സെക്രട്ടേറിയറ്റിലെ പുതിയ ബയോമെട്രിക് പഞ്ചിംഗ് സംവിധാനത്തില്‍ ഇന്നലെ (ജനുവരി 4) രാവിലെ 10.15നകം ഹാജര്‍ രേഖപ്പെടുത്തിയത് 3009 പേര്‍. 536 പേര്‍ വൈകിയാണ് ഹാജര്‍ രേഖപ്പെടുത്തിയത്. 951 പേര്‍ ഹാജര്‍ രേഖപ്പെടുത്തിയിട്ടില്ല. ബുധനാഴ്ച കൃത്യസമയത്ത് ഹാജര്‍ രേഖപ്പെടുത്തിയത് 2873 പേരായിരുന്നു.

പി.എന്‍.എക്‌സ്.45/18

സംസ്ഥാന സഹകരണ യൂണിയന്റെ ആഭിമുഖ്യത്തില്‍ കണ്ണൂരില്‍ നടക്കുന്ന എട്ടാം സഹകരണ കോണ്‍ഗ്രസിന് സഹകരണ സംഘങ്ങളില്‍ നിന്നും നിര്‍ബന്ധ പിരിവ് നടക്കുന്നില്ല എന്ന് കണ്‍വീനര്‍ കോലിയക്കോട് എന്‍.

കൊല്ലം കുന്നത്തൂര്‍ ഗ്രാമപഞ്ചായത്ത് അംഗങ്ങളായ രാജശേഖരന്‍ പിള്ള പി.എസ്,സതി ഉദയകുമാര്‍ എന്നിവരെ സംസ്ഥാന തെരഞ്ഞെടുപ്പ് കമ്മീഷണര്‍ വി. ഭാസ്‌കരന്‍ അയോഗ്യരാക്കി. കൂറുമാറ്റ നിരോധന നിയമ പ്രകാരം, നിലവില്‍ അംഗമായി തുടരുന്നതിനും തദ്ദേശസ്വയംഭരണ സ്ഥാപനങ്ങളിലേക്കു മല്‍സരിക്കുന്നതിനും 2018   ജനുവരി മൂന്നു മുതല്‍ ആറു വര്‍ഷത്തേക്കാണ് കമ്മീഷന്‍ വിലക്ക് ഏര്‍പ്പെടുത്തിയത്.

കേരള ഷോപ്‌സ് ആന്റ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡിന്റെ വിവിധ ഓഫീസുകളിലെ തസ്തികകളിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനം ആഗ്രഹിക്കുന്ന സര്‍ക്കാര്‍ സര്‍വ്വീസിലെ സമാന തസ്തികകളില്‍ സേവനം അനുഷ്ഠിക്കുന്ന ഉദ്യോഗസ്ഥരില്‍ നിന്നും അപേക്ഷ ക്ഷണിച്ചു. ഒഴിവുള്ള തസ്തികകള്‍ : ജില്ലാ എക്‌സിക്യൂട്ടീവ് ഓഫീസര്‍ (35700-75600, ജില്ലാ ഓഫീസ് എറണാകുളം-1, ജില്ലാ ഓഫീസ് കോട്ടയം -1), എല്‍.ഡി. ക്ലര്‍ക്ക് കം കമ്പ്യൂട്ടര്‍ ഓപ്പറേറ്റര്‍ (19000-43600, ചീഫ് ഓഫീസ് തിരുവനന്തപുരം -1, ജില്ലാ ഓഫീസ് കോഴിക്കോട് - 1).

കൊച്ചി: ഭരണപരിഷ്‌കാര കമ്മീഷന്‍ അദ്ധ്യക്ഷനും അംഗങ്ങള്‍ക്കുമായി അനാവശ്യമായി ലക്ഷങ്ങള്‍ ചെലവിടുന്നെന്ന മലയാള മനോരമ പരമ്പരയിലെ പരാമര്‍ശം അടിസ്ഥാനരഹിതമാണെന്ന് കമ്മീഷന്‍ വക്താവ് അറിയിച്ചു. 2016 ഓഗസ്റ്റില്‍ നിലവില്‍ വന്ന കമ്മീഷന്‍ സുഗമമായ പ്രവര്‍ത്തനത്തിനാവശ്യമായ തുക മാത്രമാണ് ചെലവിടുന്നത്.

കൊച്ചി: ഇതരസംസ്ഥാന തൊഴിലാളികള്‍ക്കായുള്ള ആനുകൂല്യങ്ങള്‍ എന്തെല്ലാമാണെന്നും അറിയാന്‍ ആരെ സമീപിക്കണമെന്നുമായിരുന്നു ഒറീസക്കാരനായ രാജേന്ദ്രനായിക്കിന്റെ ചോദ്യം. 17 വര്‍ഷമായി  കേരളത്തില്‍ ജോലി ചെയ്യുന്ന രാജേന്ദ്ര നായിക് എറണാകുളം ടൗണ്‍ഹാളില്‍ നടന്ന ഭരണപരിഷ്‌കാര കമ്മീഷന്റെ ഹിയറിങ്ങിലാണ് ചെയര്‍മാന്‍ വി.എസ്. അച്യുതാനന്ദന്റെയും മുന്‍ ചീഫ് സെക്രട്ടറിമാരുടെയും മുന്നില്‍ തന്റെ സംശയവും നിര്‍ദേശങ്ങളും അവതരിപ്പിച്ചത്.

കൊച്ചി: നിലവിലുള്ള ഭരണസംവിധാനത്തിന്റെ കാലാനുസൃതമായ പരിഷ്‌കരണമാണ് ഭരണപരിഷ്‌കാര കമ്മീഷനിലൂടെ ലക്ഷ്യമിടുന്നതെന്ന് കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍. ഭരണസംവിധാനത്തില്‍ വരുത്തേണ്ട മാറ്റങ്ങള്‍ ജനങ്ങളുടെ അഭിപ്രായപ്രകാരം കമ്മീഷന്‍ നിര്‍ദേശിക്കുകയും സര്‍ക്കാര്‍ പ്രാവര്‍ത്തികമാക്കുകയും വേണം.

എറണാകുളം ടൗണ്‍ഹാളില്‍ നടന്ന ഭരണപരിഷ്‌കാര കമ്മീഷന്റെ പൊതു ഹിയറിങില്‍ സംസാരിക്കുകയായിരുന്നു അദ്ദേഹം. കുടിയേറ്റ തൊഴിലാളികള്‍, മുതിര്‍ന്ന പൗരന്‍മാര്‍ എന്നിവര്‍ക്കായി സര്‍ക്കാര്‍ ആവിഷ്‌കരിച്ചിട്ടുള്ള ക്ഷേമപദ്ധതികളും നിയമങ്ങളും സംബന്ധിച്ച അഭിപ്രായ സമാഹരണം ലക്ഷ്യമിട്ടാണ് ഹിയറിങ് സംഘടിപ്പിച്ചത്.