എസ്.ആര്‍.സി കമ്യൂണിറ്റി കോളേജില്‍ യോഗ സര്‍ട്ടിഫിക്കറ്റ് പ്രോഗ്രാമിന് പത്താം ക്ലാസ് പാസായവര്‍ക്ക് ഓണ്‍ലൈനായി അപേക്ഷിക്കാം. 17 വയസ് പൂര്‍ത്തിയാക്കിയിരിക്കണം. ഉയര്‍ന്ന പ്രായപരിധിയില്ല. സര്‍ട്ടിഫിക്കറ്റ് പ്രോഗ്രാം വിജയകരമായി പൂര്‍ത്തിയാക്കിയവര്‍ക്ക് പ്ലസ്ടു യോഗ്യതയുണ്ടെങ്കില്‍ യോഗ ഡിപ്ലോമ ടീച്ചര്‍ ട്രെയിനിങ് പ്രോഗ്രാമിലേക്ക് ലാറ്ററല്‍ എന്‍ട്രി വഴി പ്രവേശനം ലഭിക്കും. അപേക്ഷകള്‍ https://app.srccc.in/register മുഖേന ജൂണ്‍ 30 നകം സമര്‍പ്പിക്കണം.

റെഡ് അലെർട്ട് പ്രഖ്യാപിച്ച സാഹചര്യത്തിൽ ജില്ലാ കളക്ടറുടെ അദ്ധ്യക്ഷതയിൽ ജില്ലാതല ഉദ്യോഗസ്ഥരുടെ അടിയന്തര യോഗം ചേർന്ന് മുന്നൊരുക്കങ്ങൾ വിലയിരുത്തി. എല്ലാ വകുപ്പുകളോടും ജാഗ്രത പാലിക്കാനും അടിയന്തര സാഹചര്യമുണ്ടായാൽ ഉടൻ ആവശ്യമായ ഇടപെടലുകൾ നടത്താനും ജില്ലാ കളക്ടർ നിർദേശിച്ചിട്ടുണ്ട്. വിവിധ വകുപ്പുകൾ ഇതിനോടകം സ്വീകരിച്ച നടപടികൾ ഉദ്യോഗസ്ഥർ യോഗത്തിൽ വിശദീകരിച്ചു. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ, സബ്‍ കളക്ടർ അതുൽ സാഗർ, ജില്ലാ പൊലീസ് മേധാവി അരുൺ കെ പവിത്രൻ, ജില്ലയിലെ വിവിധ വകുപ്പുകളിൽ നിന്നുള്ള ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

സര്‍ക്കാര്‍ അംഗീകൃത ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സിലേക്ക് അപേക്ഷിക്കാം. 50 ശതമാനം മാര്‍ക്കോടെ രണ്ടാം ഭാഷ ഹിന്ദിയിലുള്ള പ്ലസ് ടൂ യോഗ്യതയും, പ്രചാരസഭകളുടെ അംഗീകൃത ഹിന്ദി കോഴ്സുകള്‍, ഡിഗ്രി, എം എ വിജയിച്ചവര്‍ക്ക് അപേക്ഷിക്കാം.  പ്രായപരിധി 17-35 . പട്ടികജാതി-പട്ടികവര്‍ഗക്കാര്‍ക്ക് ഫീസ് ഇളവ് ഉണ്ടായിരിക്കും.   ജൂണ്‍ 15 വൈകിട്ട് അഞ്ചിനകം  മെറിറ്റ് അപേക്ഷ https://kbpe.kerala.gov.in/deled2026   മുഖേനയും മാനേജ്‌മെന്റ് അപേക്ഷ ഭാരത് ഹിന്ദി പ്രചാര കേന്ദ്രം അടൂര്‍ പത്തനംതിട്ട ജില്ല   വിലാസത്തിലും സമര്‍പ്പിക്കണം.

കരുനാഗപ്പള്ളി മോഡല്‍ പോളിടെക്നിക്ക് കോളേജില്‍ ഡാറ്റാ എന്‍ട്രി ഓപ്പറേറ്റര്‍ ട്രെയിനി തസ്തികയില്‍ താല്‍ക്കാലിക ഒഴിവ്. യോഗ്യത: കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് കോഴ്സ്/ഒരു വര്‍ഷ ദൈര്‍ഘ്യമുള്ള   സര്‍ക്കാര്‍ അംഗീകൃത ഡാറ്റാ എന്‍ട്രി ടെക്നിക്സ് ആന്‍ഡ് ഓഫീസ് ഓട്ടോമേഷന്‍ മലയാളം ടൈപ്പ് റൈറ്റിംഗ്, ടാലി അഭികാമ്യം. അസല്‍ സര്‍ട്ടിഫിക്കറ്റുകളും പകര്‍പ്പുകളുമായി  ജൂണ്‍ 12 രാവിലെ 10ന്  നടത്തുന്ന   അഭിമുഖത്തിന് ഹാജരാകണം. ഫോണ്‍:  9447488348, 8547005083.
 
 

ജില്ലയിലെ കാലവര്‍ഷ മുന്നൊരുക്കം വിലയിരുത്തുന്നതിന് പൊതുവിദ്യാഭ്യാസ, ന്യൂനപക്ഷ ക്ഷേമ വകുപ്പ് മന്ത്രി എന്‍ ഷംസുദ്ദീന്റെ അധ്യക്ഷതയില്‍ ജൂണ്‍ ഒമ്പതിന് ഉച്ചയ്ക്ക് 12ന് കലക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ബന്ധപ്പെട്ട ഉദ്യോഗസ്ഥര്‍ യോഗത്തില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

ജില്ലയിൽ ശനി, ഞായർ ദിവസങ്ങളിൽ കേന്ദ്ര കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചു. രണ്ട് ദിവസങ്ങളിലും അതിതീവ്രമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 204.4 മില്ലീമിറ്ററിൽ കൂടുതൽ മഴ ലഭിക്കുമെന്നാണ് അതിതീവ്രമായ മഴ എന്നതുകൊണ്ട് കാലാവസ്ഥാ വകുപ്പ് അർത്ഥമാക്കുന്നത്. ശക്തമായ മഴ ലഭിച്ചു കൊണ്ടിരിക്കുന്ന മലയോര മേഖലയിൽ മണ്ണിടിച്ചിൽ, ഉരുൾപൊട്ടൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിലുള്ളവരും സ്ഥിരമായി വെള്ളക്കെട്ട് രൂപപ്പെടാറുള്ള താഴ്ന്ന പ്രദേശങ്ങളിൽ താമസിക്കുന്നവരും അതീവ ജാഗ്രത പുലർത്തണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നൽകിയിട്ടുണ്ട്.

കൊട്ടാരക്കര ടൗണ്‍ എംപ്ലോയ്മെന്റ് എക്സ്ചേഞ്ചിലെ കരിയര്‍ ഡവലപ്പ്‌മെന്റ് സെന്ററില്‍ സൗജന്യ വേഡ് പ്രോസസിംഗ് ക്ലാസുകള്‍ ജൂണ്‍ 15 ന്  രാവിലെ 10 ന് ആരംഭിക്കും.  ഫോണ്‍:   0474 2919612, 9633450297.
 
 

കേരള ജലസേചന വകുപ്പിന്റെ വാഴാനി ഇറിഗേഷൻ സെക്ഷൻ പരിധിയിലെ ഇടതുകര മെയിൻ കനാൽ സംരക്ഷണ ഭിത്തിക്കും സമീപവാസികളുടെ ജീവനും സ്വത്തിനും ഭീഷണിയായി നിലകൊള്ളുന്ന മരങ്ങൾ പരസ്യമായി ലേലം ചെയ്ത് വിൽക്കുന്നു.
തലപ്പിള്ളി ഇറിഗേഷൻ സബ് ഡിവിഷൻ കാര്യാലയത്തിൽ ജൂൺ 15-ന് രാവിലെ 11 നാണ് ലേലം. നേരിട്ട് പങ്കെടുക്കാൻ സാധിക്കാത്തവർ ജൂൺ 12 ന് വൈകിട്ട് നാലിനകം ക്വട്ടേഷൻ സമർപ്പിക്കണം. വിശദാംശങ്ങൾക്ക് ഓഫീസുമായി പ്രവൃത്തി സമയത്ത് നേരിട്ട് ബന്ധപ്പെടുക.

അടൂരിലെ ഭാരത് ഇൻസ്റ്റിറ്റ്യൂട്ട് ഓഫ് ലാംഗ്വേജ് ടീച്ചർ എഡ്യൂക്കേഷനിൽ രണ്ട് വർഷത്തെ റഗുലർ ഹിന്ദി ഡിപ്ലോമ ഇൻ എലിമെൻ്ററി എഡ്യൂക്കേഷൻ  കോഴ്സിലേക്ക് അപേക്ഷ ക്ഷണിച്ചു.  2026-2028 ബാച്ചിലെ മെറിറ്റ്, മാനേജ്മെന്റ്റ് സീറ്റുകളിലേക്കാണ്  അവസരമുള്ളത്.

രണ്ടാം ഭാഷയായി ഹിന്ദി പഠിച്ച്
 50 ശതമാനം മാർക്കോടെ പ്ലസ് ടൂ വിജയിച്ചവർക്കും വിവിധ പ്രചാരസഭകളുടെ അംഗീകൃത ഹിന്ദി കോഴ്‌സുകൾ, ഹിന്ദി ഡിഗ്രി, എം.എ എന്നിവ പാസായവർക്കും കോഴ്സിന് അപേക്ഷിക്കാം. അപേക്ഷകർക്ക് 17 നും 35 നും ഇടയിൽ പ്രായമുണ്ടായിരിക്കണം. എന്നാൽ പട്ടികജാതി, പിന്നാക്ക വിഭാഗങ്ങളിൽപ്പെട്ടവർക്ക് നിയമാനുസൃതമായ പ്രായപരിധി ഇളവ് ലഭിക്കും.