മുണ്ടൂര്‍ മൈലംപുള്ളി സ്വദേശി ജോണ്‍സണിന്റെ ഭാര്യ ലില്ലി (41), മകള്‍ ജോസ്ന (16) എന്നിവരെ 2021 ആഗസ്റ്റ് മുതല്‍ കാണ്മാനില്ല.
മൈലംപുള്ളിയിലുള്ള താമസവീട്ടില്‍ നിന്ന് മലമ്പുഴ മഠത്തിലേക്ക് പോകുകയാണെന്ന് പറഞ്ഞുപോയതായിരുന്നു. ഇതുമായി ബന്ധപ്പെട്ട് കോങ്ങാട് പോലീസ് സ്റ്റേഷനില്‍ കേസ് രജിസ്റ്റര്‍ അന്വേഷണം നടത്തിവരികയാണ്. എന്തെങ്കിലും വിവരം ലഭിക്കുന്നവര്‍ 9037410939, 9497980611, 04912845230 എന്ന ഫോണ്‍ നമ്പറുകളില്‍ ബന്ധപ്പെടണമെന്ന് പോലീസ് അറിയിച്ചു.

ശിശുദിനത്തോടനുബന്ധിച്ച് ജില്ലാ ശിശുക്ഷേമ സമിതി ഒക്ടോബര്‍ 15 ന് വര്‍ണോത്സവം സംഘടിപ്പിക്കുന്നു. നടത്തിപ്പുമായി ബന്ധപ്പെട്ട് സെപ്റ്റംബര്‍ 20 ന് ഉച്ചയ്ക്ക് മൂന്നിന് എ.ഡി.എമ്മിന്റെ ചേംബറില്‍ സംഘാടകസമിതി രൂപീകരണയോഗം നടക്കുമെന്ന് ജില്ലാ ശിശുക്ഷേമ സമിതി സെക്രട്ടറി അറിയിച്ചു.
 

കൊഴിഞ്ഞാമ്പാറ ഗവ ആര്‍ട്സ് ആന്‍ഡ് സയന്‍സ് കോളെജില്‍ ഒന്നാം വര്‍ഷ ബി.എ. ഫങ്ഷണല്‍ ഇംഗ്ലീഷില്‍ സീറ്റൊഴിവ്. കാലിക്കറ്റ് സര്‍വകലാശാലയുടെ യു.ജി.സി.എ.പി രജിസ്ട്രേഷന്‍ ചെയ്ത വിദ്യാര്‍ത്ഥികള്‍ സെപ്റ്റംബര്‍ 15 ന് വൈകിട്ട് മൂന്നിനകം അസല്‍ സര്‍ട്ടിഫിക്കറ്റുകള്‍ സഹിതം കോളെജില്‍ എത്തണം. ഫോണ്‍: 04923 272883, 9249570187

കൊഴിഞ്ഞാമ്പാറ ഗവ ആര്‍ട്സ് ആന്‍ഡ് സയന്‍സ് കോളെജില്‍ ഒന്നാം വര്‍ഷ ബിരുദ, ബിരുദാനന്തര കോഴ്സുകളായ ബികോം, ബി.എസ്.സി മൈക്രോബയോളജി, ബി.എ. തമിഴ്, എം.എസ്.സി മൈക്രോബയോളജി വിഷയങ്ങളിലാണ് ഒഴിവുള്ളത്. കാലിക്കറ്റ് സര്‍വകലാശാലയുടെ യു.ജി.സി.എ.പി/പി.ജി.സി.എ.പി രജിസ്ട്രേഷന്‍ ചെയ്ത വിദ്യാര്‍ത്ഥികള്‍ സെപ്റ്റംബര്‍ 14 ന് വൈകിട്ട് മൂന്നിനകം അസല്‍ സര്‍ട്ടിഫിക്കറ്റുകള്‍ സഹിതം കോളെജില്‍ എത്തണം. ഫോണ്‍: 04923 272883, 9249570187

ചിറ്റൂര്‍ ബ്ലോക്ക് പഞ്ചായത്ത് എംപ്ലോയ്മെന്റ് ഫെസിലിറ്റേഷന്‍ സെന്ററിന്റെ ആഭിമുഖ്യത്തില്‍ ജോബ് ഫെയര്‍ സംഘടിപ്പിക്കുന്നതിലേക്കായി സംഘാടന പാടവമുള്ള സ്ഥാപനങ്ങള്‍ക്കോ ഏജന്‍സികള്‍ക്കോ അപേക്ഷിക്കാം. താത്പര്യമുള്ളവര്‍ തങ്ങളുടെ സ്ഥാപനത്തിന്റെ വിശദാംശങ്ങള്‍, ജോബ് ഫെയര്‍ സംഘടിപ്പിക്കുന്നതിന് ആവശ്യമായി വരുന്ന ചെലവ്, സ്റ്റേറ്റ്മെന്റ് എന്നിവ സഹിതമുള്ള അപേക്ഷകള്‍ വ്യവസായ വികസന ഓഫീസര്‍, ചിറ്റൂര്‍ ബ്ലോക്ക് പഞ്ചായത്ത്, നാട്ടുകല്‍ പി.ഒ, പാലക്കാട് എന്ന വിലാസത്തില്‍ സെപ്റ്റംബര്‍ 18 നകം നേരിട്ടോ തപാലിലോ എത്തിക്കണമെന്ന് വ്യവസായ വികസന ഓഫീസര്‍ അറിയിച്ചു. ഫോണ്‍: 9495708187

ജില്ലാ എംപ്ലോയ്‌മെന്റ് എക്‌സ്ചേഞ്ച്/എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ വടക്കഞ്ചേരി സെന്റ് മേരീസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ആന്‍ഡ് സയന്‍സിന്റെ സഹകരണത്തോടെ സ്വകാര്യ സ്ഥാപനങ്ങളിലെ ഒഴിവുകള്‍ നികത്തുന്നതിനായി സെപ്റ്റംബര്‍ 14 ന് ജോബ് ഫെസ്റ്റ് നടത്തുന്നു. വടക്കഞ്ചേരി സെന്റ് മേരീസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ആന്‍ഡ് സയന്‍സില്‍ നടക്കുന്ന മേളയില്‍ ഇരുപതോളം ഉദ്യോഗദായകര്‍ പങ്കെടുക്കും. 13 വ്യത്യസ്ത തസ്തികകളിലായി 1600 ഓളം ഒഴിവുകളാണുള്ളത്.

ശ്രീകൃഷ്ണപുരം ഗവ എന്‍ജിനീയറിങ് കോളെജില്‍ ഒന്നാം വര്‍ഷ എം.ടെക് കോഴ്സില്‍ ഒഴിവുള്ള സീറ്റുകളിലേക്ക് ഇന്ന് (സെപ്റ്റംബര്‍ 13) സ്പോട്ട് അഡ്മിഷന്‍ നടത്തുന്നു. താത്പര്യമുള്ളവര്‍ രാവിലെ 11 നകം എല്ലാ യോഗ്യത സര്‍ട്ടിഫിക്കറ്റുകളും (അസലും സാക്ഷ്യപ്പെടുത്തിയ പകര്‍പ്പും) ആവശ്യമായ ഫീസുമായി നേരിട്ട് സ്ഥാപനത്തില്‍ എത്തണം. എസ്.സി/എസ്.ടി വിദ്യാര്‍ത്ഥികള്‍ക്ക് ബി.ടെക് ആണ് യോഗ്യത. ഒ.ഇ.സി വിദ്യാര്‍ത്ഥികള്‍ ബി.ടെക് കോഴ്സ് 55 ശതമാനം മാര്‍ക്കോടെ പാസായിരിക്കണം. മറ്റ് വിഭാഗങ്ങള്‍ ബി.ടെക് കോഴ്സിന് 60 ശതമാനം മാര്‍ക്ക് നേടിയിരിക്കണം.

മലമ്പുഴ ഗവ ഐ.ടി.ഐയില്‍ വനിതകള്‍ക്കായി സംവരണം ചെയ്തിട്ടുള്ള മെക്കാനിക് ട്രാക്ടര്‍, വെല്‍ഡര്‍ വുഡ് വര്‍ക്ക് ടെക്നീഷ്യന്‍ എന്നീ ട്രേഡുകളില്‍ ഒഴിവുള്ള സീറ്റിലേക്ക് അപേക്ഷിക്കാം. അപേക്ഷകള്‍ ഇന്ന് (സെപ്റ്റംബര്‍ 13) വൈകിട്ട് നാല് വരെ ഐ.ടി.ഐയില്‍ നേരിട്ട് നല്‍കണമെന്ന് പ്രിന്‍സിപ്പാള്‍ അറിയിച്ചു. 100 രൂപയാണ് അപേക്ഷ ഫീസ്.

പട്ടാമ്പി ഗവ സംസ്‌കൃത കോളെജില്‍ ഫിസിക്സ് വിഷയത്തില്‍ ഗസ്റ്റ് അധ്യാപക നിയമനം. യു.ജി.സി മാനദണ്ഡങ്ങള്‍ അനുസരിച്ചുള്ള യോഗ്യത ഉള്ളവരും തൃശൂര്‍ കോളെജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ കാര്യാലയത്തില്‍ രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ വയസ്, പ്രവൃത്തി പരിചയം, വിദ്യഭ്യാസ യോഗ്യത എന്നിവ തെളിയിക്കുന്നതിനുള്ള അസല്‍ രേഖകള്‍ സഹിതം സെപ്റ്റംബര്‍ 15 ന് രാവിലെ 10 നകം പ്രിന്‍സിപ്പാള്‍ മുമ്പാകെ കൂടിക്കാഴ്ചക്ക് എത്തണം. ഇവരുടെ അഭാവത്തില്‍ 50 ശതമാനം മാര്‍ക്കോടുകൂടി ബന്ധപ്പെട്ട വിഷയത്തില്‍ ബിരുദാനന്തര ബിരുദം ഉള്ളവരെ പരിഗണിക്കും. ഫോണ്‍: 0466 2212223