ഒ.ആര്‍ കേളു എം.എല്‍.എയുടെ പ്രത്യേക വികസന ഫണ്ടിലുള്‍പ്പെടുത്തി കല്ലേടി സെന്റ് ജോസഫ് യു.പി സ്‌കൂളില്‍ കഞ്ഞിപ്പുര നിര്‍മ്മിക്കുന്നതിന് പത്ത് ലക്ഷം രൂപ അനുവദിച്ച് ഭരണാനുമതിയായി.

കേരള മീഡിയ അക്കാദമിയില്‍ ടെലിവിഷന്‍ ജേണലിസം, ജേണലിസം ആന്‍ഡ് കമ്യൂണിക്കേഷന്‍, പി.ആര്‍ ആന്‍ഡ് അഡ്വര്‍ടൈസിങ് ബാച്ചിലേക്ക് പ്രവേശന പരീക്ഷ നടത്തുന്നു. പ്രവേശന പരീക്ഷ ജൂണ്‍ 22 ന് ഓണ്‍ലൈനായി നടക്കും. അപേക്ഷകര്‍ക്ക് പോര്‍ട്ടല്‍ ലിങ്ക്, അഡ്മിറ്റ് കാര്‍ഡ്, മറ്റ് നിര്‍ദ്ദേശങ്ങള്‍ ഇ-മെയിലായി അയച്ചിട്ടുണ്ട്. ഇ-മെയില്‍ ലഭിക്കാത്തവര്‍ ജൂണ്‍ 21 ന് വൈകിട്ട് അഞ്ചിനകം അക്കാദമിയുമായി ബന്ധപ്പെടണം. ഫോണ്‍ 0484-2422275, 7356610110, 9207199777, 8848641615, 7012857600.

മാനന്തവാടി പി.കെ കാളന്‍ മെമ്മോറിയല്‍ കോളേജില്‍ ബി.എസ്.സി കമ്പ്യൂട്ടര്‍ സയന്‍സ്, ബി.കോം കമ്പ്യൂട്ടര്‍ ആപ്ലിക്കേഷന്‍, ബി.കോം കോര്‍പ്പറേഷന്‍, എം.കോം ഫിനാന്‍സ് കോഴ്സുകളിലേക്ക് പ്രവേശനം തുടരുന്നു. താത്പര്യമുള്ളവര്‍ഡ കോളേജില്‍ നേരിട്ടെത്തിയും ihrdadmissions.org മുഖേനയും അപേക്ഷിക്കണം.  ഫോണ്‍- 9387288283.  

പനമരം ഗവ ഹയര്‍ സെക്കന്‍ഡറി സ്‌കൂളില്‍ എച്ച്.എസ്.ടി ഫിസിക്കല്‍ സയന്‍സ്, നാച്ചുറല്‍ സയന്‍സ്, ജൂനിയര്‍ ലാംഗ്വേജ് ഹിന്ദി വിഷയങ്ങളിലേക്ക്  കൂടിക്കാഴച നടത്തുന്നു. ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി ജൂണ്‍ 22 ന് സ്‌കൂളില്‍ നടക്കുന്ന കൂടിക്കാഴ്ചക്ക് എത്തണം. ഫിസിക്കല്‍ സയന്‍സിലേക്ക് രാവിലെ 10 നും നാച്ചുറല്‍ സയന്‍സ് വിഭാഗത്തിലേക്ക് ഉച്ചക്ക് 12 നും ജൂനിയര്‍ ലാംഗ്വേജ് ഹിന്ദി വിഷയത്തില്‍ ഉച്ചക്ക് രണ്ടിനും കൂടിക്കാഴച നടക്കും.

മഴക്കാല മുന്നൊരുക്കത്തിന്റെ ഭാഗമായി ഗ്രാമപഞ്ചായത്തുകളില്‍ 'ദുരന്ത പ്രതിരോധവും തയാറെടുപ്പും' സംബന്ധിച്ച പരിശീലന പരിപാടിക്ക് പൊഴുതന ഗ്രാമപഞ്ചായത്തില്‍ തുടക്കമായി. ദുരന്ത മേഖലയില്‍ പ്രവര്‍ത്തിക്കുന്ന വളണ്ടിയര്‍മാര്‍ക്ക് ദുരന്ത നിവാരണവുമായി ബന്ധപ്പെട്ട് വികേന്ദ്രീകൃത പരിശീലനം നല്‍കുകയാണ് പരിപാടിയുടെ ലക്ഷ്യം. സാമൂഹിക സന്നദ്ധസേന ഡയറക്ടറേറ്റ് നടത്തിയ പരിശീലനത്തില്‍ ഫയര്‍ സേഫ്റ്റി, പ്രാഥമിക ശുശ്രൂഷ സംബന്ധിച്ച് ഫയര്‍ ആന്‍ഡ് റെസ്‌ക്യൂ ഓഫീസര്‍ ഷറഫുദ്ദീന്‍, വൈത്തിരി താലൂക്ക് ആശുപത്രി അനറ്റിസ്റ്റ് ഡോ.സക്കീര്‍ ഹുസ്സൈന്‍ എന്നിവര്‍ ക്ലാസെടുത്തു.

കരിപ്പൂർ വിമാനത്താവളത്തിന്റെ വികസനത്തിനായി എയർപ്പോർട്ട് അതോറിറ്റി അപേക്ഷിച്ച ഭൂമിയിലെ ക്രയവിക്രയ പ്രശ്ന പരിഹാരത്തിനായി റവന്യുമന്ത്രി റിപ്പോർട്ട് തേടി. തിരുവനന്തപുരത്ത് ആരംഭിച്ച നാലാമത് ജില്ലാ റവന്യു അസംബ്ലിയിലാണ് മലപ്പുറം ജില്ലാ കളക്ടറോട് ഒരാഴ്ചയ്ക്കുള്ളിൽ പരിശോധിച്ച് റിപ്പോർട്ട് സമർപ്പിക്കണമെന്ന് നിർദ്ദേശിച്ചത്.

റവന്യു വകുപ്പിന്റെ വിഷൻ ആന്റ് മിഷൻ 2021-26 പരിപാടിയുടെ ഭാഗമായ നാലാമത് ജില്ലാ റവന്യു അസംബ്ലിക്ക് തുടക്കമായി. മലപ്പുറം ജില്ലയുടെ റവന്യു വിഷയങ്ങളാണ് വകുപ്പ് മന്ത്രി കെ രാജന്റെ അധ്യക്ഷതയിൽ ആദ്യദിവസം ചർച്ച ചെയ്തത്.

കെഎസ്ആർടിസി ജീവനക്കാർക്ക് ഒറ്റത്തവണയായി പൂർണ ശമ്പളം നൽകാൻ സർക്കാർ സഹായം നൽകും. കെഎസ്ആർടിസിയുമായി ബന്ധപ്പെട്ട വിഷയങ്ങൾ ചർച്ച ചെയ്യാൻ മുഖ്യമന്ത്രി പിണറായി വിജയന്റെ  അധ്യക്ഷതയിൽ ചേർന്ന യോഗത്തിലാണ് തീരുമാനം.

മെഡിക്കൽ വിദ്യാഭ്യാസ ഡയറക്ടറുടെ കീഴിൽ മെഡിക്കൽ കോളേജുകളുമായി ബന്ധപ്പെട്ട പരാതികൾ പരിശോധിക്കുന്നതിന് സ്ഥിരം അന്വേഷണ സംവിധാനം സൃഷ്ടിക്കുമെന്ന് ആരോഗ്യ മന്ത്രി വീണാ ജോർജ് പറഞ്ഞു. ആലപ്പുഴ മെഡിക്കൽ കോളേജുമായി ബന്ധപ്പെട്ട് അമ്പലപ്പുഴ എം. എൽ. എ എച്ച് സലാം ചൂണ്ടിക്കാണിച്ച പ്രശ്നങ്ങൾക്ക് നിയമസഭയിൽ മറുപടി നൽകുകയായിരുന്നു മന്ത്രി. ജനങ്ങൾക്ക് ഈ സംവിധാനത്തെ ആശ്രയിക്കാനും പരാതി അറിയിക്കാനും കഴിയും. അത്തരം പരാതികൾ പരിഹരിക്കാനുള്ള സ്ഥിരം സംവിധാനമാവും ഇത്.