പുൽപ്പറ്റ  ഗ്രാമപഞ്ചായത്തിലെ അങ്കണവാടി വർക്കർ തസ്തികയിലേക്ക് പരിഗണിക്കുന്നതിന് സെലക്‍ഷൻ ലിസ്റ്റ് തയ്യാറാക്കുന്നതിനുള്ള  സർട്ടിഫിക്കറ്റ് പരിശോധന, ഇന്റർവ്യൂ എന്നിവ തൃപ്പനച്ചി  വനിതാ വ്യവസായ കേന്ദ്രത്തിൽ    (ആശുപത്രി പടി) വെച്ച് ജൂലൈ 23 മുതല്‍ 25 വരെ നടക്കും. അറിയിപ്പ് ലഭിക്കാത്തവർ 22 നു മുമ്പായി അരീക്കോട് അഡിഷണൽ ഐ.സി.ഡി.എസ് ഓഫീസുമായി ബന്ധപ്പെടണം. ഫോൺ:  0483 275 7275

വനിതാ കമ്മിഷന്‍ ജില്ലാതല അദാലത്ത് ജൂലൈ 24ന് രാവിലെ 10 മുതല്‍ മലപ്പുറം ജില്ലാ പഞ്ചായത്ത് ഹാളില്‍ നടക്കും.

മലപ്പുറം ഡി.എം.ഒ (ആയുർവേദം) ഓഫീസിന് സമീപത്ത് അപകടാവസ്ഥയിൽ നിന്നിരുന്നതിനെ തുടർന്ന് മുറിച്ച് മാറ്റി സൂക്ഷിച്ചിട്ടുള്ള വട്ട, മഴമരം, ചരൽക്കൊന്ന എന്നീ മരങ്ങൾ ജൂലൈ 25 ന് പകൽ 11 മണിക്ക് മലപ്പുറം വില്ലേജ് ഓഫീസ് പരിസരത്ത് വച്ച് ലേലം ചെയ്യും.

അരീക്കോട്  ഗവ.ഐ.ടി.ഐ പരിസരത്തുളള 22 തരം മരങ്ങൾ ഐ.ടി.ഐ പരിസരത്ത് വെച്ച്  ജൂലൈ 19 ന് ന് രാവിലെ 11.30 ന് ലേലം ചെയ്ത് വില്‍ക്കും.  കൂടുതല്‍ വിവരങ്ങൾക്ക് ഫോണ്‍:   0483 2850238

ബേപ്പൂര്‍ നടുവട്ടം ക്ഷീര പരിശീലന കേന്ദ്രത്തില്‍ ജൂലൈ 22 മുതല്‍ 26 വരെ മലപ്പുറം,  കോഴിക്കോട്, വയനാട് ജില്ലകളിലെ ക്ഷീരകര്‍ഷകര്‍ക്ക് ശാസ്ത്രീയ പശുപരിപാലനത്തില്‍ പരിശീലനം നല്‍കുന്നു. താത്പര്യമുള്ളവർ ജൂലൈ 21 ന് വൈകീട്ട് അഞ്ചിന് മുമ്പായി 9645922324, 9048376405 എന്നീ ഫോണ്‍ നമ്പറുകള്‍ മുഖാന്തരമോ നേരിട്ടോ പേര് രജിസ്റ്റര്‍ ചെയ്യണം. ആധാര്‍ കാര്‍ഡിന്റെയും ബാങ്ക് പാസ്സ് ബുക്കിന്റെയും പകര്‍പ്പുകള്‍ പരിശീലന സമയത്ത് ഹാജരാക്കുന്നവര്‍ക്ക് ദിനബത്ത, യാത്രാബത്ത എന്നിവ ലഭിക്കും.

136 ഇൻഫന്ററി ബറ്റാലിയൻ (ടി.എ) എക്കോ മഹാര്‍ റെജിമെന്റില്‍ നിന്നും വിരമിച്ച വിമുക്തഭടന്മാർക്കും വിമുക്തഭട വനിതകൾക്കുമായി മഹാരാഷ്ട്ര സംസ്ഥാന വനം വകുപ്പ് റിക്രൂട്ട്മെന്റ് റാലി നടത്തുന്നു. സെപ്റ്റംബർ 23 മുതൽ 28 വരെയാണ് റാലി. കൂടുതല്‍ വിവരങ്ങള്‍ക്ക് ഫോണ്‍:  9168168136

വനിതകൾ ഗൃഹനാഥരായിട്ടുള്ള കുടുംബങ്ങളിലെ കുട്ടികൾക്കായി വനിതാ ശിശു വികസന വകുപ്പ് നടപ്പാക്കുന്ന വിദ്യാധനം സ്കോളർഷിപ്പ് പദ്ധതിയിലേക്ക് അപേക്ഷ ക്ഷണിച്ചു. www.schemes.wcd.kerala.gov.in വഴി ഓണ്‍ലൈന്‍ ആയി അപേക്ഷ നൽകാം.

കുടുംബശ്രീ ജില്ലാ മിഷനിൽ സര്‍വ്വീസ് പ്രൊവൈഡര്‍, സെക്യൂരിറ്റി ഓഫീസര്‍, കമ്മ്യൂണിറ്റി കൗണ്‍സിലര്‍, ജി. ആര്‍. സി. റിസോഴ്‌സ്‌പേഴ്‌സണ്‍, ക്രൈം മാപ്പിംഗ് റിസോഴ്‌സ്‌പേഴ്‌സണ്‍ എന്നീ തസ്തികകളില്‍ കരാര്‍ നിയമനം നടത്തുന്നു.

സര്‍വ്വീസ് പ്രൊവൈഡര്‍ : യോഗ്യത- ഏതെങ്കിലും വിഷയത്തില്‍ 50% മാര്‍ക്കില്‍ കുറയാതെ റെഗുലര്‍ ബിരുദം, കുടുംബശ്രീ മിഷനില്‍ ജെന്‍ഡര്‍ പ്രവര്‍ത്തനങ്ങളില്‍ പ്രവര്‍ത്തിപരിചയം.

സെക്യൂരിറ്റി ഓഫീസര്‍ : എസ് എസ് എൽ സി , സമാന തസ്തികയില്‍ കുറഞ്ഞത് 2 വര്‍ഷത്തെ പ്രവൃത്തിപരിചയം.

ഭിന്നശേഷിക്കാർക്കും ഭിന്നശേഷി മേഖലയിൽ മികച്ച പ്രവർത്തനങ്ങൾ കാഴ്ചവെച്ച വ്യക്തികൾക്കും, സർക്കാർ/ പൊതുമേഖല / സ്വയംഭരണ , സ്വകാര്യ സ്ഥാപനങ്ങൾ ഉൾപ്പടെയുള്ളവർക്കും സന്നദ്ധ സംഘടനകൾക്കും ദേശീയ ഡിസബിലിറ്റി അവാർഡ് 2024 നുള്ള നോമിനേഷനുകൾ നൽകാം. നിർദ്ദിഷ്ട മാനദണ്ഡ പ്രകാരം ഓരോ വിഭാഗത്തിലുമുളള അപേക്ഷകൾ ഓൺലൈനായിട്ടാണ് ലഭ്യമാക്കേണ്ടത്. അവസാന തീയതി ജൂലൈ 31 . കൂടുതൽ വിവരങ്ങൾ www.depwd.gov.in , www.awards.gov.in

ജില്ലയിലെ എയ്ഡഡ് സ്കൂളുകളിലെ അധ്യാപകരുടെയും ജീവനക്കാരുടെയും 2023- 2024 വർഷത്തെ KASEPF ക്രെഡിറ്റ് കാർഡുകൾ ജൂലൈ 15 നു ഗെയിൻ പി എഫ് പോർട്ടലിൽ പ്രസിദ്ധീകരിച്ചിട്ടുണ്ട്. gainpf.kerala.gov.in ൽ നിന്നും വ്യക്തിഗത ലോഗിൻ ഉപയോഗിച്ച് ക്രെഡിറ്റ് കാർഡുകൾ ഡൗൺലോഡ് ചെയ്യാവുന്നതാണെന്ന് വിദ്യാഭ്യാസ ഉപഡയറക്ടർ അറിയിച്ചു.

വനിതാ കമ്മിഷന്‍ ഇടുക്കി ജില്ലാതല അദാലത്ത് ജൂലൈ 26 രാവിലെ 10 മുതല്‍ തൊടുപുഴ മുന്‍സിപ്പല്‍ ടൗണ്‍ഹാളില്‍ നടക്കും . പരാതികൾ തപാൽ മാർഗം കേരള വനിതാ കമ്മിഷൻ, പട്ടം പാലസ് പി.ഒ, പി എം ജി , പാളയം, തിരുവനന്തപുരം - 695 004 എന്ന വിലാസത്തിലോ keralawomenscommission@yahoo.co.in എന്ന ഇ മെയിലിലോ അയക്കാം.