സര്‍ക്കാര്‍ അനാഥാലയങ്ങളിലും ഇത്തരം ഉദ്ദേശത്തോടെ പ്രവര്‍ത്തിക്കുന്ന മറ്റ് കേന്ദ്രങ്ങളിലും കുട്ടികളുടെ സുരക്ഷിതത്വം ഉറപ്പാക്കുന്നതിന് പരിശോധന നടത്തുമെന്ന് ആരോഗ്യ-സാമൂഹിക ക്ഷേമവകുപ്പുമന്ത്രി കെ.കെ.ശൈലജ ടീച്ചര്‍ പറഞ്ഞു. സാമൂഹ്യ നീതി വകുപ്പിന്റെയും ഓര്‍ഫനേജ് കണ്‍ട്രോള്‍ ബോര്‍ഡിന്റെയും ആഭിമുഖ്യത്തില്‍ മുട്ടില്‍ വയനാട് മുസ്ലീം ഓര്‍ഫനേജില്‍ സംഘടിപ്പിച്ച അനാഥാലയങ്ങളിലെയും മറ്റ് ധര്‍മ സ്ഥാപനങ്ങളിലെയും താമസക്കാരുടെ സംസ്ഥാന തല കുടുംബ സംഗമം ഉദ്ഘാടനം ചെയ്യുകയായിരുന്നു മന്ത്രി.

കെല്‍ട്രോണിന്റെ വിവിധ നോളജ് സെന്ററുകളില്‍ ആരംഭിക്കുന്ന നാലുമാസത്തെ ഇന്റണ്‍ഷിപ്പ് ട്രെയിനിങ് പ്രോഗ്രാമിലേക്ക് ബി.ടെക്ക് , ബി.ഇ പൂര്‍ത്തിയായവര്‍ക്കും ഫലം പ്രതീക്ഷിക്കുന്ന ഉദ്യോഗാര്‍ഥികള്‍ക്കും അപേക്ഷിക്കാം. അപേക്ഷാഫോറം അതാത് സെന്ററുകളില്‍ നിന്നും സൗജന്യമായി ലഭിക്കും. വിലാസം കെല്‍ട്രോണ്‍ നോളജ് സെന്റര്‍ കോഴിക്കോട്, റയില്‍വേ ലിങ്ക് റോഡ്. ഫോണ്‍ 8089245763.

ജില്ല പ്രത്യേക പൂകൃഷി മേഖലയായി തെരഞ്ഞെടുക്കപ്പെട്ട സാഹചര്യത്തില്‍ പൂകൃഷിയുമായി ബന്ധപ്പെട്ട വിവിധ ഘടകങ്ങള്‍ക്ക് സംസ്ഥാന ഹോര്‍ട്ടി കള്‍ച്ചര്‍ മിഷന്‍ കര്‍ഷകര്‍ക്ക് സഹായ ധനം അനുവദിക്കുന്നു.

                പച്ചത്തേയിലയുടെ ഡിസംബര്‍ മാസത്തെ താങ്ങുവില 11.50 രൂപയായി നിശ്ചയിച്ചു.  എ.ഡി.എം. കെ.എം.രാജുവിന്റെ അധ്യക്ഷതയില്‍ കളക്ടറേറ്റില്‍ ചേര്‍ന്ന യോഗത്തിലാണ് തീരുമാനം.  എല്ലാ ഫാക്ടറികളും അതത് മാസത്തെ തേയില വിറ്റുവരവ് നിലവാരവും പച്ചത്തേയിലയ്ക്ക് നല്‍കുന്ന വിലയും നോട്ടീസ് ബോര്‍ഡില്‍ പ്രദര്‍ശിപ്പിക്കുകയും രജിസ്റ്റര്‍ സൂക്ഷിക്കുകയും വേണം.

എംപ്ലോയ്‌മെന്റ് എക്‌സ്‌ചേഞ്ച് മുഖാന്തിരം ആരോഗ്യവകുപ്പിലേക്ക് പാര്‍ട്ട്‌ടൈം സ്വീപ്പര്‍മാരെ തെരഞ്ഞെടുക്കുന്നതിലേക്ക് ജനുവരി മൂന്ന്, നാല്, അഞ്ച്, എട്ട്, ഒന്‍പത്, 16, 18 തീയതികളില്‍ കോട്ടയം ജനറല്‍ ആശുപത്രി എന്‍.എച്ച്.എം ഹാളില്‍ നടത്താനിരുന്ന ഇന്റര്‍വ്യൂ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.