കോട്ടയം: ചങ്ങനാശ്ശേരി ഗവ. വനിതാ ഐ.ടി.ഐയിലെ ഡ്രാഫ്റ്റ്സ്മാൻ സിവിൽ ട്രേഡിൽ ഇൻസ്ട്രക്ടറുടെ താൽക്കാലിക ഒഴിവിലേക്ക് അഭിമുഖം നടത്തുന്നു. സിവിൽ എൻജിനീയറിംഗിൽ ബിരുദം/ ഡിപ്ലോമ,ബന്ധപ്പെട്ട വിഷയത്തിൽ എൻ.ടി.സിയും മൂന്നു വർഷത്തെ പ്രവൃത്തിപരിചയവും അല്ലെങ്കിൽ ബന്ധപ്പെട്ട വിഷയത്തിൽ എൻ.എ.സിയും ഒരു വർഷത്തെ പ്രവൃത്തിപരിചയവും ഉള്ളവർക്ക് ജൂൺ 19ന് രാവിലെ 11 മണിക്ക് നടക്കുന്ന അഭിമുഖത്തിൽ പങ്കെടുക്കാം. ഫോൺ 0481-2400500

കോട്ടയം: ചങ്ങനാശ്ശേരി ജനറൽ ആശുപത്രിയിൽ റേഡിയോഗ്രാഫർ തസ്തികയിൽ നിയമനത്തിനുള്ള അഭിമുഖപരീക്ഷ ഇന്ന് (ജൂൺ 13) രാവിലെ 11 മണിക്ക് നടത്തുമെന്ന് സൂപ്രണ്ട് അറിയിച്ചു.

കോട്ടയം: ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ കാര്യാലയത്തിൽ 2024 ഓഗസ്റ്റ് മുതൽ 2025 മാർച്ച് വരെ കരാർ അടിസ്ഥാനത്തിൽ വാഹനം വാടകയ്ക്ക് ലഭ്യമാക്കുന്നതിന് ദർഘാസ് ക്ഷണിച്ചു. ജൂലൈ 10 ന് വൈകിട്ട് നാലിനകം ദർഘാസ് നൽകണം. വിശദവിവരത്തിന് ഫോൺ: 0481 2564677.

കോട്ടയം: കളക്ട്രേറ്റിന്റെ ഒന്നാം നിലയിൽ പ്രവർത്തിച്ചിരുന്ന ഉപഭോക്തൃ തർക്ക പരിഹാരകമ്മിഷന്റെ ഓഫീസിൽ ഉപയോഗശൂന്യമായ വസ്തുവകകൾ വില്ക്കുന്നതിനായി ക്വട്ടേഷൻ ക്ഷണിച്ചു. ക്വട്ടേഷനുകൾ ലഭിക്കേണ്ട അവസാനതീയതി ജൂൺ 27. ജൂൺ 28 ന് ഉച്ചകഴിഞ്ഞ് രണ്ടുമണിക്ക് തുറക്കും. വിശദവിവരങ്ങൾക്ക് ഫോൺ 0481-2565118.

കോട്ടയം: രജിസ്‌ട്രേഷൻ വകുപ്പിന്റെ കോട്ടയം ജില്ലയിലെ ജില്ലാ രജിസ്ട്രാർ ജനറൽ, ജില്ലാ രജിസ്ട്രാർ ഓഡിറ്റ് ഓഫീസുകൾ, ചിട്ടി ആർബിട്രേഷൻ ഓഫീസ്, 23 സബ് രജിസ്ട്രാർ ഓഫീസുകൾ എന്നിവിടങ്ങളിൽ കാട്രിഡ്ജ് റീഫിൽ ചെയ്യുന്നതിന് ക്വട്ടേഷൻ ക്ഷണിച്ചു. ജൂലൈ രണ്ടിന് വൈകിട്ട് അഞ്ചിനകം നൽകണം. ജൂലൈ മൂന്നിന് ഉച്ചകഴിഞ്ഞ് മൂന്നിന് തുറക്കും.ഫോൺ: 0481 2563822.

കോട്ടയം :ജില്ലാ കോടതിയിലെയും നാലു അഡീഷണൽ ജില്ലാ കോടതികളിലെയും 2019-2023 കാലയളവിലെ ലോ ജേണലുകൾ ബൈൻഡ് ചെയ്യുന്നതിന് ബുക്ക് ബൈൻഡിംഗ് സ്ഥാപനങ്ങളിൽ നിന്ന് മുദ്ര വെച്ച ക്വട്ടേഷനുകൾ ക്ഷണിച്ചു.ക്വട്ടേഷനുകൾ ജൂൺ 26 ന് ഉച്ചകഴിഞ്ഞ് മൂന്നുമണി വരെ സമർപ്പിക്കാം. വിലാസം: ഡിസ്ട്രിക് ജഡ്ജ്, കോട്ടയം, കളക്‌ട്രേറ്റ് പി.ഒ: 686002

കോട്ടയം: വൈക്കം മറവൻതുരുത്തിലുള്ള കോട്ടയം പൊന്നുംവില സ്പെഷ്യൽ തഹസിൽദാരുടെ (കിഫ്ബി) ഓഫീസിലേക്ക് ഔദ്യോഗിക ആവശ്യങ്ങൾക്കായി കരാർ അടിസ്ഥാനത്തിൽ പ്രതിമാസ വാടകക്ക് വാഹനം നല്കുന്നതിന് ദർഘാസ് ക്ഷണിച്ചു. ദർഘാസുകൾ ജൂൺ 18ന് ഉച്ചക്ക് 12 വരെ സ്വീകരിക്കും.