില്‍ നടക്കും. അറിയിപ്പ് എസ്.എം.എസ്, പ്രൊഫൈല്‍ മെസേജ് മുഖേന നല്‍കിയിട്ടുണ്ട്. അഡ്മിഷന്‍ ടിക്കറ്റ് ഡൗണ്‍ലോഡ് ചെയ്ത് നിശ്ചിത സമയത്ത് ഹാജരാകണം.

പീച്ചിയിലെ വനഗവേഷണ സ്ഥാപനത്തില്‍ ജിഗറ്റ് സ്പീഷിസുമായി ബന്ധപ്പെട്ട ഗവേഷണ പദ്ധതിയിലേക്ക് പ്രൊജക്ട് ഫെലോയെ താല്‍ക്കാലികമായി നിയമിക്കുന്നു. യോഗ്യത - എം.എസ്.സി ബോട്ടണി ഒന്നാം ക്ലാസ് ബിരുദാനന്തര ബിരുദം. വനപര്യവേക്ഷണത്തിലും ഗവേഷണത്തിലും പ്രവൃത്തിപരിചയം അഭികാമ്യം. ഡിസംബര്‍ 31 വരെയാണ് കാലാവധി. പ്രതിമാസ ഫെലോഷിപ്പ് തുക - 22000 രൂപ. 2024 ജനുവരി ഒന്നിന് 36 വയസ് കവിയരുത്. പട്ടികജാതി - പട്ടികവര്‍ഗ വിഭാഗക്കാര്‍ക്ക് അഞ്ചും മറ്റു പിന്നാക്ക വിഭാഗക്കാര്‍ക്ക് മൂന്ന് വര്‍ഷവും വയസിളവ് ലഭിക്കും.

ജില്ലയില്‍ ആറ് ഹാര്‍ബര്‍ ബെയ്സ്ഡ് സീ റെസ്‌ക്യൂ സ്‌ക്വാഡുമാരെ നിയമിക്കുന്നതിന് അപേക്ഷ ക്ഷണിച്ചു. കേരള മത്സ്യതൊഴിലാളി ക്ഷേമനിധി ബോര്‍ഡില്‍ അംഗത്വമുള്ളവരും ഗോവ നാഷണല്‍ ഇന്‍സ്റ്റിറ്റ്യൂട്ട് ഓഫ് വാട്ടര്‍ സ്‌പോര്‍ട്‌സില്‍ നിന്നും ട്രെയിനിങ് പൂര്‍ത്തിയാകിയവരുമാകണം. പ്രായപരിധി 20 വയസിനും 45നും മധ്യേ. പ്രതികൂല കാലാവസ്ഥയിലും കടലില്‍ നീന്താന്‍ കഴിയണം. സീ റെസ്‌ക്യൂ സ്‌ക്വാഡ്/ ലൈഫ് ഗാര്‍ഡ് പ്രവൃത്തി പരിചയം, 2018 ലെ പ്രളയ രക്ഷാപ്രവര്‍ത്തനത്തില്‍ പങ്കെടുത്തവര്‍, തൃശൂരിലെ സ്ഥിരതാമസക്കാര്‍, അത്യാധുനിക കടല്‍രക്ഷാ ഉപകരണങ്ങള്‍ പ്രവര്‍ത്തിപ്പിക്കാന്‍ പ്രാവീണ്യം ഉളളവര്‍ എന്നിവര്‍ക്ക് മുന്‍ഗണന.

ചാലക്കുടി മോഡല്‍ റസിഡന്‍ഷ്യല്‍ സ്‌കൂളിൽ വിവിധ തസ്തികകളില്‍ ജീവനക്കാരെ നിയമിക്കുന്നു. ആയ- യോഗ്യത ഏഴാം ക്ലാസ്. കുക്ക്- ഏഴാം ക്ലാസ്, ഹോട്ടല്‍ മാനേജ്‌മെന്റ്/ ഫുഡ് ആന്‍ഡ് ക്രാഫ്റ്റ് കോഴ്‌സ് യോഗ്യതയുള്ളവര്‍ക്ക് മുന്‍ഗണന. എഫ്.ടി.എസ്- ഏഴാം ക്ലാസ്, ഗാര്‍ഡനര്‍ - എഴുത്തും വായനയും അറിഞ്ഞിരിക്കണം, കൃഷിപ്പണിയിലുള്ള പരിചയം.

എല്‍.ബി.എസ് ഫോര്‍ സയന്‍സ് ആന്‍ഡ് ടെക്‌നോളജിയുടെ തൃശൂര്‍ മേഖല കേന്ദ്രത്തില്‍ തൊഴിലധിഷ്ഠിത കമ്പ്യൂട്ടര്‍ കോഴ്‌സുകളിലേക്ക് അപേക്ഷ ക്ഷണിച്ചു.  പ്ലസ് 2/പ്രീഡിഗ്രി/ഡിഗ്രി -കൊമേഴ്‌സ് കഴിഞ്ഞവര്‍ക്ക് നാല് മാസത്തെ ടാലി കോഴ്‌സിനും ആറുമാസത്തെ സി.സി.എഫ്.എ, എസ്.എസ്.എല്‍.സി ഉള്ളവര്‍ക്ക് മൂന്നു മാസത്തെ പൈതണ്‍ പ്രോഗ്രാമിങ്, നാല് മാസത്തെ ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍, രണ്ടുമാസത്തെ ഒബ്ജക്ട് ഓറിയന്റഡ് പ്രോഗ്രാമിങ് സി പ്ലസ് പ്ലസ് കോഴ്‌സുകള്‍ക്ക് അപേക്ഷിക്കാം.

പൂജപ്പുര സ്ത്രീകളുടെയും കുട്ടികളുടെയും സർക്കാർ ആയുർവേദ കോളേജ് ആശുപത്രിയിൽ ആറ് വയസ് മുതൽ 12 വയസ് വരെയുള്ള കുട്ടികളിൽ കാണുന്ന അമിത വികൃതി, അടങ്ങിയിരിക്കാൻ കഴിയായ്ക, ശ്രദ്ധക്കുറവ് തുടങ്ങിയ അവസ്ഥകൾക്ക് ഗവേഷണാടിസ്ഥാനത്തിൽ സൗജന്യ ചികിത്സ നൽകുന്നു. ബന്ധപ്പെടേണ്ട നമ്പർ 9447657471

മാര്‍ക്കറ്റിംഗ് മേഖലയില്‍ കൂടുതല്‍ പ്രാവിണ്യം നേടുവാന്‍ ആഗ്രഹിക്കുന്ന സംരംഭകര്‍ക്കായി  വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്‍സ്റ്റിറ്റ്യൂട്ട് ആയ കേരള ഇന്‍സ്റ്റിട്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റ് (KIED), 3 ദിവസത്തെ 'മാര്‍ക്കറ്റ് മിസ്റ്ററി' വര്‍ക്ക് ഷോപ്പ് സംഘടിപ്പിക്കുന്നു. ജൂണ്‍ 27 മുതല്‍ 29 വരെ കളമശ്ശേരി കീഡ്(KIED) ക്യാമ്പസിലാണ് പരിശീലനം.