സംസ്ഥാന സാക്ഷരതാ മിഷന്റെ കീഴില്‍ പത്താം തരം തുല്യതാ കോഴ്‌സ് 16-ാം ബാച്ചില്‍ പഠനം പൂര്‍ത്തിയാക്കിയവര്‍ക്കുളള പരീക്ഷ ആരംഭിച്ചു. സെപ്റ്റംബര്‍ 11 മുതല്‍ 20 വരെ ജില്ലയിലെ 18 കേന്ദ്രങ്ങളിലാണ് പരീക്ഷ നടക്കുക. ജില്ലയില്‍ 2580 പഠിതാക്കളാണ് പരീക്ഷ എഴുതുന്നത്. ഇതില്‍ പട്ടികജാതി വിഭാഗത്തില്‍പ്പെട്ട 435 പേരും പട്ടികവര്‍ഗത്തില്‍പ്പെട്ട 22 പേരും ആശാ വര്‍ക്കര്‍മാരായ 311 പേരും സവിശേഷ വിഭാഗത്തില്‍പ്പെട്ട 28 പേരും ജനപ്രതിനിധികളുമുണ്ട്.

നെന്മാറ ഗവ എല്‍.പി സ്‌കൂളില്‍ പ്രീ-പ്രൈമറി വിദ്യാര്‍ത്ഥികളുടെ പഠനമുറി സ്‌നേഹക്കൂടും നവീകരിച്ച പാര്‍ക്കും കെ. ബാബു എം.എല്‍.എ ഉദ്ഘാടനം ചെയ്തു. സമഗ്ര ശിക്ഷ കേരളയുടെ പദ്ധതിയില്‍ ഉള്‍പ്പെടുത്തി 10 ലക്ഷം രൂപ ചെലവഴിച്ചാണ് പാര്‍ക്ക് നവീകരിച്ചത്. പഠനത്തോടൊപ്പം വിനോദത്തിനും അവസരം നല്‍കുക. കളിയിലൂടെയുള്ള പഠനം എന്നിവ ലക്ഷ്യമിട്ടാണ് സ്‌നേഹക്കൂടും പാര്‍ക്കും ഒരുക്കിയിട്ടുള്ളത്.

കോട്ടയം: കേരള സർക്കാർ സ്ഥാപനമായ എൽ.ബി.എസ്. സെന്റർ ഫോർ സയൻസ് ആൻഡ് ടെക്നോളജിയുടെ ആഭിമുഖ്യത്തിൽ പാമ്പാടി ഉപകേന്ദ്രത്തിൽ ആരംഭിക്കുന്ന തൊഴിലധിഷ്ഠിത കോഴ്സുകളായ പി.ജി.ഡി.സി.എ, ഡി.സി.എ, ഡി.സി.എഫ്.എ എന്നിവയിലേക്ക് അപേക്ഷ ക്ഷണിച്ചു.  അർഹതപ്പെട്ട വിഭാഗങ്ങളിൽപ്പെടുന്ന വിദ്യാർഥികൾക്ക് നിയമാനുസൃത ഫീസാനുകൂല്യം ലഭിക്കും.
വിശദവിവരത്തിന് ഫോൺ: 0481-2505900, 9895041706.

കോട്ടയം: കാഞ്ഞിരപ്പള്ളി അഡീഷണൽ ശിശുവികസന പദ്ധതി ഓഫീസിലെ ആവശ്യത്തിനായി ജീപ്പ്/കാർ വാടകയ്ക്ക് നൽകാൻ താത്പര്യമുള്ള വ്യക്തികൾ/ സ്്ഥാപനങ്ങളിൽ നിന്ന് ടെൻഡർ ക്ഷണിച്ചു. സെപ്റ്റംബർ 25ന് ഉച്ചയ്ക്ക് 1.30നകം നൽകണം.

കോട്ടയം: ഒക്ടോബർ രണ്ടിന് ഇന്ത്യൻ പാർലമെന്റിൽ മഹാത്മാ ഗാന്ധിയെയും ലാൽ ബഹദൂർ ശാസ്ത്രിയെയും ആദരവ് രേഖപ്പെടുത്തുന്ന ചടങ്ങിൽ സംസാരിക്കാൻ അവസരം. ഇതിനായി ജില്ലാതലത്തിൽ നടക്കുന്ന പ്രസംഗ മത്സരത്തിലേക്ക് നെഹ്‌റു യുവകേന്ദ്ര അപേക്ഷ ക്ഷണിച്ചു.
2023 ഒക്‌ടോബർ ഒന്നിന് 18 നും 29 നും ഇടയിൽ പ്രായമുള്ള കോട്ടയം സ്വദേശികൾക്ക് മത്സരിക്കാം.

കോട്ടയം: കേരള സംസ്ഥാന അസംഘടിത തൊഴിലാളി സാമൂഹിക സുരക്ഷാ പദ്ധതിയിൽ അംഗങ്ങളായ തൊഴിലാളികളുടെ മക്കൾക്ക് 2023-2024 വർഷത്തെ വിദ്യാഭ്യാസ ആനുകൂല്യത്തിനുളള അപേക്ഷ ക്ഷണിച്ചു. എസ്.എസ്.എൽ.സി. പാസായതിനു ശേഷം കേരള സർക്കാരിന്റെ അംഗീകാരമുളള സ്ഥാപനങ്ങളിൽ റഗുലർ കോഴ്സിന് ഉപരിപഠനം നടത്തുന്ന കുട്ടികളുടെ രക്ഷിതാക്കൾ, നിർദ്ദിഷ്ട അപേക്ഷാ ഫോറത്തിൽ ഒക്ടോബർ 31നകമോ അല്ലെങ്കിൽ പുതിയ കോഴ്സിൽ ചേർന്ന് 45 ദിവസത്തിനകമോ പദ്ധതിയുടെ ബന്ധപ്പെട്ട ജില്ലാ എക്്സിക്യൂട്ടീവ് ഓഫീസർക്ക് അപേക്ഷ നൽകണം.

കോട്ടയം: ചിൽഡ്രൻസ് ലൈബ്രറിയിൽ പ്രവർത്തിക്കുന്ന എസ്.ബി.ഐ. ഗ്രാമീണ സ്വയംതൊഴിൽ പരിശീലന കേന്ദ്രത്തിൽ വിമൻസ് ടൈലറിംഗ്, കമ്പ്യൂട്ടർ ഹാർഡ്വെയർ ആൻഡ് നെറ്റ്വർക്കിംഗ്, ഫോട്ടോഗ്രാഫി ആൻഡ് വീഡിയോഗ്രഫി എന്നീ കോഴ്സുകളിൽ സൗജന്യപരിശീലനം നൽകുന്നു. കോട്ടയം ജില്ലയിൽപ്പെട്ട തൊഴിൽരഹിതരായ 18നും 45നുമിടയിൽ പ്രായമുള്ള യുവതിയുവാക്കൾക്ക് സെപ്റ്റംബർ 15 മുതൽ ആരംഭിക്കുന്ന പരിശീലനത്തിന് അപേക്ഷിക്കാം. ബാങ്ക് വായ്പ ലഭിക്കാനുള്ള സാങ്കേതിക സഹായവും ലഭിക്കും. താത്പര്യമുള്ളവർ സെപ്റ്റംബർ 14നകം 0481 2303307, 2303306 എന്നീ നമ്പറുകളിൽ ബന്ധപ്പെടണം.

കോട്ടയം: കാലാവസ്ഥാ അതിജീവനശേഷിയും ഊർജ്ജ കാര്യക്ഷമതയും കാർഷികമേഖലയിൽ എന്ന വിഷയത്തിൽ ജില്ലാതല ഏകദിന ശിൽപശാല ഇന്ന് (സെപ്റ്റംബർ 12). തെള്ളകം ചൈതന്യ പാസ്റ്റർ സെന്ററിൽ നടക്കുന്ന പരിപാടി രാവിലെ 10ന് ജില്ലാ പഞ്ചായത്ത് പ്രസിഡന്റ് കെ.വി. ബിന്ദു ഉദ്ഘാടനം ചെയ്യും. കേരള സർക്കാർ കാർഷിക വികസന കർഷകക്ഷേമ വകുപ്പും എനർജി മാനേജ്മെന്റ് സെന്റർ കേരളയുടെയും സംയുക്ത ആഭിമുഖ്യത്തിലാണ് ശിൽപശാല സംഘടിപ്പിക്കുന്നത്. പ്രിൻസിപ്പൽ അഗ്രികൾച്ചർ ഓഫീസർ പ്രീത പോൾ അധ്യക്ഷത വഹിക്കും.

കോട്ടയം: ഈ വർഷത്തെ ഐ.ടി.ഐ. പ്രവേശനത്തിനായി പള്ളിക്കത്തോട് ഗവൺമെന്റ് ഐ.ടി.ഐ.യിലെ വിവിധ ട്രേഡുകളിൽ ഒഴിവുള്ള സീറ്റുകളിലേക്ക് ഇതുവരെ അപേക്ഷ നൽകാത്തവർക്കും ഇപ്പോൾ അപേക്ഷിക്കാം. സെപ്റ്റംബർ 13 വരെ ഐ.ടി.ഐ.യിൽ നേരിട്ടെത്തി അപേക്ഷിക്കാം. വിശദവിവരത്തിന് ഫോൺ: 6238139057,9495750158,9447116947.

കോട്ടയം: പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിലെ അപ്ലൈഡ് സയൻസ് വിഭാഗത്തിലെ കണക്ക്, ഫിസിക്സ്, കെമിസ്ട്രി എന്നീ വിഷയങ്ങളിൽ ദിവസവേതനവ്യവസ്ഥയിൽ ഗസ്റ്റ് അധ്യാപകരെ താത്കാലികമായി നിയമിക്കുന്നു. അസൽ സർട്ടിഫിക്കറ്റ്, ബയോഡേറ്റ, പ്രവൃത്തിപരിചയ സർട്ടിഫിക്കറ്റ്, ആധാർ കാർഡ് എന്നിവ സഹിതം സെപ്റ്റംബർ 15ന് രാവിലെ 9.30ന് സിവിൽ എൻജിനീയറിങ് ഡിപ്പാർട്ട്‌മെന്റിലെ മാത്തമാറ്റിക്സ് മേധാവിയുടെ ഓഫീസിൽ എത്തണം. വിശദവിവരത്തിന് വെബ്സൈറ്റ്: www.rit.ac.in ഫോൺ: 0481 2506153, 0481 2507763.