ഗവ: ഐ .ടി. ഐ (വനിത) മെഴുവേലിയില്‍ എന്‍സിവിടി സ്‌കീം പ്രകാരം ആരംഭിക്കുന്ന ഡാഫ്റ്റ്സ്മാന്‍ സിവില്‍, ഫാഷന്‍ ഡിസൈന്‍ ടെക്നോളജി എന്നീ ട്രേഡുകളില്‍  ഏതാനും സീറ്റുകള്‍ ഒഴിവ്. ഐ.ടി.ഐ പ്രവേശനത്തിന് ഓഫ് ലൈനായി സെപ്റ്റംബര്‍ 16 വരെ അപേക്ഷിക്കാം. പ്രവേശനം ആഗ്രഹിക്കുന്നവര്‍ അസല്‍ സര്‍ട്ടിഫിക്കറ്റ്, ടിസി,ഫീസ് എന്നിവ സഹിതം ഐ.ടി.ഐയില്‍ നേരിട്ട് ഹാജരായി അഡ്മിഷന്‍ നേടാം. പ്രായപരിധി ഇല്ല. ഫോണ്‍ :0468-2259952 , 8281217506 , 9995686848  

ജില്ലാ കളക്ടര്‍ ഷീബാ ജോര്‍ജിന്റെ നേതൃത്വത്തില്‍ ജില്ലാ ആസൂത്രണ സമിതി യോഗം ഓണ്‍ലൈനായി ചേര്‍ന്നു. ജില്ലയിലെ അറവു മാലിന്യ സംസ്‌കരണ പ്ലാന്റ് നിര്‍മ്മാണ പുരോഗതി, ജനകീയ ഹോട്ടലുകളുടെ ഉച്ചഭക്ഷണ വില നിശ്ചയിക്കല്‍, തദ്ദേശ സ്വയംഭരണ സ്ഥാപനങ്ങളില്‍ ഹെല്‍ത്ത് ഗ്രാന്റ് ഉപയോഗിച്ചുള്ള പ്രവര്‍ത്തികള്‍ എന്നീ വിഷയങ്ങള്‍ യോഗം ചര്‍ച്ച ചെയ്തു. പെരുവന്താനത്ത് നിര്‍മ്മാണം പുരോഗമിക്കുന്ന അറവ് മാലിന്യ സംസ്‌കരണ പ്ലാന്റ് 45 ദിവസത്തിനുള്ളില്‍ നിര്‍മ്മാണം പൂര്‍ത്തിയാക്കി പ്രവര്‍ത്തന സജ്ജമാക്കുമെന്ന് ബന്ധപ്പെട്ട ഉദ്യോഗസ്ഥന്‍ യോഗത്തെ അറിയിച്ചു.

അടിമാലി ഗവ. ടെക്നിക്കല്‍ ഹൈസ്‌ക്കൂളില്‍ ഒഴിവുളള ട്രേഡ്സ്മാന്‍ (ഷീറ്റ്മെറ്റല്‍, കാര്‍പെന്ററി, ടര്‍ണിങ്) തസ്തികകളിലേക്ക് ദിവസ വേതനാടിസ്ഥാനത്തില്‍ താല്‍ക്കാലിക നിയമനം നടത്തുന്നതിന് സെപ്റ്റംബര്‍ 15 ന് ഇന്റര്‍വ്യൂ നടത്തും. യോഗ്യരായ ഉദ്യോഗാര്‍ഥികള്‍ ബയോഡാറ്റയും, യോഗ്യത, മുന്‍പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളും അവയുടെ പകര്‍പ്പും സഹിതം സെപ്റ്റംബര്‍ 15 ന് വെളളിയാഴ്ച്ച രാവിലെ 10 മണിക്ക് അടിമാലി ഗവ. ടെക്നിക്കല്‍ ഹൈസ്‌ക്കൂള്‍ സൂപ്രണ്ട് മുമ്പാകെ ഹാജരാകണം. കൂടുതല്‍ വിവരങ്ങള്‍ക്ക് ഫോണ്‍: 9400006481.

ദേശീയ ആരോഗ്യ ദൗത്യത്തിന്റെ (എൻ.എച്ച്.എം) കീഴിൽ ഡി.പി.എം.എസ്.യു ഓഫീസിൽ കരാർ അടിസ്ഥാനത്തിൽ ഓഫീസ് സെക്രട്ടറിയെ നിയമിക്കുന്നതിന് അപേക്ഷ ക്ഷണിച്ചു. ഏതെങ്കിലും വിഷയത്തിലെ ബിരുദവും കമ്പ്യൂട്ടർ പരിജ്ഞാനവും അഞ്ചു വർഷത്തിൽ കുറയാത്ത ഓഫീസ് പ്രവർത്തി പരിചയവുമാണ് യോഗ്യത. സർക്കാർ വകുപ്പുകളിൽ മിനിസ്റ്റീരിയൽ വിഭാഗത്തിൽ നിന്ന് റിട്ടയർ ചെയ്തവർക്ക് മുൻഗണന ലഭിക്കും. പ്രായപരിധി 40 വയസ്സ്. സർക്കാർ വകുപ്പുകളിൽ നിന്ന് റിട്ടയർ ചെയ്തവരുടെ പ്രായപരിധി 57 വയസ്സ്. അപേക്ഷ സമർപ്പിക്കുന്നവർ ജനന തീയതി, യോഗ്യത, പ്രവർത്തി പരിചയം എന്നിവ തെളിയിക്കുന്ന അസ്സൽ രേഖകളുടെ പകർപ്പും ബയോഡാറ്റയും സമർപ്പിക്കണം.

2023-25 അദ്ധ്യയന വർഷത്തെ ഡി.എൽ.എഡ് ഗവ. എയ്ഡഡ്, സ്വാശ്രയ സ്ഥാപനങ്ങളിലെ സർക്കാർ സീറ്റിലെ പ്രവേശത്തിനുള്ള കൂടിക്കാഴ്ച സെപ്റ്റംബർ 12, 13, 14 തീയതികളിൽ ഇടപ്പള്ളി ഗവ. ഹൈസ്കൂൾ ഹാളിൽ  നടത്തും. വിശദ വിവരങ്ങൾ വെബ്സൈറ്റിൽ ലഭ്യമാണ്. www.ddeernakulam.in

നിയമ വിരുദ്ധമായി മാലിന്യം തള്ളിയതുമായി ബന്ധപ്പെട്ട നിയമ ലംഘനങ്ങൾക്ക് ജില്ലയിൽ ഈടാക്കിയത് 58,30,630 രൂപ. ഏപ്രിൽ മുതലുള്ള ആറു മാസത്തെ കണക്ക് പ്രകാരമാണിത്. തദ്ദേശസ്വയംഭരണ വകുപ്പ് പ്രിൻസിപ്പൽ ഡയറക്ടർ എംജി രാജമാണിക്യത്തിന്റെയും ജില്ലാ കളക്ടർ എൻ എസ് കെ ഉമേഷിന്റെയും നേതൃത്വത്തിൽ ചേർന്ന മാലിന്യമുക്ത നവകേരളം അവലോകന യോഗത്തിലാണ് കണക്കുകൾ അവതരിപ്പിച്ചത്. തദ്ദേശസ്ഥാപനങ്ങൾ സ്വന്തം നിലയിൽ സ്വീകരിച്ച നിയമനടപടികളുടെ ഭാഗമായുള്ള പിഴയും ജില്ലാതല സ്ക്വാഡുകൾ നടത്തിയ പരിശോധനയിൽ ചുമത്തിയ പിഴയും ചേർത്തുള്ള തുകയാണിത്. 

അമൃത മഹോത്സവത്തോടനുബന്ധിച്ച് ദേശീയ നേതാക്കൾക്ക് ആദരമർപ്പിക്കുന്നതിന്  ഒക്ടോബർ 2 ന്  പാർലമെന്റിൽ കേന്ദ്ര സർക്കാർ സംഘടിപ്പിക്കുന്ന ചടങ്ങിൽ പങ്കെടുക്കാനും  പ്രസംഗിക്കാനും യുവജനങ്ങൾക്ക് അവസരം.

ജില്ലാ മത്സരത്തിൽ നെഹ്റു യുവകേന്ദ്ര തിരഞ്ഞെടുക്കുന്ന ഒരാൾക്ക് സംസ്ഥാന മത്സരത്തിൽ  പങ്കെടുക്കാം. ഓരോ സംസ്ഥാനത്തു നിന്നും ഒരാൾക്കാണ് അവസരം. ജില്ലാ, സംസ്ഥാനതല പ്രസംഗ മത്സരങ്ങൾ വഴിയാണ് പാർലമെന്റിൽ നടക്കുന്ന പരിപാടിയിൽ പങ്കെടുക്കുന്നവരെ തെരഞ്ഞെടുക്കുന്നത്. 2023 ഒക്ടോബർ ഒന്നിന് 18നും 29 വയസ്സിനും പ്രായപരിധിയിലുള്ള തൃശ്ശൂർ സ്വദേശികൾക്ക് മത്സരിക്കാം.