നെന്മേനി ഗവ. വനിത ഐ.ടി.ഐയില്‍ ഫാഷന്‍ ഡിസൈന്‍ ആന്റ് ടെക്‌നോളജി ട്രേഡില്‍ ഒഴിവുള്ള ഏതാനും സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു. സെപ്തംബര്‍ 13 ന് അസ്സല്‍ സര്‍ട്ടിഫിക്കറ്റുകളും, ടിസിയും, ഫീസും സഹിതം ഐ.ടി.ഐയില്‍ നേരിട്ട് അപേക്ഷ നല്‍കണം. ഫോണ്‍: 04936 266 700

വനിതാശിശു വികസന വകുപ്പിന്‍ കീഴിലെ ഐ.സി.ഡി.എസ് കല്‍പ്പറ്റ പ്രൊജക്ടിന്റെ ഉപയോഗത്തിനായി 2023-24 സാമ്പത്തിക വര്‍ഷത്തേക്ക് ഓഫ് റോഡ് വാഹനം വാടകയ്ക്ക് കരാര്‍ അടിസ്ഥാനത്തില്‍ എടുത്തുപയോഗിക്കുന്നതിന് താല്‍പര്യമുള്ള സ്ഥാപനങ്ങള്‍, വ്യക്തികളില്‍ നിന്നും റീടെണ്ടര്‍ ക്ഷണിച്ചു. സെപ്തംബര്‍ 26 ന് ഉച്ചക്ക് 2 നകം കല്‍പ്പറ്റ ഐസി.ഡി.എസ് പ്രോജക്ട് ഓഫീസില്‍ ടെണ്ടര്‍ ലഭിക്കണം. ഫോണ്‍: 04936 207 014.
 

ജില്ലാ കളക്ടറുടെ അദ്ധ്യക്ഷതയില്‍  ജില്ലാ ഉപഭോക്തൃ സംരക്ഷണ സമിതിയോഗം സെപ്തംബര്‍ 19 ന് രാവിലെ 10.30 ന് കളക്ടറേറ്റ് മിനി കോണ്‍ഫറന്‍സ് ഹാളില്‍ ചേരും. സമിതി അംഗങ്ങള്‍  യോഗത്തില്‍ പങ്കെടുക്കണമെന്ന് ജില്ലാ സപ്ലൈ ഓഫീസര്‍ അറിയിച്ചു.
 

'മുന്നേറാം വൃത്തിയിലേക്ക്' എന്ന മുദ്രവാക്യവുമായി യുവജനങ്ങളെ പങ്കെടുപ്പിച്ചുകൊണ്ട്  മാനന്തവാടി നഗരസഭ ശുചീകരണ ക്യാമ്പെയിന്‍ സംഘടിപ്പിക്കും. ഇന്ത്യന്‍ സ്വച്ഛത ലീഗ് സീസണ്‍ 2, മാലിന്യ മുക്ത നവകേരളം എന്നീ ക്യാമ്പെയിനിന്റെ  ഭാഗമായി നഗരത്തിലെ വിവിധ സ്ഥലങ്ങളിലെ മാലിന്യം നീക്കി ശുചീകരിക്കും. സെപ്റ്റംബര്‍ 17 ന് രാവിലെ 9.30ന് പഴശ്ശി പാര്‍ക്കില്‍ നിന്നും തുടങ്ങി പ്രൈവറ്റ് ബസ് സ്റ്റാന്‍ഡ് വരെ നീളുന്ന ക്ലീനിംഗ് ഡ്രൈവ് സംവിധായക ആതിര വയനാട് ഉദ്ഘാടനം ചെയ്യും. സെല്‍ഫി എടുക്കുന്നതിനായി എരുമത്തെരുവില്‍ സെല്‍ഫി കോര്‍ണറും നഗരസഭ  ഒരുക്കും.

തിരുനെല്ലി പഞ്ചായത്തില്‍ പ്രവര്‍ത്തനം തുടങ്ങിയ   കുടുംബശ്രീ സംരംഭമായ തനിമ ജൈവവള യൂണിറ്റിന്റെ ഉദ്ഘാടനം തിരുനെല്ലി പഞ്ചായത്ത് പ്രസിഡണ്ട് പി.വി ബാലകൃഷ്ണന്‍ നിര്‍വ്വഹിച്ചു. സി.ഡി.എസ് ചെയര്‍പേഴ്സണ്‍ പി സൗമിനി അധ്യക്ഷത വഹിച്ചു. ഗ്രാമപഞ്ചായത്ത് സെക്രട്ടറി വി ഉസ്മാന്‍ ആദ്യ വില്‍പ്പന നിര്‍വഹിച്ചു. തിരുനെല്ലി ഗ്രാമീണ്‍ ബാങ്ക് മാനേജര്‍ സുന്ദരേശന്‍ ഉത്പ്പന്നം ഏറ്റുവാങ്ങി. നിലവില്‍ ആദ്യമായി രജിസ്റ്റര്‍  ചെയ്ത ജൈവവള യൂണിറ്റ് കൂടിയാണ് തനിമ ആക്ടിവിറ്റി ഗ്രൂപ്പ്.

ജാര്‍ഖണ്ഡിലെ സിഡോ കന്‍ഹ മുര്‍മു യൂണിവേഴ്‌സിറ്റി ധുംക വൈസ് ചാന്‍സലര്‍ ഡോ. സോനാചാര്യ മിന്‍സ് കണിയാമ്പറ്റ ജി.എം.ആര്‍.എസ്സില്‍ സന്ദര്‍ശനം നടത്തി. ജി.എം.ആര്‍.എസ്സിലെ വിദ്യാര്‍ത്ഥികളോടും അദ്ധ്യാപകരോടും സംവദിച്ചു. ഗോത്ര വിഭാഗത്തില്‍ നിന്നുള്ള രണ്ടാമത്തെ വൈസ് വൈസ് ചാന്‍സലറാകുന്ന വനിതയാണ് ഡോ.സോനാചാര്യ മിന്‍സ. ഗോത്ര വിഭാഗങ്ങള്‍ക്കിടയിലും സ്ത്രീകള്‍ക്കിടയിലും വിദ്യാഭ്യാസത്തിന്റെ ആവശ്യകതയെ കുറിച്ച് അവര്‍ സംസാരിച്ചു. ആറളം ഫാര്‍മിങ് കോര്‍പറേഷന്‍ അഡ്മിനിസ്‌ട്രേറ്റീവ് ഓഫീസര്‍ ഡോ.നിതീഷ് കുമാര്‍, കണിയാമ്പറ്റ ജി.എം.ആര്‍.എസ് സീനിയര്‍ സൂപ്രണ്ട് സി.

സമ്പൂര്‍ണ്ണ വാക്‌സിനേഷന്‍ യജ്ഞം മിഷന്‍ ഇന്ദ്രധനുഷ് പ്രതിരോധ കുത്തിവയ്പ്പ് രണ്ടാം ഘട്ടത്തിന്റെ ജില്ലാതല ടാസ്‌ക് ഫോഴ്‌സ് യോഗം കലക്ടറേറ്റ് മിനി കോണ്‍ഫറന്‍സ് ഹാളില്‍ ചേര്‍ന്നു. എ.ഡി.എം എന്‍ ഐ ഷാജു അധ്യക്ഷത വഹിച്ചു.  ജില്ലാ മെഡിക്കല്‍ ഓഫീസര്‍( ആരോഗ്യം) ഡോ പി ദിനീഷ് രണ്ടാം ഘട്ട കര്‍മ്മ പദ്ധതി വിശദീകരിച്ചു. അഞ്ചു വയസ്സ് വരെയുള്ള കുട്ടികള്‍ക്കും ഗര്‍ഭിണികള്‍ക്കും രോഗ പ്രതിരോധ കുത്തിവെപ്പുകള്‍ പൂര്‍ത്തീകരിക്കുക എന്ന ലക്ഷ്യത്തോടെ നടപ്പിലാക്കുന്ന ഇന്റന്‍സിഫൈഡ് മിഷന്‍ ഇന്ദ്രധനുഷ്-5.0. സെപ്തംബര്‍ 11 മുതല്‍ 16 വരെയാണ് നടക്കുക.

വയനാട് എഞ്ചിനീയറിംഗ് കോളേജില്‍ ഒന്നാം വര്‍ഷ റഗുലര്‍ എം ടെക് ഇലക്ട്രോണിക്്സ് ആന്‍ഡ് കമ്മ്യൂണിക്കേഷന്‍ എഞ്ചിനീയറിംഗ്, കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിംഗ് എന്നീ വിഭാഗങ്ങളില്‍ ഒഴിവുള്ള സീറ്റുകളിലേക്ക് നാളെ(ബുധന്‍) കോളേജില്‍ സ്പോട്ട് അഡ്മിഷന്‍ നടത്തും. അര്‍ഹരായ വിദ്യാര്‍ഥികള്‍ ടി.സി, യോഗ്യത സര്‍ട്ടിഫിക്കറ്റുകളുടെ അസ്സല്‍, ജാതി തെളിയിക്കുന്ന സര്‍ട്ടിഫിക്കറ്റ് സഹിതം രാവിലെ 11 നകം കോളേജില്‍ എത്തണം. കൂടുതല്‍ വിവരങ്ങള്‍ക്ക് www.gecwyd.ac.in .ഫോണ്‍ 04935 257320, 04935 257321.

കോട്ടയം: ജില്ലാ ക്വാളിറ്റി കൺട്രോൾ യൂണിറ്റിന്റെയും ബ്രഹ്‌മമംഗലം ക്ഷീരോത്പാദക സഹകരണ സംഘത്തിന്റെയും ആഭിമുഖ്യത്തിൽ പാൽ ഗുണനിലവാരം മെച്ചപ്പെടുത്തുന്നതിന് ബോധവത്ക്കരണ പരിപാടി സംഘടിപ്പിക്കുന്നു. സെപ്റ്റംബർ 12ന് രാവിലെ 10.30 ന് ബ്രഹ്‌മമംഗലം ക്ഷീര സംഘത്തിലാണ് പരിപാടി