സ്റ്റേറ്റ് റിസോഴ്‌സ് സെന്ററിന്റെ എസ്ആര്‍സി കമ്യൂണിറ്റി കൊളജില്‍ ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്‌മെന്റ് പ്രോഗ്രാമിലേക്ക് പ്ലസ്ടു / തത്തുല്യ യോഗ്യതയുള്ളവര്‍ക്ക് അപേക്ഷിക്കാം.  അവസാന തീയതി ജൂലൈ 20. അപേക്ഷ ഫോം തിരുവനന്തപുരം എസ്ആര്‍സി ഓഫീസില്‍ ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്‌സ് സെന്റര്‍, നന്ദാവനം, വികാസ് ഭവന്‍ പി ഒ, തിരുവനന്തപുരം 33. ഫോണ്‍: 0471 2325101, 8281114464, വെബ്‌സൈറ്റ്: www.src.kerala.gov.in

സാമൂഹികനീതി വകുപ്പ് ട്രാന്‍സ്‌ജെന്‍ഡര്‍ വിദ്യാര്‍ഥികള്‍ക്ക് സ്‌കോളര്‍ഷിപ്പ്, വിവാഹ ധനസഹായം, ഹോസ്റ്റല്‍ സൗകര്യത്തിനുളള ധനസഹായം, സ്ഥലം, കരുതല്‍, യത്‌നം എന്നീ പദ്ധതികളിലേക്ക് അപേക്ഷ ക്ഷണിച്ചു.  അപേക്ഷ സുനീതി പോര്‍ട്ടലിലൂടെ നല്‍കാം. കരുതല്‍, യത്‌നം പദ്ധതികള്‍ക്ക് അപേക്ഷ ജില്ലാ സാമൂഹിക നീതി ഓഫീസില്‍ സമര്‍പ്പിക്കണം.    ഫോണ്‍: 0468 2325168.

സാമൂഹികനീതി വകുപ്പിന്റെ പ്രതിഭ പദ്ധതിയിലേക്ക് അപേക്ഷ ക്ഷണിച്ചു.  ട്രാന്‍സ്‌ജെന്‍ഡര്‍ വ്യക്തികള്‍ക്ക് സംസ്ഥാന ദേശീയ അന്തര്‍ ദേശീയ തലത്തില്‍ ബോഡി ബില്‍ഡിംഗ് ചാമ്പ്യന്‍ഷിപ്പില്‍ മത്സരിക്കുന്നതിന് നിശ്ചിത കാലയളവില്‍ പരിശീലനം നേടുന്നതിനും ദേശീയ അന്തര്‍ ദേശീയ തലങ്ങളില്‍ നടക്കുന്ന സൗന്ദര്യമത്സരം, മറ്റ് കലാകായിക മത്സരങ്ങളില്‍  പങ്കെടുക്കുന്നതിനും ചെലവാകുന്ന തുക ധനസഹായമായി അനുവദിക്കും. അപേക്ഷ ജില്ല സാമൂഹിക നീതി ഓഫീസില്‍ സമര്‍പ്പിക്കണം. ഫോണ്‍: 0468 2325168.

അസാപ് കമ്യൂണിറ്റി സ്‌കില്‍ പാര്‍ക്കില്‍ ഡിപ്ലോമ ഇന്‍ പ്രൊഫഷണല്‍ അക്കൗണ്ടിങ്, ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ്, സ്‌മോള്‍ ക്യാറ്റഗറി ഡ്രോണ്‍ പൈലറ്റ്, ഐലൈയ്ക്ക്  കോഴ്സുകളിലേക്കു പ്രവേശനം ആരംഭിച്ചു. ഫോണ്‍ :9495999688, 9496085912, 9497289688.

സീതത്തോട് ഗ്രാമപഞ്ചായത്തിലെ  മൂഴിയാര്‍, ഗവി, ഗുരുനാഥന്‍മണ്ണ് പട്ടികവര്‍ഗ ഉന്നതികളില്‍  താമസിക്കുന്ന മലപണ്ടാര വിഭാഗത്തില്‍  ഉള്‍പ്പെട്ട 41 പട്ടിക വര്‍ഗ കുടുംബങ്ങള്‍ക്ക് വനാവകാശ നിയമ പ്രകാരം  ഭൂമി നല്‍കുന്നതുമായി ബന്ധപ്പെട്ട് ഭൂമി അളന്ന് തിട്ടപ്പെടുത്തി സര്‍വേ കല്ല് സ്ഥാപിക്കുന്നതിനു സര്‍വേ  കല്ലുകള്‍ എത്തിച്ചു നല്‍കുന്നതിന് താല്‍പ്പര്യമുള്ള വ്യക്തികളില്‍ / സ്ഥാപനങ്ങളില്‍ നിന്ന്  ക്വട്ടേഷന്‍ ക്ഷണിച്ചു. അവസാന തീയതി ജൂലൈ 11 വൈകിട്ട് മൂന്ന്. ഫോണ്‍: 0473 5227703

റാന്നി പെരുനാട് ഗ്രാമപഞ്ചായത്ത് വിജ്ഞാന കേരളം പദ്ധതിയുടെ ഭാഗമായി സംഘടിപ്പിക്കുന്ന ത്രിദിന വ്യക്തിത്വ വികസന പരിശീലന പരിപാടിയുടെ ഉദ്ഘാടനം പ്രസിഡന്റ് പി.എസ് മോഹനന്‍ നിര്‍വഹിച്ചു. പെരുനാട് സര്‍വീസ് സഹകരണ ബാങ്ക് കോണ്‍ഫറന്‍സ് ഹാളില്‍ വൈസ് പ്രസിഡന്റ് ഡി.ശ്രീകല അധ്യക്ഷയായി. റാന്നി ബ്ലോക്ക് പഞ്ചായത്ത് പ്രസിഡന്റ് കെ.എസ് ഗോപി മുഖ്യപ്രഭാഷണം നടത്തി. പരിശീലക ജൂലി മേരി എബ്രഹാം ത്രിദിന പരിശീലനത്തിനു നേതൃത്വം നല്‍കും. ഗ്രാമ പഞ്ചായത്ത് അംഗം സുകുമാരന്‍, ആസൂത്രണ സമിതി ഉപാധ്യക്ഷന്‍ പി.എന്‍.വി ധരന്‍, സെക്രട്ടറി സുനില്‍ കുമാര്‍, പ്രോഗ്രാം മാനേജര്‍ ഡോ. ശ്രീകാന്ത് എന്നിവര്‍ പങ്കെടുത്തു.

കോന്നി ഗ്രാമപഞ്ചായത്ത് കര്‍ഷകസഭയും ഞാറ്റുവേല ചന്തയും കൃഷി ഭവനില്‍ പഞ്ചായത്ത് പ്രസിഡന്റ് ആനി സാബു തോമസ് ഉദ്ഘാടനം ചെയ്തു. വികസനകാര്യ സ്ഥിരം സമിതി  ചെയര്‍പേഴ്സണ്‍ സി.ടി ലതിക കുമാരി അധ്യക്ഷയായി. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ തുളസിമണിയമ്മ മുഖ്യപ്രഭാഷണം നടത്തി. കൃഷി അസിസ്റ്റന്റ് ഡയറക്ടര്‍ ഷെറിന്‍ മുള്ളര്‍ പദ്ധതി വിശദീകരിച്ചു. കര്‍ഷകര്‍ക്കുള്ള പച്ചക്കറി, കുരുമുളക്, തെങ്ങിന്‍ തൈ എന്നിവ വിതരണം ചെയ്തു. പഞ്ചായത്ത് അംഗം തുളസി മോഹന്‍, കൃഷി ഓഫീസര്‍ ലിനി ജേക്കബ്, അസിസ്റ്റന്റ് അജിത് കുമാര്‍ എന്നിവര്‍ പങ്കെടുത്തു.

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് ആന്റ് ട്രെയിനിംഗും സംയുക്തമായി തിരുവനന്തപുരം (0471 – 2474720, 2467728), എറണാകുളം (0484 - 2605322), കോഴിക്കോട് (0495 – 2356591, 2723666) കേന്ദ്രങ്ങളിൽ  ആരംഭിച്ച കേരള ഗവൺമെന്റ് അംഗീകാരമുള്ള ഒരു വർഷ കെ.ജി.ടി.ഇ പ്രീ-പ്രസ്സ് ഓപ്പറേഷൻ, കെ.ജി.ടി.ഇ പ്രസ്സ് വർക്ക്, കെ.ജി.ടി.ഇ പോസ്റ്റ് പ്രസ്സ് ഓപ്പറേഷൻ ആന്റ് ഫിനിഷിംഗ് 2025-26 കോഴ്സുകളിൽ ഒഴിവുള്ള സീറ്റുകളിലേക്ക

കേരള ലോകായുക്ത ജൂലൈ 15 ന് കണ്ണൂർ പിഡബ്ല്യുഡി റസ്റ്റ്‌ഹൗസ് കോൺഫറൻസ് ഹാളിലും, 16 നും 17നും കോഴിക്കോട് പിഡബ്ല്യുഡി റസ്റ്റ്‌ഹൗസ് കോൺഫറൻസ് ഹാളിലും രാവിലെ 10.30 മുതൽ സിറ്റിംഗ് നടത്തും.