കാക്കനാട്: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട ബോട്ടുകളെയും മത്സ്യത്തൊഴിലാളികളെയും കണ്ടെത്തുന്നതിന് ജില്ലയില്‍ നിന്ന് 50 ബോട്ടുകളില്‍ അഞ്ച് മത്സ്യത്തൊഴിലാളികളടങ്ങുന്ന സംഘം തിരച്ചില്‍ നടത്തും. ഇതിനായി 1.04 കോടി (ഒരു കോടി നാല് ലക്ഷം രൂപ) സര്‍ക്കാര്‍ അനുവദിച്ചു. തിരച്ചിലിന് പോകുന്ന മത്സ്യത്തൊഴിലാളികള്‍ക്ക് ദിവസം 800 രൂപ വീതം നല്‍കും. കൂടാതെ 3000 ലിറ്റര്‍ ഡീസലും നല്‍കും. സംസ്ഥാനതലത്തില്‍ ആകെ 105 സ്വകാര്യ ബോട്ടുകളെയാണ് തിരച്ചിലിന് നിയോഗിക്കുന്നത്. ജില്ലയിലാണ് ഏറ്റവും കൂടുതല്‍ ബോട്ടുകള്‍ തിരച്ചില്‍ നടത്തുന്നതും കൂടുതല്‍ തുക അനുവദിച്ചിരിക്കുന്നതും.

കൊച്ചി: കേരള തീരത്ത് അടുത്ത 24 മണിക്കൂറിനുളളില്‍ 45 കി.മീറ്റര്‍ മുതല്‍ 55 കി.മീ വരെ  വരെ വേഗതയുളള കക്തമായ കാറ്റ് വീശാന്‍ സാധ്യതയുളളതായി കാലാവസ്ഥാ മുന്നറിയിപ്പുളളതിനാല്‍ മത്സ്യത്തൊഴിലാളികള്‍ ജാഗ്രത പാലിക്കണമെന്ന് ഫിഷറീസ് ഡപ്യൂട്ടി ഡയറക്ടര്‍ അറിയിച്ചു.

കൊച്ചി: എറണാകുളം ജനറല്‍ ആശുപത്രിയിലെ കാല്‍ നിര്‍മാണ യൂണിറ്റിലെ ഉപയോഗങ്ങള്‍ക്ക്  ആവശ്യമായ വിവിധ സാധനങ്ങള്‍ നല്‍കുന്നതിന് ടെന്‍ഡര്‍ ക്ഷണിച്ചു. ടെന്‍ഡറുകള്‍ 2018 ജനുവരി ആറു വരെ നല്‍കാം. 

ടെന്‍ഡര്‍ ക്ഷണിച്ചു

കൊച്ചി: കേരള ഹൈക്കോടതിയുടെ ഉപയോഗത്തിന് ആവശ്യമായ മൂന്ന് ലാപ്‌ടോപ്പ്, ലേസര്‍ പ്രിന്ററുകള്‍, ഹെഡ് ഫോണ്‍ ഇല്ലാത്ത ഡിക്‌റ്റേഷന്‍ സോഫ്റ്റ്‌വെയര്‍ എന്നിവ നല്‍കുന്നതിന് ക്വട്ടേഷന്‍ ക്ഷണിച്ചു. 2018 ജനുവരി മൂന്നു വരെ ക്വട്ടേഷന്‍ നല്‍കാം.

കോണ്‍ട്രാക്ട് നിയമനം

കൊച്ചി: ജില്ലയില്‍ ഭക്ഷ്യ ഭദ്രതാ നിയമം 2013 പ്രകാരം  വിവിധ വിഭാഗം റേഷന്‍ കാര്‍ഡ് ഉടമകള്‍ക്ക് ഇനി പറയും പ്രകാരം റേഷന്‍ സാധനങ്ങള്‍ ലഭ്യമാകും. 

അന്ത്യോദയ അന്നയോജന വിഭാഗത്തിന് കാര്‍ഡ് ഒന്നിന് 28 കി.ഗ്രാം അരിയും ഏഴ് കി.ഗ്രാം ഗോതമ്പും സൗജന്യമായി ലഭിക്കും.

കൊച്ചി: കര്‍ഷക തൊഴിലാളി ക്ഷേമനിധി ബോര്‍ഡില്‍ 2017 ഏപ്രില്‍ ഒന്നു മുതല്‍ അംശാദായമൊടുക്കാത്തതിനാല്‍ അംഗത്വം നഷ്ടപ്പെട്ട തൊഴിലാളികള്‍ക്ക് കുടിശിക തീര്‍പ്പാക്കാന്‍ അവസരം. കുടിശിക വരുത്തിയ ഓരോ വര്‍ഷത്തിനും 10 രൂപ വീതം പിഴ അധികം നല്‍കി അംഗത്വം പുതുക്കാമെന്ന് ജില്ലാ വെല്‍ഫെയര്‍ ഫണ്ട് ഓഫീസര്‍ അറിയിച്ചു. ആലുവ പയ്യപ്പിളളി ബസാറിലുളള ക്ഷേമനിധി ഓഫീസില്‍ 2017 ഡിസംബര്‍ മുതല്‍ 2018 മെയ് 31 വരെ എല്ലാ പ്രവൃത്തി ദിനവും രാവിലെ 10 മുതല്‍ വൈകിട്ട് നാല് വരെ തുക സ്വീകരിക്കും. ഇതിനകം 60 വയസ് പൂര്‍ത്തിയായവര്‍ കുടിശിക തീര്‍പ്പാക്കേണ്ടതില്ല. കൂടുതല്‍ വിവരങ്ങള്‍ക്ക് ഫോണ്‍ 0484-2631230.

കൊച്ചി: എല്‍.ഡി.എഫ് സര്‍ക്കാര്‍ അധികാരത്തിലേറിയ ശേഷം വിതരണം ചെയ്ത പട്ടയങ്ങളുടെ എണ്ണം അടുത്ത രണ്ടാഴ്ച്ചയ്ക്കുള്ളില്‍ അമ്പതിനായിരമാകുമെന്ന് റവന്യൂ വകുപ്പ് മന്ത്രി ഇ. ചന്ദ്രശേഖരന്‍ പറഞ്ഞു. 35,000 പട്ടയങ്ങളാണ് ഇതുവരെ വിതരണം ചെയ്തത്. 15,000 പട്ടയങ്ങള്‍ കൂടി ഉടനെ വിതണം ചെയ്യാനുള്ള നടപടികള്‍ വിവിധ ജില്ലകളില്‍ അന്തിമഘട്ടത്തിലാണെന്ന് മന്ത്രി വ്യക്തമാക്കി.

എറണാകുളം ജില്ലയിലെ അര്‍ഹരായ ഗുണഭോക്താക്കള്‍ക്ക് പട്ടയവും ക്രയസര്‍ട്ടിഫിക്കറ്റും വിതരണം ചെയ്യുന്നതിനായി സംഘടിപ്പിച്ച പട്ടയവിതരണ മേള ടൗണ്‍ഹാളില്‍ ഉദ്ഘാടനം ചെയ്യുകയായിരുന്നു മന്ത്രി.

ജില്ലയിലെ വിവിധ സ്ഥലങ്ങളില്‍ ഡെങ്കിപ്പനി കേസുകള്‍ റിപ്പോര്‍ട്ട് ചെയ്തതിനാല്‍ രോഗ പ്രതിരോധ പ്രവര്‍ത്തനങ്ങള്‍ ശക്തമാക്കി. ഈഡിസ് വിഭാഗത്തില്‍പെട്ട കൊതുകുകളാണ് ഡെങ്കിപ്പനി പരത്തുന്നത് . ഒരിക്കല്‍ ഡെങ്കിപ്പനി വന്നവര്‍ക്ക് വീണ്ടും രോഗം വന്നാല്‍ മാരകമായേക്കാം. പൊതുജനങ്ങള്‍  പ്രതിരോധ പ്രവര്‍ത്തനങ്ങള്‍ നടത്തി ഡെങ്കിപ്പനി വരാതിരിക്കാന്‍ ശ്രദ്ധിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

           അടുത്ത 24 മണിക്കൂറില്‍ കേരളതീരങ്ങളിലും ലക്ഷദ്വീപ് പ്രദേശങ്ങളിലും  കിഴക്ക് ദിശയില്‍ നിന്നും  45 -55 കി.മീ. വേഗതയില്‍  ശക്തമായ കാറ്റടിക്കാനും തിരമാലകള്‍ 2.5 മീറ്റര്‍ മുതല്‍ 2.6 മീറ്റര്‍ വരെ  ഉയരാനും സാധ്യതയുളളതിനാല്‍ മത്സ്യത്തൊഴിലാളികള്‍ ജാഗ്രത പാലിക്കണമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

   എന്‍വൈകെ സുരക്ഷ എംഎസ്എം പ്രോജക്ട്, മൈഗ്രന്റ് പ്രോജക്ട് സുരക്ഷ, എഫ്.എസ്.ഡബ്ല്യു പ്രോജക്ട്, സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റി എന്നിവയുടെ സംയുക്താഭിമുഖ്യത്തില്‍ ക്രൈസിസ് റെസ്‌പോണ്‍സ് കമ്മിറ്റി രൂപീകരണവും ക്രൈസിസ് റെസ്‌പോണ്‍സ് കാര്‍ഡ് വിതരണം നടന്നു. ജില്ലാ പഞ്ചായത്തില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് എജിസി ബഷീര്‍ ക്രൈസിസ് റെസ്‌പോണ്‍സ് കാര്‍ഡ് വിതരണം ചെയ്തു.  എംഎസ്എം സുരക്ഷ പ്രോജക്ട് മാനേജര്‍ എം.നിഷിത, മൈഗ്രന്റ് സുരക്ഷ മാനേജര്‍ ജോബിന്‍ അബ്രഹാം, എഫ്.എസ്.ഡബ്ല്യു സുരക്ഷ മാനേജര്‍ രതീഷ്, ഖാദര്‍ മാന്യ, ക്രൈസിസ് റെസ്‌പോണ്‍സ്  കണ്‍വീനര്‍ നാരായണന്‍ എന്നിവര്‍ പങ്കെടുത്തു.