സംസ്ഥാന ടൂറിസം വകുപ്പിന്റെയും ജില്ലാ ടൂറിസം പ്രൊമോഷന്‍ കൗണ്‍സിലിന്റെയും ആഭിമുഖ്യത്തില്‍ ജില്ലാ മഡ്‌ ഫെസ്റ്റിന് ജൂലൈ ആറ് മുതല്‍ തുടക്കമാവും. ജില്ലയിലെ മൂന്ന് താലൂക്കുകൾ കേന്ദ്രീകരിച്ച്  മത്സരങ്ങള്‍ നടക്കും. മഡ്‌ ഫെസ്റ്റിന്റെ ഭാഗമായി മഡ് ഫുഡ്‌ബോള്‍, മഡ് കബഡി, മഡ്‌ വോളിബോള്‍, മഡ് ഹാന്റ്‌ റസ്ലിങ്, മണ്‍സൂണ്‍ ട്രക്കിങ്, മണ്‍സൂണ്‍ ക്രിക്കറ്റ്, സൈക്ലിങ്, മണ്‍സൂണ്‍ മാരത്തോണ്‍ എന്നിവ സംഘടിപ്പിക്കും. മാനന്തവാടി താലൂക്കിലെ മത്സരങ്ങള്‍ വളളിയൂര്‍കാവ് അമ്പലത്തിനോട്‌ ചേര്‍ന്ന വയലിലും, ബത്തേരിയില്‍ സപ്ത റിസോര്‍ട്ടിന് സമീപത്തും, വൈത്തിരി താലൂക്കിലെ മത്സരങ്ങള്‍ കാക്കവയലിലുമാണ്  നടത്തുന്നത്.

അന്താരാഷ്ട്ര  ഒളിമ്പിക് ദിനാചരണത്തിൻ്റെ ഭാഗമായി ജില്ലയിൽ   ഒളിമ്പിക് റൺ  സംഘടിപ്പിച്ചു.

കണ്ണൂർ ജവഹർ സ്റ്റേഡിയത്തിൽ  മേയർ മുസ്ലിഹ് മഠത്തിൽ, ജില്ലാ സ്പോർട്സ് കൗൺസിൽ പ്രസിഡണ്ട് കെ കെ പവിത്രൻ  മാസ്റ്റർ,  കണ്ണൂർ എയർപോർട്ട് എംഡി   സി ദിനേഷ് കുമാർ, ജില്ലാ   ഒളിമ്പിക് അസ്സോസിയേഷൻ ചെയർമാൻ ഡോ. എൻകെ സൂരജ് എന്നിവർ ചേർന്ന് ഫ്ലാഗ് ഓഫ് ചെയ്തു.  സ്റ്റേഡിയത്തിലെ ഒളിമ്പ്യൻ സി കെ ലക്ഷ്മണൻ്റെ പ്രതിമയ്ക്ക് മേയർ ഹാരാർപ്പണം നടത്തി.

ജില്ലാ ഒളിമ്പിക് അസ്സോസിയേഷൻ്റെയും ജില്ലാ സ്പോർട്സ് കൗൺസിലിൻ്റെയും ആഭിമുഖ്യത്തിലാണ് പരിപാടി സംഘടിപ്പിച്ചത്. 

സമഗ്രശിക്ഷ കേരളം ജില്ലയിലെ വിവിധ ബി ആര്‍ സികളില്‍ സ്പീച്ച്, ഫിസിയോ തെറാപ്പിസ്റ്റുകളെ നിയമിക്കുന്നു.  യോഗ്യതയുള്ളവര്‍ ബയോഡാറ്റ, യോഗ്യതാ സര്‍ട്ടിഫിക്കറ്റുകളുടെ കോപ്പി എന്നിവ ജൂണ്‍ 30നകം ssakannur@gmail.com ലേക്ക് അയക്കണം.

വനിതാ ശിശു വികസന വകുപ്പിന് കീഴിലുള്ള കൂത്തുപറമ്പ് ഐ സി ഡി എസ് പ്രൊജക്ട് ഓഫീസ് ആവശ്യത്തിനായി വാഹനം വാടകയ്ക്ക് നല്‍കാന്‍ താല്‍പര്യമുള്ളവരില്‍ നിന്നും ടെണ്ടര്‍ ക്ഷണിച്ചു.  ജൂലൈ എട്ടിന് ഉച്ചക്ക് രണ്ട് മണി വരെ ടെണ്ടര്‍ സ്വീകരിക്കും.  ഫോണ്‍: 0490 2363090.

ജില്ലയില്‍ പൊതുവിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ അറബിക് (മൂന്നാം എന്‍ സി എ - എസ് സി, 461/2023) തസ്തികയിലേക്ക് 2023 ഒക്‌ടോബര്‍ 30ലെ ഗസറ്റ് വിജ്ഞാപന പ്രകാരം ഉദേ്യാഗാര്‍ഥികള്‍ ആരും തന്നെ അപേക്ഷ സമര്‍പ്പിക്കാത്തതിനാല്‍ ഈ വിജ്ഞാനപ്രകാരമുള്ള തെരഞ്ഞെടുപ്പ് നടപടികള്‍ റദ്ദാക്കിയതായി ജില്ലാ പി എസ് സി ഓഫീസര്‍ അറിയിച്ചു.

പത്താം ക്ലാസ്, പ്ലസ്ടു (സ്റ്റേറ്റ്, സി ബി എസ് ഇ/ഐ സി എസ് ഇ) പരീക്ഷകളില്‍ ഉന്നത വിജയം നേടിയ വിമുക്ത ഭടന്‍മാരുടെ മക്കള്‍ക്കുള്ള ഒറ്റത്തവണ ക്യാഷ് അവാര്‍ഡിന് അപേക്ഷ ക്ഷണിച്ചു.