സംസ്ഥാന സഹകരണ വകുപ്പിന് കീഴിലുളള കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ എം.ബി.എ ബാച്ചിലേയ്ക്ക് ഒഴിവുളള സീറ്റുകളിലേയ്ക്കുള്ള അഭിമുഖം ഇന്ന് (ജൂലൈ 25) രാവിലെ 10 മുതല്‍ നെയ്യാര്‍ഡാമിലെ കിക്മ ക്യാമ്പസില്‍ നടക്കും.  

ലോജിസ്റ്റിക്‌സ്, ബിസിനസ് അനലിറ്റിക്‌സ്, ഫിനാന്‍സ്, മാര്‍ക്കറ്റിംഗ്, ഹ്യൂമന്‍ റിസോഴ്‌സ് എന്നിവയില്‍ സ്‌പെഷ്യലൈസേഷന് അവസരമുണ്ട്. സഹകരണ മേഖലയില്‍ പ്രവര്‍ത്തിക്കുന്നവരുടെ ആശ്രിതര്‍ക്കും ഫിഷറീസ്‌ കോളര്‍ഷിപ്പിന് അര്‍ഹതയുളള വിദ്യാര്‍ത്ഥികള്‍ക്കും പ്രത്യേക സീറ്റ് സംവരണം ഏര്‍പ്പെടുത്തിയിട്ടുണ്ട്. 

പൂതാടി കുടുംബാരോഗ്യ കേന്ദ്രത്തില്‍ ലാബ് റിയേജന്റുകള്‍ വിതരണം ചെയ്യാന്‍ താത്പര്യമുള്ളവരില്‍ നിന്ന് ടെന്‍ഡര്‍ ക്ഷണിച്ചു. ഓഗസ്റ്റ് ആറിന് ഉച്ചയ്ക്ക് രണ്ടുവരെ ടെന്‍ഡറുകള്‍ സ്വീകരിക്കും. ഫോണ്‍- 04936 211110

പടിഞ്ഞാറത്തറ സെക്ഷന്‍ പരിധിയില്‍ അറ്റകുറ്റ പ്രവൃത്തി നടക്കുന്നതിനാല്‍ ചെന്നലോട്, വൈപ്പടി, ലൂയിസ് മൗണ്ട്, കാപ്പുവയല്‍, മയിലാടന്‍കുന്ന്, കല്ലങ്കാരി ട്രാന്‍സ്ഫോര്‍മര്‍ പരിധികളില്‍ ഇന്ന് (ജൂലൈ 24) രാവിലെ ഒന്‍പത് മുതല്‍ വൈകിട്ട്  5.30 വരെ വൈദ്യുതി മുടങ്ങും.

കണിയാമ്പറ്റ കാലിക്കറ്റ് യൂണിവേഴ്‌സിറ്റി ടീച്ചര്‍ എജ്യുക്കേഷന്‍ സെന്ററില്‍ സംവരണ സീറ്റൊഴിവ്. ഇ.ഡബ്ല്യു.എസ്-1, ധീവര-1 (നാച്ചുറല്‍ സയന്‍സ്), കുടുംബി-1 (ഇംഗ്ലീഷ്), ഡിഫന്‍സ്-1, പി.എച്ച്-1 (മലയാളം), ഭാഷാ ന്യൂനപക്ഷം-2 (ഫിസിക്കല്‍ സയന്‍സ്-1, സോഷ്യല്‍സ് സയന്‍സ്-1) വിഭാഗങ്ങളിലാണ് ഒഴിവ്. ക്യാപ് ഐ.ഡിയുള്ള അപേക്ഷകര്‍ ജൂലൈ 27 ന് രാവിലെ 11 ന് കോളേജ് ഓഫീസിലെത്തണം. ഫോണ്‍- 9846717461, 9496356970.

ജില്ലയില്‍ സന്ദര്‍ശനം നടത്തിയ സംസ്ഥാന ഭക്ഷ്യ കമ്മീഷന്‍ അംഗം വി രമേശന്‍ ഭക്ഷ്യ സുരക്ഷാ ബോധവത്കരണ ക്ലാസുകള്‍ക്ക് നേതൃത്വം നല്‍കി. ഭക്ഷ്യഭദ്രത നിയമം,  ഐ.സി.ഡി.എസുമായി ബന്ധപ്പെട്ട് ഭക്ഷ്യവിതരണം നടത്തുമ്പോള്‍ ശ്രദ്ധിക്കേണ്ട കാര്യങ്ങള്‍ സംബന്ധിച്ച്  ക്ലാസുകളില്‍ വിശദീകരിച്ചു. തിരുനെല്ലി ഗ്രാമപഞ്ചായത്ത് ഹാളില്‍ നടന്ന പരിപാടിയില്‍ ഐ.സി.ഡി.എസ് പ്രൊജക്ടിലെ അങ്കണവാടി വര്‍ക്കര്‍മാരും തുടര്‍ന്ന് ലിറ്റില്‍ ഫ്‌ളവര്‍ സ്‌കൂളില്‍ നടന്ന പരിപാടിയില്‍ മാനന്തവാടി ഉപജില്ലയിലെ വിവിധ സ്‌കൂളുകളിലെ പ്രധാനാധ്യാപകര്‍, ഉച്ചഭക്ഷണ ചുമതലയുള്ള അധ്യാപകര്‍ എന്നിവര്‍ പങ്കെടുത്തു.

കള്ളാടി മണ്ണിടിച്ചില്‍ മേഖലയില്‍ സമഗ്ര പഠനം അനിവാര്യമാണെന്നും വേഗത്തില്‍ നിഗമനത്തിലെത്താനാകില്ലെന്നും വിദഗ്ധ സമിതി അംഗമായ ഭൗമ ശാസ്ത്രജ്ഞന്‍ ഡോ. സി.പി  രാജേന്ദ്രന്‍. തുരങ്കപാത നിര്‍മ്മാണ പ്രദേശത്തെ മണ്ണിടിച്ചിലുമായി ബന്ധപ്പെട്ട് സമഗ്ര അന്വേഷണത്തിനെത്തിയ വിദഗ്ധ സമിതി ഇന്നലെ (ജൂലൈ 23) ഉച്ചയോടെ സ്ഥലം സന്ദര്‍ശിച്ച് സംസാരിക്കുകയായിരുന്നു. മേഖലയില്‍ അശാസ്ത്രീയ നിര്‍മ്മാണം നടന്നിട്ടുണ്ടോയെന്ന് വിശദമായി പരിശോധിക്കും.

ജില്ലയിലെ വിവിധ കോടതികളിലായി സ്ഥാപിച്ചിട്ടുള്ള 83 ലേസർ പ്രിന്ററുകളിലെ ഒരു വർഷത്തേക്കുള്ള അറ്റകുറ്റപ്പണികൾക്ക് ജില്ലയിലെ അംഗീകൃത വിതരണക്കാരിൽ നിന്നും ക്വട്ടേഷനുകൾ ക്ഷണിച്ചു. ക്വട്ടേഷനുകൾ ആഗസ്റ്റ് നാലിന് ഉച്ചക്ക്  ശേഷം മൂന്ന് വരെ സ്വീകരിക്കും. വിവരങ്ങൾ ജില്ലാ കോടതി ഓഫീസിൽ നിന്നും ലഭിക്കും.  ഫോൺ- 04936 202277

വെള്ളമുണ്ട ഇലക്ട്രിക്കൽ സെക്ഷനു കീഴിൽ പീച്ചങ്കോട് മില്ല്, കുണ്ടോണിക്കുന്ന് ട്രാൻസ്ഫോർമർ പരിധിയിലും വെള്ളമുണ്ട പടാരി റോഡ്, മടത്തുംകുനി, പീച്ചങ്കോട് - അകമനച്ചാൽ ഭാഗങ്ങളിലും ഇന്ന് (ജൂലൈ 24) രാവിലെ 8.30 മുതൽ 5.30വരെ വൈദ്യുതി വിതരണം ഭാഗികമായി തടസ്സപ്പെടും.

കാട്ടിച്ചിറക്കൽ ലിങ്ക് റോഡിൽ കലുങ്ക് പണി നടക്കുന്നതിനാൽ ഇത് വഴിയുള്ള ഗതാഗതത്തിന് നിയന്ത്രണമുണ്ടായിരിക്കുമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു. കലുങ്ക് നിർമ്മാണം പൂർത്തിയാകുന്നതുവരെ കാട്ടിച്ചിറക്കലിൽ നിന്ന് പിച്ചാംകോട് ഹെൽത്ത് സെന്റർ ജംഗ്ഷനിലേക്കുള്ള വാഹനങ്ങൾ നാലാം മൈൽ വഴി തരുവണ റോഡിലൂടെ പിച്ചാംകോട് ഹെൽത്ത് സെന്റർ ജംഗ്ഷനിലെത്തുന്ന രീതിയിലും തിരിച്ചും സഞ്ചരിക്കണം.  

ജില്ലാ അത്ലറ്റിക്‌സ് അസോസിയേഷന്‍റെ ആഭിമുഖ്യത്തിൽ ഒന്നാമത് ലൂയിസ് ഫിലിപ്പ് മെമ്മോറിയൽ ജില്ലാതല ജാവലിംങ്ങ് ത്രോ ചാമ്പ്യൻഷിപ്പ് ആഗസ്റ്റ് ഒന്നിന് മാനന്തവാടി ഗവ: ഹൈസ്‌കൂൾ ഗ്രൗണ്ടിൽ നടക്കും. 14, 16, 18, 20 വയസ്സുള്ള ആൺകുട്ടികൾക്കും പെൺകുട്ടികൾക്കും പുരുഷ-വനിതാ വിഭാഗങ്ങൾക്കുമാണ് മത്സരങ്ങൾ നടക്കുക. താൽപ്പര്യമുള്ള കായിക താരങ്ങൾ ലൂക്കാ ഫ്രാൻസിസ്, സെക്രട്ടറി അത്ലറ്റിക്‌സ് അസോസിയേഷൻ, ജില്ലാ സ്പോർട്‌സ് കൗൺസിൽ, കൽപ്പറ്റ നോർത്ത് എന്ന വിലാസത്തിൽ ജൂലൈ 29നകം എൻട്രികൾ സമർപ്പിക്കണം. ഫോൺ: 9847884242