കോട്ടയം: പ്രധാനമന്ത്രി കിസാൻ സമ്മാൻ നിധിയുടെ പതിനേഴാം ഗഡുവിന്റെ വിതരണവുമായി ബന്ധപ്പെട്ടു കർഷകർക്കു പ്രധാനമന്ത്രി നരേന്ദ്രമോദിയുമായി സംവദിക്കാൻ കുമകരവും വേദിയാകുന്നു. കർഷകർക്കുള്ള ധനസഹായമായ പ്രധാനമന്ത്രി കിസാൻ പദ്ധതിയുടെ പതിനേഴാം ഗഡുവിന്റെ വിതരണോദ്ഘാടനം ജൂൺ 18(ചൊവ്വാഴ്ച) ഉത്തർപ്രദേശിലെ വാരണാസിയിൽ വച്ചാണ് പ്രധാനമന്ത്രി നിർവഹിക്കുന്നത്. ഈ അവസരത്തിൽ കർഷകർക്കു പ്രധാനമന്ത്രിയുമായുള്ള ചർച്ചയിൽ പങ്കെടുക്കുന്നതിനുള്ള കേന്ദ്രങ്ങളിലൊന്നായി കുമരകം കൃഷി വിജ്ഞാനകേന്ദ്രത്തെ തെരഞ്ഞെടുത്തിട്ടുണ്ട്. പരിപാടി വൈകിട്ട് നാലുമണി മുതൽ ഏഴുമണി വരെ ലൈവ് സ്ട്രീം ചെയ്യും.

കോട്ടയം: വിവരാവകാശ നിയമപ്രകാരമുള്ള അപേക്ഷകളിൽ അപ്പീൽ നൽകിയാലേ വിവരങ്ങൾ നൽകൂ എന്നു ശാഠ്യം പിടിക്കുന്ന ഉദ്യോഗസ്ഥർക്കെതിരേ കർശന നടപടിയെടുക്കുമെന്ന് സംസ്ഥാന വിവരാവകാശ കമ്മിഷണർ ഡോ: കെ.എം. ദിലീപ്. വിവരാവകാശ അപേക്ഷകളിൽ സമയബന്ധിതമായി അപേക്ഷകർക്കു വിവരങ്ങൾ നൽകേണ്ടതുണ്ട്. അപേക്ഷിച്ച് 30 ദിവസത്തിനുള്ളിൽ വിവരം കൈമാറാതെ അപ്പീൽ സമർപ്പിക്കുന്ന മുറയ്ക്കു വിവരങ്ങൾ കൈമാറുന്ന രീതി ഉദ്യോഗസ്ഥർ വച്ചുപുലർത്തുന്നുണ്ട്. ഇവർക്കെതിരേ ശിക്ഷാ നടപടി സ്വീകരിക്കുമെന്നു കളക്‌ട്രേറ്റ് വിപഞ്ചിക കോൺഫറൻസ് ഹാളിൽ നടത്തിയ സിറ്റിങ്ങിനു ശേഷം വിവരാവകാശ കമ്മിഷണർ ഡോ: കെ.എം. ദിലീപ് പറഞ്ഞു.

ആലപ്പുഴ: ജില്ലയില്‍ പലയിടത്തും പക്ഷിപ്പനി റിപ്പോര്‍ട്ട് ചെയ്തതിനെ തുടര്‍ന്ന്  കോഴിയിറച്ചിയുടെ വില്‍പന കുറഞ്ഞ സാഹചര്യമുണ്ട്. ഇത് മുതലെടുത്ത് മത്സ്യത്തിനും മാംസത്തിനും അമിതമായി വിലയീടാക്കി നിയമാനുസൃതമായ ബില്ല് നല്‍കാത്തതടക്കം ഉപഭോക്താക്കളെ ചൂഷണം ചെയ്യുന്നതായി ശ്രദ്ധയില്‍പ്പെട്ടിട്ടുള്ളതായി ജില്ല സപ്ലൈ ഓഫീസര്‍ അറിയിച്ചു.

ആലപ്പുഴ: 2024-25 വര്‍ഷം ഇന്‍സുലേറ്റഡ് ഫിഷ് ബോക്‌സ് വിതരണം ചെയ്യുന്ന പദ്ധതിയിലേക്ക് ബഹുദിന ആഴക്കടല്‍ മത്സ്യബന്ധനത്തില്‍ ഏര്‍പ്പെടുന്ന പരമ്പരാഗത മത്സ്യത്തൊഴിലാളികളില്‍ നിന്ന് അപേക്ഷ ക്ഷണിച്ചു. വെള്ള പേപ്പറില്‍ തയ്യാറാക്കിയ അപേക്ഷ ജൂണ്‍ 30-നകം അതാത് മത്സ്യഭവനുകളില്‍ നല്‍കണം.

ആലപ്പുഴ: മത്സ്യബന്ധന യാനങ്ങളില്‍ 2024-25 വര്‍ഷം പണിയെടുക്കുന്ന സ്രാങ്ക്മാര്‍ക്കുള്ള പരിശീലന പരിപാടിയില്‍ പങ്കെടുക്കുന്നതിനായി ജില്ലയില്‍ നിന്നും എട്ടാം ക്ലാസ്സ് വരെയെങ്കിലും പഠിച്ചിട്ടുള്ള 21 വയസ്സിനും 55 വയസ്സിനും ഇടയില്‍ പ്രായമുള്ളവരില്‍ നിന്നും അപേക്ഷ ക്ഷണിച്ചു. താല്പര്യമുളളവര്‍ ജൂണ്‍ 30-നകം വെള്ള പേപ്പറില്‍ തയ്യാറാക്കിയ അപേക്ഷ അതാത് മത്സ്യഭവനുകളില്‍ നല്‍കണം.

കോട്ടയം: സംസ്ഥാനത്തെ തദ്ദേശ സ്വയംഭരണസ്ഥാപനങ്ങളിലെ വോട്ടർപട്ടികയിൽ പേര് ചേർക്കാൻ ജൂൺ 21 വരെ അവസരമുണ്ടെന്ന് സംസ്ഥാന തിരഞ്ഞെടുപ്പ് കമ്മിഷൻ  അറിയിച്ചു. 2024 ജനുവരി ഒന്നിനോ അതിനു മുൻപോ 18 വയസ് തികഞ്ഞവർക്ക് പേര് ചേർക്കാം.
ഉടൻ ഉപതിരഞ്ഞെടുപ്പ് നടക്കുന്ന 50 വാർഡുകൾ ഉൾപ്പെടെ സംസ്ഥാനത്തെ മുഴുവൻ തദ്ദേശ സ്ഥാപനങ്ങളിലെയും വോട്ടർപട്ടികയാണ് പുതുക്കുന്നത്. ഉപതിരഞ്ഞെടുപ്പ് നടക്കുന്ന വാർഡുകളിൽ പ്രവാസി ഭാരതീയരുടെ വോട്ടർപട്ടികയും തയാറാക്കുന്നുണ്ട്. അന്തിമ വോട്ടർപട്ടിക ജൂലൈ ഒന്നിന് പ്രസിദ്ധീകരിക്കും.

ആലപ്പുഴ: സസ്റ്റെയിനബിള്‍ മറൈന്‍ ഫിഷിംങ് പ്രാക്ടീസ് പദ്ധതിയുടെ ഭാഗമായി ട്രൊള്‍നെറ്റ് ഉപയോഗിക്കുന്ന യന്ത്രവത്കൃത യാനങ്ങള്‍ക്ക് 50 ശതമാനം സബ്സിഡിയോടെ സ്‌ക്വയര്‍ മെഷ് കോഡെന്‍ഡ് വിതരണം ചെയ്യുന്നു. ഇതിനായി വെള്ള പേപ്പറില്‍ തയ്യാറാക്കിയ അപേക്ഷ ജൂണ്‍ 30-നകം അതത് മത്സ്യഭവനുകളില്‍ നല്‍കണം. ഫോണ്‍ 0477 2251103

ആലപ്പുഴ: മാർച്ച് 19, 20 തീയതികളിൽ നിശ്ചയിച്ചിരുന്ന ഫീൽഡ് വർക്കറുടെ എംപ്ലോയ്‌മെൻറ് നിയമനത്തിനുള്ള മുഖാമുഖം

കോട്ടയം : ജില്ലയിൽ എൻ.എച്ച്.എം(ദേശീയ ആരോഗ്യദൗത്യം)പദ്ധതിക്ക് കീഴിൽ മെഡിക്കൽ ഓഫീസർ, സ്പെഷ്യാലിറ്റി മെഡിക്കൽ ഓഫീസർമാർ (പീഡിയാട്രിക്സ്, ജനറൽ മെഡിസിൻ, ഒഫ്താൽമോളജി, ഡെർമറ്റോളജി)എന്നീ ഒഴിവുകളിൽ നിയമനം നടത്തുന്നതിനായി അഭിമുഖം നടത്തുന്നു. എം.ബി.ബി.എസ് ബിരുദം/ ബിരുദാനന്തരബിരുദവും ടി.സി.എം.സി രജിസ്ട്രേഷനുമാണ് യോഗ്യത. മെഡിക്കൽ ഓഫീസർമാർക്ക് 2024 ജൂൺ ഒന്നിന് 62 വയസും സ്പെഷ്യാലിറ്റി മെഡിക്കൽ ഓഫീസർമാർക്ക് 63 വയസും തികയാൻ പാടില്ല. താൽപര്യമുള്ളവർ ജൂൺ 19 ന് രാവിലെ 11 ന് ജില്ലാ ആശുപത്രിയിലെ ടി.ബി സെന്ററിലുള്ള എൻ.എച്ച്.എം ഓഫീസിൽ നടക്കുന്ന അഭിമുഖത്തിന് ഹാജരാകണം.

കോട്ടയം:വടവാതൂർ ഇ.എസ്.ഐ ആശുപത്രിയിൽ ജൂൺ 20ന് ഉച്ചകഴിഞ്ഞു രണ്ടുമണിക്ക് പരാതിപരിഹാര സെല്ലിന്റെ യോഗം ചേരുമെന്ന് ആശുപത്രി സൂപ്രണ്ട് അറിയിച്ചു.