ജില്ലയിൽ മൃഗസംരക്ഷണ വകുപ്പിൽ ലൈവ് സ്റ്റോക്ക് ഇൻസ്‌പെക്ടർ ഗ്രേഡ് 2/ പൗൾട്രി അസിസ്റ്റന്റ്/ മിൽക്ക് റെക്കോർഡർ/സ്റ്റോർ കീപ്പർ/എന്യൂമറേറ്റർ (കാറ്റിൽ ഇംപ്രൂവ്‌മെന്റ് അസിസ്റ്റന്റുമാരിൽ നിന്നും - 533/2019)  തസ്തികയിലേക്ക് 2019 ഡിസംബർ 31ലെ ഗസറ്റ് വിജ്ഞാപന പ്രകാരം ഉദ്യോഗാർഥികൾ ആരും അപേക്ഷ സമർപ്പിക്കാത്തതിനാൽ ഈ വിജ്ഞാപന പ്രകാരമുള്ള തെരഞ്ഞെടുപ്പ് നടപടികൾ റദ്ദാക്കിയതായി ജില്ലാ പി എസ് സി ഓഫീസർ അറിയിച്ചു.

കണ്ണൂർ ഗവ.എഞ്ചിനീയറിങ് കോളേജിൽ ഇംഗ്ലീഷ് വിഷയത്തിൽ അഡ്‌ഹോക് അസി. പ്രൊഫസറുടെ ഒഴിവ്. യു ജി സി യോഗ്യതയുള്ള ഉദ്യോഗാർഥികൾക്ക് അപേക്ഷിക്കാം. താൽപര്യമുള്ളവർ അസ്സൽ സർട്ടിഫിക്കറ്റുകൾ സഹിതം സെപ്റ്റംബർ 15ന് രാവിലെ 10.30ന് സ്ഥാപനത്തിൽ നേരിട്ട് ഹാജരാകണം. വെബ്‌സൈറ്റ്: www.gcek.ac.in.

2023-25 വർഷത്തേക്കുളള ഡി എൽ എഡ് ഗവ. ക്വാട്ട റാങ്ക് ലിസ്റ്റ് പ്രസിദ്ധീകരിച്ചു. ഗവ. സയൻസ് വിഭാഗം ഷുവർ ലിസ്റ്റ് ഇന്റർവ്യൂ സെപ്റ്റംബർ 20 ന് രാവിലെ ഒമ്പത് മണിക്കും വെയ്റ്റിങ് ലിസ്റ്റ് രാവിലെ 10.30നും നടക്കും. കോമേഴ്‌സ് വിഭാഗം ഷുവർ ലിസ്റ്റ് ഇന്റർവ്യൂ 20ന് ഉച്ച 1.30, വെയ്റ്റിംഗ് ലിസ്റ്റ് ഉച്ച 2.30, ഹ്യൂമാനിറ്റിസ് വിഭാഗം ഷുവർ ലിസ്റ്റ് ഇന്റർവ്യൂ 21ന് രാവിലെ ഒമ്പത് മണി, വെയ്റ്റിംഗ് ലിസ്റ്റ് രാവിലെ 10.30 എന്നിങ്ങനെ കണ്ണൂർ വിദ്യാഭ്യാസ ഉപഡയറക്ടറുടെ കാര്യാലയത്തിൽ  നടക്കും.

സംസ്ഥാന വിവരാവകാശ കമ്മിഷൻ സെപ്റ്റംബർ 15 വെള്ളിയാഴ്ച (15.09.23) കണ്ണൂർ ജില്ലയിൽ തെളിവെടുപ്പ് നടത്തും. സംസ്ഥാന വിവരാവകാശ കമ്മീഷണർമാരായ എ എ ഹക്കിം, കെ എം ദിലീപ് എന്നിവരുടെ നേതൃത്വത്തിൽ ഉച്ച 2.30 ന് കലക്ടറേറ്റിൽ തെളിവെടുപ്പ് ആരംഭിക്കും. നോട്ടീസ് ലഭിച്ചവർ 2.15 ന് രജിസ്‌ട്രേഷന് ഹാജരാകണമെന്ന് കമ്മീഷൻ സെക്രട്ടറി അറിയിച്ചു.

വരൾച്ച പ്രതിരോധിക്കുന്നതിന് തദ്ദേശസ്ഥാപനങ്ങൾ പ്രാദേശികതലത്തിൽ താൽക്കാലിക തടയണകൾ നിർമ്മിച്ച് ജലസംരക്ഷണ പ്രവർത്തനങ്ങൾ ശക്തിപ്പെടുത്തണമെന്ന് ജില്ലാ ആസൂത്രണ സമിതി യോഗം നിർദേശിച്ചു. ഏതൊക്കെ ഇടങ്ങളിൽ തടയണകൾ നിർമ്മിക്കാൻ സാധിക്കുമെന്ന വിവരങ്ങളടങ്ങിയ പ്രൊപോസൽ തദ്ദേശസ്ഥാപനങ്ങൾ ജലസേചന വകുപ്പിൽ സമർപ്പിക്കണം. മാവോയിസ്റ്റ് സാന്നിധ്യമുള്ള തദ്ദേശ സ്ഥാപനങ്ങളിൽ തെരുവ് വിളക്ക് സ്ഥാപിക്കാൻ തദ്ദേശ സ്ഥാപന അധ്യക്ഷൻമാർക്ക് നിർദ്ദേശം നൽകി. ജില്ലാ റൂറൽ പൊലീസ് മേധാവിയുടെ കത്തിന്റെ അടിസ്ഥാനത്തിലാണ് നിർദ്ദേശം.

ജില്ലയിലെ 11 നിയമസഭാ മണ്ഡലങ്ങളിലെ പോളിംഗ് ബൂത്തുകളുടെ പുനഃക്രമീകരണത്തിനുള്ള കരട് പട്ടിക തയ്യാറായതായി രാഷ്ട്രീയപാർട്ടി പ്രതിനിധികളുടെ യോഗത്തിൽ ജില്ലാ കലക്ടർ എസ് ചന്ദ്രശേഖർ അറിയിച്ചു. ജില്ലയിൽ ആകെ 101 ബൂത്തുകളുടെ കെട്ടിടം മാറ്റാനും 29 ബൂത്തുകളുടെ സ്ഥലം മാറ്റാനും 141 ബൂത്തുകളുടെ പേര് മാറ്റാനുമാണ് ശുപാർശ. കല്ല്യാശ്ശേരി, തളിപ്പറമ്പ്, മട്ടന്നൂർ മണ്ഡലങ്ങളിൽ ഒന്ന് വീതം പുതിയ ബൂത്തുകൾ അനുവദിക്കാൻ ശുപാർശ ചെയ്യുന്നു. 24 ബൂത്തുകൾ പുനഃക്രമീകരിക്കാനും നിർദേശമുണ്ട്. കരട് പട്ടിക അംഗീകാരത്തിനായി തെരഞ്ഞെടുപ്പ് കമ്മീഷന് അയക്കും.

മൈക്കോ ബാക്റ്റീരിയം ലെപ്രേ എന്ന രോഗാണുവാണ് കുഷ്ഠ രോഗം ഉണ്ടാക്കുന്നത്. പ്രധാനമായും വായുവിലൂടെയാണ് പകരുന്നത്. രോഗി തുമ്മുകയോ ചുമയ്ക്കുകയോ ചെയ്യുമ്പോൾ ലക്ഷക്കണക്കിന് രോഗാണുക്കൾ അന്തരീക്ഷത്തിൽ വ്യാപിക്കുന്നു. ഈ രോഗാണുക്കൾ ശ്വസിക്കുന്ന ആൾക്ക് രോഗം വരാം.
എന്നാൽ 85-90 ശതമാനം ആളുകൾക്കും കുഷ്ടരോഗത്തിനെതിരെ സ്വാഭാവിക പ്രതിരോധശേഷി ഉള്ളതിനാൽ രോഗ സാധ്യത കുറവാണ് പ്രതിരോധ ശേഷി കുറഞ്ഞവരിൽ ഈ രോഗം പ്രത്യക്ഷപ്പെടും. രോഗാണുക്കൾ ശരീരത്തിൽ പ്രവേശിച്ചതിനു ശേഷം ശരാശരി മൂന്ന് മുതൽ അഞ്ച് വർഷം വരെ എടുക്കും ലക്ഷണങ്ങൾ കണ്ടുതുടങ്ങാൻ. പ്രധാനമായും ത്വക്കിനെയും നാഡികളെയുമാണ് രോഗം ബാധിക്കുന്നത്.c

ദേശീയ കുഷ്ഠരോഗ നിർമ്മാർജന പരിപാടിയുടെ ഭാഗമായി കുട്ടികളിലെ കുഷ്ഠരോഗബാധ പ്രാരംഭത്തിലേ കണ്ടുപിടിക്കുക എന്ന ലക്ഷ്യത്തോടെ സെപ്റ്റംബർ 20 മുതൽ നവംബർ 30 വരെ ബാലമിത്ര 2.0 ക്യാമ്പയിൻ നടപ്പിലാക്കുന്നു. കുട്ടികളിലെ കുഷ്ഠരോഗബാധ പ്രാരംഭത്തിലേ കണ്ടുപിടിച്ച് വിവിധൗഷധ ചികിത്സ ലഭ്യമാക്കുക, കുഷ്ഠരോഗം വൈകല്യം സംഭവിച്ച കുട്ടികൾ ഇല്ലാത്ത നിലവിലെ അവസ്ഥ നിലനിർത്തുക എന്നിവയാണ് ക്യാമ്പയിന്റെ ലക്ഷ്യം.

മീനങ്ങാടി ഐ.എച്ച്.ആര്‍.ടി മോഡല്‍ കോളേജില്‍ കാലിക്കറ്റ് യൂണിവേഴ്സിറ്റിയുടെ ബി. കോം കമ്പ്യൂട്ടര്‍ ആപ്ലിക്കേഷന്‍, ബി .എസ് .സി കമ്പ്യൂട്ടര്‍ സയന്‍സ്  ഡിഗ്രി കോഴ്സുകളില്‍ സീറ്റ് ഒഴിവുണ്ട്.  ഫോണ്‍ : 9747680868, 8547005077.
 

ജില്ലാ വനിത ശിശുവികസന ഓഫീസിനു കീഴില്‍ കണിയാമ്പറ്റയില്‍ പ്രവര്‍ത്തിക്കുന്ന എന്‍ട്രി ഹോം ഫോര്‍ ഗേള്‍സ് ഹോമിന് ഒരു വര്‍ഷത്തേക്ക് 4+1 സീറ്റിങ് കപ്പാസിറ്റിയുള്ള വാഹനം വാടകയ്ക്ക് എടുക്കുന്നതിന് മത്സരാധിഷ്ഠിത ടെണ്ടര്‍ ക്ഷണിച്ചു. ഒക്ടോബര്‍ 5 ന് ഉച്ചക്ക് 12.30 വരെ ടെണ്ടര്‍ സ്വീകരിക്കും.