ആലപ്പുഴ: സര്‍ക്കാരിന്റെ 2023 ഏപ്രില്‍ 12-ാം തീയതിയിലെ ജി.ഒ.(പി) 40/2023/തൊഴില്‍ പ്രകാരം സംസ്ഥാനത്തെ ഈറ്റ കാട്ടുവള്ളി മേഖലയിലെ മിനിമം വേതനം പുതുക്കി നിശ്ചയിക്കുന്നതിനുള്ള തെളിവെടുപ്പ് യോഗം ജൂണ്‍ 25 ന് ഉച്ചയ്ക്ക് രണ്ടിന് ആലപ്പുഴ ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും.

കോട്ടയം :പൂവൻതുരുത്ത് ഗവ.എൽ.പി സ്‌കൂളിൽ ദിവസവേതനാടിസ്ഥാനത്തിൽ അധ്യാപകനിയമനം നടത്തുന്നതിനായി അഭിമുഖം നടത്തുന്നു. താൽപര്യമുള്ളവർ യോഗ്യത തെളിയിക്കുന്ന അസൽ പ്രമാണങ്ങളുമായി ജൂൺ 20ന് രാവിലെ 10ന് സ്‌കൂൾ ഓഫീസിൽ നടക്കുന്ന അഭിമുഖത്തിന് ഹാജരാകണം. ഫോൺ: 0481-2342024, 9895231921
 

എ.ടി.എം കൗണ്ടറിന്റെ ഉടമസ്ഥതയും നിയന്ത്രണവും ബാങ്കിനാണെന്നിരിക്കേ ക്രമക്കേടുകള്‍ കണ്ടെത്തി പപരിഹരിക്കേണ്ട ബാധ്യത ബാങ്കിനുതന്നെയാണെന്ന്  ജില്ലാ ഉപഭോക്തൃകമ്മീഷന്‍. പരാതിക്കാരന് നഷ്ടപ്പെട്ട തുകയും നഷ്ടപരിഹാരമായി 25000 രൂപയും കോടതിച്ചെലവായി 5000 രൂപയും നല്‍കണമെന്ന് കെ.മോഹന്‍ദാസ് പ്രസിഡന്റും പ്രീതി ശിവരാമന്‍, സി.വി മുഹമ്മദ് ഇസ്മായില്‍ എന്നിവര്‍ അംഗങ്ങളുമായ കമ്മീഷന്‍ ഉത്തരവില്‍ പറഞ്ഞു.  

വിനോദസഞ്ചാരവകുപ്പിനുകീഴിലുള്ള ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടിന്റെ തിരൂര്‍ സെന്ററില്‍ ഫുഡ് പ്രൊഡക്ഷന്‍സ്്,  ഫുഡ് ആന്‍ഡ് ബീവറേജസ് സര്‍വീസ്, ഫ്രന്റ് ഓഫീസ് ഓപ്പറേഷന്‍സ് എന്നീ കോഴ്‌സുകളില്‍ ഏതാനും സീറ്റുകളില്‍ ഒവിവുകളുണ്ട്. പ്ലസ്ടു ആണ് അടിസ്ഥാനയോഗ്യത. കൂടുതല്‍ വിവരങ്ങള്‍ക്ക് 9447539585,9746387398 എന്നീ നമ്പറുകളില്‍ വിളിക്കാം.

മങ്കട പള്ളിപ്പുറം ഗവ. ഹയര്‍സെക്കന്‍ഡറി സ്‌കൂളില്‍ എക്കണോമിക്‌സ്, സോഷ്യോളജി എന്നീ വിഷയങ്ങളില്‍ ദിവസ വേതന അടിസ്ഥാനത്തില്‍ അധ്യാപകരെ നിയമിക്കുന്നു. താല്പര്യമുള്ളവര്‍ ജൂണ്‍ 24, തിങ്കളാഴ്ച, ഉച്ചകഴിഞ്ഞ് രണ്ടിന് അസ്സല്‍ രേഖകളുമായി സ്‌കൂള്‍ ഓഫീസില്‍ കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു.

മലപ്പുറം താലൂക്ക് ആശുപത്രിയിലെ ജെ.എസ്.എസ്.കെ പദ്ധതിയില്‍ ഉള്‍പ്പെടുന്ന അമ്മമാര്‍ക്കും ഗര്‍ഭിണികള്‍ക്കും 2024 ജൂലൈ ഒന്നുമുതല്‍ 2025 മാര്‍ച്ച് 31 വരെ റണ്ണിങ് കോണ്‍ട്രാക്ട് വഴി ഭക്ഷണം വിതരണം ചെയ്യുന്നതിന് ദര്‍ഘാസ് ക്ഷണിച്ചു. 15-06-2024 മുതല്‍ ടെന്‍ഡര്‍ ഫോം വില്‍പ്പന തുടങ്ങും. 28-06-2024 11 ന് വില്‍പ്പന അവസാനിപ്പിക്കും.  ജൂണ്‍ 28ന് ഉച്ചയ്ക്ക് 12 വരെ ടെന്‍ഡര്‍ നല്‍കാം. 28ന് 2.30ന് ടെന്‍ഡര്‍ തുറക്കും.

മലപ്പുറം ജില്ലയില്‍ മത്സ്യബന്ധന മേഖലയില്‍ ഫിഷറീസ് വകുപ്പ് വഴി നടപ്പാക്കുന്ന  സ്‌ക്വയര്‍മെഷ് കോഡന്റ്, ഇന്‍സുലേറ്റഡ് ഐസ് ബോക്‌സ്, മത്സ്യബന്ധന യാനങ്ങള്‍ക്കുളള ഇന്‍ഷൂറന്‍സ് പരിരക്ഷ തുടങ്ങിയ പദ്ധതികള്‍ക്ക്  അപേക്ഷ ക്ഷണിച്ചു.  അപേക്ഷകള്‍ ജൂണ്‍ 22 ന് വൈകീട്ട് അഞ്ചു മണിക്ക് മുമ്പായി ബന്ധപ്പെട്ട മത്സ്യഭവനുകളില്‍ സമര്‍പ്പിക്കണം. കൂടുതല്‍ വിവങ്ങള്‍ക്ക് ജില്ലയിലെ മത്സ്യഭവനുകളുമായോ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിലെ 0494 -2666428   എന്ന ഫോണ്‍ നമ്പറിലോ ബന്ധപ്പെടാം.

കൃഷി വിജ്ഞാന്‍ കേന്ദ്രയുടെ സുവര്‍ണ്ണ ജൂബിലി ആഘോഷത്തോടനുബന്ധിച്ച് മലപ്പുറം കൃഷി വിജ്ഞാനകേന്ദ്രം ബിരുദ വിദ്യാര്‍ഥികള്‍ക്ക് വേണ്ടി ക്വിസ് മത്സരം സംഘടിപ്പിക്കുന്നു പൊതുവിജ്ഞാനം, കറണ്ട് അഫയേഴ്‌സ് എന്നീ വിഷയങ്ങളെ അടിസ്ഥാനമാക്കിയായിരിക്കും ചോദ്യങ്ങള്‍. ജൂണ്‍ 24ന് തവനൂര്‍ കൃഷി വിജ്ഞാനകേന്ദ്രത്തില്‍ രാവിലെ 9 മണിക്കാണ് ക്വിസ് മത്സരം നടക്കുക. രണ്ടുപേരടങ്ങുന്ന ടീമിനാണ് ഒരു കോളേജില്‍ നിന്ന് പങ്കെടുക്കാനാവുക. പങ്കെടുക്കുന്നവര്‍ ജൂണ്‍ 21 നു മുന്‍പ്  kvkmpmdamu@gmail.com എന്ന ഇ മെയിലില്‍ അപേക്ഷ നല്‍കണം. വിവരങ്ങള്‍ക്ക് 8547193685 എന്ന ന്നപറില്‍ വിളിക്കാം.

പുതിയ സംരംഭം തുടങ്ങാന്‍ താല്പര്യപ്പെടുന്ന സംരംഭകര്‍ക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന സ്ഥാപനമായ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവലപ്‌മെന്റ് അഞ്ച് ദിവസത്തെ വര്‍ക്ക്‌ഷോപ്പ് സംഘടിപ്പിക്കുന്നു. സംരംഭകരാവാന്‍ ആഗ്രഹിക്കുന്നവര്‍ക്ക് ജൂണ്‍ 25 മുതല്‍ 29 വരെ കളമശ്ശേരിയിലുള്ള ക്യാമ്പസില്‍ വച്ച് നടക്കുന്ന പരിശീലനത്തില്‍ പങ്കെടുക്കാം.

ആലപ്പുഴ: സംസ്ഥാന സാക്ഷരത മിഷന്‍ നടത്തുന്ന പച്ചമലയാളം അടിസ്ഥാന കോഴ്സിലേക്ക് ജൂണ്‍ 25 വരെ അപേക്ഷിക്കാം. അടിസ്ഥാന കോഴ്സ് വിജയിക്കുന്നവര്‍ക്ക് അഡ്വാന്‍സ് കോഴ്സില്‍ തുടര്‍ന്ന് പഠിക്കാം. ഫോണ്‍ 0477 2252095.