ശ്രീകൃഷ്ണപുരം സര്‍ക്കാര്‍ എഞ്ചിനീയറിങ് കോളേജിലെ ബോയ്സ് ഹോസ്റ്റല്‍, വനിതാ ഹോസ്റ്റല്‍ എന്നിവിടങ്ങളിലേക്ക് താല്‍ക്കാലികാടിസ്ഥാനത്തില്‍ ക്ലര്‍ക്ക് കം അക്കൗണ്ടന്റുമാരെ നിയമിക്കുന്നു. കൂടിക്കാഴ്ച ഇന്ന് (ജൂലൈ നാല്)  രാവിലെ 11 മണിക്ക് പ്രിന്‍സിപ്പലുടെ ഓഫീസില്‍ നടക്കും. ബിരുദവും അക്കൗണ്ടിങ്ങിലുള്ള കമ്പ്യൂട്ടര്‍ പരിജ്ഞാന സര്‍ട്ടിഫിക്കറ്റുമാണ് യോഗ്യത. രണ്ടു ഒഴിവുകളാണുള്ളത് (പുരുഷന്‍-1, സ്ത്രീ-1). പ്രായം 22-നും 40-നും മധ്യേ. പ്രവൃത്തി പരിചയമുള്ളവര്‍ക്ക് മുന്‍ഗണന ലഭിക്കും.

വിദ്യാര്‍ഥികളെ വോട്ടിങ് പ്രക്രിയ പരിചയപ്പെടുത്താനും പോളിംഗ് ബൂത്തിലേക്ക് പോകുന്ന പുതിയ വോട്ടര്‍മാര്‍ക്ക് ആശയക്കുഴപ്പമില്ലാതെ വോട്ട് രേഖപ്പെടുത്താനും ജില്ലയില്‍ രൂപകല്‍പ്പന ചെയ്ത വോട്ടര്‍ ബോധവല്‍ക്കരണ ഗെയിം 'ലെറ്റ്സ് വോട്ട്' മുഖ്യതെരഞ്ഞെടുപ്പ് ഓഫീസര്‍ ഡോ. രത്തന്‍ യു.ഖേല്‍ക്കര്‍ ഓണ്‍ലൈനായി ഉദ്ഘാടനം ചെയ്തു. സബ് കലക്ടര്‍ കാര്‍ത്തിക് പാണിഗ്രഹിയുടെ നേതൃത്വത്തില്‍ തലശ്ശേരി എന്‍ജിനീയറിങ് കോളേജിലെ കമ്പ്യൂട്ടര്‍ സയന്‍സ് വിഭാഗവുമായി സഹകരിച്ചാണ് വെര്‍ച്വല്‍ ഇലക്ഷന്‍ ഗെയിം തയ്യാറാക്കിയത്.

പറപ്പൂക്കര ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ ഞാറ്റുവേല ചന്തയും കർഷകസഭയും സംഘടിപ്പിച്ചു.  ജില്ലാ പഞ്ചായത്ത്‌ വൈസ് പ്രസിഡന്റ്‌ ലത ചന്ദ്രൻ ഉദ്ഘാടനം ചെയ്തു.  ഗ്രാമപഞ്ചായത്ത് പ്രസിഡൻറ് ഇ.കെ. അനൂപ് അധ്യക്ഷത വഹിച്ചു.

പറപ്പൂക്കര ഗ്രാമപഞ്ചായത്ത് കാർഷിക വികസന വിപണന കേന്ദ്രം, അഗ്രോസർവീസ് സെൻ്റർ ഇരിങ്ങാലക്കുട എന്നിവർ ഞാറ്റുവേല ചന്തയിൽ പങ്കാളികളായി.

മണ്ണാര്‍ക്കാട് നഗരസഭയുടെ നൂതന പദ്ധതിയായ ടൂറിസം ഹബ് നഗരസഭാ ചെയര്‍മാന്‍ സി.മുഹമ്മദ് ബഷീര്‍ ഉദ്ഘാടനം ചെയ്തു. മണ്ണാര്‍ക്കാടുള്ള ടൂറിസ്റ്റ് കേന്ദ്രങ്ങളിലേക്ക് ജനങ്ങളെ ആകര്‍ഷിപ്പിക്കുക എന്നതാണ് പദ്ധതിയുടെ ലക്ഷ്യം. ഇതിനായി നഗരസഭയുടെ വെബ്‌സൈറ്റ്, ഓഫീസ്, സ്റ്റാഫ്, മറ്റ് അനുബന്ധ സൗകര്യങ്ങള്‍ എന്നിവ സജ്ജമാക്കി.

അപ്പാരൽ ട്രെയിനിംഗ് ആന്റ് ഡിസൈൻ സെന്ററിന്റെ ( എ.ടി.ഡി.സി) കണ്ണൂർ സെന്ററിൽ മൂന്ന് വർഷത്തെ ഫാഷൻ ഡിസൈൻ ആന്റ് റീടെയിൽ ( ബി. വോക്ക് എഫ്.ഡി.ആർ),  അപ്പാരൽ മാനുഫാക്ച്ചറിംഗ് ആന്റ് എൻട്രപ്രണർഷിപ്പ് ( ബി. വോക്ക് എ.എം.ഇ) എന്നീ കോഴ്സുകളിലേക്ക് പ്ലസ് ടു യോഗ്യതയുള്ള വിദ്യാർത്ഥികളിൽ നിന്നും അപേക്ഷ ക്ഷണിച്ചു. താത്പര്യമുള്ളവർ അപ്പാരല്‍ ട്രെയിനിംഗ് ആന്റ് ഡിസൈനിംഗ് സെന്റര്‍, കിന്‍ഫ്ര ടെക്സ്റ്റല്‍ സെന്റര്‍, നാടുകാണി, പള്ളിവയല്‍.പി.ഒ, തളിപ്പറമ്പ, കണ്ണൂര്‍ -670142 എന്ന വിലാസത്തില്‍ ബന്ധപ്പെടണം. ഫോൺ: 8301030362, 9995004269

സംസ്ഥാന യുവജന ക്ഷേമ ബോർഡ് തൃശൂർ ജില്ലാ യുവജന കേന്ദ്രത്തിന്റെ ആഭിമുഖ്യത്തിൽ വരടിയം ഐ.എച്ച്.ആർ.ഡി ഹയർസെക്കന്ററി സ്കൂളിൽ ലഹരി വിരുദ്ധ ദിനാചരണം സംഘടിപ്പിച്ചു. ലഹരി വിരുദ്ധ ബോധവത്കരണത്തിന്റെ ഭാഗമായി കാർട്ടൂൺ, ചിത്രരചന, ഉപന്യാസ രചന, പോസ്റ്റർ നിർമാണം തുടങ്ങിയ മത്സരങ്ങൾ സംഘടിപ്പിച്ചു.  ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ തോംസൺ തലക്കോടൻ ഉദ്ഘാടനം ചെയ്തു. ജില്ലാ യൂത്ത് പ്രോഗ്രാം ഓഫീസർ സി.ടി സബിത അധ്യക്ഷത വഹിച്ചു. സ്കൂൾ പ്രിൻസിപ്പൽ ബിന്ദു , പുഴക്കൽ ബ്ലോക്ക് പഞ്ചായത്ത് യൂത്ത് കോർഡിനേറ്റർ കൃഷ്ണപ്രിയ തുടങ്ങിയവർ സംസാരിച്ചു.

അച്ചടിവകുപ്പ് കണ്ണൂര്‍ ഗവ. പ്രസ്, ക്വാട്ടേഴ്സ് കോമ്പൗണ്ട് എന്നിവിടങ്ങളിലെ മരങ്ങള്‍ ഫോറസ്റ്റ് വകുപ്പിന്റെ അനുമതിയോടെ മുറിച്ചുമാറ്റുന്നതിനുള്ള ലേലം ജൂലൈ 22 ന് രാവിലെ 11 ന് കണ്ണൂര്‍ ഗവ.പ്രസ്സില്‍ നടക്കും. ഇ മെയില്‍: gpc.printing@kerala.gov.in, ഫോണ്‍: 0497 2747306

തലശ്ശേരി പൊതുമരാമത്ത് വകുപ്പ് കെട്ടിട വിഭാഗം  തലശ്ശേരി വിശ്രമ മന്ദിരത്തിലെ കാന്റീന്‍ രണ്ട് വര്‍ഷത്തേക്ക് പാട്ടവ്യവസ്ഥയില്‍ ഏറ്റെടുത്ത് നടത്തുവാന്‍ ക്വട്ടേഷന്‍ ക്ഷണിച്ചു. അപേക്ഷകള്‍ ജൂലൈ 17 ന് രാവിലെ 11 മണിവരെ സ്വീകരിക്കും. ഇ മെയില്‍: eebldknr@gmail.com, ഫോണ്‍: 9497287461