കോട്ടയം: മുൻസിഫ് കോടതി വക ഉപയോഗശൂന്യമായ ഫർണിച്ചർ സാമഗ്രികൾ സെപ്റ്റംബർ 20 ന് ഉച്ചയ്ക്ക് 2.30 ന് കോടതി പരിസരത്ത് വച്ച്  ലേലം
 ചെയ്യും

ഗവ ആര്‍.ഐ സെന്റര്‍ പാലക്കാടിന്റെ ആഭിമുഖ്യത്തില്‍ പ്രധാനമന്ത്രി ദേശീയ അപ്രന്റിഷിപ്പ് മേള മലമ്പുഴ ഗവ ഐ.ടി.ഐയില്‍ നടന്നു. ജില്ലാ വ്യവസായ കേന്ദ്രം മാനേജര്‍ എ.ആര്‍ റഹ്മത്തലി ഉദ്ഘാടനം ചെയ്തു. മലമ്പുഴ ഐ.ടി.ഐ പ്രിന്‍സിപ്പാള്‍ എന്‍. സന്തോഷ് കുമാര്‍ അധ്യക്ഷനായി. മേളയില്‍ 17 ഓളം സ്ഥാപനങ്ങളും 480 ഓളം ട്രെയിനികളും പങ്കെടുത്തു. ജില്ലാ എംപ്ലോയ്മെന്റ് ഓഫീസര്‍ എം. സുനിത, ഉദ്യോഗസ്ഥര്‍, അധ്യാപകര്‍ എന്നിവര്‍ പങ്കെടുത്തു.
 

കോട്ടയം : ജില്ലയിൽ നടപ്പാക്കുന്ന ജലശക്തി അഭിയാൻ പ്രവർത്തനങ്ങളുടെ ഭാഗമായി ജി.ഐ.എസ് മാപ്പിംഗ്, വാട്ടർ കൺസർവേഷൻ പ്ലാൻ എന്നിവ തയാറാക്കുന്നതിന് ജി.ഐ.എസ് എക്‌സ്‌പേർട്ടിനെ നിയമിക്കുന്നു. ജില്ലാ കളക്ടറുടെ കീഴിലാണ് നിയമനം. എർത്ത് സയൻസിൽ ബിരുദം അല്ലെങ്കിൽ ബിരുദാനന്തര ബിരുദം, ജി.ഐ.എസിൽ ഡിപ്ലോമ അല്ലെങ്കിൽ പി.ജി. ഡിപ്ലോമ, ജി.ഐ.എസ് മാപ്പിങ്ങിനുള്ള മുൻപരിചയം അഭികാമ്യം. പരമാവധി 60 ദിവസത്തേക്കാണ് നിയമനം.
വാക് ഇൻ ഇന്റർവ്യൂ സെപ്റ്റംബർ 20ന് രാവിലെ 11ന് ഭൂജലവകുപ്പിന്റെ കോട്ടയം ജില്ലാ ഓഫീസിൽ നടക്കും. താത്പര്യമുള്ളവർ സർട്ടിഫിക്കറ്റുകളുടെ അസലും പകർപ്പുകളുമായി അന്നേ ദിവസം ഓഫീസിൽ   ഹാജരാകണം.

കോട്ടയം: കേരള വനിതാ കമ്മീഷൻ സെപ്റ്റംബർ 20 ന് രാവിലെ 10 മുതൽ  ചങ്ങനാശേരി ഇ.എം.എസ് ഓഡിറ്റോറിയത്തിൽ മെഗാ അദാലത്ത് സoഘടിപ്പിക്കും.

അന്താരാഷ്ട മില്ലറ്റ് വര്‍ഷത്തോടനുബന്ധിച്ച് കേരള ജൈവ കര്‍ഷക സമിതിയും ആലത്തൂര്‍ ബ്ലോക്ക് കൃഷി വകുപ്പും സംയുക്തമായി സംഘടിപ്പിക്കുന്ന മില്ലറ്റ് മഹോത്സവം സെപ്റ്റംബര്‍ 16, 17 തിയതികളിലായി ആലത്തൂര്‍ ബോധിയില്‍ നടക്കും. 16 ന് ഉച്ചക്ക് 12 മുതല്‍ രണ്ട് വരെ വിവിധ തരം മില്ലറ്റ് വിഭവങ്ങള്‍ ഉള്‍പ്പെടുത്തിക്കൊണ്ടുള്ള ഭക്ഷ്യമേളയും 17 ന് രാവിലെ 10 ന് 'ചെറുധാന്യങ്ങള്‍ പോഷകങ്ങളുടെ കലവറ' എന്ന വിഷയത്തില്‍ കൃഷി വകുപ്പ് മുന്‍ ജോയിന്റ് ഡയറക്ടര്‍ ബി. സുരേഷ് നയിക്കുന്ന ക്ലാസും നടക്കും. മേളയില്‍ എല്ലാ തരം മില്ലറ്റുകളുടെയും മില്ലറ്റ് ഉത്പന്നങ്ങളുടെയും പ്രദര്‍ശനവും വിപണനവും ഉണ്ടായിരിക്കും.

ഭക്ഷ്യസുരക്ഷയുടെ ഭാഗമായി മത്സ്യ ഉത്പാദനം വര്‍ധിപ്പിക്കുന്നതിന് ഫിഷറീസ് വകുപ്പ് വടക്കഞ്ചേരി ഗ്രാമപഞ്ചായത്ത് മുഖേന നടപ്പാക്കുന്ന ജനകീയ മത്സ്യകൃഷി രണ്ടാം ഘട്ടത്തില്‍ പൊതുകുളങ്ങളിലേക്ക് മത്സ്യക്കുഞ്ഞ് വിതരണം നടന്നു. ഗ്രാമപഞ്ചായത്തിലെ 23 പൊതു കുളങ്ങളിലേക്കായി 73,950 കാര്‍പ്പ് മത്സ്യ കുഞ്ഞുങ്ങളെയാണ് വിതരണം ചെയ്തത്. ആകെ 9.86 ഹെക്ടറിലാണ് പഞ്ചായത്തില്‍ മത്സ്യക്കുഞ്ഞുങ്ങളെ വളര്‍ത്തുന്നത്. മത്സ്യക്കുഞ്ഞ് വിതരണം വടക്കഞ്ചേരി ഗ്രാമപഞ്ചായത്ത് പ്രസിഡന്റ് ലിസി സുരേഷ് നിര്‍വഹിച്ചു. വൈസ് പ്രസിഡന്റ് വി.ജെ ഹുസൈനാര്‍ അധ്യക്ഷനായി.

സംസ്ഥാന വിവരാവകാശ കമ്മിഷണര്‍ ഡോ. കെ.എം ദിലീപ് അട്ടപ്പാടിയില്‍ സന്ദര്‍ശനം നടത്തി. അഗളി വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ സന്ദര്‍ശിച്ച കമ്മിഷണര്‍ ഇലക്ടറല്‍ ലിറ്ററസി ക്ലബ്ബ്, സ്റ്റുഡന്റ് പോലീസ് എന്നിവരുമായി വിവരാവകാശ നിയമവുമായി ബന്ധപ്പെട്ട് സംവാദം നടത്തി. വിവരാവകാശ നിയമം എന്ത്, എന്തിന്, അതിന്റെ പ്രാധാന്യം, വിവരാവകാശ അപേക്ഷ നല്‍കുന്ന വിധം, ഫീസ് ഘടന തുടങ്ങിയവ വിദ്യാര്‍ത്ഥികള്‍ക്ക് വിശദീകരിച്ചു. വിവരാവകാശ നിയമം അട്ടപ്പാടിയിലെ എല്ലാ ഊരുകളിലും എത്തിക്കുക എന്നതാണ് ലക്ഷ്യമെന്നും ഇതിനുവേണ്ടി പ്രത്യേക പരിശീലനം നല്‍കിയ വിദ്യാര്‍ത്ഥികളുടെ കോര്‍ ഗ്രൂപ്പ് രൂപീകരിക്കുമെന്നും കമ്മിഷണര്‍ പറഞ്ഞു.

കോട്ടയം: ഏറ്റുമാനൂർ കൊമേഴ്‌സ്യൽ ഇൻസ്റ്റിറ്റ്യൂട്ടിൽ ദിവസ വേതനാടിസ്ഥാനത്തിൽ അസിസ്റ്റന്റ് ഇൻസ്ട്രക്ടറെ നിയമിക്കുന്നു. ബികോമും ഡിപ്ലോമ ഇൻ സെക്രട്ടേറിയൽ പ്രാക്ടീസുമാണ് യോഗ്യത. എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് ഉദ്യോഗാർഥികളെ തിരഞ്ഞെടുക്കുന്നത്. താത്പര്യമുള്ളവർ സെപ്റ്റംബർ 18ന് രാവിലെ 10ന് അസൽ സർട്ടിഫിക്കറ്റുകളുമായി എത്തണം. വിശദവിവരത്തിന് ഫോൺ: 0481 2537676,9633345535

കോട്ടയം: ജൈവവൈവിധ്യ സംരക്ഷണവുമായി ബന്ധപ്പെട്ട് 2023 - 24 വർഷത്തിൽ കോട്ടയം ജില്ലയിൽ സ്വകാര്യ ഭൂമിയിലെ വനവത്ക്കരണത്തിന് ധനസഹായം ലഭിക്കുന്നതിന് വ്യക്തികൾ / സ്ഥാപനങ്ങൾ എന്നിവരിൽനിന്ന് അപേക്ഷ ക്ഷണിച്ചു. മൂന്നു വർഷത്തിൽ താഴെ പ്രായമുള്ള 50 എണ്ണത്തിലധികം തേക്ക്, ചന്ദനം, ആഞ്ഞിലി, പ്ലാവ്, റോസ് വുഡ്, കമ്പകം, തേമ്പാവ് എന്നീ മരങ്ങൾ സംരക്ഷിക്കുന്നവർക്കാണ് അർഹതയുള്ളത്. അപേക്ഷകൾ സെപ്റ്റംബർ 30 നകം അസിസ്റ്റന്റ് ഫോറസ്റ്റ് കൺസർവേറ്റർ, സോഷ്യൽ ഫോറസ്ട്രി ഡിവിഷൻ, കോട്ടയം എന്ന വിലാസത്തിൽ അപേക്ഷിക്കണം. വിശദവിവരത്തിന് വെബ്‌സൈറ്റ്: www.forest.kerala.gov.in ഫോൺ:0481231041
 

മാലിന്യ സംസ്‌കരണ നിയമ ലംഘനവുമായി ബന്ധപ്പെട്ട് പൊഴുതന ഗ്രാമ പഞ്ചായത്തിലെ കച്ചവട സ്ഥാപനങ്ങളില്‍ നടത്തിയ പരിശോധനയില്‍ 160 കിലോ നിരോധിത പ്ലാസ്റ്റിക്ക് പിടികൂടി. 10,000 രൂപ പിഴ ഈടാക്കി. മാലിന്യ സംസ്‌കരണ രംഗത്തെ നിയമ ലംഘനം കണ്ടെത്തി നടപടി സ്വീകരിക്കാന്‍ രൂപീകരിച്ച പ്രത്യേക എന്‍ഫോഴ്‌സ്‌മെന്റ് സ്‌ക്വാഡിന്റെയും പൊഴുതന ഗ്രാമ പഞ്ചായത്തിന്റെയും സംയുക്ത പരിശോധനയിലാണ് നിരോധിത പ്ലാസ്റ്റിക്ക് ഉല്‍പ്പന്നങ്ങള്‍ പിടികൂടിയത്. മാലിന്യം ശാസ്ത്രീയമായ രീതിയില്‍ നീക്കം ചെയ്യാന്‍ ബന്ധപ്പെട്ടവര്‍ക്ക് നോട്ടീസ് നല്‍കാനും തദ്ദേശസ്വയംഭരണ സ്ഥാപന സെക്രട്ടറിക്ക് നിര്‍ദേശം നല്‍കി.