ദേശീയ പരിസ്ഥിതി ഉച്ചകോടിയുടെ ഭാഗമായി ജില്ലയിലെ ഹരിത കർമ്മ സേനാംഗങ്ങൾക്ക് ജില്ലാതല ക്വിസ് മത്സരം സംഘടിപ്പിക്കുന്നു. ജനുവരി 16ന് ഉച്ചയ്ക്ക് രണ്ടുമണിക്ക് തൃശൂർ സിവിൽ സ്റ്റേഷൻ ജില്ലാ ആസൂത്രണ ഭവൻ ഹാളിലാണ് മത്സരം സംഘടിപ്പിക്കുന്നത്. ഹരിതകേരളം മിഷന്റെ നേതൃത്വത്തിൽ സംഘടിപ്പിക്കുന്ന "പരിസ്ഥിതി പുനസ്ഥാപനത്തിന്റെ പത്തുവർഷങ്ങൾ" എന്ന ജില്ലാതല സെമിനാറിന്റെ ഭാഗമായാണ് മത്സരം. പങ്കെടുക്കാൻ ആഗ്രഹിക്കുന്നവർ ഹരിത കേരളം മിഷൻ ബ്ലോക്ക് കോ-ഓഡിനേറ്റർമാർ മുഖേന 9496217532 എന്ന നമ്പറിൽ ജനുവരി 15ന് മുൻപേ രജിസ്റ്റർ ചെയ്യണം.

ഐ.എച്ച്.ആര്‍.ഡിയുടെ തിരുവനന്തപുരം മുട്ടട റീജിയണൽ സെൻ്റർ നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു. പി.ജി ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, പി.ജി ഡിപ്ലോമ ഇന്‍ സൈബര്‍ ഫോറന്‍സിക് ആന്‍ഡ് സെക്യൂരിറ്റി കോഴ്‌സ്, ഡാറ്റാ എന്‍ട്രി ടെക്‌നിക്‌സ് ആന്‍ഡ് ഓഫീസ് ഓട്ടോമേഷന്‍, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് എന്നീ കോഴ്‌സുകളിലേക്കാണ് അപേക്ഷ ക്ഷണിച്ചത്.  

തൃശ്ശൂർ ജില്ലയിൽ വിവിധ വകുപ്പുകളിൽ ലോവർ ഡിവിഷൻ ടൈപ്പിസ്റ്റ് (എസ്.ടി  പ്രത്യേക റിക്രൂട്ട്മെന്റ്) (കാറ്റഗറി നമ്പർ: 216/2019) തസ്തികയിലേക്ക് 2022 നവംബർ ഒന്നിന് പ്രാബല്യത്തിൽ വന്ന 635/2022/ഡി ഒ ആർ നമ്പർ റാങ്ക് പട്ടിക, മൂന്ന് വർഷ കാലാവധി പൂർത്തിയയതിനെ തുടർന്ന് 2025 നവംബർ ഒന്നിന് പൂർവ്വാഹ്നത്തിൽ നിലവിലില്ലാത്ത വിധം 2025 ഒക്ടോബർ 31 അർദ്ധരാത്രി മുതൽ റദ്ദാക്കിയതായി കേരള പബ്ലിക് സർവീസ് കമ്മീഷൻ ജില്ലാ ഓഫീസർ അറിയിച്ചു.

ഗവ. ഐ ടി ഐ ചാലക്കുടിയിൽ 2011 വർഷം മുതൽ അഡ്മിഷനായ ട്രെയിനികളുടെ പ്രൊഫൈൽ ഗ്രീവൻസ് സംബന്ധമായ തിരുത്തലുകൾ വരുത്തുന്നതിന് എസ് ഐ ഡി എച്ച് പോർട്ടലിൽ അവസരം.  വിശദ വിവരങ്ങൾക്ക് 0480- 2701491 എന്ന നമ്പറിലോ coe.itichalakudy@gmail.com
എന്ന വിലാസത്തിലോ ബന്ധപ്പെടുക.
 

കെൽട്രോണിൻ്റെ എറണാകുളത്തുള്ള സെൻ്ററിൽ  സർക്കാർ അംഗീകൃത കോഴ്‌സുകളായ പി.ജി. ഡിപ്ലോമ ഇൻ കമ്പ്യൂട്ടർ അപ്ലിക്കേഷൻ, ഡിപ്ലോമ ഇൻ കമ്പ്യൂട്ടർ അപ്ലിക്കേഷൻ, എ. ഐ ഡിജിറ്റൽ മാർക്കറ്റിംഗ്, ഡിപ്ലോമ ഇൻ കമ്പ്യൂട്ടർ ഹാർഡ്‌വെയർ ആൻഡ് നെറ്റ്‌വർക്ക് മെയിൻ്റനൻസ് വിത്ത് ഇഗാഡ്‌ജെറ്റ് ടെക്നോളജി എന്നീ കോഴ്‌സുകളിലേക്കുള്ള സ്പോട്ട് അഡ്‌മിഷൻ ആരംഭിച്ചു. അവസാന തീയതി ജനുവരി 24. കൂടുതൽ വിവരങ്ങൾക്ക് 0484 -2971400, 8590605259 എന്ന ഫോൺ നമ്പറിലോ, ഹെഡ് ഓഫ് സെൻ്ററർ. എം ഇ എസ് കൾച്ചറൽ കോംപ്ലക്സ്, കലൂർ, എറണാകുളം- 682017 എന്ന വിലാസത്തിലോ ബന്ധപ്പെടുക.
 

പ്രവാസി കമ്മീഷൻ അദാലത്ത് ജനുവരി 13ന് രാവിലെ പത്ത് മണിക്ക് ജില്ലാ കളക്ട്രേറ്റ് കോൺഫറൻസ് ഹാളിൽ നടക്കും. പ്രവാസികളെ സംബന്ധിക്കുന്ന ഏതു വിഷയവും അദാലത്തിൽ ഉന്നയിക്കാവുന്നതാണ്. പ്രവാസി കമ്മീഷൻ ചെയർപേഴ്സൺ ജസ്റ്റിസ് സോഫി തോമസ്, പ്രവാസി കമ്മീഷൻ സെക്രട്ടറി ആർ. ജയറാം കുമാർ, പ്രവാസി കമ്മീഷൻ അംഗങ്ങളായ പി.എം. ജാബിർ, ഡോ. മാത്യൂസ് കെ. ലൂക്കോസ് എം.എം. നഈം, ജോസഫ്‌ ദേവസ്യ പൊന്മാങ്കൽ എന്നിവർ പങ്കെടുക്കും. കൂടുതൽ വിവരങ്ങൾക്ക് : 0471 2322311.

  സംസ്ഥാന സ്കൂൾ കലോത്സവത്തിലെ ചാമ്പ്യൻമാർക്ക് സമ്മാനിക്കുന്ന സ്വർണക്കപ്പ് ഘോഷയാത്രയായി ജില്ലയിൽ എത്തി. ജില്ലയിലെ വിവിധ നിയോജകമണ്ഡലങ്ങളിൽ സ്വർണക്കപ്പിന് ജനപങ്കാളിത്തത്തോടെയുള്ള ഉജ്ജ്വല സ്വീകരണമാണ് ലഭിച്ചത്. ചാലക്കുടി ഗവൺമെന്റ് ബോയ്സ് ഹയർ സെക്കൻഡറി സ്കൂളിൽ സംഘടിപ്പിച്ച ചടങ്ങോടെയാണ് ജില്ലയിലെ ഔദ്യോഗിക സ്വീകരണം ആരംഭിച്ചത്.  പൊതുയോഗം സനീഷ് കുമാർ ജോസഫ് എം എൽ എ ഉദ്ഘാടനം ചെയ്തു. ജില്ലാ കളക്ടർ അർജുൻ പാണ്ഡ്യൻ അധ്യക്ഷത വഹിച്ചു.

2025-26 അധ്യയന വർഷത്തിൽ കേരള നടനം വിഭാഗത്തിൽ സപ്പോർട്ടിങ് ആർട്ടിസ്റ്റ് ഇൻ ചെണ്ട ഫോർ ഡാൻസ് തസ്തികയിലേക്ക് ദിവസ വേതനാടിസ്ഥാനത്തിൽ നിയമിക്കുന്നതിന് ജനുവരി 20 ന് അഭിമുഖം നടക്കും.

കൊല്ലം ശ്രീ നാരായണ ഗുരു സാംസ്കാരിക സമുച്ചയം, പാലക്കാട് വി. ടി. ഭട്ടതിരിപ്പാട് സാംസ്കാരിക സമുച്ചയം എന്നിവയുടെ കാര്യക്ഷമമായ നടത്തിപ്പിനായി മാനേജ്‌മെന്റ് വൈദഗ്ധ്യവും ഉയർന്ന കാര്യശേഷിയും സാംസ്കാരിക സമുച്ചയങ്ങളുടെ സ്ഥാപനങ്ങളുടെ മേൽനോട്ടം നിർവഹിച്ച് മുൻപരിചയവുമുള്ള സഹകരണ സ്ഥാപനങ്ങളിൽ നിന്ന് താത്പര്യപത്രം ക്ഷണിച്ചു.

പട്ടികജാതി വികസന വകുപ്പിന്റെ കീഴിൽ ആലുവ സബ് ജയിൽ റോഡിൽ പ്രവർത്തിക്കുന്ന ഗവ.