എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷനും എംപ്ലോയീസ് സ്റ്റേറ്റ് ഇന്‍ഷൂറന്‍സ് കോര്‍പ്പറേഷനും സംയുക്തമായി നടത്തുന്ന 'നിധി താങ്കള്‍ക്കരികെ ജില്ല വ്യാപന പദ്ധതി'ഗുണഭോക്താക്കള്‍ക്കായുള്ള പരാതി പരിഹാര സമ്പര്‍ക്ക പരിപാടി ജൂണ്‍ 27ന് നടക്കും.

കതിരൂര്‍ പ്രീമെട്രിക് ഹോസ്റ്റലില്‍ വിവിധ വിഷയങ്ങളില്‍ താല്‍ക്കാലികാടിസ്ഥാനത്തില്‍ ട്യൂഷന്‍ ടീച്ചര്‍മാരെ നിയമിക്കുന്നു.  ഹൈസ്‌കൂള്‍ വിഭാഗത്തിന് ബിരുദവും ബി എഡും യു പി വിഭാഗത്തിന് ടി ടി സിയുമാണ്  യോഗ്യത.  താല്‍പര്യമുള്ളവര്‍ ജൂണ്‍ 26ന് രാവിലെ 11 മണിക്ക് പാനൂര്‍ ബ്ലോക്ക് പഞ്ചായത്ത് ഓഫീസില്‍ യോഗ്യതാ സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം അഭിമുഖത്തിന് ഹാജരാകണം.  പാനൂര്‍ ബ്ലോക്ക്  പരിധിയിലുള്ളവര്‍ക്ക് മുന്‍ഗണന.

പ്രവര്‍ത്തനം നിലച്ചതും റവന്യൂ റിക്കവറി നടപടിയിലുള്ളതും മാര്‍ജിന്‍ മണി വായ്പ കുടിശ്ശികയുള്ളതുമായ വ്യവസായ സംരംഭങ്ങള്‍ക്കായി വ്യവസായ വകുപ്പിന്റെ ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി നീട്ടി.  സപ്തംബര്‍ ആദ്യവാരത്തിന്  മുമ്പ് അപേക്ഷ സമര്‍പ്പിക്കുന്നവര്‍ക്കാണ് പദ്ധതിയുടെ ആനുകൂല്യം ലഭിക്കുക. വായ്പക്കാരന്‍ മരണപ്പെടുകയും ആസ്തികള്‍ ഇല്ലാതായി സ്ഥാപനം പ്രവര്‍ത്തിക്കാത്ത സാഹചര്യത്തില്‍ നിബന്ധനകള്‍ക്ക് വിധേയമായി പൂര്‍ണമായും തുക ഒഴിവാക്കും.

കാറളം ഗ്രാമപഞ്ചായത്തിൽ ഹെൽത്ത് ഗ്രാൻഡ് ഉപയോഗിച്ച് നിർമ്മിക്കുന്ന കാറളം എഫ്.ഡബ്ലിയു.യു.സി കെട്ടിടത്തിന്റെ നിർമ്മാണ ഉദ്ഘാടനം ഗ്രാമപഞ്ചായത്ത് പ്രസിഡന്റ് ബിന്ദു പ്രദീപ് നിർവഹിച്ചു. വൈസ് പ്രസിഡന്റ് സുനിൽ മാലാന്ത്ര അധ്യക്ഷനായി. 1500 സ്ക്വയർ ഫീറ്റിലാണ് കെട്ടിടം നിർമ്മിക്കുക.

സംരംഭ പരിശീലനത്തിലും ദേശീയതലത്തിൽ വിവിധതരം സംരംഭങ്ങൾക്ക് രൂപകൽപ്പന നൽകുകയും സാധാരണക്കാരുടെ ഉപജീവനത്തിന് കുടുംബശ്രീയുമായി സഹകരിച്ച് പ്രവർത്തിക്കുന്ന ഐഫ്രത്തിന്റെ  നേതൃത്വത്തിൽ തൃശൂരിൽ ആരംഭിക്കുന്ന അന്നശ്രീ ഫുഡ് പ്രൊഡക്ഷൻ യൂണിറ്റ് ആൻഡ് റിസർച്ച് സെന്റർ ഉദ്ഘാടനം റവന്യൂ വകുപ്പ് മന്ത്രി കെ. രാജൻ നിർവഹിച്ചു. ഗുണനിലവാരമുള്ളതും ആരോഗ്യകരവും ശുദ്ധമായ ഭക്ഷണവും ലഭ്യമാക്കുന്നതിന് പുറമെ ഏറെ തൊഴിൽ സാധ്യതകളും സൃഷ്ടിക്കുന്നതാണ് ഐഫ്രത്തിന്റെ പദ്ധതിയെന്ന് മന്ത്രി പറഞ്ഞു.

മുഖ്യമന്ത്രി നേതൃത്വം നല്‍കുന്ന നോ ടു ഡ്രഗ് ക്യാമ്പയിന്‍ ജില്ലാതല ഉദ്ഘാടനവും അന്താരാഷ്ട്ര മയക്കുമരുന്ന് വിരുദ്ധ ദിനാചരണവും ജൂണ്‍ 26ന് നടക്കും.  അഴീക്കോട് ഗവ.ഹയര്‍ സെക്കണ്ടറി സ്‌കൂളില്‍ രാവിലെ 10.30ന് നടക്കുന്ന പരിപാടി ജില്ലാ പഞ്ചായത്ത് പ്രസിഡണ്ട് പി പി ദിവ്യ ഉദ്ഘാടനം ചെയ്യും. അഴീക്കോട് ഗ്രാമപഞ്ചായത്ത് പ്രസിഡണ്ട് കെ അജേഷ് അധ്യക്ഷത വഹിക്കും.