ചടയമംഗലം സര്‍ക്കാര്‍  ഐ.ടി.ഐയില്‍ സര്‍വേയര്‍ ടേഡില്‍ (മുസ്ലിം വിഭാഗത്തില്‍) ഗസ്റ്റ് ഇന്‍സ്ട്രക്ടറെ നിയമിക്കും. യോഗ്യത: എസ്.എസ്.എല്‍.സി അല്ലെങ്കില്‍ തതുല്യം, ബന്ധപ്പെട്ട ട്രേഡില്‍ എന്‍ടിസിയും മൂന്ന് വര്‍ഷത്തെ  പ്രവൃത്തിപരിചയവും. അല്ലെങ്കില്‍  എന്‍എസിയും ഒരു വര്‍ഷത്തെ  പ്രവൃത്തിപരിചയവും  അല്ലെങ്കില്‍    ഡിപ്ലോമ അല്ലെങ്കില്‍ തതുല്യം. ഉയര്‍ന്ന യോഗ്യതയും പരിഗണിക്കും. അസല്‍ സര്‍ട്ടിഫിക്കറ്റുമായി ഏപ്രില്‍ 10ന് രാവിലെ 11  ന്   ഐ.ടി.ഐയില്‍ അഭിമുഖത്തിന് പങ്കെടുക്കണം.  ഫോണ്‍ 0474 2914794.
 

പുന്നപ്ര എംആര്‍എസ്സില്‍ 2025-26 അധ്യയന വര്‍ഷം വിവിധ ക്ലാസുകളിലെ ഒഴിവുകളിലേക്ക് അപേക്ഷ ക്ഷണിച്ചു. അഞ്ചാം ക്ലാസില്‍ 10 ഉം ആറാംക്ലാസില്‍ 13 ഉം ഏഴാം ക്ലാസില്‍ ഏഴും എട്ടാംക്ലാസില്‍ ഒന്നും ഒമ്പതാം ക്ലാസില്‍ ഒന്നും ഒഴിവുകളാണുള്ളത്. അപേക്ഷകള്‍ ഏപ്രില്‍ 15 നകം പുന്നപ്ര എംആര്‍എസ്സില്‍ ലഭിക്കണം. സ്‌കൂള്‍തല പ്രവേശന പരീക്ഷയുടെ അടിസ്ഥാനത്തിലായിരിക്കും പ്രവേശനം. അപേക്ഷാ ഫോമിനും വിശദവിവരങ്ങള്‍ക്കും ബന്ധപ്പെട്ട ബ്ലോക്ക് പട്ടികജാതി വികസന ഓഫീസുകള്‍, എംആര്‍എസ് എന്നിവയുമായി ബന്ധപ്പെടുക. കൂടുതല്‍ വിവരങ്ങള്‍ക്ക് ഫോണ്‍: 7902544637.

(പി.ആര്‍/എ.എല്‍.പി/1045)

    കൊട്ടാരക്കര മഹാഗണപതിക്ഷേത്ര ഉത്സവത്തോടനുബന്ധിച്ച് മെയ് രണ്ടിന് ക്ഷേത്രവും രണ്ട് കിലോമീറ്റര്‍ ചുറ്റളവിലുള്ള പ്രദേശങ്ങളും  ഉത്സവമേഖലയായി പ്രഖ്യാപിച്ചു.   ക്ഷേത്രത്തിന് ഒരു കിലോമീറ്റര്‍ ചുറ്റളവിലുള്ള  പ്രദേശം സമ്പൂര്‍ണ മദ്യനിരോധിത മേഖലയായും പ്രഖ്യാപിച്ചു.  ഹരിതചട്ടം കര്‍ശനമായി പാലിക്കണം. ഭക്ഷ്യസുരക്ഷ, ശബ്ദമലിനീകരണം, പരിസര മലിനീകരണം തുടങ്ങിയവയിലും ക്രമസമാധാനപാലനത്തിലും ബന്ധപ്പെട്ട വകുപ്പുകള്‍ നടപടികള്‍ സ്വീകരിക്കാനും നിര്‍ദേശിച്ചു.
 

പുനലൂര്‍ സര്‍ക്കാര്‍ പോളിടെക്‌നിക് കോളേജില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, സര്‍ട്ടിഫിക്കറ്റ് കോഴ്‌സ് ഇന്‍ ഇലക്ട്രിക്കല്‍ വെയര്‍മാന്‍, എം എസ് ഓഫീസ് കോഴ്സുകളിലേക്ക് അപേക്ഷിക്കാം ഫോണ്‍  : 7736220294, 9895645534.
 

 കാര്‍ഷിക മേഖലയില്‍ ഡ്രിപ്, സ്പ്രിങ്ക്ളര്‍, മൈക്രോ സ്പ്രിങ്ക്ളര്‍, റെയ്ന്‍ ഗണ്‍ തുടങ്ങിയവ സ്ഥാപിക്കുന്നതിന് അപേക്ഷ ക്ഷണിച്ചു. ചെറുകിട കര്‍ഷകര്‍ക്ക് അനുവദനീയ ചെലവിന്റെ 55 ശതമാനവും മറ്റു കര്‍ഷകര്‍ക്ക് 45 ശതമാനവും സാമ്പത്തിക ആനുകൂല്യം ലഭിക്കും. ഒരു ഗുണഭോക്താവിന് പരമാവധി അഞ്ച് ഹെക്ടര്‍ കൃഷിക്ക് ആനുകൂല്യം ലഭിക്കും.  

മാവേലിക്കര തപാൽ ഡിവിഷനിൽ കൊല്ലം ആർഎംഎസ്-മാവേലിക്കര-താമരക്കുളം-നൂറനാട്-പടനിലം റൂട്ടിൽ കത്തുകൾ എത്തിക്കുന്നതിന് 2025 ഏപ്രിൽ മുതൽ രണ്ട് വർഷക്കാലയളവിലേക്ക് വാണിജ്യ വാഹനങ്ങൾ വാടകയ്ക്ക് എടുക്കുന്നതിന് ഇ-ടെൻഡർ ക്ഷണിച്ചു. അഞ്ച് വർഷത്തിൽ കുറവ് കാലപ്പഴക്കമുള്ളതും 15000 കിലോഗ്രാമിൽ കുറയാത്ത ഭാരം വഹിക്കാന്‍ ശേഷിയുള്ളതുമായ വാഹനങ്ങളുടെ ഉടമസ്ഥർക്ക് അപേക്ഷിക്കാം. ടെൻഡർ സ്വീകരിക്കുന്ന അവസാന തീയതി ഏപ്രിൽ 17 വൈകിട്ട് നാല് മണി. ഫോൺ: 0479 2302290, 0479 2303293.

(പി.ആര്‍/എ.എല്‍.പി/1044)

പട്ടണക്കാട് ബ്ലോക്ക് പഞ്ചായത്ത് 2024-25 വാർഷിക പദ്ധതിയിൽ ഉൾപ്പെടുത്തി നവീകരിച്ച വെട്ടയ്ക്കൽ ചെള്ളപ്പുറം ശ്രീ ഘണ്ഠാകർണ്ണസ്വാമി ക്ഷേത്രം ആറാട്ടുകുളത്തിന്റെ ഉദ്ഘാടനം കൃഷി വകുപ്പ് മന്ത്രി പി പ്രസാദ് നിർവഹിച്ചു. കുളങ്ങളും തോടുകളും സംരക്ഷിക്കേണ്ടത് അത്യന്താപേക്ഷിതമാണെന്ന് മന്ത്രി പറഞ്ഞു. 

ആറ് ലക്ഷം രൂപ വിനിയോഗിച്ചാണ് ആറാട്ടുകുളം ശുദ്ധീകരിച്ച് കല്ലുകെട്ടി നവീകരിച്ചത്. പൊതു കുളങ്ങൾ സംരക്ഷിക്കുന്നതിന്റെ ഭാഗമായി പട്ടണക്കാട് ബ്ലോക്ക് പഞ്ചായത്ത് 59 ലക്ഷം രൂപ വിനിയോഗിച്ച് എട്ട് കുളങ്ങളുടെ നവീകരണ പ്രവർത്തികൾ പൂർത്തീകരിച്ചിട്ടുണ്ട്. 

ലൈം​ഗിക ചൂഷണങ്ങളിൽ നിന്ന് നമ്മുടെ കുഞ്ഞുങ്ങളെ രക്ഷിക്കുന്നതിനും അവർക്ക് ശരിയായ അവബോധം നൽകുന്നതിനും അധ്യാപകരുടെ പങ്ക് വളരെ വലുതാണെന്ന് ജില്ലാ കളക്ടർ അനു കുമാരി. ജില്ലയിലെ തെരഞ്ഞെടുക്കപ്പെട്ട അധ്യാപകർക്കായി കളക്ടറേറ്റ് കോൺഫറൻസ് ഹാളിൽ സംഘടിപ്പിച്ച സമ​ഗ്ര ലൈം​ഗികതാ വിദ്യാഭ്യാസത്തെക്കുറിച്ചുള്ള ഓറിയന്റേഷൻ ക്ലാസ്സിൽ സംസാരിക്കുകയായിരുന്നു അവർ.

ജില്ലാ വ്യവസായ കേന്ദ്രത്തിന്റെ കീഴിൽ രൂപീകരിക്കുന്ന എം എസ് എം എ ക്ലിനിക്കിലെ 40 അംഗ പാനലിലേക്ക് അപേക്ഷ ക്ഷണിച്ചു.
 ബാങ്കിംഗ് ജിഎസ്ടി അനുമതികളും ലൈസൻസുകളും,  ടെക്നോളജി, മാർക്കറ്റിംഗ്, നിയമം, ഡിപിആർ തയ്യാറാക്കൽ തുടങ്ങിയ മേഖലകളിൽ വൈദഗ്ധ്യം ഉള്ളവരും അതാത് മേഖലയിൽ രണ്ടു വർഷത്തിൽ കുറയാത്ത പ്രവൃത്തി  പരിചയമുള്ളവർക്കും അപേക്ഷിക്കാം.  സേവനത്തിൽ നിന്നും വിരമിച്ചവരെയും പരിഗണിക്കും. അപേക്ഷകൾ  ഏപ്രിൽ 15ന് മുൻപായി ജില്ലാ വ്യവസായ കേന്ദ്രത്തിൽ ലഭ്യമാക്കണം. വിശദവിവരങ്ങൾക്ക് 0471-2326756