കെ.ജി.റ്റി.ഇ (കൊമേഴ്‌സ് ഗ്രൂപ്പ്) നവംബര്‍ 2017 പരീക്ഷയുടെ ഹാള്‍ ടിക്കറ്റ് പരീക്ഷാഭവന്‍ വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം.

പരാതികള്‍ ഉള്ളവര്‍ നവംബര്‍ ആറ് വൈകിട്ട് അഞ്ചു മണിക്ക് മുമ്പായി പരീക്ഷാഭവന്‍ എച്ച ്- 6 സെക്ഷനുമായി (ഫോണ്‍ - 9496418088) ബന്ധപ്പെട്ട് പരിഹരിക്കണം.

പി.എന്‍.എക്‌സ്.4704/17
 

കേരള സ്റ്റേറ്റ് സിനിമ ഓപ്പറേറ്റേഴ്‌സ് പരീക്ഷാ ബോര്‍ഡ് 2017-ല്‍ നടത്തുന്ന പരീക്ഷയ്ക്ക് യോഗ്യതയുള്ളവരില്‍ നിന്നും അപേക്ഷ ലഭിക്കേണ്ട അവസാന തീയതി നവംബര്‍ 15 വൈകിട്ട് അഞ്ച് മണി വരെ നീട്ടി.  

വിശദ വിവരങ്ങള്‍ക്ക് ചീഫ് ഇലക്ട്രിക്കല്‍ ഇന്‍സ്‌പെക്ടറേറ്റുമായോ, ജില്ലാ ഇലക്ട്രിക്കല്‍ ഇന്‍സ്‌പെക്ടറേറ്റുകളുമായോ ബന്ധപ്പെടണം. വകുപ്പിന്റെ വെബ്‌സൈറ്റായ www.ceikerala.gov.in - ലും ലഭ്യമാണ്. ഫോണ്‍ : 0471 2331104, 2331159

പി.എന്‍.എക്‌സ്.4705/17
 

മത്സ്യബന്ധനോപകരണങ്ങള്‍ക്ക് ഇന്‍ഷ്വറന്‍സ് പരിരക്ഷ ഏര്‍പ്പെടുത്തുന്നതിന് ഫിഷറീസ് വകുപ്പ് വഴി നടപ്പാക്കുന്ന പദ്ധതിയിലേക്ക് ഇന്‍ഷുറന്‍സ് സര്‍വീസ് പ്രൊവൈഡറെ നിയമിക്കും. ഇതിന് താത്പര്യമുള്ള സ്ഥാപനങ്ങളില്‍ നിന്ന് താല്പര്യപത്രം ക്ഷണിച്ചു.

താല്പര്യപത്രം സമര്‍പ്പിക്കേണ്ട അവസാന തീയതി 2017 നവംബര്‍ 15 വൈകിട്ട് മൂന്നു മണി. വിശദവിവരങ്ങള്‍ക്ക് : www.fisherieds.kerala.gov.in.

പി.എന്‍.എക്‌സ്.4706/17
 

കേരള സംസ്ഥാന വൈദ്യുതി ലിമിറ്റഡ്, 2017 ഏപ്രില്‍ ഒന്നു മുതല്‍ 2017 ജൂണ്‍ വരെയുള്ള കാലയളവില്‍, വൈദ്യുതി ഉല്‍പ്പാദിപ്പിക്കുന്നതിനും വാങ്ങുന്നതിനും, കമ്മീഷന്‍ അംഗീകരിച്ചതില്‍ നിന്നുണ്ടായ അധിക ബാധ്യത ഇന്ധന സര്‍ചാര്‍ജ്ജായി ഈടാക്കുന്നതിന് 2017 ആഗസ്റ്റ് 8 ന് കേരള സംസ്ഥാന വൈദ്യുതി റഗുലേറ്ററി കമ്മീഷനു സമര്‍പ്പിച്ച അപേക്ഷയിലുള്ള പൊതുതെളിവെടുപ്പ് കമ്മീഷന്റെ വെള്ളയമ്പലത്തുള്ള ഓഫീസില്‍ നവംബര്‍ എട്ടിന് രാവിലെ 11 ന് നടത്തും.

സര്‍ക്കാര്‍ ഉടമസ്ഥതയിലുള്ള വിവിധ കമ്പനികള്‍/കോര്‍പ്പറേഷന്‍/ബോര്‍ഡുകള്‍ എന്നിവയില്‍ സെക്യൂരിറ്റി ഗാര്‍ഡ് / സെക്യൂരിറ്റ ഗാര്‍ഡ് ഗ്രേഡ് കക/ വാച്ചര്‍ ഗ്രേഡ് കക തസ്തികയിലേക്ക് (കാറ്റഗറി നമ്പര്‍ 410/2013) 2014 ഡിസംബര്‍ ഒമ്പതിന് നടത്തിയ ഒ.എം.ആര്‍ പരീക്ഷയില്‍ വിജയിച്ച ഉദ്യോഗാര്‍ത്ഥികളെ ഉള്‍പ്പെടുത്തിക്കൊണ്ടുള്ള ചുരുക്കപ്പട്ടിക പ്രസിദ്ധീകരിച്ചു.

ചുരുക്കപ്പട്ടിക കേരള പബ്ലിക് സര്‍വ്വീസ് കമ്മീഷന്റെ വെബ്‌സൈറ്റായ www.keralapsc.gov.in ല്‍ പരിശോധിക്കാം.

പി.എന്‍.എക്‌സ്.4708/17

പാലക്കാട് മെഡിക്കല്‍ കോളേജിലെ (IIMS) ഡയറക്ടര്‍ തസ്തികയിലേക്ക് പുറപ്പെടുവിച്ച വേക്കന്‍സി സര്‍ക്കുലറില്‍ ശമ്പള സ്‌കെയിലിന്റെ മിനിമം 81,300 എന്നതിനു പകരം 813000 എന്ന് തെറ്റായി രേഖപ്പെടുത്തിയത്. ഇത് 81,300 - 117600 എന്ന് തിരുത്തി വായിക്കണമെന്ന് ഡെപ്യൂട്ടി സെക്രട്ടറി അറിയിച്ചു.

പി.എന്‍.എക്‌സ്.4709/17
 

സെക്രട്ടേറിയറ്റിലെ താഴ്ന്ന ജീവനക്കാരില്‍ നിന്ന് അസിസ്റ്റന്റായുള്ള തസ്തികമാറ്റ നിയമനത്തിന് നവംബര്‍ 15 നകം അപേക്ഷിക്കാം.

ഓഫീസ് അറ്റന്‍ഡന്റ്, അറ്റന്‍ഡര്‍, ക്ലറിക്കല്‍ അസിസ്റ്റന്റ് ഗ്രേഡ് 2/ഗ്രേഡ് 1, ലിഫ്റ്റ് ഓപ്പറേറ്റര്‍, ലിഫ്റ്റ് ഓപ്പറേറ്റര്‍ (ഹയര്‍ ഗ്രേഡ്), ലിഫ്റ്റ് സൂപ്പര്‍വൈസര്‍, റോണിയോ ഓപ്പറേറ്റര്‍, റോണിയോ സൂപ്പര്‍വൈസര്‍, നോട്ടം, മോട്ടോര്‍ സൈക്കിള്‍ ഓര്‍ഡര്‍ലി, ബൈന്‍ഡര്‍ ഗ്രേഡ് 2/ഗ്രേഡ് 1 വിഭാഗം ജീവനക്കാര്‍ക്ക് അപേക്ഷിക്കാം.

പ്രൊഫഷണല്‍ ഡിപ്ലോമ എന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍, മറ്റ് പാരാമെഡിക്കല്‍ ഡിപ്ലോമ കോഴ്‌സുകളിലേക്ക് അപേക്ഷിച്ചവരുടെ മൂന്നാംഘട്ട അലോട്ട്‌മെന്റ്  www.lbscentre.in ല്‍ പ്രസിദ്ധീകരിച്ചു.  വെബ്‌സൈറ്റില്‍ നിന്നും പ്രിന്റൗട്ടെടുത്ത് അലോട്ട്‌മെന്റ് മെമ്മോ ഫെഡറല്‍ ബാങ്കിന്റെ ഏതെങ്കിലും ശാഖയില്‍ നല്‍കി നവംബര്‍ ആറിനകം ഫീസ് ഒടുക്കണം.  നവംബര്‍ ഏഴിന് അതത് കോളേജുകളില്‍ പ്രവേശനം നേടണമെന്ന് ഡയറക്ടര്‍ അറിയിച്ചു.  ഫോണ്‍: 0471 2560362, 63, 64, 65.

പി.എന്‍.എക്‌സ്.4719/17

ജലവിഭവ വകുപ്പ് സംഘടിപ്പിച്ച ഫയല്‍ അദാലത്തില്‍ മൂന്ന് വര്‍ഷത്തിലധികം പഴക്കമുളള 135 ഫയലുകള്‍ തീര്‍പ്പാക്കുകയും 106 ഫയലുകളില്‍ അന്തിമ നടപടി തീരുമാനിക്കുകയും ചെയ്തു.  65 ശതമാനം ഫയലുകളിലാണ് തീര്‍പ്പായത്.  വിജിലന്‍സ് റിപ്പോര്‍ട്ട് അടങ്ങിയതുള്‍പ്പെടെയുളള മൂന്നു വര്‍ഷത്തിലേറെ പഴക്കമുളള 126 ഫയലുകളാണിനി സെക്രട്ടേറിയറ്റിലെ ജലവിഭവ വകുപ്പില്‍ അവശേഷിക്കുന്നത്.  2016 ന് ശേഷം നടത്തിയ മൂന്നാമത്തെ ഫയല്‍ അദാലത്താണിത്. സെക്രട്ടേറിയറ്റ് സൗത്ത് കോണ്‍ഫറന്‍സ് ഹാളില്‍ മന്ത്രി മാത്യു ടി. തോമസിന്റെ നേതൃത്വത്തില്‍ രാവിലെ 10ന് ആരംഭിച്ച ഫയല്‍ അദാലത്ത് രാത്രി 8.30 നാണ് അവസാനിച്ചത്.

കേരളത്തില്‍ ബിസിനസ് സംരംഭങ്ങളുടെ സാധ്യതകള്‍ ആരായുനനതിന്റെ ഭാഗമായി കൊച്ചിയിലെത്തിയ ജപ്പാന്‍ പ്രതിനിധി സംഘം കളക്ടറേറ്റിലെത്തി ജില്ലാ കളക്ടറുമായി ചര്‍ച്ച ചെയ്തു. സാന്‍-ഇന്‍ (San-In) ഇന്ത്യ അസോസിയേഷന്‍ ചെയര്‍മാന്‍ എമിരറ്റസും പ്രതിനിധിസംഘ ത്തിന്റെ തലവനുമായ മക്കാട്ടോ ഫുരുസെ (Makato Furuse) യുടെ നേതൃത്വത്തിലുള്ള 19 അംഗ സംഘമാണ് ഇന്നലെ (നവംബര്‍ 3) കളക്ടറെ സന്ദര്‍ശിച്ചത്.