പനമരം ബ്ലോക്ക് പഞ്ചായത്തില്‍ സ്പീച്ച് തെറാപ്പിസ്റ്റിനെ നിയമിക്കുന്നു. ആര്‍.സി.ഐ രജിസ്‌ട്രേഷനോട് കൂടിയ ബി.എസ് .എല്‍ .പി യോഗ്യയതയുള്ളവര്‍ സെപ്തംബര്‍ 23 നകം പനമരം ഐസിഡിഎസില്‍ അപേക്ഷ നല്‍കണം.  പനമരം പഞ്ചായത്തിലെ സ്ഥിരതാമസക്കാര്‍ക്ക് മുന്‍ഗണന. ഫോണ്‍: 04935 220282, 9446253635.

അമൃത മഹോത്സവത്തോടനുബന്ധിച്ച് ദേശീയ നേതാക്കള്‍ക്ക് ആദരമര്‍പ്പിക്കുന്നതിനായി 2023 ഒക്ടോബര്‍ 2 ന് പാര്‍ലിമെന്റില്‍ കേന്ദ്ര സര്‍ക്കാര്‍ സംഘടിപ്പിക്കുന്ന ചടങ്ങില്‍ പങ്കെടുക്കാനും പ്രസംഗിക്കാനും യുവജനതയ്ക്ക് അവസരം. ജില്ലാതല പ്രസംഗ മത്സരത്തില്‍ നെഹ്‌റു യുവ കേന്ദ്ര തിരഞ്ഞെടുക്കുന്ന ഒരാള്‍ക്ക് സംസ്ഥാന മത്സരത്തില്‍ പങ്കെടുക്കാം.  സംസ്ഥാനതലത്തില്‍ ഒരാളെയാണ് തെരഞ്ഞെടുക്കുക. 18-29 വയസ്സ് (2023 ഒക്ടോബര്‍ ഒന്നിന്) പ്രായപരിധിയിലുള്ളവര്‍ക്ക് മത്സരിക്കാം.

മാനന്തവാടി നഗരസഭ നാലാം ഡിവിഷനില്‍ കരാര്‍ അടിസ്ഥാനത്തില്‍ ആശവര്‍ക്കര്‍ നിയമനം നടത്തുന്നു. കൂടിക്കാഴ്ച്ച സെപ്റ്റംബര്‍ 14 ഉച്ചയ്ക്ക് 2.30ന് കുറുക്കന്‍മൂല പി.എച്ച്.സിയില്‍ നടക്കും. 25 നും 45നും മദ്ധ്യേ പ്രായമുള്ള പത്താം ക്ലാസ് യോഗ്യതയുള്ള യുവതികള്‍ യോഗ്യതാ സര്‍ട്ടിഫിക്കറ്റുകള്‍  സഹിതം കൂടിക്കാഴ്ച്ചക്ക് ഹാജരാക്കണം ഫോണ്‍: 04935294949

കോട്ടയം: 2023 - 24 അധ്യയന വർഷത്തിലെ പോളിടെക്‌നിക് ലാറ്ററൽ എൻട്രി പ്രവേശനത്തിന് ഇതുവരെ അപേക്ഷ സമർപ്പിക്കാത്ത ദ്വിവത്സര ഐ.ടി.ഐ യ്ക്ക് 50 ശതമാനം മാർക്ക്, പ്ലസ് ടു/വി.എച്ച്. എസ്.ഇ ഫിസിക്‌സ്, കെമിസ്ട്രി, കണക്ക് വിഷയങ്ങൾക്ക് ആകെ 50 ശതമാനം മാർക്ക് ലഭിച്ച വിദ്യാർത്ഥികൾക്കും നിലവിൽ ഐ.ടി. ഐ, പ്ലസ്ടു / വി.എച്ച്.എസ്.ഇ റാങ്ക് ലിസ്റ്റിൽ ഉൾപ്പെട്ട മുഴുവൻ വിദ്യാർത്ഥികൾക്കും അപേക്ഷിക്കാം. സെപ്റ്റംബർ  12 ന് ഒമ്പത് മണിക്ക് ഐ.ടി.ഐ വിഭാഗം വിദ്യാർത്ഥികളും 9.30 ന് പ്ലസ്ടു/വി.എച്ച്.എസ്.ഇ വിഭാഗം വിദ്യാർത്ഥികളും രക്ഷിതാവിനോടൊപ്പം കടുത്തുരുത്തി പോളിടെക്‌നിക്കിൽ രജിസ്റ്റർ ചെയ്യണം.

കോട്ടയം: ഈ വർഷത്തെ ഐ.ടി.ഐ പ്രവേശനത്തിനായി പള്ളിക്കത്തോട് ഗവൺമെന്റ് ഐ.ടി.ഐയിലെ വിവിധ ട്രേഡുകളിൽ ഒഴിവുള്ള സീറ്റുകളിലേക്ക് ഇതുവരെ അപേക്ഷ നൽകാത്ത പെൺകുട്ടികൾക്ക് ഇപ്പോൾ അപേക്ഷിക്കാം. സെപ്റ്റംബർ 11, 12 എന്നീ തീയതികളിൽ ഐ.ടി.ഐയിൽ നേരിട്ടെത്തി അപേക്ഷിക്കാം. വിശദ വിവരത്തിന് ഫോൺ: 6238139057,9495750158

സംസ്ഥാന സാക്ഷരതാ മിഷനും സംസ്ഥാന പൊതു വിദ്യാഭ്യാസ വകുപ്പും സംയുക്തമായി നടത്തുന്ന പത്താം തരം തുല്യത പരീക്ഷ തുടങ്ങി. ജില്ലയില്‍ 578 പേരാണ് തുല്യതാ പരീക്ഷ എഴുതുന്നത്. 108 പേര്‍ പുരുഷന്‍മാരും 469 പേര്‍ സ്ത്രീകളും 1 ട്രാന്‍സ്ജെന്‍ഡറുമാണ് പരീക്ഷയെഴുതുന്നത്. 61 പേര്‍ പട്ടിക വര്‍ഗ്ഗ വിഭാഗക്കാരും 42 പേര്‍ പട്ടിക ജാതി വിഭാഗക്കാരുമാണ്. 7 ഭിന്നശേഷിക്കാരും പരീക്ഷ എഴുതുന്നുണ്ട്. 68 വയസ്സുകാരിയായ വി.കെ.സുലോചനയാണ് ജില്ലയില്‍ ഏറ്റവും പ്രായം കുടിയ പഠിതാവ്. 19 വയസുള്ള വിജിനേഷ് കൃഷ്ണയാണ് പ്രായം കുറഞ്ഞ പഠിതാവ്. പരീക്ഷ സെപ്തംബര്‍  20ന് അവസാനിക്കും. ജില്ലയില്‍ 7 പരീക്ഷാ കേന്ദ്രങ്ങളാണുള്ളത്.

കോട്ടയം: പുതുപ്പള്ളി നിയമസഭാ ഉപതെരഞ്ഞെടുപ്പിൽ ഇന്ത്യൻ നാഷണൽ കോൺഗ്രസിന്റെ സ്ഥാനാർഥി ചാണ്ടി ഉമ്മൻ വിജയിച്ചു. പോൾ ചെയ്ത വോട്ടുകളിൽ   80144  എണ്ണം ചാണ്ടി ഉമ്മനു ലഭിച്ചു.

മ്യാന്മാർ തീരത്തിനു സമീപം മധ്യ കിഴക്കൻ ബംഗാൾ ഉൾക്കടലിൽ സ്ഥിതിചെയ്യുന്ന ചക്രവാത ചുഴി അടുത്ത 48 മണിക്കൂറിനുള്ളിൽ വടക്ക് പടിഞ്ഞാറൻ ബംഗാൾ ഉൾക്കടലിൽ ന്യുന മർദ്ദമായി ശക്തി പ്രാപിക്കാൻ സാധ്യതയെന്ന് കേന്ദ്ര കാലാവസ്ഥാ വകുപ്പ്. കേരളത്തിൽ അടുത്ത 5 ദിവസം മിതമായ/ ഇടത്തരം രീതിയിലുള്ള മഴ തുടരാൻ സാധ്യത. ഇന്ന് (സെപ്റ്റംബർ   12)  ഒറ്റപ്പെട്ട സ്ഥലങ്ങളിൽ  ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഫിഷറീസ് ഇ-ഗ്രാൻറുമായി ബന്ധപ്പെട്ട അദാലത്ത് സെപ്റ്റംബർ 16 വരെ ഫിഷറീസ് ഡെപ്യൂട്ടി ഡയറക്ടർ ഓഫീസിൽ നടക്കും. മത്സ്യത്തൊഴിലാളികളുടെ മക്കൾക്കുള്ള വിദ്യാഭ്യാസ ആനുകൂല്യം അനുവദിച്ചിട്ടും തുക ലഭിക്കാത്തവരും. ഇതുവരെ ക്ലെയിം അയക്കാത്ത വിദ്യാഭ്യാസ സ്ഥാപനങ്ങളും, ഓൺലൈൻ അപേക്ഷ സമർപ്പിച്ചിട്ടും അപേക്ഷകളുടെ ഹാർഡ് കോപ്പി ജില്ലാ ഓഫീസിൽ എത്തിക്കാത്ത സ്ഥാപനങ്ങളും രേഖകൾ സഹിതം അദാലത്തിൽ പങ്കെടുക്കണമെന്ന് തിരുവനന്തപുരം മേഖല ഫിഷറീസ് ഡെപ്യൂട്ടി ഡയറക്ടർ അറിയിച്ചു.

ചൊവ്വാഴ്ച (സെപ്റ്റംബർ 12) വരെ ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതായി കേന്ദ്രകാലാവസ്ഥാ വകുപ്പ് അറിയിച്ചു. അതേസമയം കേരള - കർണാടക തീരങ്ങളിൽ മത്സ്യബന്ധനത്തിന് തടസമില്ല.