തദ്ദേശസ്വയംഭരണ സ്ഥാപനങ്ങളിലെ സംക്ഷിപ്ത വോട്ടർപട്ടിക പുതുക്കലുമായി ബന്ധപ്പെട്ട് മരട് നഗരസഭയിലെ കരട് വോട്ടർ പട്ടിക പ്രസിദ്ധീകരിച്ചു. സെപ്റ്റംബർ എട്ടിന് പ്രസിദ്ധീകരിച്ച വോട്ടർ പട്ടിക
മരട് നഗരസഭ ഓഫീസ്, മരട് വില്ലേജ് ഓഫീസ്, കണയന്നൂർ താലൂക്ക് ഓഫീസ്, 
സിവിൽ സ്റ്റേഷനിലെ ഇൻഫർമേഷൻ പബ്ലിക് റിലേഷൻസ് വകുപ്പ്
റീജണൽ ഡെപ്യൂട്ടി ഡയറക്ടർ ഓഫീസ്  എന്നിവിടങ്ങളിൽ പരിശോധനയ്ക്ക് ലഭിക്കും.

വിയൂർ സെൻട്രൽ പ്രിസൺ ആൻഡ് കറക്ഷണൽ ഹോമിലെ വിവിധ ആവശ്യങ്ങൾക്ക്  എൽ ഇ ഡി ട്യൂബ്, സ്ട്രീറ്റ് ലൈറ്റ്, ബൾബ് ഹോൾഡർ (ഹാംഗിങ്) എന്നീ ഇലക്ട്രിക്കൽ  സാമഗ്രികൾ  വിതരണം ചെയ്യുന്നതിന് ക്വട്ടേഷൻ ക്ഷണിച്ചു. സെപ്റ്റംബർ 23 ന് വൈകീട്ട് മൂന്ന്‌ വരെ സമർപ്പിക്കാം. ഫോൺ: 0487 2334267.

വിയൂർ സെൻട്രൽ പ്രിസൺ ആൻഡ് കറക്ഷണൽ ഹോമിലെ അന്തേവാസികൾക്ക് ഭക്ഷണ സാധനങ്ങൾ തയ്യാറാക്കി വിതരണം ചെയ്യുന്നതിന് ആവശ്യമായ പാത്രങ്ങൾ വിതരണം  ചെയ്യുന്നതിന്  ക്വട്ടേഷൻ ക്ഷണിച്ചു. സെപ്റ്റംബർ 21 ന് വൈകീട്ട് മൂന്ന് വരെ സമർപ്പിക്കാം. ഫോൺ: 0487 2334267.

മിഷൻ ഇന്ദ്രധനുഷ് 5.0 പരിപാടിയുടെ ജില്ലാതല ടാസ്ക് ഫോഴ്സ് യോഗം എ ഡി എം സി.മുഹമ്മദ് റഫീഖിന്റെ അധ്യക്ഷതയിൽ ചേർന്നു. എതെങ്കിലും കാരണങ്ങളാൽ വാക്സിൻ എടുക്കാൻ സാധിക്കാതെ പോയ എല്ലാവരും ഈ അവസരം പരമാവധി പ്രയോജനപ്പെടുത്തണമെന്ന് എ ഡി എം പറഞ്ഞു. യോഗത്തിൽ  ജില്ലയിലെ എല്ലാ ആരോഗ്യസ്ഥാപനങ്ങളിലും ഔട്ട് റീച്ച് കേന്ദ്രങ്ങളിലും പ്രതിരോധ കുത്തിവെപ്പുകൾ ഊർജ്ജിതമാക്കാൻ വേണ്ട നടപടികൾ ചർച്ച ചെയ്തു. 

മിഷൻ ഇന്ദ്രധനുഷിന്റെ ആദ്യഘട്ടത്തിൽ ജില്ലയിൽ നടത്തിയ പ്രവർത്തനങ്ങൾ യോഗം വിലയിരുത്തി. രണ്ടാംഘട്ടത്തിൽ വാക്സിനേഷൻ ബോധവത്കരണം ഊർജ്ജിതമാക്കാനും തീരുമാനമായി. 

മാലിന്യമുക്തം നവകേരളം പദ്ധതിയുടെ തുടർ പ്രവർത്തനങ്ങൾ ചർച്ച ചെയ്യുന്നതിനായി ജില്ലാതല ക്യാമ്പയിൻ സെക്രട്ടറിയറ്റ് യോഗം ചേർന്നു. ജില്ലയിലെ മാലിന്യമുക്ത പ്രവർത്തനങ്ങൾ കൂടുതൽ കാര്യക്ഷമമാക്കുന്നതിന് തദ്ദേശ സ്വയംഭരണ സ്ഥാപനങ്ങളിലെ എഞ്ചിനീയറിംഗ് വിഭാഗത്തിന് സെപ്റ്റംബർ 23 ന് ഏകദിന പരിശീലനം നൽകാൻ യോഗം തീരുമാനിച്ചു. അസി. എക്സി. എഞ്ചിനീയർ, അസി. എഞ്ചിനീയർ എന്നിവർക്കാണ്  പരിശീലനം നൽകുന്നത്. ഓരോ ബ്ലോക്കിൽ നിന്നും മൂന്ന് പേരെ പരിശീലനത്തിന് തെരഞ്ഞെടുക്കുന്നതിന് തദ്ദേശ സ്വയംഭരണ വകുപ്പ് എക്സിക്യൂട്ടീവ് എഞ്ചിനീയയറെ ചുമതലപ്പെടുത്തി. യുവാക്കളുടെ പങ്കാളിത്തം ഉറപ്പാകുന്നതിന് ടീം കേരളയ്ക്ക് 20 ന് പരിശീലനം നൽകും.

അറപ്പീടിക - കണ്ണാടിപ്പൊയിൽ -കൂട്ടാലിട റോഡിൽ കി.മീ 1/500 മുതൽ 2/800 വരെ പുനരുദ്ധാരണ പ്രവൃത്തി നടക്കുന്നതിനാൽ പനങ്ങാട് പഞ്ചായത്ത് ഓഫീസ് (തിരുവാഞ്ചേരി പൊയിൽ) മുതൽ പുതിയകാവ് വരെയുള്ള വാഹന ഗതാഗതം സെപ്റ്റംബർ 12 മുതൽ പ്രവൃത്തി അവസാനിക്കുന്നത് വരെ നിരോധിച്ചിരിക്കുന്നുവെന്നും, കണ്ണാടിപ്പൊയിൽ  ഭാഗത്തുനിന്നുള്ള വാഹനങ്ങൾ, പുതിയകാവ് - ബാലുശ്ശേരി ഹൈസ്കൂൾ റോഡ് വഴിയും തിരിച്ചും പോകേണ്ടതാണെന്ന് പൊതുമരാമത്ത് എക്സിക്യൂട്ടീവ് എഞ്ചിനീയർ അറിയിച്ചു.

പീച്ചി പ്ലാന്റിൽ അറ്റകുറ്റപ്പണി നടക്കുന്നതിനാൽ സെപ്റ്റംബർ 13 ന് തൃശ്ശൂർ ടൗൺ, കോർപ്പറേഷൻ പരിസരം, വിൽവട്ടം, ഒല്ലൂക്കര, അയ്യന്തോൾ, പൂങ്കുന്നം, നെല്ലിക്കുന്ന്, നടത്തറ, കുർക്കഞ്ചേരി, ചിയ്യാരം, അരിമ്പൂർ, മണലൂർ, വെങ്കിടങ്ങ്, അടാട്ട്, കോലഴി, മുളങ്കുന്നത്തുകാവ് എന്നിവിടങ്ങളിൽ പൂർണ്ണമായും ശുദ്ധജല വിതരണം തടസ്സപ്പെടും. ഉപഭോക്താക്കൾ ആവശ്യമായ ശുദ്ധജലം ശേഖരിച്ച് വെയ്ക്കണമെന്ന് വാട്ടർ അതോറിറ്റി അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

എകരൂൽ - കക്കയം ഡാം സൈറ്റ് റോഡിൽ കി.മീ. 3/300 മുതൽ 4/100  വരെ പുനരുദ്ധാരണ പ്രവൃത്തി നടക്കുന്നതിനാൽ  സെപ്റ്റംബർ 12 മുതൽ പ്രവൃത്തി അവസാനിക്കുന്നത് വരെ പ്രസ്തുത റോഡിലൂടെയുള്ള വാഹന ഗതാഗതം ഭാഗികമായി  നിയന്ത്രിച്ചതായി പൊതുമരാമത്ത് എക്സിക്യൂട്ടീവ് എഞ്ചിനീയർ അറിയിച്ചു.

ചേലക്കര ഗവ. പോളിടെക്നിക് കോളേജിൽ മെക്കാനിക്കൽ എഞ്ചിനീയറിങ് വിഭാഗത്തിൽ ട്രേഡ്സ്മാൻ (ഫൗണ്ടറി, പ്ലംബിംഗ്, സ്മിത്തി) എന്നീ തസ്തികകളിലേക്ക് ദിവസ വേതനാടിസ്ഥാനത്തിൽ ഗസ്റ്റ്‌ അധ്യാപകരെ നിയമിക്കുന്നു.
 പ്രസ്തുത വിഷയത്തിൽ ഐ.ടി.ഐ, ടി.എച്ച്.എസ്.എൽ.സി തത്തുല്യ യോഗ്യതയുള്ളവർക്ക് അപേക്ഷിക്കാം. താൽപര്യമുള്ളവർ അസ്സൽ സർട്ടിഫിക്കറ്റുകളും പകർപ്പുകളും സഹിതം സെപ്റ്റംബർ 15 ന് രാവിലെ 10 ന് നടക്കുന്ന എഴുത്ത് പരീക്ഷയ്ക്കും അഭിമുഖത്തിനും ഹാജരാകണം. ഫോൺ: 04884 254484.

ഓഫ്സെറ്റ് പ്രിന്റിംഗ് ടെക്നോളജി കോഴ്സ്

ലഘുസമ്പാദ്യ പദ്ധതിയായ പോസ്റ്റ് ഓഫീസ് ആർ ഡി അംഗീകൃത ഏജന്റുമാർ മുഖേനയോ നിക്ഷേപകർക്ക് നേരിട്ടോ പോസ്റ്റോഫീസ് നിക്ഷേപം നടത്താവുന്നതാണ്. ഏജന്റിന്റെ കൈവശം തുക ഏൽപ്പിക്കുമ്പോൾ ഉടൻ തന്നെ ഇൻവെസ്റ്റേഴ്സ് കാർഡിൽ ഏജന്റിന്റെ കൈയ്യൊപ്പ് വാങ്ങണം. നിക്ഷേപകൻ നൽകിയ തുക പോസ്റ്റോഫീസിൽ അടച്ചതിനുള്ള ആധികാരികമായ രേഖ പോസ്റ്റ് മാസ്റ്റർ ഒപ്പിട്ട് സീൽ വച്ച് നൽകുന്ന പാസ്സ്ബുക്ക് മാത്രമാണ്. അതിനാൽ എല്ലാ മാസവും തുക നൽകുന്നതിന് മുൻപ് പാസ്സ്ബുക്കിൽ  രേഖപ്പെടുത്തലുകൾ വരുത്തുന്നുണ്ടെന്ന് നിക്ഷേപകർ പരിശോധിച്ച് ബോധ്യപ്പെടേണ്ടതാണെന്ന് ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടർ അറിയിച്ചു.