കേരള തീരത്ത് നാളെ (സെപ്റ്റംബർ 13) രാത്രി 11.30 വരെ 1.8 മുതൽ 2.0 മീറ്റർ വരെയും തെക്കൻ തമിഴ്നാട് തീരങ്ങളിൽ 1.6 മുതൽ 2.0 മീറ്റർ വരെയും ഉയരത്തിൽ തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഈ സാഹചര്യത്തിൽ മത്സ്യത്തൊഴിലാളികൾക്കും തീരദേശവാസികൾക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിർദേശം നൽകി. മത്സ്യബന്ധന യാനങ്ങളുടെയും ഉപകരണങ്ങളുടെയും സുരക്ഷ ഉറപ്പാക്കണമെന്നും ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണമെന്നും മുന്നറിയിപ്പുണ്ട്.

അണ്‍ എയ്ഡഡ് വിദ്യാഭ്യാസ സ്ഥാപനങ്ങളില്‍ ജോലി ചെയ്യുന്നവരില്‍ 90 ശതമാനവും സ്ത്രീകളാണെന്നും ഇവര്‍ക്ക് ആവശ്യമായ പരിരരക്ഷ നല്‍കുന്നതിനുള്ള സംവിധാനം ഏര്‍പ്പെടുത്തണമെന്ന് സര്‍ക്കാരിന് ശുപാര്‍ശ നല്‍കുമെന്നും വനിത കമ്മിഷന്‍ അധ്യക്ഷ അഡ്വ. പി. സതീദേവി പറഞ്ഞു. തിരുവനന്തപുരം ജവഹര്‍ബാലഭവനില്‍ നടന്ന ജില്ലാതല അദാലത്തിന്റെ ആദ്യദിനത്തില്‍ പരാതികള്‍ തീര്‍പ്പാക്കിയ ശേഷം സംസാരിക്കുകയായിരുന്നു വനിത കമ്മിഷന്‍ അധ്യക്ഷ.

വാഹനം വാടകയ്ക്ക് ഉപയോഗിക്കുന്നതിന് ടെൻഡർ ക്ഷണിച്ചു

വനിതാ ശിശു വികസന വകുപ്പിന് കീഴിലെ ഐ.സി.ഡി.എസ് ഓഫീസുകളിൽ 2023-24 സാമ്പത്തിക വർഷത്തേക്ക് വാടകയ്ക്ക് ഉപയോഗിക്കുന്നതിന് വാഹന ഉടമകളിൽ നിന്നും ടെൻഡറുകൾ ക്ഷണിച്ചു . ടെൻഡറുകൾ ലഭിക്കേണ്ട അവസാന തീയതി സെപ്റ്റംബർ 25 ഉച്ചയ്ക്ക് 1 ന്. കൂടുതൽ വിവരങ്ങൾക്ക് മരട് പോലീസ് സ്റ്റേഷൻ കോമ്പൗണ്ടിലുള്ള ഐസിഡിഎസ് അർബൻ -3 ഓഫീസിൽ ബന്ധപ്പെടുക. ഫോൺ : 0484 2706695

           കേരളത്തിൽ രണ്ടാംഘട്ട അമൃത് പദ്ധതികളുടെ അവലോകനത്തിനും സാമ്പത്തിക മാനേജ്‌മെന്റിനുമായി തയാറാക്കിയ അമൃത് 2.0 സിംഗിൾ നോഡൽ ഏജൻസി (എസ്.എൻ.എ) ഡാഷ് ബോർഡ് ചൊവ്വാഴ്ച തിരുവനന്തപുരത്ത് നടന്ന ചടങ്ങിൽ തദ്ദേശസ്വയംഭരണ മന്ത്രി എം.ബി രാജേഷ് പുറത്തിറക്കി.

*സെപ്റ്റംബർ, ഒക്ടോബർ മാസങ്ങളിൽ സ്പെഷ്യൽ ഡ്രൈവ്

           കേന്ദ്ര സർക്കാരിന്റെ പുതിയ മോട്ടോർ വാഹന വിജ്ഞാപനം ദുർവ്യാഖ്യാനം ചെയ്ത് സംസ്ഥാനത്ത് കോൺട്രാക്ട് കാര്യേജ് ബസുകൾ സ്റ്റേജ് കാര്യേജ് വാഹനങ്ങളായി ഓടിക്കുന്നത് കർശനമായി തടയാൻ ഗതാഗത മന്ത്രി ആന്റണി രാജുവിന്റെ അധ്യക്ഷതയിൽ ചേർന്ന ഉന്നതതലയോഗം തീരുമാനിച്ചു.

           വിവിധ പ്രവേശന പരീക്ഷകളുടെ കേന്ദ്രീകൃത അലോട്ട്മെന്റ് നടപടിക്രമങ്ങൾ അടക്കമുള്ള പ്രവർത്തനങ്ങളും പ്രോട്ടോക്കോളുകളും മാർഗ്ഗനിർദ്ദേശങ്ങളുമുൾപ്പെടുത്തി പ്രവേശന പരീക്ഷാ കമ്മിഷണർ ഓഫീസ് മാന്വൽ പുറത്തിറക്കി.

ഓണാഘോത്തോടനുബന്ധിച്ച് ആഗസ്റ്റ് 30 ന് കുട്ടനെല്ലൂർ ശ്രീ. സി. അച്യുത മേനോൻ ഗവ. കോളേജ് ഗ്രൗണ്ടിൽ നടന്ന മെഗാ തിരുവാതിര ടാലെന്റ് ബുക്ക്‌ ഓഫ് റെക്കോർഡ്സ്, ലിംക്ക ബുക്ക്‌ ഓഫ് റെക്കോർഡ്സ് എന്നിവയിൽ ഇടം നേടി. തിരുവാതിരക്കു നേതൃത്വം നൽകിയ കുടുംബശ്രീ ജില്ലാ മിഷനേയും ജില്ലയിലെ എല്ലാ സി.ഡി.എസ്സിനെയും ജില്ലാ കളക്ടർ വി.ആർ കൃഷ്ണതേജ ആദരിച്ചു.

ടൂറിസം വകുപ്പും തൃശ്ശൂര്‍ ഡിടിപിസിയും ജില്ലാഭരണകൂടവും കോര്‍പ്പറേഷനും സംയുക്തമായി സംഘടിപ്പിച്ച ജില്ലാതല ഓണാഘോഷ പരിപാടിയുടെ ഭാഗമായാണ് ഏഴായിരത്തിലേറെ പേര്‍ അണിനിരന്ന മെഗാ തിരുവാതിര അരങ്ങേറിയത്.

തൃശ്ശൂർ ജില്ലാ എംപ്ലോയ്മെന്റ് എക്സേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തിൽ പ്രമുഖ സ്വകാര്യ സ്ഥാപനങ്ങളിലെ വിവിധ തസ്തികകളിലേക്ക് നാളെ (സെപ്റ്റംബർ 13) 1.30 മുതൽ 4 വരെ ഇന്റർവ്യൂ നടക്കും. ബി.കോം, എം.കോം, ബി.ബി.എ, പി.ജി, ഡിഗ്രി, പ്ലസ് ടു തുടങ്ങി യോഗ്യതയുള്ളവർക്ക് പങ്കെടുക്കാം. എംപ്ലോയബിലിറ്റി സെന്ററിൽ പേര് രജിസ്റ്റർ ചെയ്തവർ ആയിരിക്കണം.

എംപ്ലോയബിലിറ്റി സെന്ററിൽ പേര് രജിസ്റ്റർ ചെയ്യാത്തവർ ഒറ്റത്തവണ രജിസ്ട്രേഷൻ ഫീസായ 250 രൂപ അടക്കാനുള്ള സൗകര്യം എല്ലാ പ്രവർത്തി ദിവസങ്ങളിലും ലഭ്യമാണ്. തൃശ്ശൂർ എംപ്ലോയബിലിറ്റി സെന്ററിന്റെ വാട്സാപ്പ് നമ്പർ: 9446228282.

കര്‍ഷകര്‍ക്ക് വരുമാനവും പൊതുജനങ്ങള്‍ക്ക് വിലക്കുറവും നല്‍കി പടിഞ്ഞാറക്കല്ലടയിലെ എല്ലാ ബുധനാഴ്ചയും പ്രവര്‍ത്തിക്കുന്ന കാര്‍ഷിക വിപണി. പഞ്ചായത്തും കൃഷിഭവനും സംയുക്തമായി രൂപീകരിച്ച കര്‍ഷകസമിതി വഴിയാണ് പ്രവര്‍ത്തനം.

കര്‍ഷകര്‍ക്ക് 10 ശതമാനമാണ് അധികലാഭം. ഉപഭോക്താക്കള്‍ക്ക് 30 ശതമാനം വിലക്കുറവും. പഞ്ചായത്തിലെ കര്‍ഷകരുടെ രജിസ്ട്രേഷന്‍ പൂര്‍ത്തിയാക്കി. രജിസ്റ്റര്‍ ചെയ്യാത്തവര്‍ക്കും വിപണനം ചെയ്യാന്‍ അവസരമുണ്ട്. കര്‍ഷകര്‍ക്ക് ഉത്പന്നത്തിന്റെ മൂന്ന് ശതമാനം തുകയാണ് ബോണസ്. കൂടുതല്‍ ഉത്പന്നങ്ങള്‍ വിപണയില്‍ എത്തിക്കുമെന്ന് പഞ്ചായത്ത് പ്രസിഡന്റ് ഡോ സി ഉണ്ണികൃഷ്ണന്‍ അറിയിച്ചു.

ജില്ലാതല ഐ സി ഡി എസ് സെല്‍ പ്രോഗ്രാം ഓഫീസിലേക്ക് കാര്‍/ജീപ്പ് കരാറടിസ്ഥാനത്തില്‍ വാടകയ്ക്ക് നല്‍കുന്നതിന് ടെന്‍ഡര്‍ ക്ഷണിച്ചു. ടാക്സി പെര്‍മിറ്റ് ഉള്ള ഏഴുവര്‍ഷത്തില്‍ താഴെ കാലപ്പഴക്കമുള്ളതായിരിക്കണം. വാഹനം രജിസ്റ്റര്‍ ചെയ്തിരിക്കുന്ന വ്യക്തിയുടെ പേരില്‍ ടെന്‍ഡര്‍ സമര്‍പ്പിക്കണം. സെപ്റ്റംബര്‍ 19 ഉച്ചയ്ക്ക് രണ്ടിനകം പ്രോഗ്രാം ഓഫീസര്‍, ജില്ലാ പ്രോഗ്രാം ഓഫീസ്, ജില്ലാതല ഐ സി ഡി എസ് സെല്‍, സിവില്‍ സ്റ്റേഷന്‍, കൊല്ലം വിലാസത്തില്‍ ലഭിക്കണം. ഫോണ്‍ - 04742793069